1 Korintyus 15
15
Uhokri ginetni han: Jesus umahkiswe ig avuhpika ig kannikew akiw
At 2.23, 10.39, 13.29
1Nukebyuvwi, nuvewkan nah akkamnihte yit akiw inakni kibeyne inetit gimin Cristo ku pariye nah kuwis ekke yit pitatye. Ayge avim ini yis ameve inakni nunetni kabayntiwa. Yis kuri kamaxwene nivitit.
2Inneki keh yis isahptew ariw yivathawni adahan yis danuhne git Uhokri. Heneme ku yis isahkiswe ariw inakni nunetni, nikwe ini ku samah yis kamaxwe nivitit pitatye in he waditnevyenen, in ka keh yis isahptaw.
3Nah ka akki inakni inetit yit nuwnteknema. In akkakiwa nutuh. In ka aynsima kabayte ariw madikte inetit amadga hawkri. Inakni inetit in amin ku samah ig Cristo umahkiswe udukwenavrikwiy adahan katiwnihpiye utaraksanwiy. Henewa Uhokri gannasan awna ku in danuhnek hene.
4 Ig miyap, ig avuhpika. Ayteke abet amamnampiye hawkri ariwntak gimiremni ig kannikew akiw. Hawata Uhokri gannasan awna ku in hawata danuhnek.
Usuh hiyap Jesus ariwntak gikankewni
Mt 28.9; Mk 16.9; Lk 24.13; Jo 20.11; At 1.6, 9.3
5 Ku samah ig kannikew ariw gimiremni, ig hiyapkiswe git kiyavwiye Pedru. Ayteke ig hiyapkiswe gitkis madikte giwatnivwi.
6Ariwnteke ini ig hiyapkiswe gitkis ka aynsima gihiyegavu akiw. Mpiy pohowku madikawku madikwa gikebikis (500). Ig hiyapkiswe gitkis pahatye giminkis. Ku avim inin gaytakkis neras ku pariye gihiyvetnivwi ayge igkis ayipa miyarap. Heneme ka aynsima gaytakkis misekwevye. In huwewe wot nikwe ku ig inyewa kannikew akiw.
7Ayteke ariwnteke ini ig hiyapkiswe git kiyavwiye Tiyagu. Ayteke nikwe ig hiyapkiswe gitkis giwatnivwi akiw.
8Nahme butitwiye hiyavgi. Nah Pol ku pariye humaw giwatni butitnene, hawata butitnawata nah hiyavgi.
9Nah Kiyavwiye Jesus giwatni, heneme nah warikapte giwkis neras giwatnivwi nawenyevwi. Nah ka kiseweknema adahan hiyeg kanumun nah Kiyavwiye Jesus giwatni, mmanawa minikwak nah hiyapkisne mbeyne ka aynsima gitkis Uhokri gihiyegavu.
10Heneme ig Uhokri akak gabay ig keh nah humaw ku samah nah ku avim inin kuri. Kibeyne, ini gabay ku pariye ig ike nuvitituh in ka adahan waditnevyenenma. In keh nah ka aynsima mpiksawte giwkis madikte giwatnivwi. Heneme ka nuwnteknema nah mpiksaw. Ini Uhokri gabay ku pariye ay nuvituh ini ike nawaygi adahan nah mpiksaw.
11 Ka sam. Madikte usuh Jesus giwatnivwi pahatwowa unetni. Usuh madikte ekkenekuye ku samah ig umahkiswe udukwenavrikwiy ig kannikew akiw. Ku samah yis timep inakni unetni hene, yis ihpemniwa hawata yis kamaxwevwa nivitit, inin ku pariye ka aynsima awaygte.
Wake Cristo ka kannikawbe wixwiy biyukapkam
Lk 20.37; Fil 3.10; 2Tim 2.18
12 Nukebyuvwi, ku yis kuwis ihe inakni unetni ku ig Cristo kannikew ariw gimiremni, mmahki nikwe yaytak awna ku ka ik adahan hiyeg kannikaw ariw gimiremnikis? Ka ba yis hiyap ku ig Cristo kuwis kannikew ariw gimiremni?
13Wake hiyeg ka kannikawbe ariw gimiremnikis, nikwekam ig Cristo kawnata kannikawkam ariw gimiremni.
14Wake ig Cristo ka kannikawbe, nikwekam madikte inakni unetni gimin in he waditnevyenen. Nikwekam yikamaxwan givitit in hawata waditnevyenenkam.
15 Wake ig ka kannikawbe, nikwe usuhkama giwatnivwi wasaymavye. Mmanawa usuh ekkene ku samah Uhokri kannikasevgi. Wake hiyeg ka kannikawbe ariw gimiremnikis, nikwekam inakni he wasaymkanenwa.
