Jabura 66
66
Ala matɔgɛ a la jama lafulen kɔma
1Beete do le ka, min be donden beeti bɔɔlanu la kuntige bolo. Beete le mu min be bɔɔla kulɛ mayɛlɛreŋɛ la.
Dunuya mɔgɛ bɛ,
wo ni wo kulɛ labɔɔ sɛɛwa la Ala ye!
2Wo ni a tɔgɛ biliya beeti bɔɛ la;
wo ni a kunnawuli tantue la.
3Wo ni a fɔ Ala ye: «I la marenu makaabɛta.
I sɛnbɛ kolo koola, han i jaguenu be kuma diyama fɔla i ye kilaŋɛ la.»
4Dunuya mɔgɛ bɛ be anu majigila i ye; anu be i tantula beeti bɔɛ la.
Anu be beeti bɔɛ mala i matɔgɔ koe la.
Beeti bɔɔlá la suleŋɛ donden.
5Wo na Ala la ko mareŋɛnu fɛlɛ ba.
A be min maren, wo mu ko makaabɛreŋɛnu le la mɔgɛnu ye.
6A ka ba yɛlɛman dugu bala la,
mɔ benbanu ka wo daboŋɛ tɛgɛ anu kɛŋɛ la.
Wo butɔ, mɔ be sɛɛwaren a la.
7A be mansaya mala a sɛnbɛ la kudai,
a be a ɲa banbanden seenu ma.
Mɔgɔ murutɛreŋɛnu kana wasu.
Beeti bɔɔlá la suleŋɛ donden.
8Ee seenu bɛ, wo ni mɔ la Ala matɔgɔ,
alako wo tantu kulɛ ni mɔɛ.
9A bata mɔ lakisi mɔ nɛɛ kana bɔɔ,
a ma sɔn mɔ kɛŋɛ ni sɛrɛn.
10Ee Ala, i bata mɔ la ko fɛlɛ,
iko kaalise be lakɔrɔsila ta tɔ ki min na.
11I sɔnta jala ni mɔ bita,
i bata koto bilima sigi mɔ kunma.
12I ka a to mɔ jaguenu ni nɔ mɔ la,
mɔ tanbita ta nun je tɔ.
Kɔnɔ kɔtɛ, i bata mɔ ladon dula yiriwareŋɛ tɔ.
13-14N si sarika bintannɛŋɛnu nati i la boŋɛ tɔ.
N ka lahirenu minnu fɔ n da la
n be tɔɔrɛ tɔ wagate min tɔ,
n si naa anu lakamali le.
15N si kolofen kɛndeŋɛnu sube dii le i ma.
N si saaka kontoŋɛnu bɔɔ sarika bintannɛŋɛ la, wonu siise ni yɛlɛ han saŋɛ tɔ.
N mɛn si tuuranu nun sikulenu bɔɔ i ye sarika la.
Beeti bɔɔlá la suleŋɛ donden.
16Wole minnu be kilanden Ala la, wo na wo tolomasɔ.
Ala ka min ma n ɲɛ, n ni a ɲamakaran wo ye.
17N ka n kulɛ labɔɔ a ma a ni n dɛman;
a matɔgɔ beete be n da tɔ.
18Ka n be ko koroŋɛ nataren de nun n juse tɔ,
n Marige te naa a tolomasɔ n na nun.
19Kɔnɔ, sikkɛ bele a tɔ, Ala bata n kulɛ lamɔɛ;
a bata a tolomasɔ n na mamataraŋɛ la.
20N be Ala tantula,
bayi a ma n na mamataraŋɛ lafili.
A la kanunteya banbale tɔ, a ma n aɲɛ.
Currently Selected:
Jabura 66: MOG
Highlight
Share
Compare
Copy
Want to have your highlights saved across all your devices? Sign up or sign in
