Ko fɔlɔfɔlɛ 49
49
Yaguba la saara kuma
1Yaguba ka a la deŋɛnu kele, a ka a fɔ anu ye:
«Wo madɛn n ni kuma do fɔ wo ye,
min be naala wo takela sinan.
2Wo madon, wo ni wo tolomasɔ n na, nde Yaguba la deŋɛnu,
wo tolomasɔ wo baaba Yaguba la.
3Ile Rubɛn, i mu n na den fɔlɛ le la,
n ka ile len fɔlɔ sɔtɔ sɛnbɛ be n na tɛmuɛ min tɔ,
fisamanteya nun sɛnbɛ be i ye i dɔgɛnu ko.
4I si wuruntun iko mɔrɔŋɛ,
i bata sa i baaba la benbe tɔ i ka a manɔgɔ,
i nun i nanden bata kafu n na benbe tɔ.
Wolo mu i te ma fisamante la.
5Simeyɔn nun Lewi mu nɛɛnɛ dɔndɔma le la,
anu la faŋɛ mu kɛlɛmafeŋɛ le la.
6Kɔnɔ n te to anu la janfaɲɔgɔya tɔ,
n te kafu anu ma anu la bɛŋɛ tɔ,
bayi anu la jusu yɛlɛ butɔ anu ka kayenu faga,
anu la kalabanteya la anu ka tuuranu maba.
7N bata anu la jusu yɛlɛ danka,
bayi a sɛnbɛ kolo kɛlɛ tɛgɛ la.
N bata anu la mɔnɛ danka
bayi anu ɲa bɛlɛ.
N si anu nun Yaguba bɔnsɛ lafatan de,
n mɛn ni anu mafatan Isirayila jamanɛ butɔ.
8Juda, i baaba dɔndɛnu si ile le tantu,
i si naa nɔɛ sɔtɔ le i jaguenu kunma.
I baaba la den kayireŋɛnu si anu majigi le i ye.
9N na den Juda, jata deŋɛ le mu i la,
i tini sube dɔmɔ i ni saagi i todula tɔ.
I be i kunbeleŋɛnu ŋɔrɔmɔntɔnna le iko jata,
iko jata muse, ɲɔmɔ le si nɔ i lawulila?
10Mansa tungare be naala tola Juda bɔnsɛ le bolo.
Mɔgɔ yo te mansaya nɔɛ bɔɔ a bɔnsɛ bolo.
Fɔ a tige tini na tɛmuɛ min tɔ,
see bɛ mɛn ni naa sujudu a ye.
11A be a la sofale kitila rɛsɛn lɔgɛ le la.
A be a la sofale deŋɛ tugun kitila rɛsɛn lɔgɔ ɲinma le la.
A be a la doroke kola beere je le la,
a be a la kima doroke tugun kola beere ji wuleŋɛ le la.
12Beere je be a ɲanu lawulenden,
nɔnɛ be a ɲiŋɛnu labeyaren.
13Sabulɔn be naala sabatila ba dala le,
bakkida si sɔtɔ ka min na kuluŋɛnu ye.
A la naaniŋɛ be Sidɔn sɔngɛ le la.
14Isakari mu sofale sɛnbɛma le la,
min be sala wɔɔrɛ fila tɛma.
15A ka a yen a be a sulenna dula min tɔ, a kaɲin;
a be saren duge min tɔ, ɲɔ be diyaren a ye.
A be a kɔɛ lafontiren kote kɔtɔ,
a be jonya wale le tɔ.
16Dan, a si a tɛn jama makiiti le,
iko bani Isirayila bɔnsɛ doenu.
17Dan si to iko kaa, min be kila tɔ,
iko tanbalunbe min be kɛn kila tɔ.
A ni soee tingiliŋɛnu kin,
soo laborilá ni boe a kɔɛ ma.
18Ee Alatala, n hakkile be i ma, i si n nakisi le.
19Gadi, boenmalanu si boe le a ma,
kɔnɔ ale tugun si bɔɔ anu bolo a ni anu jokki.
20Aseri la duge be dɔmɔ ɲinma le labɔɔla,
mansa be a la dɔmɛ sɔtɔla ka min na.
21Nafutali si to iko minan muse min be a fan ye,
a ni den ɲinmanu sɔtɔ.
22Yusufu si to iko kifeŋɛ min bulata tenge kɛnna,
a boliŋɛnu be yɛlɛla tatta kunma,
a be wolola a ɲinma la.
23Ndaka fililanu ka kɛlɛ tɛgɛ a ma,
anu ka kala fili a ma,
han anu ka a ladumɛn.
24Kɔnɔ a la kala te lamaga a bole tɔ,
a bole tugun telenta,
Yaguba la Ala sɛnbɛ tige sabu la,
min be maren bani Isirayila bɔnsɛ dankunna la,
min be toren iko kuru banba.
25I baaba Marigi Ala le si i dɛman,
Ala min mu sɛnbɛ tige la,
a ni barikɛ sa i la ko tɔ,
a ni saŋɛ barikɛnu lajigi kabɔɔ kantɔ,
a ni duge tɔ je barikɛ dii i ma,
a ni den sɔtɔ koe laɲini i ye
a ni i bɔnsɛ singi je lasiya.
26I baaba la barikɛ tanbita ko ɲinma bɛ la,
min bɛ bata ma nun kabɔɔ tɛmu yanfama tɔ.
Wo bɛ ni to Yusufu kunma,
min bata masubɛ a baaba dɔndɛnu tɛma.
27Bunyamin si to iko wula butɔ wulu fate.
Saguma fɔ a ni sube puruntin,
a ka min sɔtɔ, wura la a ni a fatan.»
28Bani Isirayila bɔnsɔ tan nun fila bɔɔta kɛndelen tɔ. Anu baaba saarata anu la, a ka kɛ-lɛ fɔ a saarata anu bɛ la, bɛ nun a la saara.
Yaguba la faga
29Wo kɔma a ka wo yamɔre sa a la deŋɛnu ma, a ko: «N benbanu minnu fagata, n be anu jokkila le. Ka n fagata wo ni n mandi n baabanu fure mandita ka min na fanmɛ tɔ min be Efurɔn Hɛti kaa la duge tɔ, 30fanmɛ min be Makipela duge tɔ, Mamire tabɛŋɛ tɔ Kanana duge tɔ. Iburahima ka wo duge san de Efurɔn Hɛti kaa ma, alako ɲɔ ni ma a la gaburudula la. 31Anu ka Iburahima nun a la musu Sara mandi ɲɔ le. Anu ka Isiyaka tugun nun a la musu Rebeka mandi ɲɔ le. Nde tugun ka Leya mandi ɲɔ le. 32Wo duge nun fanmɛ min be ɲɔ, anu santa Hɛti bɔnsɛ le ma.» 33Yaguba to banta kumala a la deŋɛnu ye, a sata benbe tɔ, a nɛ bɔɔta, a tagata a benbanu taran.
Currently Selected:
Ko fɔlɔfɔlɛ 49: MOG
Highlight
Share
Compare
Copy
Want to have your highlights saved across all your devices? Sign up or sign in