16Wake ka ikbe adahan hiyeg kannikaw, nikwekam ig Cristo ka kannikawkam. Miyaviwatkama ig.
17Wake ig miyaviwatbe, nikwekam in waditnevyenen adahan wixwiy kamaxwa givitit. Wixwiy udukweneywatkam akak madikte utaraksanwiykam.
18 Wake ig miyaviwatbe, nikwekam Jesus gihiyegavu ku pariye kuwisnene miyarap ignes biyukevyekam.
19 Wake ig miyaviwatbe, nikwekam wixwiy ku pariye amadgate inin, in wohpanwiy kabayka giwntak Cristo in waditnevyenenkam. Nikwekama wixwiy kamaxwenevwi taraksepkam ka aynsima. Ikkam adahan wakaymnise hiyeg ka aynsima ku samah wixwiy hiyepne mbeyne gidahan Cristo waditnevyenen.
Cristo atiwkekne kannikawka udahanwiy
2Ko 4.14; Ro 5.17-19, 8.10; Fil 3.10; 1Tes 4.15
20Heneme kibeyne, ig Cristo inyewa kannikew ariw gimiremni. Ayge nikwe wixwiy gihiyegavu wixwiy hawata kannikawnek ariw umiremniwiy. Igme atiwkekne kannikawka udahanwiy.
21Mmanawa pitatye pahavwi awayg amadgaya inin kavusase ini miyaka udahanwiy madikte. Kurime pahavwi awayg amadgaya inin akiw igi kavusase kannikawka ariw miyaka.
22Ig amekene Adão gitaraksan akak gimiremni tuguhe uvititwiy madikte awaku ku samah wixwiy wageswe gikamkayuvwi. Heneme wixwiy ku pariye wageswe Cristo gikamkayuvwi wixwiy madikte kannikawnek ariw umiremniwiy hawata ke igbe. Mmanawa gikankawni tuguh uvititwiy hawata.
23Wixwiy madikte kadahanyekuye uhawkanavrikwiy adahan wixwiy kannikaw. Ig Cristo igkit kannikew wowiy. Wixwiyme gihiyegavu wixwiy butte kannikawnek, avim ini ku aysaw ig danuhnek atan akiw. Igme atiwkekne kannikawka udahanwiy nikwe.
Cristo wanekbete miyaka ahawkan
Jo 11.25; Ro 5.12, 6.23; 1Ko 15.54; 2Tim 1.10; Eb 2.14; Ap 20.14
24 Avim ini ku aysaw ig danuhnek avimwata ini amaksemni hawkri danuh hawata. Avim ini hawkri ig Cristo ekkenek gikumadukan giwakurit Wigwiy Uhokri. Nah akkite yit ku samah. Pitatye ig Cristo wanekbetevyete gihawkankis madikte ku pariye kumadukenevwi inin hawkri.
25Mmanawa ikaksaka gidahan adahan gikumadukan tiviknene wagehnene he ku aysaw madikte givetunyavu sibuhkiska gitnek.
26Butte nikwe ig pisenwanek akak givetunya miyaka.
27Mmanawa ig Uhokri kumadukase madikte arikna git gikamkayh payak akak miyaka. Ignewa Uhokri ig ka kumaduka, mmanawa ignewa Uhokri akumadukasetni madikte git gikamkayh.
28Igme gikamkayh, aysawnemenek ku aysaw ig kuwis kumadukene madikte, ayge igme kumadukasawnek git gig ku pariye kuwis kumadukase madikte git. Ayge nikwe igme Uhokri kumadukanek madikte.
Usuh ka avis umahkiswa gidahan Uhokri
Ro 8.17,35; 1Ko 4.11; 2Ko 4.11; Kol 1.24
29 Nukebyuvwi, inyewa wixwiy kannikawnek ariw umiremniwiy. Ka aynsima hiyeg waytakwiy kuwis hiyapkiska mbeyne gitkis avatra ku samah ignes iha inakni. Wake igkis ka ihpabe ku wixwiy kannikawnek ariw umiremniwiy, igkis ka amavakam ini mbeyne.
30Usuh hawata, usuh Jesus giwatnivwi, usuh abet miyaka avanenekwa. Heneme usuh amavin awaku ku samah usuh iha inakni ku hiyeg kannikawnek ariw gimiremnikis.
31Inyewa nukebyuvwi, miyaka makeknene nuhavuh takunipti. Ku samah nah batek yikak akak Ukivarawiy Cristo Jesus gibetki, nah awna inakni yit.
