Amos 3
3
Rimam Shir Ande-wu Kutong
1Fxen ira yine ti Yaweh ri risu-ni,
ani ande ti Isirela ti Yawuda
ti meme ishikununn-ni
ti ame pu ru ye uwae uten Ejib.
2“Si nyáng ani amam ti ame nung
yi uwae ishikununn ti utense meme.
Ikyaen yine, ame u nde ni rikaen
ikyaen meme ikentitibi-ni.”
3Ande ifaen u kyang tu te atso,
asiti a cwe-ba ira atso be a.
4Itumu ku paen ripaen uwae kutur
kiye ti awu a ye-wu ibye be a.
Imbae itumu ku jwub ira
uwae uwáe-wu
asiti awu a ye-wu iken iki be a.
5Inung ku pu kutxae uwog ti
a txae-ba kutxae atang be a.
Kutxae ku fxae kiye ti iken iki
a pu-wu atang be a.
6Kiye ti a kunn kutumu rika
uwae uten,
ikyenricwu u ye-yi ande be a.
Ira titibi u sang uwae uten
asiti Yaweh a cwe-wu be a.
7Kubenti, Itsekuru-ti Yaweh
ku nde-wu iken iki be
se awu a ri te pu wu apyi-wu
ti ku ya iskin-wu.
8Itumu paen pu wu ripaen.
Aye ti u kyen-wu ikyenricwu be?
Yaweh Itsekuru na utense
a ri pu-wu ira, aye ti u pyir
u ya-wu iskin ira yi be?
Rikwén Risu Ikentitibi Isirela
9Ya iskin na abikwe ti ta uten Ashidod ti ande ti uwe ti ta Ejib baa,
“Ni byir atso risu rikwen na Samariya,
ti ni sae ikyirunn ti nwunn
uwae Samariya wu,
ti itibi ti a ku nde atso atang.”
10Yaweh ri baa,
“Aba nung tu-ba ti a u nde
iken ti pang atang be.
Aba byir rifunn ti a fxaembe
ti riyib,
u pu yi munnkyi asog-ba
tiyang tiyang.”
11Ikyaen yine,
Yaweh Itsekuru utense, ri baa,
“Ande ti rika ru ku ba
ti a u ba pakob ni,
u byinn mbub uwog ti tam-ni,
ama u su pu rifunn-ni ru.”
12Ira ti Yaweh ri ta re: “Pangma ti unde ti ku shi asinn ku kwab ti wu shir mbe asinn-wu unju ibye anyi, awu tu nyáng afxen ifaen ko ikyab kutong amam, ti bara-yi ama, ande ti Isirela ti som uwae uten ti Samariya u ter nwang ti iken kpang ahan ajwo-ba amam.”
13Ni fxen, ti ni ya iskin
yi kununn Yakubu.
Itsekuru Yaweh, Ukwe Rika ti ri.
14Yaweh ri kyi baa,
“Usir wu,
ame u byinn Isirela kimbab
ikyaen ikentitibi-ba,
ame u byinn mbub kuta apxin
na uten ti Betel.
Meme ishin na kuta yi
u mber kyeb si riben.
15Ame u byinn mbub asog-ba tiyang
si riben,
asog-ba ti aba mbye
ku nae atang ushaen kuwum,
fa ti ayi ti a ku nae atang
ushaen upaen.
Asog-ba ti tinyang meme
u mbub si riben.
Asog-ba tiyang meme
u ta-yi cwucwo be.”
Yaweh ti ri.
Currently Selected:
Amos 3: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Amos 3
3
Rimam Shir Ande-wu Kutong
1Fxen ira yine ti Yaweh ri risu-ni,
ani ande ti Isirela ti Yawuda
ti meme ishikununn-ni
ti ame pu ru ye uwae uten Ejib.
2“Si nyáng ani amam ti ame nung
yi uwae ishikununn ti utense meme.
Ikyaen yine, ame u nde ni rikaen
ikyaen meme ikentitibi-ni.”
3Ande ifaen u kyang tu te atso,
asiti a cwe-ba ira atso be a.
4Itumu ku paen ripaen uwae kutur
kiye ti awu a ye-wu ibye be a.
Imbae itumu ku jwub ira
uwae uwáe-wu
asiti awu a ye-wu iken iki be a.
5Inung ku pu kutxae uwog ti
a txae-ba kutxae atang be a.
Kutxae ku fxae kiye ti iken iki
a pu-wu atang be a.
6Kiye ti a kunn kutumu rika
uwae uten,
ikyenricwu u ye-yi ande be a.
Ira titibi u sang uwae uten
asiti Yaweh a cwe-wu be a.
7Kubenti, Itsekuru-ti Yaweh
ku nde-wu iken iki be
se awu a ri te pu wu apyi-wu
ti ku ya iskin-wu.
8Itumu paen pu wu ripaen.
Aye ti u kyen-wu ikyenricwu be?
Yaweh Itsekuru na utense
a ri pu-wu ira, aye ti u pyir
u ya-wu iskin ira yi be?
Rikwén Risu Ikentitibi Isirela
9Ya iskin na abikwe ti ta uten Ashidod ti ande ti uwe ti ta Ejib baa,
“Ni byir atso risu rikwen na Samariya,
ti ni sae ikyirunn ti nwunn
uwae Samariya wu,
ti itibi ti a ku nde atso atang.”
10Yaweh ri baa,
“Aba nung tu-ba ti a u nde
iken ti pang atang be.
Aba byir rifunn ti a fxaembe
ti riyib,
u pu yi munnkyi asog-ba
tiyang tiyang.”
11Ikyaen yine,
Yaweh Itsekuru utense, ri baa,
“Ande ti rika ru ku ba
ti a u ba pakob ni,
u byinn mbub uwog ti tam-ni,
ama u su pu rifunn-ni ru.”
12Ira ti Yaweh ri ta re: “Pangma ti unde ti ku shi asinn ku kwab ti wu shir mbe asinn-wu unju ibye anyi, awu tu nyáng afxen ifaen ko ikyab kutong amam, ti bara-yi ama, ande ti Isirela ti som uwae uten ti Samariya u ter nwang ti iken kpang ahan ajwo-ba amam.”
13Ni fxen, ti ni ya iskin
yi kununn Yakubu.
Itsekuru Yaweh, Ukwe Rika ti ri.
14Yaweh ri kyi baa,
“Usir wu,
ame u byinn Isirela kimbab
ikyaen ikentitibi-ba,
ame u byinn mbub kuta apxin
na uten ti Betel.
Meme ishin na kuta yi
u mber kyeb si riben.
15Ame u byinn mbub asog-ba tiyang
si riben,
asog-ba ti aba mbye
ku nae atang ushaen kuwum,
fa ti ayi ti a ku nae atang
ushaen upaen.
Asog-ba ti tinyang meme
u mbub si riben.
Asog-ba tiyang meme
u ta-yi cwucwo be.”
Yaweh ti ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017