Amos 1
1
1Ayine si ira na Amos, ti si kinjo uwae ande ti ku shi iken yi uten ti Tekowa. Awu sae iken yine kiye ti Uziya si ukwe Yawuda, ti kiye ti Jerobowam umbae Jowash si ukwe Isirela. Awu sae iken yine asang ifaen titawe riben kyi ijwe.
2Amos ri baa,
“Yaweh tum ripaen
pangma itumu yi Siyon,
ama taen ira
pangma imam yi Urushelima.
Irum ti asinn u kub wom cwu.
Ko ayi ti ta risu rikwen Karmel
u wom cwu tag.”
Rikwén Rimam Risu Ande ti Damasiku
3Ayine si ira ti Yaweh ri:
“Ikyaen ikentitibi Damasiku
ti skeb risu,
ame u byinn kang ba kimbab.
Aba byinn ande ti Gileyadi
ti ipug aser,
pangma wuci ti a ku rug itae.
4Ama ame u tom urwa
si kununn ukwe Hazayel,
u twen mbub kupwe ti kpakang
na ukwe Ben-Hadad.
5Ame u byinn mbub
ufu uten Damasiku,
ama u wen tag ande
ti ta kubxab Aven.
Ame u twenji ukwe ti Bet-Eden,
ama ande ti Aram.
A u ye ba ru upyi uten Kir.”
Awu Yaweh ti ri.
Rikwén Rimam Risu Ande ti Gaza
6Ayine si ira ti Yaweh ri:
“Ikyaen ikentitibi Gaza
ti skeb risu,
ame u byinn kang ba kimbab.
Aba ye pu kumbukwen ande ru
yi uten ti si-yi ana-ba be
ka pu ba jabci na ande ti Edom.
7Ikyaen yine,
ame u tom urwa si uten Gaza,
u twen mbub tag ukoh-ba
ti uwog ti tam-ba meme.
8Ame u wen tag ande ti Ashidod
u twenji ukwe na Ashikelon.
Ame u kafe uwe tag Ekron,
ama ande ti Filisti ti tsitsi,
a u wen ba.”
Awu Yaweh, Itsekuru ti ri.
Rikwén Rimam Risu Ande ti Tiire
9Ayine si ira ti Yaweh ri:
“Ikyaen ikentitibi Tiire ti skeb risu,
ame u byinn kang ba kimbab.
Aba ye pu ande uten atang meme
jabci na Edom,
u tangsom-ba ti unju ti yer
ameinja atso be.
10Ikyaen yine,
ame u tom urwa si uten Tiire,
u twen mbub tag ukoh-ba
ti uwog ti tam-ba meme.”
Rikwén Rimam Risu Ande ti Edom
11Ayine si ira ti Yaweh ri:
“Ikyaen ikentitibi Edom
ti skeb risu,
ame u byinn kang ba kimbab.
Aba rwae putsa inja-ba Isirela
ti kisim-wen,
u tatso-ba aba ayibrisi iki be.
Aba tsikunn rinae tetso, u cwe-ba
ti a ya ta na ameinja-ba be.
12Ikyaen ayine,
ame u tom urwa si uten Teman,
u twen mbub tag uwog ti tam
ande ti Bozira meme.”
Rikwén Rimam Risu Ande ti Amon
13Ayine si ira ti Yaweh ri:
“Ikyaen ikentitibi Amon
ti skeb risu,
ame u byinn kang ba kimbab.
Aba fxaenta rishwu anda
ti kyaen rishwu yi Gileyadi,
ikyaen ti,
a na u fxae mbe riben-ba fa ana-ba.
14Ame u tom urwa si uten Raba,
ama u twen mbub tag ukoh-ba
ti uwog ti tam-ba meme.
Rika u kunn ba ti ukunn ti tso,
pangma ufunn ti ribom.
15Ukwe-ba ti anyisu-wu meme,
a u pu ba ru
uten ti si-yi ana-ba be.”
Awu Yaweh ti ri.
