1 KOREN 6
6
A tangaloi ram huri Jisas Kraes rain vei vurugegi na nora rongesi sibora
1?Igimiu hi nem huri Kraes, tare a nomiu rongesi mei tuemiu tea, igimiu nein lei gimiu sibomiu vin vano lawe na vevegi ngehi rahe vovohoi tea lo nagoi God mwerehilogo? ?Huri havagineu nehe lado tea ve a sinobu noi God ran vevegi na nora vai vagasile sibora? 2A hogo, igimiu neu ilo ve a sinobu noi God rain vevegi na ure. Siu tare ve igimiu nein vevegi na ure, ?Wa igimiu nein he vai lei tea ve nein vevegi na rongesi hi rau biti? 3Lo taro mo vanai mosigei, igimiu neu ilo ve igide dain veveginire engsel, siu a hogo igide dain vevegi lei na gineu rau biti lo mwasoana ta gaqarigi ngaha. 4Tare ve a nomiu rongesi tea ve rain vano lo leo vevegi, ?Wa igimiu nein leo wahe na tangaloi tavala varea ngerehi rahe ilo na warelue tea? 5Ineu nam veve mwere ngaha ve na vaga maemaegi gimiu. A hogo a tangaloi tea mei gimiu u mataisao ve vin vevegi na rongesi hi mo eno lo livugara tangaloi lado hogo. 6Nge he garea tea ve a tangaloi lado hogo gatagale mo lai na tangaloi lado hogo tuegi mo vano lo kot ve a vevegi ngerehi rahe lado hogo tea gi God ve ran veveginie.
7Lune gatagale dein gimiu mo lai tuana vano lo kot, mo haharagi huri ve igimiu doluegi neu vagasile beno. U garea ve nen siregi ve ran lama gimiu ko ran balu nomiu vivilakogi. 8?Igimiu a hava tangaloi? Nem vui tuetue nge nehe bulu garea tea mei gimiu, vage igimiu nem balu dein gimiu sibomiu. 9?Wa igimiu nehe ilo tea ve a sinobu hi rau galegaleasi rain he lai na vai garea tea hi lolo ute noi God? 10Igimiu nein mese vagalengagi gimiu sibomiu. A mwera ram maturu mena vavine wagiwegineu, lavasigi ram huduhudu goro na god wagineu, a mwera rahe toga gogona tea lo nora lagiana sige a vavine rahe toga gogona tea lo nora lagiana, a mwera ram sogagi beture lawe na mwera taligu, a mwera ram maturu mena mwera taligu, ngerehi ram balubelu, ram lado lawua, ram torongo, ram veve leo kalikeli vovohoire lavasigi, a sinobu ngerehi rain he lai hougi na ute noi God tea. 11Tuei beno igimiu lavasigi neu mwerehi, nge siserigi ngaha neu solo mwasaragi gimiu. U vei gogonagi gimiu, ko neu vovohoi lo nagoi God lo henai Huqe i Jisas Kraes ko a Vui noi noda God.
A tarabesimu a noi Kraes
12Lalavasigi dein gimiu ram veve vena, “Igamai gain vei lei na gineu doluegi,” nge hatie ve a gineu doluegi rau garea meieu ve nain veire. “Igamai gain vei lei na gineu doluegi,” nge nain he siregi tea gineu ve na huqegi goroau. 13Igimiu nem veve vage vena, “A hinaga mo eno huri na taqangide ko a taqangide mo eno huri na hinaga.” Nge nam veve lawe gimiu i God vin vei vohoginire vunu. Igide dain he vai gineu esi tea gina tarabeside. Igide ve dain vei tabana ginire lawe na Huqe ngehi mo leo goro na tarabeside. 14I God vin vei ragasi gide sulo mwaso dena mateana gina managi hi teu, ngehi u ragasi na noda Huqe sulo mwasoana.
15?Wa igimiu nehe ilo tea ve a tarabesimiu a duvi tarabesi Kraes? ?Wa u garea meieu ve nain bulu bubugi na tarabesi Kraes talo tarabesi vavine hi mo sogagi tarabesine huri mane? Hatie. Hatie vohogi. 16Igimiu nein ilo ve ihine tea mo maturu mena vavine hi mo sogagi na betune huri mane ko mo bulu bubugi meie lo tarabesigi. Mwerehi a Reve reve Gogona mo veve vena, “Ingere gairue rom bulu bubugi rom voragi na tarabesigi gatagale.” 17Nge ihine tea mo bubugi mena Huqe, mo bulu bubugi meie lo Vui.
18Siu igimiu nen tino vagahao dena halai galegaleasi talo tarabesigi. A galegaleasi lavasigi hi a sinobu ram vaire tavala varea dena tarabesire, nge irahine hi ram galegaleasi gina tarabesire, ram galegaleasi gorora sibora. 19Igimiu nein ilo huri ve a tarabesimiu a vale mo eno lawe na Vui Gogona, ngehi mo eno lolo lolomiu. Igimiu neu lei na Vui Gogona dein God, siu igimiu nehe huqegi goro na tarabesimiu tea sibomiu, nge i God. 20A vevenagi i God u voli tuguhi gimiu. Siu igimiu nein lado mava ginie gina tarabesimiu.
