1 Korintyus 16
16
Ahiwnay karukri gidahankis madiptavye
At 11.29; Ro 15.25; 2Ko 8.1, 9.1; 1Tim 6.18
1 Nukebyuvwi, kuri nah akkamnihte yit adahan ku samah yis ahiw karukri gidahankis Jesus gihiyegavu madiptavye. Kuwis nah ekke gitkis Jesus gihiyegavu aynte Galasiyamnaw adahan ku samah igkis ahiw nor karukri. Amawka ku yis ahiw hawata ku samah igkis ahiwnes gidahankis. Kuri nah akkite yit ku samah.
2Mpuse paka abet in kabay adahan yis wiwhnekuye araytak yikakura adahan yikan gitkis madiptavye. Yis bayahgu avawyewa. Ikinay ku samah yis uti ayge. Nikwe ku aysaw nah danuhnek atere yit, yikan kuwis ahegbet.
3Ayteke nikwe hiyawa yiswa kaniy ku pariye hiyeg yimawkan adahan ewkwiye egu yikan gitkis neras madiptavye aynte Jerusalém. Nahme ku aysaw nah danuhnek atere yit nah awahkisgikis atere Jerusalém payak akak pahak kagta nuwntak kahadbe hiyeg ka pukuhpaw gibohrikis.
4Ku yis muwaka ik adahan nahwa ewk yikan atere, nikwe nah atak gikakkis neras yikanyanvu.
Nah atere misakwa yikak ayiptenek ayge
5Kuwewanek ku aysaw pisenwa nuwewvan avitiw Masedôniyamnaw, nah danuhpanek atere yit.
6Nutuhbe nah misakwanek ayipte ayge yikak. Nawenetke adahan paxnika kayg. Ayteke nikwe nah aharitkere yis mayunek nutuh adahan nah tivikwiye akak kabayka ku kitwiye nah.
7Mmanawa nah ka muwaka nah he mpiyenen awvre yimuniw. Gikak Uhokrinek nah misakwanek ayipte ayge yikak.
8Heneme kuri akak inin amawka nah misekwenete ay avit paytwempu Efesu he ahawkanavrik ini fet kewye Pentekostis danuh.
9Mmanawa nuvewkan in kibeyne hawkri adahan nah kannivwiye ekkene Uhokri gihiyekemni ay avit inin paytwempu. Hiyawa ka aynsima hiyeg suguhnan, heneme hawata ka aynsima hiyeg timepkere Uhokri gihiyekemni.
Amavanay Timotyu kabayntiwa
10Ku aysaw ig kiyavwiye Timotyu danuhnek atere yit, uyay amavanig kabayntiwa. Mmanawa ig kannivwiye gidahan Ukivarawiy Jesus hawata ke nahbe.
11Ka ba yi tukuhptig. Amawka yis kiyatig. Ayteke pisenwa gannivwi ayge yibetnek, uyay awahkiswig numinuh akak kabayka. Nah wahapnig ay ku aysaw ig danuh atan gikakkis ukebyuvwiy.
12Igme ukebyi kiyavwiye Apolu, nah kuwis awna git adahan ig atak atere danuhpa yit gihaptikis ukebyuvwiy. Heneme ig kote ikte adahan ig atak atere. Ka sam. Ku aysaw ig kahawkan ig atak aterenek.
Misakwanay akak yawaygi
2Tim 1.7
13 Nukebyuvwi, misakwanay avuriwnenekwa yihiyekemni ba in kabayntiwatma. Ka ba yi isahkiswa ariw yikamaxwan givitit Cristo. Misakwanay akak madikte yawaygi hawata akak madikte yidatni.
14Madikte ku pariye yis keh, kehnabay akak Uhokri gamnihra ay yivit.
Kiyathanay yiwewkisten
Fil 2.30; 1Tes 5.12; Eb 13.17
15Nukebyuvwi, ivegnay givititkis kiyavwiye Estéfanas gikakkis gikebyuvwi ku pariye misekwenevwi ayge yibet. Igkis kitnene ku pariye kamaxwevye givitit Cristo ayge Gresiyamnaw. Kuri igkis ikatuswe adahanikwa giwewkistenkis Jesus gihiyegavu ayge.
