Jabura 20
20
Ala mataran koe mansa ye
1Dauda la beete do le ka, min be donden beeti bɔɔlanu la kuntige bolo.
2Alatala ni i jaabi i la tɔɔrɛ luŋɛ.
Yaguba Marige Ala ni i latanga.
3A ni dɛmare nati i ma bɔɔla dula saniyandeŋɛ tɔ,
a ni i sɛnbɛnteya bɔɔla Siyɔn.
4Ala ni a hakkile to i la sarikanu bɛ ma,
a ni i la sarika bintannɛŋɛnu bita.
Beeti bɔɔlá la suleŋɛ donden.
5Ala mu i juse diyanankoenu mala i ye,
a ni i la ko hanigereŋɛnu bɛ lakamali.
6Mɔ ni ɲagalin kulɛ labɔɔ i la kise la ko la;
mɔ si mɔ la kɔlɔre layɛlɛ mɔ la Ala tɔgɛ la,
Alatala ni koe bɛ ma i ka a mataran min na.
7N bata a lɔn kɔtɛ ka a fɔla Alatala si a la mɔgɔ masubɛreŋɛ lakisi le;
a si a jaabi a la malakise sɛnbɛ sabu la min be a bolo ɲinma tɔ,
bɔɔla a la san fata saniyandeŋɛ tɔ.
8Donu be anu yigi saren sarɛti kɛlɛmafeŋɛnu ma, donu anu la soeenu ma.
Kɔnɔ mɔle kan, mɔ be mɔ yigi saren Alatala tɔgɛ le ma, mɔ Marige Ala.
9Anu le si fɛɛya ka boe;
kɔnɔ mɔle kan, mɔ si wuli ka telen gbelen.
10Ee Alatala, mansa lakisi,
ale tugun ni mɔ jaabi
ka mɔ ka mɔ kulɛ labɔɔ a ma dɛmare la.
Currently Selected:
Jabura 20: MOG
Highlight
Copy
Compare
Share
Want to have your highlights saved across all your devices? Sign up or sign in
