Popular Bible Verses from Ko fɔlɔfɔlɛ 49

Share

Mansa tungare be naala tola Juda bɔnsɛ le bolo. Mɔgɔ yo te mansaya nɔɛ bɔɔ a bɔnsɛ bolo. Fɔ a tige tini na tɛmuɛ min tɔ, see bɛ mɛn ni naa sujudu a ye.

Yusufu si to iko kifeŋɛ min bulata tenge kɛnna, a boliŋɛnu be yɛlɛla tatta kunma, a be wolola a ɲinma la. Ndaka fililanu ka kɛlɛ tɛgɛ a ma, anu ka kala fili a ma, han anu ka a ladumɛn.

Kɔnɔ a la kala te lamaga a bole tɔ, a bole tugun telenta, Yaguba la Ala sɛnbɛ tige sabu la, min be maren bani Isirayila bɔnsɛ dankunna la, min be toren iko kuru banba. I baaba Marigi Ala le si i dɛman, Ala min mu sɛnbɛ tige la, a ni barikɛ sa i la ko tɔ, a ni saŋɛ barikɛnu lajigi kabɔɔ kantɔ, a ni duge tɔ je barikɛ dii i ma, a ni den sɔtɔ koe laɲini i ye a ni i bɔnsɛ singi je lasiya.

Juda, i baaba dɔndɛnu si ile le tantu, i si naa nɔɛ sɔtɔ le i jaguenu kunma. I baaba la den kayireŋɛnu si anu majigi le i ye. N na den Juda, jata deŋɛ le mu i la, i tini sube dɔmɔ i ni saagi i todula tɔ. I be i kunbeleŋɛnu ŋɔrɔmɔntɔnna le iko jata, iko jata muse, ɲɔmɔ le si nɔ i lawulila?

Ile Rubɛn, i mu n na den fɔlɛ le la, n ka ile len fɔlɔ sɔtɔ sɛnbɛ be n na tɛmuɛ min tɔ, fisamanteya nun sɛnbɛ be i ye i dɔgɛnu ko. I si wuruntun iko mɔrɔŋɛ, i bata sa i baaba la benbe tɔ i ka a manɔgɔ, i nun i nanden bata kafu n na benbe tɔ. Wolo mu i te ma fisamante la.