32Nah kuwis hiyap hiyeg ay Efesu, igkis patiptakan ke axtigibe. Wake wixwiy ka kannikawbe ariw umiremniwiybe, nikwekam nah hiyap ini mbeyne waditnevyenenkam. Wake henebe, ikkam adahan nah iwi gihiyekemnikis neras hiyeg ku pariye awna: “Biyuke, wixwiy biyuke. Uyay ax. Uyay higap. Uyay keh ubetkiwiy amadga inin. Aysawnemenek wixwiy miyarap wixwiy ka keh ubetkiwiy akiw.”
Miniwvinay giwkis hiyeg ku pariye awna: “Biyuke, wixwiy biyuke”
33 Nukebyuvwi, ka yi muwaka kinikiswa arit inakni giwnkis. Ku yis darihwak gikakkis neras ku pariye ihpenevwi inakni, ik adahan yis wageswe hawata ke igkisbe.
34Avuriwnay yihiyekemni ba in kabayntiwatma. Miniwvinay ariw inakni hiyakemniki kane kabay kahadbe yis ka taraksema. Neras yibetya ku pariye iki ku hiyeg ka kannikaw ariw gimiremnikis ignes ka hiyak Uhokri gihiyekemni. Kiskama yis mara ku samah igkis ayge yibet.
Aysawnemenek uvitwiy nukunewa akiw
Ro 8.10; 2Ko 5.1; Fil 3.21; Ap 20.4
35Nawnetke pahavwi yaytak ayge ig awna: “Ku aysaw wis miyap wih madikte madivwi. Mmahki ukankawni akiw? Ku wixwiy kannikaw, pariyevahki uvitwiy akiw?”
36Inakni iwit mahayakemniki. Wixwiy kannikaw ku samah amutri hiyan. Ku aysaw wis mutuh amutri ayak, eg batekwe. Pugamawka eg batakwa kahadbe Uhokri keh eg hiyan nukunewa akiw. Hawata wixwiy. Ku aysaw wixwiy avuhpika, wihwiy madivwip. Heneme ayteke wixwiy kannikaw nukunewa uvitwiy akiw.
37Wis mutuh amutri ayaknen, ke uwasbe, ke fahhinbe, ke arakembet amutribdi ayakbe. Egme amutri ayak ka hiyan ayakma akiw. Eg tarak akat nukunewa akiw. Akat nawenyewa ariw ayak.
38Ayak tarak akat egnewa ku samah ig Uhokri ikaksin. Ig keh mpuse amutri ayak tarak akat ku pariye kawih gudahan. Hawata ig Uhokri ikakse uvitwiy nukunewa ku pariye kawih udahanwiynek.
39 Amutri ayak mpuse ahivak. Hawata wih wis hiyeg mpuse ahivak. Hiyeg arih, puwikne arih, kuhivra arih, im arih, arakembet akiw.
40Hawata akiw ini ariknebdi aynte amadga en in nawenyewa ahivak wowiy wixwiy amedgenevwi inin. Abereswan nawenyewa ariw udahanwiy. In hawata mpuse ahivak.
41Kamuw gibereswan nawenyewa giw kayg gibereswan. Kayg gibereswan nawenyewa giw waravyu gibereswan. Warukma akak waravyu gibereswankis nawenekuye.
Uvitwiy inurikya ka kema uvitwiy amadgayama ininnek
42 Madikte arikna mpuse ahivak. Hawata uvitwiy. Ku aysaw wixwiy kannikawnek ariw umiremniwiy, amun ini uvitwiy nawenyewa ariw inin kuri. Inin uvitwiy amadgaya inin in tiviknene mbeynene he madike. Heneme ku aysaw inin uvitwiy kannikasakanek in kibeynewanek adahan avanenekwa.
43Uvitwiy amadgaya inin ku aysaw in avuhpika in yuma nawaygi, nikiytani, in yumahwata nidatni. Heneme ku aysaw in kannikasakanek in ka nikiytanisimanek, in ka aynsima nawayginek.
44Uvitwiy ku pariye avuhpika in amadgaya inin, in kawih adahanikwa inin hawkri. Heneme ku aysaw uvitwiy kannikasakanek, in gitiphaw Uhokrinek. Ku samah inyewa wixwiy kadahan uvitwiy ku pariye kawih adahan inin hawkri, aysawnemenek inyewa wixwiy kadahan uvitwiy ku pariye gitiphaw Uhokrinek.
Uvitwiy nukune in ke Cristo givitbe
Lk 20.34
45Uhokri gannasan akka wotwiy hene. Ner awayg eggutye amekene Adão, ig kannikaw awnpari, heneme ik adahan ig miya. Igme Cristo buttiye ig kannikaw akak gidehetni adahan avanenekwa. Ayteke ig kawihkis Gitip uvititwiy adahan ikene ini gidehetni uvititwiy.
