Sawmus 138
138
Piriyepkawka adahan kabayhaki
1Kiyavwiye Uhokri, nah kabayhap akak madikte nuyakni. Hawata nah pak avat adahan kabeyhene piw giwtrikkis madikte uhokrivyenevwi.
2Awaku ku samah pamnihra akak pabay, nah paberetusaw nuhepka han avetunat pivin barewvitye. Nah kabayha piw. Mmanawa pis ekke ku piw akak pikumadukan in avitmin madikte arikna.
3Ku aysaw nah kanumpep, pisme kaytwe nuwnuh, hawata akak pidatni, pis wagahkise nawaygi.
4Kiyavwiye Uhokri, madikte ikivaratviyenevwi amadgayavu wayk igkis kabayhapnek ku aysaw igkis timapnek arak pikaksan.
5Igkis paknek amin arikna ku pariye pis, Kiyavwiye, kehe, mmanawa pikiytani in ka aynsima.
6Pis aynte inurik, heneme akak ini pis avuriw neras tuwatasewnevwi. Igkisme kawantiyavye pis ka avuriwgikis.
7Ku aysaw nah abet mbeyne, pisme iki nutuh piw. Mmanawa pis in mpithan ariw nuvetunyavu gidagonikis. Pis amnihun gavit pidatni.
8Pis kehnek madikte ku pariye pikaksan nutuh. Kiyavwiye, pamnihra dahwa adahan avanenekwa. Ka ba tukuhpima inin annivwit ku pariye pis kavuse.
Currently Selected:
Sawmus 138: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
