1 KOREN 8
8
A leo huhui huri na hinaga hi ram rugurugu ginie lawe na tarabesi nunui gineu
1Siserigi ngaha ineu nain duvi na leta ngehi neu ulie huri na bigi hi ram rugurugu ginie lawe na tarabesi nunui gineu. Igimiu nem veve huri ve, “Igide doluegi dau lolorani.” A lolorani hi mo vai gimiu nem lailei hagagi gimiu sibomiu, nge a tabetabe noi God mo tabe hagagi na tangaloi. 2Tare ve igimiu nem lado ve neu ilo na gineu, nge igimiu nehe ilo na gineu hi tea mosigei ngehi huri ve nein iloe. 3Nge ihine tea mo tabe God, i God u ilo na tangaloi hi.
4Siu ineu nam veve huri na bigi hi ram rugurugu ginie lawe na tarabesi nunui gineu. Igide dau ilo huri ve a tarabesi nunui gineu he labe tea huri na gineu ve mo mwaso lolo ure, nge i God gatagale hogosie mo mwaso. 5Hatie huri tare ve a gineu u sao lolo ure sige lo eulu ram warera ve ingere a god, ko a hogo, a god u sao ko a huqegi u sao,” 6huri igide dau ilo ve i God gatagale hogosie, ngehi i tamada. A gineu doluegi rau vanai denie, ko igide dam toga lune. Ko a Huqe gatagale hogosie ngehi i Jisas Kraes. A gineu doluegi rau vei lo henana ko vage u teu gide lo henana.
7Nge hatie ve a sinobu doluegi rau ilo na gineu ngaha tea. A sinobu lavasigi a domianai tarabesi nunui gineu mo eno lolo domire u huire tau mosigei lo taro tuei. Lune ingere ram gani na bigi, ram lado tau huri ve a bigi hi rau rugurugu ginie lawe na tarabesi nunui gineu. A vevenagi a domire u kekena, lune ingere ram ganie, a rongrongora mo veve lawera ve rau vagasile. 8Nge a hinaga vin he lai gide tea ve dain kakarani lobei God. Igide dain he vagasilegi na gineu tea lo nagoi God tare ve igide dain he gani na hinaga hi tea, mwerehi teu, igide dain he lai na havagineu gineu tea lo nagoi God tare ve igide dain gani na hinaga hi.
9Nge igimiu nein leohuri ve a nomiu tarani tabetabegi na mese vaire hi a nora ladohogo u wiriwiri ve ran soi lo galegaleasi. 10Igimiu nem lado huri ve neu lolorani, siu igimiu nem gagani lolo valei tarabesi nunui gineu. Nge a tangaloi tea hi a nona lado hogo u kekena mo lehigo gom gagani aiehi ko vin vei ragasi na domine ve na gani na bigi hi rau rugurugu ginie lawe na tarabesi nunui gineu, nge mo ilo sibona ve ingeie hi u esi. 11Siu huri igimiu nem lado ve neu lolorani, nem vai na tangaloi hi a nona ladohogo u biti ngehi i Kraes u mate hurie mo soi lo galegaleasi a vevenagi igimiu. 12Lune igimiu nem galegaleasi goro retuemiu ko irehaqemiu lui Kraes mwere ngaha, ko nem vaire ve ran vai na gineu ngerehi rau iloe sibora huri ve rau esi meire, igimiu nem galegaleasi goro Kraes vage. 13Siu tare ve a hinaga nam gani mo vaire ram soi lo galegaleasi, ineu nain he gani na bigi tea taligu siu huri nain mese vai hine tea denire vena soi lo galegaleasi.
Currently Selected:
1 KOREN 8: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
1 KOREN 8
8
A leo huhui huri na hinaga hi ram rugurugu ginie lawe na tarabesi nunui gineu
1Siserigi ngaha ineu nain duvi na leta ngehi neu ulie huri na bigi hi ram rugurugu ginie lawe na tarabesi nunui gineu. Igimiu nem veve huri ve, “Igide doluegi dau lolorani.” A lolorani hi mo vai gimiu nem lailei hagagi gimiu sibomiu, nge a tabetabe noi God mo tabe hagagi na tangaloi. 2Tare ve igimiu nem lado ve neu ilo na gineu, nge igimiu nehe ilo na gineu hi tea mosigei ngehi huri ve nein iloe. 3Nge ihine tea mo tabe God, i God u ilo na tangaloi hi.
4Siu ineu nam veve huri na bigi hi ram rugurugu ginie lawe na tarabesi nunui gineu. Igide dau ilo huri ve a tarabesi nunui gineu he labe tea huri na gineu ve mo mwaso lolo ure, nge i God gatagale hogosie mo mwaso. 5Hatie huri tare ve a gineu u sao lolo ure sige lo eulu ram warera ve ingere a god, ko a hogo, a god u sao ko a huqegi u sao,” 6huri igide dau ilo ve i God gatagale hogosie, ngehi i tamada. A gineu doluegi rau vanai denie, ko igide dam toga lune. Ko a Huqe gatagale hogosie ngehi i Jisas Kraes. A gineu doluegi rau vei lo henana ko vage u teu gide lo henana.
7Nge hatie ve a sinobu doluegi rau ilo na gineu ngaha tea. A sinobu lavasigi a domianai tarabesi nunui gineu mo eno lolo domire u huire tau mosigei lo taro tuei. Lune ingere ram gani na bigi, ram lado tau huri ve a bigi hi rau rugurugu ginie lawe na tarabesi nunui gineu. A vevenagi a domire u kekena, lune ingere ram ganie, a rongrongora mo veve lawera ve rau vagasile. 8Nge a hinaga vin he lai gide tea ve dain kakarani lobei God. Igide dain he vagasilegi na gineu tea lo nagoi God tare ve igide dain he gani na hinaga hi tea, mwerehi teu, igide dain he lai na havagineu gineu tea lo nagoi God tare ve igide dain gani na hinaga hi.
9Nge igimiu nein leohuri ve a nomiu tarani tabetabegi na mese vaire hi a nora ladohogo u wiriwiri ve ran soi lo galegaleasi. 10Igimiu nem lado huri ve neu lolorani, siu igimiu nem gagani lolo valei tarabesi nunui gineu. Nge a tangaloi tea hi a nona lado hogo u kekena mo lehigo gom gagani aiehi ko vin vei ragasi na domine ve na gani na bigi hi rau rugurugu ginie lawe na tarabesi nunui gineu, nge mo ilo sibona ve ingeie hi u esi. 11Siu huri igimiu nem lado ve neu lolorani, nem vai na tangaloi hi a nona ladohogo u biti ngehi i Kraes u mate hurie mo soi lo galegaleasi a vevenagi igimiu. 12Lune igimiu nem galegaleasi goro retuemiu ko irehaqemiu lui Kraes mwere ngaha, ko nem vaire ve ran vai na gineu ngerehi rau iloe sibora huri ve rau esi meire, igimiu nem galegaleasi goro Kraes vage. 13Siu tare ve a hinaga nam gani mo vaire ram soi lo galegaleasi, ineu nain he gani na bigi tea taligu siu huri nain mese vai hine tea denire vena soi lo galegaleasi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013