46 Wixwiy hawata. Uvitwiy inurikya in ka humaw pitatyema. Pitatye uvitwiy amadgaya inin inkit humaw. Butte uvitwiyme inurikya humaw. Pitatye wixwiy kadahan ner awnparinen ay uvitwiy. Butte wixwiy kadahan ner Uhokri Gitip ay uvitwiy.
47Amekene Adão, ig ner awayg eggutye, ig humaw ariwntak wayk atabdabni. Ig amadgaya inin. Igme Cristo, awayg buttiye, ig inuriktekne hiyeg.
48Ku samah wixwiy amekene Adão gikamkayuvwi, nikwe uvitwiy amadgaya inin in kewa amekene Adão givitbe. Wixwiyme ku pariye wageswevye Cristo gikamkayuvwi, aysawnemenek uvitwiy wageswa inurikyene hawata ke Cristo givitbe. Mmanawa ig kuwis kannikew, ig kuwis danuh inurikut.
49Ku samah uhivakwiy kuri amadga inin in ke amekene Adão gihivakbe, aysawnemenek uhivakwiy aynte inurik in kewa Cristo gihivakbe.
50Henewa nukebyuvwi, uvitwiy ihtikekne amadgaya inin ka ik adahan parak abet Uhokri gikumadukan. Inin uvitwiy ka dep mbay hawata ka dep madik. In ka kawih adahan avavyekwatma.
Uvitwiy wageswa nukune kibehtenwa
2Ko 5.4; Fil 3.21; 1Tes 4.16
51Kuri nah akkite yit ku pariye nehmnikuhpiye. Aysawnemenek avim ini ku aysaw ig Kiyavwiye Jesus danuhnek atan akiw ku pariye gihiyegavu aynenevwi ku pariye kotenene miyate, avim ini gidawnhan, igkis madikte wageswanek nukunewa givitkis akiw payak gikakkis gihiyegavu ku pariye kuwisnene miyarap.
52Uvitwiy wageswanek nukunewa akiw, pahaye adahan kewa manansawkabe, avim ini ku aysaw tohompet gumaksemniyewa agighakanek. Eg agighakanek adahan gihiyegavu ku pariye kuwisnene miyarap, igkis kannikaw akak givitkis nukunewa akiw ku pariye kane hiyap miyaka akiw. Igkisme gihiyegavu ku pariye kotenene miyate igkis hawata wageswanek nukunewa givitkis akiw.
53Amawka wixwiy kawih nawenyewa uvitwiy akiw, mmanawa inin uvitwiy ihtikekne amadgaya inin in ka dehwevyema. In ka dep miya. Amawka wixwiy kawih uvitwiy nukunewa, dehetniye, ku pariye kane miyati akiw.
Miyaka ka hiya usamanakwiy akiw
Jo 11.25; 1Ko 15.24; Eb 2.14
54Pisenwa ukawhanwiy uvitwiy nukunewa akiw nikwe yuma miyaka akiw. Ayge nikwe metakwa in kahayak ku samah Uhokri gannasan awna. In awna:
— Miyaka kuwis pisenwepka ahawkan madikte.
55Avim ini miyaka ka hiya usamanakwiy akiw. Ku samah kaybune tariswika gaybu ig ka hiya uduhka akiw, miyaka kawnata hiya usamanakwiy akiw.
56Miyaka danuh wot awaku uvathawni ay abet uhiyekemni. Wake wis yuma uvathawnibe, nikwe yumakam miyaka. Uhokri gikumadukan awna ku amawka ku hiyeg patahwavye gihiyekemnikis amawka ku ignes miyarap.
57Kibeyne gidahan Uhokri. Ig Jesus Cristo pisenwe miyaka ahawkan, mmanawa ig yuma patahwaki ay abet gihiyekemni. Inneki keh ig kannikew ariw gimiremni. Kuri ig Uhokri keh wixwiy hawata kannikewbet awaku ku samah wixwiy pahavwiwa gikak Ukivarawiy Jesus Cristo.
Misakwanabay kannivanene gidahan Jesus
Kol 1.10; 2Tes 2.17; Tit 3.14
58Nikwe nukebyuvwi kibeynevwi, ka yi muwaka tuguhkis yawaygi hawata yikamaxwan. Misakwanabay yidukwenewa ivegnenekwa givitit Ukivarawiy. Misakwanabay kannivanene gidahan. Mmanawa ini yannivwi gidahan in ka waditnevyenenma.
