Psalmyn 32
32
EVENING PRAYER.
PSAL. 32.
Beati, quorum.
1Bannit t’eshyn ta e neu-chairys er ny leih da:
as e pheccah er ny choodaghey.
2Bannit yn dooinney nagh vel y Chiarn cur peccah erbee ny lieh:
as ayns e chree nagh vel kialg erbee.
3Son choud as chumm mee my hengey:
ren my chraueyn shymley ersooyl trooid my accan gagh-laa.
4Son ta dty laue trome orrym laa as oie:
as ta soo my chorp myr chirmagh-loshtee yn towrey.
5Goym rish my pheccah hoods:
as my neu-chairys cha vel mee er cheiltyn.
6Dooyrt mee, Nee’m goaill-rish my pheccaghyn gys y Chiarn:
as myr shen ren uss olkys my pheccah y leih dou.
7Son shoh nee dagh dooinney ta crauee, jannoo e phadjer hood, ayns traa oddys oo v’er dty gheddyn:
agh ayns ny thooillaghyn mooarey dy ushtey cha jig ad ny-choar.
8T’ow uss ynnyd dy m’ollaghey ayn, nee uss m'y choadey veih seaghyn:
nee oo m'y chumbaasal er dy-chooilley cheu lesh arraneyn-moyllee dy livrey-ys.
9Ver-yms tushtey dhyt, as ynsee-ym dhyt yn raad t’ow dy ghoaill:
as nee’m dty leeideil lesh my hooill.
10Ny bee-jee shiuish goll-rish cabbyl ny mule, ta fegooish tushtey:
yn beeall oc shegin y ve smaghtit lesh beealraghyn as streean, er aggle dy roih ad ort.
11Ta kerraghey trome gour ny mee-chrauee:
agh eshyn ta coyrt e varrant er y Chiarn, ta myghin lhiantyn huggey er dagh cheu.
12Bee-jee gennal, O shiuish sleih ynrick, as gow-jee boggey ayns y Chiarn:
as bee-jee gerjoil, ooilley shiuish ta firrinagh ayns cree.
Currently Selected:
Psalmyn 32: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society