2 Korintyus 1
1
Nah Pol awahkis kabayka yimin
1Nah Pol awahkis kabayka yimin. Kibeyne, Uhokri kaniyven akak gibetki adahan nah humaw Cristo Jesus giwatni. Nah gikak ukebyi Timotyu usuh awahkis kabayka yimin yis Uhokri gihiyegavu korintyuyenevwi payak gikakkis madikte gihiyegavu ku pariye ayge avit Gresiyamnaw.
2Wigwiy Uhokri gikak Ukivarawiy Jesus Cristo gabaykis yikaknek. Igkis karisewehse yiyakninek.
Wigwiy iki wawaygiwiy abetnewa mbeyne
2Ko 4.7; Kol 1.11; 2Tes 2.16
3Kibeyne gidahan Uhokri. Ig Ukivarawiy Jesus Cristo gig. Ig hawata ig Wigwiywata. Ig ka gamnihrasima ukakwiy. Ignewa iki wawaygiwiy.
4Ig iki wawaygiwiy abetnewa ka aynsima mbeyne kahadbe wixwiyme hawata ikene gawaygikis hiyeg ku pariye abetnenevwi mbeyne. Wixwiy iki gawaygikis akakwata ini ku pariye wixwiy amava giwntak Uhokri.
5 Nukebyuvwi, usuh kuri hiyepne mbeyne ka aynsima hawata ke Cristobe. Heneme abetnewa ini mbeyne ig Cristo ikene wawaygi ka aynsima awaku ku samah usuh pahavwiwa gikak.
6Usuh amava ini mbeyne kahadbe yisme uti kabayka. Umawkan yis isahptaw ariw yitaraksan adahan yis danuhne git Uhokri. Umawkan yis uti yawaygi giwntak. Ini ku samah ig Uhokri iki wawaygi wotuh, in keh usuh hawata hiya asamanak adahan ikene yawaygi. Kahadbe yis hawata kamaxwenene abetnewa mbeyne avim ini ku aysaw in danuh yit hawata ku samah in kuwis danuh wotuh.
7Usuh iveg givitit Uhokri ku ig iki yawayginek. Ku yis hiyap mbeyne hawata ke usuhbe, nikwe yis ikaka yawayginek hawata ke usuhbe.
Uhokri wiwhpewiy abetitak miyaka
8Nukebyuvwi kibeynevwi, usuh ikene yinetni kahadbe yis hiyakni ku samah usuh mpiyase ka aynsima mbeyne aynte Ásiyamnaw. Usuh kayehpin mpiynevevye. Usuh kabahte yumahwa udatni nitivut akiw. Wotuhnek usuh me miyarapmet.
9Usuh ahegbetew avititakwa uyakni adahan miyaka. Heneme kibeyne, in danuhe wotuh adahanikwa ukannuten adahan usuh ka kamaxwa uvititnenwa, amawka ku usuh kamaxwa givititnenwa Uhokri, ku pariye hiya akannikasak hiyeg ariwntak miyaka.
10Henewa, ig wiwhe usuh abetitak ini mbeyevyenen miyaka. Hene umawkan ig keh avanenekwa ukakwiynek. Hawata ignewa usuh kuwis ikinene ukamaxwan givitit adahan avanenekwa ig amnihnekwa usuh ariw mbeyne.
Usuh muwaka ka aynsima hiyeg piriyepkaw udahan
11Hene umawkan yis piriyepkewnene udahan. Usuh muwaka ka aynsima hiyeg piriyepkaw udahan. Mmanawa ku ka aynsima hiyeg piriyepkewne udahan, ayge kaytwaka giwnkisnek, Uhokri amnih usuhnek, nikwe ka aynsima hiyeg kabayhignek adahan gabay ukakuh.
Nah ka kinisyi
12 Yaytak hiyeg ayge awna ku usuh he kinisekevutnenen. Bawa ka inyewatma, nukebyuvwi. Usuh hiyakni ku uyakni barewvit ariw taraksaki yikak. Usuh ka yikinsetnima. Ine usuh kawnata wew akakma gihiyekemnikis hiyeg amadgayavu ininma. Heneme usuh wewne akakwa Uhokri gihiyekemni ku pariye kane gabayisima. Usuh kehne kabayka gidahankis hiyeg ku pariye kane Uhokriyanvuma, heneme usuh kehte kabayka yidahan yis Jesus gihiyegavu.