Currently Selected:
1 Korintyus 15: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
1 Korintyus 15
15
Uhokri ginetni han: Jesus umahkiswe ig avuhpika ig kannikew akiw
At 2.23, 10.39, 13.29
1Nukebyuvwi, nuvewkan nah akkamnihte yit akiw inakni kibeyne inetit gimin Cristo ku pariye nah kuwis ekke yit pitatye. Ayge avim ini yis ameve inakni nunetni kabayntiwa. Yis kuri kamaxwene nivitit.
2Inneki keh yis isahptew ariw yivathawni adahan yis danuhne git Uhokri. Heneme ku yis isahkiswe ariw inakni nunetni, nikwe ini ku samah yis kamaxwe nivitit pitatye in he waditnevyenen, in ka keh yis isahptaw.
3Nah ka akki inakni inetit yit nuwnteknema. In akkakiwa nutuh. In ka aynsima kabayte ariw madikte inetit amadga hawkri. Inakni inetit in amin ku samah ig Cristo umahkiswe udukwenavrikwiy adahan katiwnihpiye utaraksanwiy. Henewa Uhokri gannasan awna ku in danuhnek hene.
4 Ig miyap, ig avuhpika. Ayteke abet amamnampiye hawkri ariwntak gimiremni ig kannikew akiw. Hawata Uhokri gannasan awna ku in hawata danuhnek.
Usuh hiyap Jesus ariwntak gikankewni
Mt 28.9; Mk 16.9; Lk 24.13; Jo 20.11; At 1.6, 9.3
5 Ku samah ig kannikew ariw gimiremni, ig hiyapkiswe git kiyavwiye Pedru. Ayteke ig hiyapkiswe gitkis madikte giwatnivwi.
6Ariwnteke ini ig hiyapkiswe gitkis ka aynsima gihiyegavu akiw. Mpiy pohowku madikawku madikwa gikebikis (500). Ig hiyapkiswe gitkis pahatye giminkis. Ku avim inin gaytakkis neras ku pariye gihiyvetnivwi ayge igkis ayipa miyarap. Heneme ka aynsima gaytakkis misekwevye. In huwewe wot nikwe ku ig inyewa kannikew akiw.
7Ayteke ariwnteke ini ig hiyapkiswe git kiyavwiye Tiyagu. Ayteke nikwe ig hiyapkiswe gitkis giwatnivwi akiw.
8Nahme butitwiye hiyavgi. Nah Pol ku pariye humaw giwatni butitnene, hawata butitnawata nah hiyavgi.
9Nah Kiyavwiye Jesus giwatni, heneme nah warikapte giwkis neras giwatnivwi nawenyevwi. Nah ka kiseweknema adahan hiyeg kanumun nah Kiyavwiye Jesus giwatni, mmanawa minikwak nah hiyapkisne mbeyne ka aynsima gitkis Uhokri gihiyegavu.
10Heneme ig Uhokri akak gabay ig keh nah humaw ku samah nah ku avim inin kuri. Kibeyne, ini gabay ku pariye ig ike nuvitituh in ka adahan waditnevyenenma. In keh nah ka aynsima mpiksawte giwkis madikte giwatnivwi. Heneme ka nuwnteknema nah mpiksaw. Ini Uhokri gabay ku pariye ay nuvituh ini ike nawaygi adahan nah mpiksaw.
11 Ka sam. Madikte usuh Jesus giwatnivwi pahatwowa unetni. Usuh madikte ekkenekuye ku samah ig umahkiswe udukwenavrikwiy ig kannikew akiw. Ku samah yis timep inakni unetni hene, yis ihpemniwa hawata yis kamaxwevwa nivitit, inin ku pariye ka aynsima awaygte.
Wake Cristo ka kannikawbe wixwiy biyukapkam
Lk 20.37; Fil 3.10; 2Tim 2.18
12 Nukebyuvwi, ku yis kuwis ihe inakni unetni ku ig Cristo kannikew ariw gimiremni, mmahki nikwe yaytak awna ku ka ik adahan hiyeg kannikaw ariw gimiremnikis? Ka ba yis hiyap ku ig Cristo kuwis kannikew ariw gimiremni?
13Wake hiyeg ka kannikawbe ariw gimiremnikis, nikwekam ig Cristo kawnata kannikawkam ariw gimiremni.
14Wake ig Cristo ka kannikawbe, nikwekam madikte inakni unetni gimin in he waditnevyenen. Nikwekam yikamaxwan givitit in hawata waditnevyenenkam.
15 Wake ig ka kannikawbe, nikwe usuhkama giwatnivwi wasaymavye. Mmanawa usuh ekkene ku samah Uhokri kannikasevgi. Wake hiyeg ka kannikawbe ariw gimiremnikis, nikwekam inakni he wasaymkanenwa.
