Hɔrɔya 25

Bani Isirayila kaanu la bolo makafuenu hɔrɔma dingira la ko tɔ

1Alatala kumata Musa ye ɲɔ le, a ko: 2«A fɔ bani Isirayila kaanu ye, anu ni anu bolo makafu n ɲɛ. Ka min ka fondo bɔɔ n ɲɛ a hanige beeyareŋɛ la, wo ni a madɛn n ɲɛ. 3Anu be bolo makafuenu minnu donna wo bolo, wondelen mu ka: sanuɛ, kaalise, anun taasa, 4anun wurundu gese a bululama, a dubalamanɛŋɛ anun a wulenma, tasɔgɔ kuta gese, anun baa te gese, 5anun saaka kontoŋɛ bolenu minnu be ɲɛgɛnden a wulenma la, anun foyi yɛgɛ bolenu, anun kasiya lɔgɛ, 6anun lanpu tɔ tule nun labundɛ min be basanden tule fɛ, min be lawalila mɔgɔ yita koe la Ala la, anun fondo kuɲɛ diyama min be basanden sorayi fɛ min si bintan, 7anun Oniki kuru wuleŋɛ anun kuru sɔn bɛlɛŋɛ donu, sarika lakela banba la doroki kunmanɛŋɛ bolobɔnɛ anun a la jusukun mabutinfeŋɛ layangufeŋɛnu. 8Wo butɔ, bani Isirayila kaanu be dula saniyandeŋɛ sɔla n ɲɛ, alako n ni sabati anu tɛma. 9Wo si wo hɔrɔma dingira ɲiɲa anun a walifeŋɛ bɛ la, iko n be a misalenu yitala i la ki min na.»

Lahire seedeɲɔgɔya be sala kankira min butɔ

10«Anu be kankira ɲiɲala kasiya lɔgɛ la. A la yanya ni ma nɔngɔn fila nun a tɛma la. A la yajɛ ni ma nɔngɔn dɔndɔ nun a tɛma la. A la towe ni ma nɔngɔn dɔndɔ nun a tɛma la. 11I be sanuɛ yati le madonna a butɔ nun a kɔma ma, i ni a kunma fɛfɛ lamiliŋɛ bɛ ɲiɲa sanuɛ la. 12I ni sanuɛ lakunɛn, i ni kurunda naani ɲiɲa, minnu si sa a tunku naanɛ tɔ, kurunda fila sɔngɔ dɔndɔ, kurunda fila sɔngɛ doe. 13I ni kasiya lɔgɛ kayanma fila malasɛ a ye, i ni sanuɛ madon anu ma. 14I ni anu ladon wo kurundanu tɔ minnu be kankira sɔngɔ, anu ni ma kankira jiganfeŋɛ la. 15I tini wo lɔgɔ kayanmanu ladon kurundanu tɔ, anu te tabɔɔ a tɔ bitugun. 16N be lahire min kitila jama nun nde tɛma, a seedeɲɔgɔya le be sala wo kankira butɔ.

17I mɛn be junubu kafare dataguraŋɛ#25:17 Taureta Musa kitabu sabaɲɔgɛ, sora 16 fɛlɛ ɲiɲala sanuɛ yati le la. A la yanya ni ma nɔngɔn fila nun a tɛma la, a la yajɛ nɔngɔn dɔndɔ nun a tɛma. 18I ni maleka fila misale ɲiɲa sanu botegereŋɛ la, a dataguraŋɛ la yajɛ sɔngɔ filanu kunma. 19I ni maleka misali dɔndɔ ɲiɲa dataguraŋɛ la yajɛ sɔngɔ dɔndɔ tɔ, i ni doe tugun ɲiɲa a la yajɛ sɔngɛ doe tɔ. Malekanu misale nun wo dataguraŋɛ bɛ be ɲiɲala ɲɔgɔn fɛ. 20Anu ni ɲamatelen ɲɔgɔn ma, anu ni kunsin dataguraŋɛ kunma, anu ni anu gabataŋɛnu lafonti ka butin a kunma. 21I ni wo dataguraŋɛ sa wo kankira da la; n be lahire min kitila jama nun nde tɛma, i be a seedeɲɔgɔya sala wo kankira butɔ. 22N si naa n fan nabɔɔ i ma ɲɔ le, n si naa kuma le i ye wo dataguraŋɛ kunma, maleka fila misalireŋɛ tɛma minnu be seedeɲɔgɔya kankira kunma. N si naa yamɔre bɛ don i bolo ɲɔ le a ni bani Isirayila kaanu masɔtɔ.»

