Jabura 88
88
Mɔgɛ la Ala mataraŋɛ min be faga da tɔ
1Kora la deŋɛnu la beete do le ka, min be donden beeti bɔɔlanu la kuntige bolo. Beete le mu min be bɔɔla kulɛ mayɛlɛreŋɛ la, anun serede fɛ. Heman la mɔgɔ lakaran beete le mu, Esira bɔnsɛ mɔgɔ do.
2Alatala, n na Ala, n nakisilá,
sue nun tele n be belebelela i ɲakɔtɔ.
3N na mamataraŋɛ ni ke i ma!
I tolomasɔ n na mamade la!
4N nɛ bata wasa bɛlɛya la,
n be faga da le tɔ.
5N be kɔntiren mɔgɛnu le dala minnu be lajigila gabure butɔ,
n be toren iko sɛnbɛ bele mɔgɛ min na bitugun.
6N be lafontiren mɔgɔ fagareŋɛnu tɛma,
iko mɔgɛnu minnu fagata kɛlɛ tɔ
minnu be saren gabure tɔ,
i bele minnu la ko talɔnden bitugun,
i bata minnu boloka i bole la.
7I bata n to dinka luggɛreŋɛ tɔ,
faga dibe yati tɔ.
8I la dumɛ bata boe n ma,
a be dusuren n kunma iko mɔrɔŋɛnu.
Beeti bɔɔlá la suleŋɛ donden.
9I bata n lɔnbaganu layanfaya n na,
i bata n ma anu ye fondo manɛfireŋɛ la.
N be balanden, bɔɔ dula bele n ɲɛ.
10Tɔɔrɛ bata n ɲanu tule ban.
Ee Alatala, luŋɛ bɛ n be i kelela.
N be n bolenu lafontiren i mafanna lun go lun.
11I te kabanako ma mɔgɔ fagareŋɛnu ye.
Mɔgɔ fagareŋɛnu te nɔ wulila alako anu ni i matɔgɔ.
Beeti bɔɔlá la suleŋɛ donden.
12I la fonisireya la ko te fɔ gabure tɔ go!
I la kuma dɔndɔ tigiya te masifɛ laakira.
13I la kabanakoenu te nɔ lɔnna dibe tɔ.
Ɲina bata ma fagabaganu minnu la, i la teleŋɛ la ko te fɔ wonu dula.
14Nde ka ile Alatala le kele n fabɛ koe la,
n na mamataraŋɛ be tagala ile le ma saguma.
15Alatala, i be n nɛ matuntunna i la fenna?
I be i ɲakɔtɔ dogonna n na fenna?
16N be tɔɔrɛ le tɔ, n be faga da tɔ bɔɔla n denden wagate.
N be tagala n kilandeŋɛ la, i ka kilaŋɛ min nagiri n ɲɛ. N bata mafu.
17I la dumɛ be tanbila n kunma.
I la ɲagankata sɛnbɛ be n halagila.
18Anu be n namilinden iko je min be mamadula mala,
luŋɛ bɛ anu be dusuren n kunma kabɔɔ sɔngɛ bɛ la.
19I bata n kanunteŋɛnu nun n kafuɲɔgɛnu bɛ layanfaya n na.
N sigiɲɔgɛ be tabɛnden dibe le ma kɔtɛ.
Currently Selected:
Jabura 88: MOG
Highlight
Share
Compare
Copy
Want to have your highlights saved across all your devices? Sign up or sign in
