Itiruye 11

Iticwu ana Anyisu ti Tawe Uwae Ejib

1Yaweh ri te Musa baa, “Kujwūnn kinjo tsitsi ti ame u tom ba uwog Ukwe ti ande ti Ejib. Isim-yi, awu u ya ni ta ti ni ru ye. Kiye ti awu a cwe baa, ani na ru ye, awu u rwae patag-ni ru ye ti kufe. 2Ri te anyisu Isirela baa, ko urom ko unda titini na rang unde ice-wu iken ti a kyae yi ti azurfa ti zinariya.” 3Ama Yaweh nda anyisu Isirela tu kutxuwe ti tinyang uwog ande ti Ejib. Musa ti risu-wu site rurob timambe uwog afaen ukwe tí ande ti Ejib meme.

4Ama Musa ri baa, “Ayine ti si ira ti Yaweh ri. Uwae kukatitang, ame u kyang kutampwa ande ti Ejib. 5Meme umbae ti tawe ti ta uten Ejib u cwu, bag ti umbae ti tawe na Ukwe ti somtsa kutxomkwe ba kwer ti umbae ti tawe na upyi ti unda ti ku pwa awum. Imbae ti tawe na asinn meme u cwu. 6Ukunn ricwu ti pù ji-yi uwae Ejib be u pù uwae Ejib. Isim ayine, ayi u pù kyi-yi cwucwo be. 7Amaa, anyisu Isirela, ko mbapxu iki u ca-wu ica kutampwa-ba be, ama ani u nung baa, Yaweh na sa ice si kutampwa ande ti Ejib na ti anyisu Isirela. 8Meme afaen-fu bane u ba ku riben u jwam m baa, ‘Pu ande-fu ti ni ruye uwae uten ike.’ Ama isim ayine, ame u ru.” Tiri Musa ruye uwe Ukwe ti rinae.

9Yaweh ri te Musa baa, “Ukwe u fxen-wu afu be ikyaen ti ame u nde iken ti ku fur ayib ko ku fufa uwae uten Ejib.” 10Musa ti Aruna nde meme iken ti ku fur ayib yine uwe Ukwe. Amaa, Yaweh yirkyi utob Ukwe. Ukwe ama cwe-wu ti anyisu Isirela na ruye uwae uten-wu be.

Currently Selected:

Itiruye 11: kubNT

Highlight

Copy

Compare