Lewi bɔnsɛnu la sariya Kuma do yita koe kɛ kitabue la ko tɔ
Kuma do yita koe kɛ kitabue la ko tɔ
Ala ka a la sariya yita a la jama ye Annabi Musa sabu la. Wo sariya be sɛbɛren kitabu loolu le butɔ, minnu labɛndeŋɛ tɔgɛ be fɔla le «Taureta Musa». Bani Isirayila bɛnta le anu ni Ala labatu ki min na, wo bɛ sɛbɛren wo kitabuenu butɔ.
«Lewi bɔnsɛnu la sariya» be maren kitabu sabaɲɔgɛ la Taureta Musa butɔ. A be sɛbɛren mɔgɛnu ye minnu be Ala la wale mala bani Isirayila kaanu ɲaama. Wo mɔgɛnu tabɛnden Lewi bɔnsɛ le ma. Ala ka a yamɔri nun, Lewi kaanu ni jama lakawandi, anu ni sarika lake anu ye Ala ma. Ala la wale bɛnta a ni ma a kɛɲa yati le ma. Wolo mu, Annabi Musa ka wo bɛ sɛbɛ kitabue butɔ, alako diina ɲatɔsɔlanu nun Isirayila jama bɛ ni wo sariya lɔn, anu ni sɔ a kɔma.
Kɛ kitabue butɔ, ko siyama le be sɛbɛren sarikanu la ko tɔ, bani Isirayila kaanu bɛnta anu ni min kɛnɛ bɔɔ Ala ye, anun Ala be diren anu ni bɔɔ nun ki min na. Sa wo kuma, sariya siyama be sɛbɛren kɛ kitabue butɔ, alako Ala be diren min ye, adamadeŋɛnu ni wo lɔn. Wo mɔ ni a lɔn, Alatala ma a la yamɔrenu dii mɔgɛnu ma fufafu le la. Ala be diren, mɔgɛnu ni saniyan, bayi min be saniyanden, hɛra be wo tigi ye.
Ala mu wo mɔ dɛmanna, alako mɔ la dunuya tatɛgɛ ni bɛn a sagoe ma.
Currently Selected:
Lewi bɔnsɛnu la sariya Kuma do yita koe kɛ kitabue la ko tɔ: MOG
Highlight
Share
Compare
Copy
Want to have your highlights saved across all your devices? Sign up or sign in