Kucangtsi 49
49
Yakubu Wae Ira na Anyisu-wu
1Yakubu kunn funn anyisu-wu u ri baa, “Ni funn atso ti m u ri te ni iken ti u ba tu ni uwe ike.
2Ni ba funn, ti ni fxen,
ani anyisu Yakubu.
Ni fxen itse-ni Isirela.
3Roben,
afu ti si umbae rifen-m,
u si kpakang-m.
Itimbae-fu tatso baa,
ame na si urom.
Afu ti skeb ti rurob,
u skeb ti ribom.
4Afu ku som-fu skirr be,
ku yaen ka yaen ba
pangma ambyi.
Afu u si-fu ti rurob cwucwo be,
ikyaen ti, afu nae te uwa itse-fu,
u pu ajib tso uwaen itse-fu.
5Simeyon ti Lawi si inja atso,
a pu isu rika-ba ku sha ira atang.
6Ame u ta-me uwae itifunn-ba be,
ame u putsa-m kumbub-ba be.
Ikyaen ti,
uwae rinae, aba wen ande.
Uwae ira ti nghaen-ba,
a yer tsen indub afxen indag.
7Kufwag ā ta risu-ni,
ikyaen ti rinae-ni ku tso fuuu.
Ani byag utob,
u si-ni te ayibrisi be.
Ame u kashag ba
uwae uten Yakubu,
u pu ba byinn shag uwae Isirela.
8“Yawuda,
ameinja-fu u ku teb fu.
Kujwo-fu
u baen ye su ande rika-fu ti ukwae.
Anyisu na itse-fu u ku riben na fu.
9Yawuda si umbae itumu
ti ru ka wen ibye kafe ba
ti uwae uwáe-wu,
u ba ndab ijwe-wu nae.
Aye ti kpag tu utob
ti wu u ba shwu wu?
10Kutxomkwe u ta kunn
ti ishikununn Yawuda.
Ukum Ukwe ama u si kunn
ana anyisu Yawuda,
se kiye ti unde wu
ti ukum wu si ana-wu
a ba mbe pu wu awu uwog-wu.
Ambukwen ande
u ba nae risu riben na wu.
11Awu ku kya umbae ikyinnsu-wu
ijwe kutuku anam,
kutuku anam ti nyang siskeb.
Awu ku jwo atupwa-wu
ti ambyi anam,
ambyi anam ti byaen
pangma anying#49:11 Imbyi ira yine baa, Yawuda u site ituku anam ti ko shisha. Ka fob ti, awu a yir umbae ikyinnsu ijwe kinjo uwae-yi ama ikyinnsu wu a kub tag atsing-yi ti awaen-yi, ayi si-yi ira iki be. Cwucwo, ambyi awaen anam u ko shisha, ka fob ti awu u ndetu ti wu jwo atupwa-wu uwae-yi..
12Ayib-wu u byaen
pangma ambyi anam,
anyi-wu u tsen
pangma akang abyaen.
13“Zebulun u nae unju uyinn,
u kafe uwog tititsi ana kuyae.
Ice riben-wu u ka ti Sidon.
14“Isakar si ikyinnsu ti kpakang,
ti nae ti isu-wu isim.#49:14 Ariki ti ku myae ira unju Mbaibrane ku ri baa, imbyi ira yi iki si ikyinnsu ti kpakang ti ku nae uwae ukag asinn.
15Ti awu nung baa,
uwog unyang ti pu-wu na nyang,
riben wu ti awu nae atang ama
na nyang pu wu,
awu sa ukwae faesang,
ti wu u nde wande ma upyi.
16“Dan u pwen rikwén
ti kubenti na ande-wu,
pangma ti ande ti uwe Isirela
ti tsitsi ku nde.
17Awu u si ikentibi ti nae fengo,
kujwae ti nae ukur fengo.
Awu ku pye kakum ti ikyig kufxen
ama unde ti ku tso wu kaen si.
18“Yaweh,
ame som kuji itinwangru-fu.
19“Gad,
ande rika u pu rika kunn wu,
amaa, awu u rwae tsa ba
u ci ba rika.
20“Asher u ci wuci titinyang,
ayi u si itso wuci
ti a ku pu na abikwe.
21“Nafitali si indxob tiyae
ti a ye tu-ba wu be,
awu ku mbae umbae titinyang.
22“Yusufu si kutuku anam
ti ku waen awaen,
ituku anam ti ku waen awaen
ti tsi fer isatsub.
Ajwo-wu taen kyife risu ukoh
ti pakob risaen ufang.
23Uwae rinae,
ande rika-wu ba purug wu,
aba ba kunn wu ti kubyagkwa,
u ta wu.
24Amaa,
kokuta-wu tsi ti kpakang,
kujwo-wu ama tsi ti ribom,
ikyaen kuko Rimam
ti ku kong wu,
Rimam Yakubu,
Rimam ti ku kyir Isirela,
awu ti si kutxú.
25Rimam itse-fu ti u ndeya fu,
Rimam ti skeb titag
ti u nde fu tinyang,
titinyang ti apupwen,
ti titinyang ti ta uwae riben,
ti titinyang itimbae na ande
ti ana asinn.
26Itinyang ti itse-fu nda fu
skeb pu yi itinyang
ti ta risu abab rikwen
ti tsi kukunn.
Rimam ā pu yi ta risu Yusufu,
awu ti a kata wu ti ameinja-wu.
27“Benjamin si mbuku ti rimenn.
Kiskinn awu ku pu ibye ti awu ye kub tag,
ureb awu ku ka iken ti awu shir mbe mbe.”
28Meme bane ti si kukang rijwe asu ifaen na Isirela ba. Ayine si ira ti itse-ba ri te ba kiye ti awu ku wae ira na ba. Ira ti wae yi rukwer ti utso unde ti umbae wu si.
Iticwu Yakubu
29Ama, awu nda ba ira unju-wu baa, “Kiye kyang ku yaen pu wu ti ame kaa tu ande-m. Ni sa m ka nji te abitse-m yi fifae ti ta ufang Efiron ande ti Hiti. 30Fifae wu ti ta riben na Makpela, fer Mamre yi Kanana ti nee Ibrahim jab kujwo Efiron unde ti Hiti, ikyaen ti a naa ku nji ande atang. 31Ayi si atang ti aba nji Ibrahim ti uwa-wu Saratu, ti Ishaku ti uwa-wu Rebeka, ayi si atang ti ame nji uwa-m Leyatu. 32Riben wu, tí fifae wu meme, aba jab wu kujwo ande ti Hiti.” 33Ti Yakubu tsag mam ira yi te anyisu-wu, awu pu afxen-wu tso risu uwaen-wu, ama cwu ka tu ande-wu tiri.
Currently Selected:
Kucangtsi 49: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
