Amos 2
2
Ande ti Mowab
1Ayine si ira ti Yaweh ri:
“Ikyaen ikentitibi Mowab
ti skeb risu,
ame u byinn kang ba kimbab.
Aba sae ru iticwu ukwe ti Edom,
u twen mbub akub-wu kafe itong.
2Ikyaen ayine,
ame u yaen urwa si ande ti Mowab,
ama u twen mbub tag
uwog ti tam ande ti Keriyoti.
Ande ti Mowab u cwu uwog rika,
kiye ti ande ti rika-ba
u tso ukunn rika
u ku kunn kutumu rika.
3Ame u wen ukwe-ba
ti afaen-wu meme.”
Awu Yaweh ti ri.
Rikwén Risu Ande ti Yawuda
4Ayine si ira ti Yaweh ri:
“Ikyaen ikentitibi Yawuda
ti skeb risu,
ame u byinn kang ba kimbab.
Aba pyir icwe na Yaweh
u ye su-ba iken ti kwen-wu be.
Apxin-ba ti tikong
shir ba sang uwae kutur
pangma ti ayi shir
abitse-ba sang kute.
5Ikyaen yine,
ame u yaen urwa si ande ti Yawuda
u twen mbub uwog ti tam-ba
uwae Urushelima.”
Rikwén Risu Ande ti Isirela
6Ayine si ira ti Yaweh ri:
“Ikyaen ikentitibi Isirela
ti skeb risu,
ame u byinn kang ba kimbab.
Aba pu ande ti raen-ba ira be jabci
u pu ande ti rikaen
jab mbe apwafxen atang.
7A ceb pu ande ti rikaen fa afxen,
u pyir ti a u nde itinyang
na ande ti shanum te iken.
Umbae tí itse-wu
ku nae te mbawandab kinjo
ama ku nde mbeb rinyi-m
ti saen kyag.
8Aba ku pu atupwa
ti a fxaembe ajwo awakaen
u pu ta riben
uwog ti a ku fen Rimam atang.
Yi kusog Rimam-ba,
aba pu aser upae ti kufúm
ti a yer na ande
u ku jab iken ti ngwa atang.
9A ku nde ayine ko ti ame wen tag
ande ti Amor ti ayib-ba,
aba ti kob pangma kufxang
u bom pangma kukaen.
Ame u twenji ba patag
pangma ti a twenji kutuku ti ipab-wu.
10Cwucwo,
ame pu ru ye ni uwae uten Ejib,
u tae ni kyang asang mae ifaen
uwae kutur,
ti ni na ka ci mbe ra uten Amor.
11Ame tsab ariki
uwae anyisu-ni ti arom
ti a na si ande ti ku ya iskin.
Ariki uwae-ba ama, ame yerkob ba
ti a na ngwa-ba iken ti nununn be,
a na pwén-ba risu be.
Ko ame nde-m ahan be a,
ande ti Isirela?”
Awu Yaweh ti ri.
12Amaa, ani nda ande bane
ti ame yer kukob
ngwa iken ti nunn ngag.
Ani ama ri te ande-m
ti ku ya iskin baa,
a na ya-ba iskin be.
13“Nung, ame u sir ni bae fa ti riben
pangma ti akaen awum
ku sir kuskus ka yiyiyaen ti riben.
14Ande ti bir inyae ti ter uwae-ni
u ter nwang-ba be.
Aba ti bom siskeb uwae-ni
u nam ndembeb.
Ko akyirten ti ribom ma
u nwangru tu-ba risu-ba be.
15Aba ti ye su kokutá
u tsi tu-ba be.
Ande ti ku ter inyae siskeb uwae-ni,
aba u ter ter ter, u ter num.
Ko aba ti ku tso kakum ma,
a u nwangru tu-ba risu-ba be.
16Usir wu,
ko ande ti bom utob timambe
uwae akyirten-ni,
a u ter ya isu rika-ba ta,
u ter nyáng risu-ba amam.”
Awu Yaweh ti ri.