16Wake ka ikbe adahan hiyeg kannikaw, nikwekam ig Cristo ka kannikawkam. Miyaviwatkama ig.
17Wake ig miyaviwatbe, nikwekam in waditnevyenen adahan wixwiy kamaxwa givitit. Wixwiy udukweneywatkam akak madikte utaraksanwiykam.
18 Wake ig miyaviwatbe, nikwekam Jesus gihiyegavu ku pariye kuwisnene miyarap ignes biyukevyekam.
19 Wake ig miyaviwatbe, nikwekam wixwiy ku pariye amadgate inin, in wohpanwiy kabayka giwntak Cristo in waditnevyenenkam. Nikwekama wixwiy kamaxwenevwi taraksepkam ka aynsima. Ikkam adahan wakaymnise hiyeg ka aynsima ku samah wixwiy hiyepne mbeyne gidahan Cristo waditnevyenen.
Cristo atiwkekne kannikawka udahanwiy
2Ko 4.14; Ro 5.17-19, 8.10; Fil 3.10; 1Tes 4.15
20Heneme kibeyne, ig Cristo inyewa kannikew ariw gimiremni. Ayge nikwe wixwiy gihiyegavu wixwiy hawata kannikawnek ariw umiremniwiy. Igme atiwkekne kannikawka udahanwiy.
21Mmanawa pitatye pahavwi awayg amadgaya inin kavusase ini miyaka udahanwiy madikte. Kurime pahavwi awayg amadgaya inin akiw igi kavusase kannikawka ariw miyaka.
22Ig amekene Adão gitaraksan akak gimiremni tuguhe uvititwiy madikte awaku ku samah wixwiy wageswe gikamkayuvwi. Heneme wixwiy ku pariye wageswe Cristo gikamkayuvwi wixwiy madikte kannikawnek ariw umiremniwiy hawata ke igbe. Mmanawa gikankawni tuguh uvititwiy hawata.
23Wixwiy madikte kadahanyekuye uhawkanavrikwiy adahan wixwiy kannikaw. Ig Cristo igkit kannikew wowiy. Wixwiyme gihiyegavu wixwiy butte kannikawnek, avim ini ku aysaw ig danuhnek atan akiw. Igme atiwkekne kannikawka udahanwiy nikwe.
Cristo wanekbete miyaka ahawkan
Jo 11.25; Ro 5.12, 6.23; 1Ko 15.54; 2Tim 1.10; Eb 2.14; Ap 20.14
24 Avim ini ku aysaw ig danuhnek avimwata ini amaksemni hawkri danuh hawata. Avim ini hawkri ig Cristo ekkenek gikumadukan giwakurit Wigwiy Uhokri. Nah akkite yit ku samah. Pitatye ig Cristo wanekbetevyete gihawkankis madikte ku pariye kumadukenevwi inin hawkri.
25Mmanawa ikaksaka gidahan adahan gikumadukan tiviknene wagehnene he ku aysaw madikte givetunyavu sibuhkiska gitnek.
26Butte nikwe ig pisenwanek akak givetunya miyaka.
27Mmanawa ig Uhokri kumadukase madikte arikna git gikamkayh payak akak miyaka. Ignewa Uhokri ig ka kumaduka, mmanawa ignewa Uhokri akumadukasetni madikte git gikamkayh.
28Igme gikamkayh, aysawnemenek ku aysaw ig kuwis kumadukene madikte, ayge igme kumadukasawnek git gig ku pariye kuwis kumadukase madikte git. Ayge nikwe igme Uhokri kumadukanek madikte.
Usuh ka avis umahkiswa gidahan Uhokri
Ro 8.17,35; 1Ko 4.11; 2Ko 4.11; Kol 1.24
29 Nukebyuvwi, inyewa wixwiy kannikawnek ariw umiremniwiy. Ka aynsima hiyeg waytakwiy kuwis hiyapkiska mbeyne gitkis avatra ku samah ignes iha inakni. Wake igkis ka ihpabe ku wixwiy kannikawnek ariw umiremniwiy, igkis ka amavakam ini mbeyne.
30Usuh hawata, usuh Jesus giwatnivwi, usuh abet miyaka avanenekwa. Heneme usuh amavin awaku ku samah usuh iha inakni ku hiyeg kannikawnek ariw gimiremnikis.
31Inyewa nukebyuvwi, miyaka makeknene nuhavuh takunipti. Ku samah nah batek yikak akak Ukivarawiy Cristo Jesus gibetki, nah awna inakni yit.
