Sawmus 137
137
Kadniki aharit uwaxig
1Akigbimna warik aynte Babilônia usuh ubetki bat, usuh tihene, ku aysaw usuh kiye Jerusalém.
2Usuh mawihave wagigni hebek ta avewit ah ku pariye ayge.
3Nerasme ku pariye uwepten atere kewa kamaxkavube igkis keh usuh pak avat. Igkis awna: “Paknay udahan avatman siyawhyene.”
4Heneme, aynte avit waxri nawwotunye, mmahpaki ik adahan usuh pak pahat avat gidahan Kiyavwiye Uhokri?
5Jerusalém, ku nah miyehpepnek, amawka ka takunima akiw nah agigha hebek.
6Amawka ka takunima akiw nah pak avat, ku nah ka kiyepi, ku nah ka ivegmina nuhiyekemni amin ku samah pisnewa batekka kane aynsima adahan naymuhwan.
7Kiyavwiye Uhokri, kiyenaba ku pariye edohyenevwi gikehnikis ariwntak ku samah Jerusalém matekepka gavitkis suwtat babilonyenevwi. Kiyenaba ku samah igkis awna: “Mehbetepnay Jerusalém danuhte waykborit!”
8Pisme paytwempu Babilônia, pis mehbetepkanek! Ka aynsima kabaykanek gidahankis hiyeg ku pariye kehpiye hene pikak ku samah pis kehe ukakuh.
9Neras ku pariye kamaxavevyenek pikamkayuvwi hawata batakwasevyenek igkis ta avitit tip.
Currently Selected:
Sawmus 137: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
