Sawmus 136
136
Uhokri gamnihra dahwa adahan avananekwa
1Kabayhanay Kiyavwiye Uhokri, awaku ig kibeyne;
awaku gamnihra dahwa adahan avananekwa.
2Kabayhanay ner Detye, ku pariye gidatni mpiy madikte hiyegviyenvwi giwohkigavukis amedgene inin;
awaku gamnihra dahwa adahan avananekwa.
3Kabayhanay ner Detye, ku pariye gidatni mpiy madikte kumadukenevwi amadga inin;
awaku gamnihra dahwa adahan avananekwa.
4Ignewa Kiyavwiye hiya akehka ka aynsima annut;
awaku gamnihra dahwa adahan avananekwa.
5Akak gihiyekemni, ig kehe en;
awaku gamnihra dahwa adahan avananekwa.
6Ayteke ig yakkise waxri ahakwatak un;
awaku gamnihra dahwa adahan avananekwa.
7Ig humawase kamuw akak kayg;
awaku gamnihra dahwa adahan avananekwa.
8Ig kehe kamuw adahan uguhne puwivaka;
awaku gamnihra dahwa adahan avananekwa.
9Ig kehe kayg akak warukmebdi adahan uguhne tiyegem ka;
awaku gamnihra dahwa adahan avananekwa.
10 Minikwak ig isahkisase gihiyegavu abetitak mbeyne. Ariku mpuse hiyeg ejituyenevwi givinkis ig umahkisase pahavwi ikamkayti egutye;
awaku gamnihra dahwa adahan avananekwa.
11Ig wiwhe gihiyegavu izhaewyenevwi avititak Ejitumnaw;
awaku gamnihra dahwa adahan avananekwa.
12Ig wiwhpigkis akak giwak detye hawata akak giwan kane adatnisima;
awaku gamnihra dahwa adahan avananekwa.
13Ig ibekhe parahwokwa Duwweh pabuskak;
awaku gamnihra dahwa adahan avananekwa.
14Ig kehe gihiyegavu izhaewyenevwi mpiye ayegbiw parahwokwa;
awaku gamnihra dahwa adahan avananekwa.
15Ayge parahwokwa ig ner Ejitumnaw akivara aniksew payak gikakkis gisuwtatavu;
awaku gamnihra dahwa adahan avananekwa.
16 Ayteke Kiyavwiye Uhokri huwithe gihiyegavu amadgew amatap;
awaku gamnihra dahwa adahan avananekwa.
17Ig umahave ikivaratviyenevwi detyevwi;
awaku gamnihra dahwa adahan avananekwa.
18Ig umahave ikivaratviyenevwi ku pariye kane giwkisima muwapuw;
awaku gamnihra dahwa adahan avananekwa.
19Ig umehe Seoh, ku pariye amohewyenevwi gikivarakis;
awaku gamnihra dahwa adahan avananekwa.
20Hawata ig umehe Ogi, ku pariye Basahmnaw akivara;
awaku gamnihra dahwa adahan avananekwa.
21Ig ike gitkis gihiyegavu giwaxigkis neras ikivaratviyenevwi adahan in humaw gidahankis;
awaku gamnihra dahwa adahan avananekwa.
22Ig ike inin waxrivyene giwakuritkis gihiyegavu izhaewyenevwi;
awaku gamnihra dahwa adahan avananekwa.
23Ku aysaw usuh hahwa, Kiyavwiye Uhokri ka miyeh usuh;
awaku gamnihra dahwa adahan avananekwa.
24Ig wiwhe usuh giwakutakkis uvetunyavu;
awaku gamnihra dahwa adahan avananekwa.
25Ig iki madikte hiyeg gimanakis payak gikakkis puwiknebdi;
awaku gamnihra dahwa adahan avananekwa.
26Kabayhanay Kiyavwiye Uhokri inurikyene;
awaku gamnihra dahwa adahan avananekwa.
Currently Selected:
Sawmus 136: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
