2 Tesaloniki Kumanu le mu ka minnu be kɛ kitabue la ko fɔren
Kumanu le mu ka minnu be kɛ kitabue la ko fɔren
Kɛ kitabue be maren bataakɛ filaɲɔgɛ le la Ala la kiilá Pɔlu nun a waliɲɔgɛ donu ka min sɛbɛ dɛnkɛnɛyabaga jama ma minnu be sabatiren nun Tesaloniki saa tɔ. Pɔlu la bataakɛ fɔlɛ sɛbɛ wagate, koe minnu be tanbila nun Tesaloniki, wonu bele banden sifɛla nun. Wolo mu, Pɔlu naata bataakɛ do tugun sɛbɛ Tesaloniki dɛnkɛnɛyabaganu ma.
Mɔgɔ koroŋɛ minnu be Tesaloniki dɛnkɛnɛyabaganu ɲagankatala, anu bele wo ɲagankata lasɔren nun. Wo butɔ, Pɔlu tasaagita dɛnkɛnɛyabaga jama lalimaniyala a la kɛ bataakɛ filaɲɔgɛ butɔ. A ka anu lasi anu ni anu timiladiya dɛnkɛnɛya la, anu kana kori wali ɲinma ma koe la, anu ni sɔ Ala la tɔɲa kɔma iko Pɔlu ka anu kawandi ki min na nun. Pɔlu mɛn bata a mɔɛ nun aa Tesaloniki dɛnkɛnɛyabaganu bata kibare sɔtɔ mɔgɔ donu la nun, aa Marige na luŋɛ ɲan bata ke. Wo butɔ, Pɔlu ka tɔɲa makɛnɛn dɛnkɛnɛyabaganu ye Isa tana koe la ko tɔ, a ko aa Marige na luŋɛ te ke fɔ koe donu ni ma betunna Ala be minnu lagiriren. A ka anu lasi a bɛlɛma la, a ko fanni wo koenu ma ban kamalila, anu ni to anu la wale mala lun go lun, anu kana anu la kɔntɔfile sigi mɔgɔ gbɛtɛ yo kunma.
Kɛ kitabue be maren kuma le la Ala Hakkili saniyandeŋɛ ka min dii Pɔlu ma Tesaloniki dɛnkɛnɛyabaganu anun dɛnkɛnɛyabaga bɛ ye. Ala mu wo mɔ dɛmanna kɛ kuma ni don wo mɔ hakkile tɔ, wo mɔ ni a lasabati wo mɔ juse tɔ. Ala mu sɛnbɛ diila wo mɔ ma, wo mɔ la wale nun kuma bɛ ni ma a ɲinma le la. Ala mu wo mɔ sondoŋɛnu kun sɔla kila ɲinma tɔ, wo mɔ ni tagaman Ala la kanunteya la anun a la mɔgɔ masubɛreŋɛ la timiladiya la. Ala mu wo mɔ dɛmanna, wo mɔ kɛŋɛnu ni to dɛnkɛnɛya tɔ. Amina.
Pɔlu la bataakɛ filaɲɔgɛ tagala Isayankanu ma minnu be Tesaloniki saa tɔ
Currently Selected:
2 Tesaloniki Kumanu le mu ka minnu be kɛ kitabue la ko fɔren: MOG
Highlight
Share
Copy
Want to have your highlights saved across all your devices? Sign up or sign in