Jabura 136
136
Dan bele Ala la kanunteya la
1Wo Alatala tantu, bayi a kaɲin,
dan bele a la kanunteya la.
2Wo Ala fisamante tantu,
dan bele a la kanunteya la.
3Wo mansanu da mansa tantu,
dan bele a la kanunteya la.
4A dɔrɔn de be kabanako banbanu mala,
dan bele a la kanunteya la.
5A ka saŋɛ da a la lɔnnɛ la,
dan bele a la kanunteya la.
6A ka duge lafonti je kunma,
dan bele a la kanunteya la.
7A ka malanfen banbanu to saŋɛ tɔ,
dan bele a la kanunteya la.
8A ka tele to a ni tele muru kunmafɔ,
dan bele a la kanunteya la.
9A ka kare nun loolenu tugun to anu ni sue kunmafɔ,
dan bele a la kanunteya la.
10A ka Misira kaanu la den kayiren fɔlɛnu faga,
dan bele a la kanunteya la.
11A ka bani Isirayila kaanu labɔɔ anu tɛma,
dan bele a la kanunteya la.
12A ka anu jigan ɲɔ nɔɛ nun sɛnbɛ la,
dan bele a la kanunteya la.
13A ka Kulunyuma ba je fatan fila la,
dan bele a la kanunteya la.
14A ka bani Isirayila kaanu latɛgɛ ɲɔ tɛma,
dan bele a la kanunteya la.
15A ka Firauna nun a la sɔɔri gale lamuttɛ Kulunyuma ba tɔ,
dan bele a la kanunteya la.
16A ka a la jama latagaman janfue takuntu koe la,
dan bele a la kanunteya la.
17A ka mansa belebelenu halagi,
dan bele a la kanunteya la.
18A ka mansa ŋarentenu nɛ bɔɔ,
dan bele a la kanunteya la.
19A ka Sihɔn faga, Amɔri kaanu la mansa,
dan bele a la kanunteya la.
20A ka Ogi faga, Baasan dugu mansa,
dan bele a la kanunteya la.
21A ka wonu la duge dii a la jama ma, anu tɛŋɛ,
dan bele a la kanunteya la.
22Wo bani Isirayila kaanu, a la joŋɛnu, anu le ni sabati a tɔ,
dan bele a la kanunteya la.
23A ka mɔ la ko mira mɔ la mɔgɔndeya butɔ,
dan bele a la kanunteya la.
24A ka mɔ bɔɔ mɔ jaguenu bolo,
dan bele a la kanunteya la.
25A be balue diila dalifeŋɛ bɛ ma,
dan bele a la kanunteya la.
26Wo Ala tantu min be saŋɛ tɔ,
dan bele a la kanunteya la.
Currently Selected:
Jabura 136: MOG
Highlight
Share
Compare
Copy
Want to have your highlights saved across all your devices? Sign up or sign in