32Nah kuwis hiyap hiyeg ay Efesu, igkis patiptakan ke axtigibe. Wake wixwiy ka kannikawbe ariw umiremniwiybe, nikwekam nah hiyap ini mbeyne waditnevyenenkam. Wake henebe, ikkam adahan nah iwi gihiyekemnikis neras hiyeg ku pariye awna: “Biyuke, wixwiy biyuke. Uyay ax. Uyay higap. Uyay keh ubetkiwiy amadga inin. Aysawnemenek wixwiy miyarap wixwiy ka keh ubetkiwiy akiw.”
Miniwvinay giwkis hiyeg ku pariye awna: “Biyuke, wixwiy biyuke”
33 Nukebyuvwi, ka yi muwaka kinikiswa arit inakni giwnkis. Ku yis darihwak gikakkis neras ku pariye ihpenevwi inakni, ik adahan yis wageswe hawata ke igkisbe.
34Avuriwnay yihiyekemni ba in kabayntiwatma. Miniwvinay ariw inakni hiyakemniki kane kabay kahadbe yis ka taraksema. Neras yibetya ku pariye iki ku hiyeg ka kannikaw ariw gimiremnikis ignes ka hiyak Uhokri gihiyekemni. Kiskama yis mara ku samah igkis ayge yibet.
Aysawnemenek uvitwiy nukunewa akiw
Ro 8.10; 2Ko 5.1; Fil 3.21; Ap 20.4
35Nawnetke pahavwi yaytak ayge ig awna: “Ku aysaw wis miyap wih madikte madivwi. Mmahki ukankawni akiw? Ku wixwiy kannikaw, pariyevahki uvitwiy akiw?”
36Inakni iwit mahayakemniki. Wixwiy kannikaw ku samah amutri hiyan. Ku aysaw wis mutuh amutri ayak, eg batekwe. Pugamawka eg batakwa kahadbe Uhokri keh eg hiyan nukunewa akiw. Hawata wixwiy. Ku aysaw wixwiy avuhpika, wihwiy madivwip. Heneme ayteke wixwiy kannikaw nukunewa uvitwiy akiw.
37Wis mutuh amutri ayaknen, ke uwasbe, ke fahhinbe, ke arakembet amutribdi ayakbe. Egme amutri ayak ka hiyan ayakma akiw. Eg tarak akat nukunewa akiw. Akat nawenyewa ariw ayak.
38Ayak tarak akat egnewa ku samah ig Uhokri ikaksin. Ig keh mpuse amutri ayak tarak akat ku pariye kawih gudahan. Hawata ig Uhokri ikakse uvitwiy nukunewa ku pariye kawih udahanwiynek.
39 Amutri ayak mpuse ahivak. Hawata wih wis hiyeg mpuse ahivak. Hiyeg arih, puwikne arih, kuhivra arih, im arih, arakembet akiw.
40Hawata akiw ini ariknebdi aynte amadga en in nawenyewa ahivak wowiy wixwiy amedgenevwi inin. Abereswan nawenyewa ariw udahanwiy. In hawata mpuse ahivak.
41Kamuw gibereswan nawenyewa giw kayg gibereswan. Kayg gibereswan nawenyewa giw waravyu gibereswan. Warukma akak waravyu gibereswankis nawenekuye.
Uvitwiy inurikya ka kema uvitwiy amadgayama ininnek
42 Madikte arikna mpuse ahivak. Hawata uvitwiy. Ku aysaw wixwiy kannikawnek ariw umiremniwiy, amun ini uvitwiy nawenyewa ariw inin kuri. Inin uvitwiy amadgaya inin in tiviknene mbeynene he madike. Heneme ku aysaw inin uvitwiy kannikasakanek in kibeynewanek adahan avanenekwa.
43Uvitwiy amadgaya inin ku aysaw in avuhpika in yuma nawaygi, nikiytani, in yumahwata nidatni. Heneme ku aysaw in kannikasakanek in ka nikiytanisimanek, in ka aynsima nawayginek.
44Uvitwiy ku pariye avuhpika in amadgaya inin, in kawih adahanikwa inin hawkri. Heneme ku aysaw uvitwiy kannikasakanek, in gitiphaw Uhokrinek. Ku samah inyewa wixwiy kadahan uvitwiy ku pariye kawih adahan inin hawkri, aysawnemenek inyewa wixwiy kadahan uvitwiy ku pariye gitiphaw Uhokrinek.
Uvitwiy nukune in ke Cristo givitbe
Lk 20.34
45Uhokri gannasan akka wotwiy hene. Ner awayg eggutye amekene Adão, ig kannikaw awnpari, heneme ik adahan ig miya. Igme Cristo buttiye ig kannikaw akak gidehetni adahan avanenekwa. Ayteke ig kawihkis Gitip uvititwiy adahan ikene ini gidehetni uvititwiy.
