Jabura 49
49
Mɔgɛ la mɔgɔ banbaya te a latanga faga ma
1Kora la deŋɛnu la beete do le ka, min be donden beeti bɔɔlanu la kuntige bolo.
2Wole adamadeŋɛ bɛ ni kɛ lamɔɛ,
wole dunuya jama bɛ ni wo tolomasɔ.
3Sɔdula lanma tige nun sɔdula banba tige,
fondobɔnɛ nun fondo tige, wo bɛ ni wo tolomasɔ.
4N be hakkilimaya kumanu le fɔla wo ye,
mira min be n juse tɔ, wo bɛ be maren hakkili ɲinma le la.
5N be n yili toren sandanu ma,
n si kuma luggɛreŋɛnu kɔtɔ ɲatabɔ kɔra kulɛ tɔ.
6Bɔ, n be nala kilanna ɲagankata luŋɛ la fenna,
n jaguenu la ko koroŋɛ be n namilinna wagate min tɔ?
7Anu be laaren anu la bannaya le la,
anu be anu yɛtɛ matɔgɔla anu la harige banba sɔtɛ le la.
8Kɔnɔ mɔgɔ yo te nɔ a mɔgɔɲɔgɛ kunkala,
mɔgɔ yo te nɔ a yɛtɛ kunka diila Ala ma.
9Mɔgɛ nɛɛ kunka koe bɛlɛ,
i te nɔ a sɔŋɛ diila abada.
10I la simaya si mɛ le ba kudai,
han i ni to i ma gabure sɔtɔ?
11Adun, mɔ be a yenden yati, hakkilima si faga, hakkilibɔnɛ si faga,
iko mɔgɔ fufafue to si faga,
i ni bɔɔ yan, i ni i harige to mɔgɔ gbɛtɛ bolo.
12I la gabure si ma i kiri boŋɛ la kudai;
i si to ɲɔ abada,
hali i ka dugu siyama tɔgɔ sa i yɛtɛ la.
13Mɔgɛ la mɔgɔ banbaya te a latanga faga ma;
a la ko si dan iko sube.
14Minnu be laaren anu yɛtɛ la, anu la kila le ka,
anu kulɛ di minnu ye, wonu tugun si anu jokki le faga la.
Beeti bɔɔlá la suleŋɛ donden.
15A be lagiriren anu ye anu ni faga iko saakanu;
saya ni ma anu labɛnbɛnná la.
Telenbaganu ni nɔɛ sɔtɔ anu kunma jonna.
Anu bale ni toli; aligiyama ni ma anu todula la.
16Kɔnɔ Ala si n nɛ kunka;
saya tini be giripɛla n ma, a ni n jigan, a ni n nakisi.
Beeti bɔɔlá la suleŋɛ donden.
17Mɔgɛ tini ma banná la, ka a la fondo tigiya koloyata,
wo kana i kilan.
18Bayi, a tini be fagala, a te fenfen doni a fɛ;
a la harige te nɔ a masɔla aligiyama.
19Hali mɔgɛ be wasaren a la dunuya tatɛgɛ tɔ,
hali a ka tɔgɔ belebele sɔtɔ a la fondo sɔtɛ sabu la,
20tekku le, fɔ a ni taga aligiyama, iko a benbanu tagata ki min na,
anu te dunuya yen bitugun.
21Mɔgɛ la mɔgɔ banbaya kolo kiyoki, kɔnɔ ka a hakkili bele,
a la ko si dan iko sube.
Currently Selected:
Jabura 49: MOG
Highlight
Share
Compare
Copy
Want to have your highlights saved across all your devices? Sign up or sign in