Currently Selected:
1 KOREN 6: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
1 KOREN 6
6
A tangaloi ram huri Jisas Kraes rain vei vurugegi na nora rongesi sibora
1?Igimiu hi nem huri Kraes, tare a nomiu rongesi mei tuemiu tea, igimiu nein lei gimiu sibomiu vin vano lawe na vevegi ngehi rahe vovohoi tea lo nagoi God mwerehilogo? ?Huri havagineu nehe lado tea ve a sinobu noi God ran vevegi na nora vai vagasile sibora? 2A hogo, igimiu neu ilo ve a sinobu noi God rain vevegi na ure. Siu tare ve igimiu nein vevegi na ure, ?Wa igimiu nein he vai lei tea ve nein vevegi na rongesi hi rau biti? 3Lo taro mo vanai mosigei, igimiu neu ilo ve igide dain veveginire engsel, siu a hogo igide dain vevegi lei na gineu rau biti lo mwasoana ta gaqarigi ngaha. 4Tare ve a nomiu rongesi tea ve rain vano lo leo vevegi, ?Wa igimiu nein leo wahe na tangaloi tavala varea ngerehi rahe ilo na warelue tea? 5Ineu nam veve mwere ngaha ve na vaga maemaegi gimiu. A hogo a tangaloi tea mei gimiu u mataisao ve vin vevegi na rongesi hi mo eno lo livugara tangaloi lado hogo. 6Nge he garea tea ve a tangaloi lado hogo gatagale mo lai na tangaloi lado hogo tuegi mo vano lo kot ve a vevegi ngerehi rahe lado hogo tea gi God ve ran veveginie.
7Lune gatagale dein gimiu mo lai tuana vano lo kot, mo haharagi huri ve igimiu doluegi neu vagasile beno. U garea ve nen siregi ve ran lama gimiu ko ran balu nomiu vivilakogi. 8?Igimiu a hava tangaloi? Nem vui tuetue nge nehe bulu garea tea mei gimiu, vage igimiu nem balu dein gimiu sibomiu. 9?Wa igimiu nehe ilo tea ve a sinobu hi rau galegaleasi rain he lai na vai garea tea hi lolo ute noi God? 10Igimiu nein mese vagalengagi gimiu sibomiu. A mwera ram maturu mena vavine wagiwegineu, lavasigi ram huduhudu goro na god wagineu, a mwera rahe toga gogona tea lo nora lagiana sige a vavine rahe toga gogona tea lo nora lagiana, a mwera ram sogagi beture lawe na mwera taligu, a mwera ram maturu mena mwera taligu, ngerehi ram balubelu, ram lado lawua, ram torongo, ram veve leo kalikeli vovohoire lavasigi, a sinobu ngerehi rain he lai hougi na ute noi God tea. 11Tuei beno igimiu lavasigi neu mwerehi, nge siserigi ngaha neu solo mwasaragi gimiu. U vei gogonagi gimiu, ko neu vovohoi lo nagoi God lo henai Huqe i Jisas Kraes ko a Vui noi noda God.
A tarabesimu a noi Kraes
12Lalavasigi dein gimiu ram veve vena, “Igamai gain vei lei na gineu doluegi,” nge hatie ve a gineu doluegi rau garea meieu ve nain veire. “Igamai gain vei lei na gineu doluegi,” nge nain he siregi tea gineu ve na huqegi goroau. 13Igimiu nem veve vage vena, “A hinaga mo eno huri na taqangide ko a taqangide mo eno huri na hinaga.” Nge nam veve lawe gimiu i God vin vei vohoginire vunu. Igide dain he vai gineu esi tea gina tarabeside. Igide ve dain vei tabana ginire lawe na Huqe ngehi mo leo goro na tarabeside. 14I God vin vei ragasi gide sulo mwaso dena mateana gina managi hi teu, ngehi u ragasi na noda Huqe sulo mwasoana.
15?Wa igimiu nehe ilo tea ve a tarabesimiu a duvi tarabesi Kraes? ?Wa u garea meieu ve nain bulu bubugi na tarabesi Kraes talo tarabesi vavine hi mo sogagi tarabesine huri mane? Hatie. Hatie vohogi. 16Igimiu nein ilo ve ihine tea mo maturu mena vavine hi mo sogagi na betune huri mane ko mo bulu bubugi meie lo tarabesigi. Mwerehi a Reve reve Gogona mo veve vena, “Ingere gairue rom bulu bubugi rom voragi na tarabesigi gatagale.” 17Nge ihine tea mo bubugi mena Huqe, mo bulu bubugi meie lo Vui.
18Siu igimiu nen tino vagahao dena halai galegaleasi talo tarabesigi. A galegaleasi lavasigi hi a sinobu ram vaire tavala varea dena tarabesire, nge irahine hi ram galegaleasi gina tarabesire, ram galegaleasi gorora sibora. 19Igimiu nein ilo huri ve a tarabesimiu a vale mo eno lawe na Vui Gogona, ngehi mo eno lolo lolomiu. Igimiu neu lei na Vui Gogona dein God, siu igimiu nehe huqegi goro na tarabesimiu tea sibomiu, nge i God. 20A vevenagi i God u voli tuguhi gimiu. Siu igimiu nein lado mava ginie gina tarabesimiu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013