Jabura 36
36
Adamadeŋɛnu la koronya nun Ala la hinnɛnteya
1Alatala la jondeŋɛ Dauda la beete do le ka, min be donden beeti bɔɔlanu la kuntige bolo.
2N na mira be ko koron malanu la murutɛ ma;
Ala ɲalakilaŋɛ sɔdula yo bele anu ye.
3A dɔndɔ dɔndɔ bɛ be a fan madiyala a yɛtɛ ɲala,
han a te nɔ a la junube talɔnna a fan na, a te a tagamanɲa kɛlɛ.
4Kuma yo te bɔɔ a da tɔ, fɔ kuma koroŋɛ nun janfa tun.
A bata hakkilimaya to ɲɔ,
a bata ko ɲinma boloka.
5Ka a be saren, a ni kɔnkɔn ko koroŋɛ ma koe la.
Ka a be tagamanna kila tɔ min koron,
a te wo ko koroŋɛ lafili.
6Ee Alatala, i la hinnɛnteya kolo, ale le be han saŋɛ tɔ,
i la lannanteya tugun be han luuture ma.
7I la teleŋɛ be saŋɛ tɔ iko kɔnkɔ banbanu be ki min na.
I la kiitenu luggɛta iko ba.
Ee Alatala, mɔgɛ yo, sube yo, i si anu lakisi.
8Ee n Marige Ala, i la hinnɛnteya ɲɔgɔn bele;
adamadeŋɛnu bɛ be yigiya sɔtɔla ile le bolo.
9Anu ni wasa i la bon butɔ ko yiriwareŋɛnu la.
I ni anu lamin i la sɛɛwa koenu ji kima la.
10Bayi simaya tenge be ile le bolo,
mɔ si kɛnɛ yen ile la kɛnɛ tɔ.
11I ni hinnɛ mɔgɛnu la, minnu ka i lɔn,
i ni i la teleŋɛ yita mɔgɛnu la, minnu juse be telenden.
12I kana a to han fan nakoloyalanu ni anu kɛŋɛ sɔ n ma,
i mɛn kana a to han mɔgɔ koroŋɛnu tugun ni n bee.
13A fɛlɛ, ko koron malanu ɲan bata ban boela!
Anu bata tallɛ anu te lawuli bitugun.
Currently Selected:
Jabura 36: MOG
Highlight
Copy
Compare
Share
Want to have your highlights saved across all your devices? Sign up or sign in