46 Wixwiy hawata. Uvitwiy inurikya in ka humaw pitatyema. Pitatye uvitwiy amadgaya inin inkit humaw. Butte uvitwiyme inurikya humaw. Pitatye wixwiy kadahan ner awnparinen ay uvitwiy. Butte wixwiy kadahan ner Uhokri Gitip ay uvitwiy.
47Amekene Adão, ig ner awayg eggutye, ig humaw ariwntak wayk atabdabni. Ig amadgaya inin. Igme Cristo, awayg buttiye, ig inuriktekne hiyeg.
48Ku samah wixwiy amekene Adão gikamkayuvwi, nikwe uvitwiy amadgaya inin in kewa amekene Adão givitbe. Wixwiyme ku pariye wageswevye Cristo gikamkayuvwi, aysawnemenek uvitwiy wageswa inurikyene hawata ke Cristo givitbe. Mmanawa ig kuwis kannikew, ig kuwis danuh inurikut.
49Ku samah uhivakwiy kuri amadga inin in ke amekene Adão gihivakbe, aysawnemenek uhivakwiy aynte inurik in kewa Cristo gihivakbe.
50Henewa nukebyuvwi, uvitwiy ihtikekne amadgaya inin ka ik adahan parak abet Uhokri gikumadukan. Inin uvitwiy ka dep mbay hawata ka dep madik. In ka kawih adahan avavyekwatma.
Uvitwiy wageswa nukune kibehtenwa
2Ko 5.4; Fil 3.21; 1Tes 4.16
51Kuri nah akkite yit ku pariye nehmnikuhpiye. Aysawnemenek avim ini ku aysaw ig Kiyavwiye Jesus danuhnek atan akiw ku pariye gihiyegavu aynenevwi ku pariye kotenene miyate, avim ini gidawnhan, igkis madikte wageswanek nukunewa givitkis akiw payak gikakkis gihiyegavu ku pariye kuwisnene miyarap.
52Uvitwiy wageswanek nukunewa akiw, pahaye adahan kewa manansawkabe, avim ini ku aysaw tohompet gumaksemniyewa agighakanek. Eg agighakanek adahan gihiyegavu ku pariye kuwisnene miyarap, igkis kannikaw akak givitkis nukunewa akiw ku pariye kane hiyap miyaka akiw. Igkisme gihiyegavu ku pariye kotenene miyate igkis hawata wageswanek nukunewa givitkis akiw.
53Amawka wixwiy kawih nawenyewa uvitwiy akiw, mmanawa inin uvitwiy ihtikekne amadgaya inin in ka dehwevyema. In ka dep miya. Amawka wixwiy kawih uvitwiy nukunewa, dehetniye, ku pariye kane miyati akiw.
Miyaka ka hiya usamanakwiy akiw
Jo 11.25; 1Ko 15.24; Eb 2.14
54Pisenwa ukawhanwiy uvitwiy nukunewa akiw nikwe yuma miyaka akiw. Ayge nikwe metakwa in kahayak ku samah Uhokri gannasan awna. In awna:
— Miyaka kuwis pisenwepka ahawkan madikte.
55Avim ini miyaka ka hiya usamanakwiy akiw. Ku samah kaybune tariswika gaybu ig ka hiya uduhka akiw, miyaka kawnata hiya usamanakwiy akiw.
56Miyaka danuh wot awaku uvathawni ay abet uhiyekemni. Wake wis yuma uvathawnibe, nikwe yumakam miyaka. Uhokri gikumadukan awna ku amawka ku hiyeg patahwavye gihiyekemnikis amawka ku ignes miyarap.
57Kibeyne gidahan Uhokri. Ig Jesus Cristo pisenwe miyaka ahawkan, mmanawa ig yuma patahwaki ay abet gihiyekemni. Inneki keh ig kannikew ariw gimiremni. Kuri ig Uhokri keh wixwiy hawata kannikewbet awaku ku samah wixwiy pahavwiwa gikak Ukivarawiy Jesus Cristo.
Misakwanabay kannivanene gidahan Jesus
Kol 1.10; 2Tes 2.17; Tit 3.14
58Nikwe nukebyuvwi kibeynevwi, ka yi muwaka tuguhkis yawaygi hawata yikamaxwan. Misakwanabay yidukwenewa ivegnenekwa givitit Ukivarawiy. Misakwanabay kannivanene gidahan. Mmanawa ini yannivwi gidahan in ka waditnevyenenma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.