Sawmus 140
140
Uya mpithan giwkis hiyeg arewhavye
1Kiyavwiye Uhokri, uya amnih wiwhun giwkis hiyeg mbayavye! Uya mpithan giwkis awaykemni arewhavye.
2Igkis misakwa ahegbetenenekwa adahan kehne mbayka. Hawata igkis avanenekwa kavusasenenekwa kerka.
3Gibiykis kewa kaybunebe pahaywotneye. Hawata giwnkis kewa datkabe kane givuyisima.
4Kiyavwiye Uhokri, uya mpithan ariw mbayavye gidatnikis! Uya wiwhun giwkis awaykemni arewhavye, giwkis neras ku pariye ahegbet adahan nudagahkiswitni piw.
5Awaykemni kawantiyavye igkis ah tey nudahan, hawata igkis ah akati avigku nuhina. Igkis ahegbeta arakembet nudahan adahan nukamaxwitni.
6Nahme awna pit: “Kiyavwiye, pisnewa nuwohkiga.” Kiyavwiye, uya amnih timap namnihswan pit.
7 Kibeyne, Kiyavwiye nuwohkiga, namnihten detye, pis mpithevun abet kerka.
8Kiyavwiye, ka ba isaksa mbayavye uti ku pariye gimawkankis. Ka ba isaksa gahegbetawnikis mbeyevyenenwa humaw gitkis.
9Hawata ka ba isaksa nuvetunyavu matekevunma. Kehnaba ku pariye kakak igkis puwimahun in tuguh givititkiswa akiw.
10 Ig ka kis dahwa amadga hawkri. Igkis kis adahan tiket amey tuguh givititkis; adahan igkis padakavepka ta arikut unihmna adahan ka takunima igkis pes ayteke akiw!
11Hiyeg wasaymavye ka kis kibihwa amadga inin. Hiyeg arewhavye kis adahan igkis wiwhka amadgatak inin.
12 Kibeyne Kiyavwiye Uhokri, nah hiyak ku pis avuriw hiyeg tuwatavye hawata neras ku pariye muweknevwi gitkis.
13Hiyeg ku pariye ihpenevwi piwn igkis inyewa kabayhapnek. Hawata neras ku pariye wadityevwi igkis misakwanek ay pivetun.
Currently Selected:
Sawmus 140: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