16Nah aya yit adahan yis iha giwnkis. Adahan yis iha giwnkis madikte neras ku pariye kannivwiyevwi wewkisnevwi Jesus gihiyegavu ke igkisbe.
17Nah bateke numinuh ku samah nah hiyap ig kiyavwiye Estéfanas gikak kiyavwiye Fortunatu hawata ig kiyavwiye Akayku, igkis danuh atan nutuh ayteke yiwntak. Igkis keh nah bateke ke wotbe yis ayvekuyebe ay nukakuh.
18Igkis keh nah bateke hawata ku samah nah hiyak ku igkis keh yis bateke hawata. Igkis kibeynevwi hiyeg. Igkis kis adahan yis kiyatigkis.
Usuh awahkis kabayka yimin
19Jesus gihiyegavu ay Asiyamnaw igkis awahkis kabayka yimin. Ig kiyavwiye Akwila gukak kiyavuno Pirisila egkis hawata awahkis ka aynsima kabayka yimin payak gikakkis madikte ukebyuvwiy ku pariye lammesyavu ay guvinwakis.
20Madikte ukebyuvwiy ay awahkis kabayka yimin. Aytnihaknay pawtak nudahan akak inyewa batekka.
21Kuri nahwa Pol tamak inin iwit butitnene akak nuwakuh, ka igma neneve tamak: Nah awahkis kabayka yimin madikte.
22Ku pahavwi ka inyewatma batek gikak Ukivarawiy Jesus Cristo, ig Uhokri hiyapkis gitnek. “Maranatá”. Ba ayta kibehtenwa, Kiyavwiye.
23Ukivarawiy Jesus Cristo gabay yikaknek.
24Nah hawata nah batek yikak, nikwe misakwanay akak madikte batekka, mmanawa wixwiy pahavwiwa gikak Cristo Jesus. Kibeyne.
Currently Selected:
1 Korintyus 16: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
1 Korintyus 16
16
Ahiwnay karukri gidahankis madiptavye
At 11.29; Ro 15.25; 2Ko 8.1, 9.1; 1Tim 6.18
1 Nukebyuvwi, kuri nah akkamnihte yit adahan ku samah yis ahiw karukri gidahankis Jesus gihiyegavu madiptavye. Kuwis nah ekke gitkis Jesus gihiyegavu aynte Galasiyamnaw adahan ku samah igkis ahiw nor karukri. Amawka ku yis ahiw hawata ku samah igkis ahiwnes gidahankis. Kuri nah akkite yit ku samah.
2Mpuse paka abet in kabay adahan yis wiwhnekuye araytak yikakura adahan yikan gitkis madiptavye. Yis bayahgu avawyewa. Ikinay ku samah yis uti ayge. Nikwe ku aysaw nah danuhnek atere yit, yikan kuwis ahegbet.
3Ayteke nikwe hiyawa yiswa kaniy ku pariye hiyeg yimawkan adahan ewkwiye egu yikan gitkis neras madiptavye aynte Jerusalém. Nahme ku aysaw nah danuhnek atere yit nah awahkisgikis atere Jerusalém payak akak pahak kagta nuwntak kahadbe hiyeg ka pukuhpaw gibohrikis.
4Ku yis muwaka ik adahan nahwa ewk yikan atere, nikwe nah atak gikakkis neras yikanyanvu.
Nah atere misakwa yikak ayiptenek ayge
5Kuwewanek ku aysaw pisenwa nuwewvan avitiw Masedôniyamnaw, nah danuhpanek atere yit.
6Nutuhbe nah misakwanek ayipte ayge yikak. Nawenetke adahan paxnika kayg. Ayteke nikwe nah aharitkere yis mayunek nutuh adahan nah tivikwiye akak kabayka ku kitwiye nah.
7Mmanawa nah ka muwaka nah he mpiyenen awvre yimuniw. Gikak Uhokrinek nah misakwanek ayipte ayge yikak.
