Jabura 101
101
Mansa la lahire Ala ye
1Dauda la beete do le ka.
N si hinnɛnteya nun kiiti ɲinma la ko fɔ le n na beete tɔ.
Alatala, n be beete bɔɔla ile le la biliya kɔtɔ.
2N si n hakkile to le mɔgɛnu la kila ma, minnu juse beeyaren.
I be nala n ma wagati miniman?
N si tagaman de n jusu beeyareŋɛ la n na mɔgɛnu tɛma.
3N te sɔn ko koroŋɛ ni to n ɲakɔtɔ.
N be telenbalenu kɔnden anu mariɲa le la,
anu te hibbɛ n ma.
4Mamafue hakkile si yanfaya le n na;
n te don ko koroŋɛ tɔ.
5Min be a kafuɲɔgɛ makumala gundo tɔ,
n si a la ko ladufen de.
N te sɔn wasumante nun fan nakoloyalá la.
6N si n ɲa sɔ le duge lannanteya mɔgɛnu la,
alako anu ni sabati n kɛnna.
Min tini to mɔgɔ beeyareŋɛ la kila tɔ,
wo tigi le si nɔ walila n ɲɛ.
7Ka min mata funmalá la,
wo tigi te sabati n na mɔgɛnu tɛma.
Ka min mata foniyante la,
a te to n ɲakɔtɔ.
8Saguma yo saguma, n si kɛ duge ko koron malanu la ko ladufen de kiite tɔ,
alako n ni mɔgɔ telenbalenu ban Alatala la saa tɔ.
Currently Selected:
Jabura 101: MOG
Highlight
Share
Compare
Copy
Want to have your highlights saved across all your devices? Sign up or sign in