Currently Selected:
Amos 2: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Amos 2
2
Ande ti Mowab
1Ayine si ira ti Yaweh ri:
“Ikyaen ikentitibi Mowab
ti skeb risu,
ame u byinn kang ba kimbab.
Aba sae ru iticwu ukwe ti Edom,
u twen mbub akub-wu kafe itong.
2Ikyaen ayine,
ame u yaen urwa si ande ti Mowab,
ama u twen mbub tag
uwog ti tam ande ti Keriyoti.
Ande ti Mowab u cwu uwog rika,
kiye ti ande ti rika-ba
u tso ukunn rika
u ku kunn kutumu rika.
3Ame u wen ukwe-ba
ti afaen-wu meme.”
Awu Yaweh ti ri.
Rikwén Risu Ande ti Yawuda
4Ayine si ira ti Yaweh ri:
“Ikyaen ikentitibi Yawuda
ti skeb risu,
ame u byinn kang ba kimbab.
Aba pyir icwe na Yaweh
u ye su-ba iken ti kwen-wu be.
Apxin-ba ti tikong
shir ba sang uwae kutur
pangma ti ayi shir
abitse-ba sang kute.
5Ikyaen yine,
ame u yaen urwa si ande ti Yawuda
u twen mbub uwog ti tam-ba
uwae Urushelima.”
Rikwén Risu Ande ti Isirela
6Ayine si ira ti Yaweh ri:
“Ikyaen ikentitibi Isirela
ti skeb risu,
ame u byinn kang ba kimbab.
Aba pu ande ti raen-ba ira be jabci
u pu ande ti rikaen
jab mbe apwafxen atang.
7A ceb pu ande ti rikaen fa afxen,
u pyir ti a u nde itinyang
na ande ti shanum te iken.
Umbae tí itse-wu
ku nae te mbawandab kinjo
ama ku nde mbeb rinyi-m
ti saen kyag.
8Aba ku pu atupwa
ti a fxaembe ajwo awakaen
u pu ta riben
uwog ti a ku fen Rimam atang.
Yi kusog Rimam-ba,
aba pu aser upae ti kufúm
ti a yer na ande
u ku jab iken ti ngwa atang.
9A ku nde ayine ko ti ame wen tag
ande ti Amor ti ayib-ba,
aba ti kob pangma kufxang
u bom pangma kukaen.
Ame u twenji ba patag
pangma ti a twenji kutuku ti ipab-wu.
10Cwucwo,
ame pu ru ye ni uwae uten Ejib,
u tae ni kyang asang mae ifaen
uwae kutur,
ti ni na ka ci mbe ra uten Amor.
11Ame tsab ariki
uwae anyisu-ni ti arom
ti a na si ande ti ku ya iskin.
Ariki uwae-ba ama, ame yerkob ba
ti a na ngwa-ba iken ti nununn be,
a na pwén-ba risu be.
Ko ame nde-m ahan be a,
ande ti Isirela?”
Awu Yaweh ti ri.
12Amaa, ani nda ande bane
ti ame yer kukob
ngwa iken ti nunn ngag.
Ani ama ri te ande-m
ti ku ya iskin baa,
a na ya-ba iskin be.
13“Nung, ame u sir ni bae fa ti riben
pangma ti akaen awum
ku sir kuskus ka yiyiyaen ti riben.
14Ande ti bir inyae ti ter uwae-ni
u ter nwang-ba be.
Aba ti bom siskeb uwae-ni
u nam ndembeb.
Ko akyirten ti ribom ma
u nwangru tu-ba risu-ba be.
15Aba ti ye su kokutá
u tsi tu-ba be.
Ande ti ku ter inyae siskeb uwae-ni,
aba u ter ter ter, u ter num.
Ko aba ti ku tso kakum ma,
a u nwangru tu-ba risu-ba be.
16Usir wu,
ko ande ti bom utob timambe
uwae akyirten-ni,
a u ter ya isu rika-ba ta,
u ter nyáng risu-ba amam.”
Awu Yaweh ti ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017