Psalmyn 110
110
MORNING PRAYER.
PSAL. 110.
Dixit Dominus.
1Dooyrt y Chiarn rish my Hiarn’s:
Soie uss er my laue yesh, derrey nee’m dty noidyn y yannoo stoyl dty choshey.
2Nee’n Chiarn lorg dty phooar y chur ass Sion:
bee uss dt’er-reill, eer ayns mean dty noidyn.
3Ayns laa dty phooar nee’n pobble ourallyn-arryltagh y hebbal hoods lesh ooashley crauee:
ta druight yn cheet ayd er y theihll veih brein y voghrey.
4Ta’n Chiarn er vreearrey, as cha gow eh arrys:
T’ow uss Ard-saggyrt dy-bragh myr va Melchisedech.
5Nee’n Chiarn er dty laue yesh:
eer reeaghyn y chur-mow ayns laa e yymmoose.
6Ver eh briwnys mastey ny ashoonyn; lhieenee eh ny ynnydyn lesh ny kirp marroo:
as ard-reilltee ymmodee cheeraghyn y chur fo-chosh.
7Iu-ee eh jeh’n strooan er y raad:
shen-y-fa troggee eh seose e chione.
Currently Selected:
Psalmyn 110: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society