Currently Selected:
Amos 1: kubNT
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017
Amos 1
1
1Ayine si ira na Amos, ti si kinjo uwae ande ti ku shi iken yi uten ti Tekowa. Awu sae iken yine kiye ti Uziya si ukwe Yawuda, ti kiye ti Jerobowam umbae Jowash si ukwe Isirela. Awu sae iken yine asang ifaen titawe riben kyi ijwe.
2Amos ri baa,
“Yaweh tum ripaen
pangma itumu yi Siyon,
ama taen ira
pangma imam yi Urushelima.
Irum ti asinn u kub wom cwu.
Ko ayi ti ta risu rikwen Karmel
u wom cwu tag.”
Rikwén Rimam Risu Ande ti Damasiku
3Ayine si ira ti Yaweh ri:
“Ikyaen ikentitibi Damasiku
ti skeb risu,
ame u byinn kang ba kimbab.
Aba byinn ande ti Gileyadi
ti ipug aser,
pangma wuci ti a ku rug itae.
4Ama ame u tom urwa
si kununn ukwe Hazayel,
u twen mbub kupwe ti kpakang
na ukwe Ben-Hadad.
5Ame u byinn mbub
ufu uten Damasiku,
ama u wen tag ande
ti ta kubxab Aven.
Ame u twenji ukwe ti Bet-Eden,
ama ande ti Aram.
A u ye ba ru upyi uten Kir.”
Awu Yaweh ti ri.
Rikwén Rimam Risu Ande ti Gaza
6Ayine si ira ti Yaweh ri:
“Ikyaen ikentitibi Gaza
ti skeb risu,
ame u byinn kang ba kimbab.
Aba ye pu kumbukwen ande ru
yi uten ti si-yi ana-ba be
ka pu ba jabci na ande ti Edom.
7Ikyaen yine,
ame u tom urwa si uten Gaza,
u twen mbub tag ukoh-ba
ti uwog ti tam-ba meme.
8Ame u wen tag ande ti Ashidod
u twenji ukwe na Ashikelon.
Ame u kafe uwe tag Ekron,
ama ande ti Filisti ti tsitsi,
a u wen ba.”
Awu Yaweh, Itsekuru ti ri.
Rikwén Rimam Risu Ande ti Tiire
9Ayine si ira ti Yaweh ri:
“Ikyaen ikentitibi Tiire ti skeb risu,
ame u byinn kang ba kimbab.
Aba ye pu ande uten atang meme
jabci na Edom,
u tangsom-ba ti unju ti yer
ameinja atso be.
10Ikyaen yine,
ame u tom urwa si uten Tiire,
u twen mbub tag ukoh-ba
ti uwog ti tam-ba meme.”
Rikwén Rimam Risu Ande ti Edom
11Ayine si ira ti Yaweh ri:
“Ikyaen ikentitibi Edom
ti skeb risu,
ame u byinn kang ba kimbab.
Aba rwae putsa inja-ba Isirela
ti kisim-wen,
u tatso-ba aba ayibrisi iki be.
Aba tsikunn rinae tetso, u cwe-ba
ti a ya ta na ameinja-ba be.
12Ikyaen ayine,
ame u tom urwa si uten Teman,
u twen mbub tag uwog ti tam
ande ti Bozira meme.”
Rikwén Rimam Risu Ande ti Amon
13Ayine si ira ti Yaweh ri:
“Ikyaen ikentitibi Amon
ti skeb risu,
ame u byinn kang ba kimbab.
Aba fxaenta rishwu anda
ti kyaen rishwu yi Gileyadi,
ikyaen ti,
a na u fxae mbe riben-ba fa ana-ba.
14Ame u tom urwa si uten Raba,
ama u twen mbub tag ukoh-ba
ti uwog ti tam-ba meme.
Rika u kunn ba ti ukunn ti tso,
pangma ufunn ti ribom.
15Ukwe-ba ti anyisu-wu meme,
a u pu ba ru
uten ti si-yi ana-ba be.”
Awu Yaweh ti ri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017