Dɛgɛ sa teebile Ala tabɛŋɛ tɔ

23«I ni kasiya lɔgɛ ɲiɲa teebile la, a la yanya ni ma nɔngɔn fila la, a la yajɛ ni ma nɔngɔn dɔndɔ la, a la towe ni ma nɔngɔn dɔndɔ nun a tɛma la. 24I be sanuɛ yati le madonna a ma, i ni a dabole bɛ ɲiɲa sanuɛ la. 25I ni a dabole lamiliŋɛ yajɛ labɔɔ, bolo solin naani, i ni naa sanuɛ sa a lamiliŋɛnu tɔ. 26I ni sanu kurunda naani ɲiɲa, i ni naa anu sigi a tunke naanɛ bɛ ye, minnu si tabɛn a kɛn naanɛ ma. 27Wo kurundanu ni madon a dabole la, lɔgɔ kayanmanu le be ladonna anu tɔ, teebile jiganfeŋɛ la. 28I ni kasiya lɔgɔ kayanma fila malasɛ, i ni naa sanuɛ madon anu ma, wondelen be mala teebile jiganfeŋɛ la. 29I ni piletenu ɲiɲa a ye, anun tɔnbilenu. I ni pɔɔti banbanu tugun ɲiɲa anun panɛnu, anu be beere bɔɔla sarika la minnu tɔ. Anu bɛ be ɲiɲala sanuɛ yati le la. 30I ni dɛgɛnu sa teebile kunma, wagate bɛ anu ni to n tabɛŋɛ tɔ, n ni anu yen.»

Lanpu sigifeŋɛ

31«I be sanuɛ yati le botegela jɔnjɔnna la, i ni a ɲiɲa lanpu sigifeŋɛ la. A kɛŋɛ yo, a kute yo, a balanu yo, a la sigidulanu yo, anun a la yangufeŋɛnu, wo bɛ be ɲiɲala sanu wundu dɔndɔ le la. 32Bala wɔɔrɔ le be tola a kuteka tɔ, a sɔngɔ dɔndɔ bala saba, sɔngɛ doe tugun bala saba. 33Bala yo bala, feere#25:33 feereHebure kuma tɔ, a tɔgɔ le «amande». saba le be tola a ma; feere dɔndɔ yo feere dɔndɔ, a be toren iko tɔnbile, a kukureŋɛnu nun a yanbanu tugun be wolo ɲaama. 34Lanpu sigifeŋɛ kute, feere naani le be tola a ma, anu be toren iko tɔnbile, a kukureŋɛnu nun a yanbanu tugun be wolo ɲaama. 35Bala fila be bɔɔla a kute tɔ ka min na, kukuren dɔndɔ si to le ɲɔ kɔtɔ: bala fila tɛma minnu be a kute kɔtɔ, ɲɔ kɔtɔ kukuren dɔndɔ; bala fila tɛma minnu be a kute tɛma, ɲɔ tugun kɔtɔ kukuren dɔndɔ; bala fila tɛma minnu be a kute kunma ɲɔ tugun kɔtɔ kukuren dɔndɔ. 36A kukureŋɛnu nun a balanu, anun wo tɔɛ bɛ mu wundu dɔndɔ le la. A bɛ be mala sanuɛ yati le la, min be botegela jɔnjɔnna la. 37Wo kɔma, i ni lanpu wɔrɔwila ɲiɲa, i ni anu sigi wo lanpu sigifeŋɛ kunma, alako anu ni sigidula bɛ lakɛnɛ. 38Anu la wukke tɛgɛfeŋɛ anun anu la buguta safeŋɛ, wo bɛ be ɲiɲala sanuɛ yati le la. 39Wo be kilo bi saba nun naani sanuɛ le mala lanpue sigifeŋɛ nun a la miraŋɛnu bɛ ɲiɲafeŋɛ la. 40Ile, Musa, a fɛlɛ i ni a ma, iko n be min mɔɔle yitala i la ka kɔnkɛ kunma.»

Currently Selected:

Hɔrɔya 25: MOG

Highlight

Compare

Copy