8Heneme kuri akak inin amawka nah misekwenete ay avit paytwempu Efesu he ahawkanavrik ini fet kewye Pentekostis danuh.
9Mmanawa nuvewkan in kibeyne hawkri adahan nah kannivwiye ekkene Uhokri gihiyekemni ay avit inin paytwempu. Hiyawa ka aynsima hiyeg suguhnan, heneme hawata ka aynsima hiyeg timepkere Uhokri gihiyekemni.
Amavanay Timotyu kabayntiwa
10Ku aysaw ig kiyavwiye Timotyu danuhnek atere yit, uyay amavanig kabayntiwa. Mmanawa ig kannivwiye gidahan Ukivarawiy Jesus hawata ke nahbe.
11Ka ba yi tukuhptig. Amawka yis kiyatig. Ayteke pisenwa gannivwi ayge yibetnek, uyay awahkiswig numinuh akak kabayka. Nah wahapnig ay ku aysaw ig danuh atan gikakkis ukebyuvwiy.
12Igme ukebyi kiyavwiye Apolu, nah kuwis awna git adahan ig atak atere danuhpa yit gihaptikis ukebyuvwiy. Heneme ig kote ikte adahan ig atak atere. Ka sam. Ku aysaw ig kahawkan ig atak aterenek.
Misakwanay akak yawaygi
2Tim 1.7
13 Nukebyuvwi, misakwanay avuriwnenekwa yihiyekemni ba in kabayntiwatma. Ka ba yi isahkiswa ariw yikamaxwan givitit Cristo. Misakwanay akak madikte yawaygi hawata akak madikte yidatni.
14Madikte ku pariye yis keh, kehnabay akak Uhokri gamnihra ay yivit.
Kiyathanay yiwewkisten
Fil 2.30; 1Tes 5.12; Eb 13.17
15Nukebyuvwi, ivegnay givititkis kiyavwiye Estéfanas gikakkis gikebyuvwi ku pariye misekwenevwi ayge yibet. Igkis kitnene ku pariye kamaxwevye givitit Cristo ayge Gresiyamnaw. Kuri igkis ikatuswe adahanikwa giwewkistenkis Jesus gihiyegavu ayge.
16Nah aya yit adahan yis iha giwnkis. Adahan yis iha giwnkis madikte neras ku pariye kannivwiyevwi wewkisnevwi Jesus gihiyegavu ke igkisbe.
17Nah bateke numinuh ku samah nah hiyap ig kiyavwiye Estéfanas gikak kiyavwiye Fortunatu hawata ig kiyavwiye Akayku, igkis danuh atan nutuh ayteke yiwntak. Igkis keh nah bateke ke wotbe yis ayvekuyebe ay nukakuh.
18Igkis keh nah bateke hawata ku samah nah hiyak ku igkis keh yis bateke hawata. Igkis kibeynevwi hiyeg. Igkis kis adahan yis kiyatigkis.
Usuh awahkis kabayka yimin
19Jesus gihiyegavu ay Asiyamnaw igkis awahkis kabayka yimin. Ig kiyavwiye Akwila gukak kiyavuno Pirisila egkis hawata awahkis ka aynsima kabayka yimin payak gikakkis madikte ukebyuvwiy ku pariye lammesyavu ay guvinwakis.
20Madikte ukebyuvwiy ay awahkis kabayka yimin. Aytnihaknay pawtak nudahan akak inyewa batekka.
21Kuri nahwa Pol tamak inin iwit butitnene akak nuwakuh, ka igma neneve tamak: Nah awahkis kabayka yimin madikte.
22Ku pahavwi ka inyewatma batek gikak Ukivarawiy Jesus Cristo, ig Uhokri hiyapkis gitnek. “Maranatá”. Ba ayta kibehtenwa, Kiyavwiye.
23Ukivarawiy Jesus Cristo gabay yikaknek.
24Nah hawata nah batek yikak, nikwe misakwanay akak madikte batekka, mmanawa wixwiy pahavwiwa gikak Cristo Jesus. Kibeyne.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.