13Amadga madikte ukagtan ku pariye wawahkisni yimin usuh ka tamak pahatnema wasaymaka ku pariye ik adahan kinisweyma. Numawkan yis madikte kamaxwenekuye nuvitit 14hawata ku samah yaytak kibite kuwis kamaxwene nuvitit. Kahadbe avim ini hawkri ku aysaw ig Ukivarawiy Jesus danuhnek atan wixwiy madikte batekyekuye. Yisme batek awaku ku samah usuh yikannuhten. Usuhme batek awaku ku samah yis ukannuhnivwi.
Nah ka awna iwit waditnevyenenma
15Nah hiyapni hene, amakohnokwa nah ivegmine nuhiyekemni adahan nah atak danuhpene atere yit akiw. Nah nuvewkankama nah ahegbet adahan nah danuhpene yit pimavut adahan wixwiy kehne kabayka pawtak pimavut. Nuvewkankama abetnewa numaviyenpen avitit Masedôniyamnaw nah danuhpakam atere yit. 16Ayteke nudiyhemnikam akiw nah mpiyakam awvre yimuniw akiw, yisme ayavankam adahan nah diyuhpiye akak kabayka atan avitit Judeyamnaw akiw.
17Henewa nahegbetawni yikak, heneme ayteke inetit danuhe nutuh ku pariye keh nah uniyehe nuhiyekemni. Nikwe nah ka danuh atere ku samah nakkan yit. Yaytak ayge hiyapni hene, igkis awna numinuh ku ini ku samah nuhiyekemni uniyehwe ini areketni huwewe ku samah nah he yikinsetninen. Igkis ikanuh ku nah awna he waditnevyenen ke hiyegbe amadgayavu ininbe. Igkis awna ku nuwnuh he kiniskanen. Igkis awna ku nuwnuh “ihi” in ka dep uniyehwa adahan “kawa”.
18Bawa ka inyewatma, nukebyuvwi. Ku samah ig Uhokri ka awna iwit waditnevyenenma, nah kawnata awna iwit waditnevyenenma. Ku nah awna “ihi” git pahavwi, inakni nuwnuh ka uniyehwa adahan “kawa”.
Jesus ka awna iwit waditnevyenenma
19Nah gikak kiyavwiye Sílas, gikak kiyavwiye Timotyu, usuh kuwis ekke Jesus Cristo gihiyekemni yit. Igyewa Uhokri gikamkayh. Gihiyekemni hawata ke gigbe gihiyekemni. Ig kawnata awna iwit waditnevyenenma. Ku giwn “ihi”, inakni giwn ka uniyehwa adahan “kawa”. In inyewa “ihi” adahan avanenekwa.
20Ku wixwiy kamaxwa givitit Kiyavwiye Jesus, nikwe madikte ini kabayka ku pariye ig Uhokri ikakse wotwiy in inyewa kahayaknek. Mmanawa ig Kiyavwiye Jesus kuwis awna: “Ihi, in danuhnek.” Nikwe ig keh in inyewa danuhnek. Inneki keh wixwiy awna: “Ameh. Henewa in danuhnek.” Ku aysaw wixwiy iha inakni giwn hene, amun ini wixwiy kibeyhene Uhokri.
Uhokri Gitip ay uvitwiy areketni ku wixwiy Uhokri gidahan
Ro 8.14; Ef 1.13
21 Ig Uhokri kis adahan ig kabayhaka. Ignewa keh usuh pahavwiwa gikak Cristo payak yikak. Ignewa iki wawaygiwiy adahan wixwiy kamaxwenene givitit, adahan wixwiy tiviknene gikak. Ignewa kawihkiswiy akak Gitip.
22Ku samah ig Gitip ay uvitwiy, in humaw areketni huwewe wotwiy ku wixwiy Uhokri gidahan. Hawata akiw ig Gitip humaw areketni wotwiy adahan aysawnemenek wixwiy darihnek madikte ini kabayka ku pariye Uhokri ikakse wotwiy. Kibeyne, ku samah ig ay uvitwiy, amun ini wixwiy kuwis darih abusku ku pariye gikaksan wotwiy.
Nah ka danuhpa yit awaku nah ka himehwekere yikak
1Ko 4.21; 2Ko 10.1
23 Kuri nukebyuvwi, nah akkamnihte yit ku samah nuhiyekemni uniyehwe. Nah kanum Uhokri nawneve. Ignewa hiyak madikte ku pariye ay avit nuyakni. Nah kote atekerete atere kuri akak inin awaku nah ka himehwekere yikak.
24Nah awna inakni hene ku nah ka himehwekere yikak, nah ka awnenema ke wotbe usuh humewne yikivarabe adahan usuh kabukhewne yit. Kawa. Yis ka muwaka pahavwinema hiyeg adahan mpiksaptihyi wew akak Uhokri gihiyekemni. Kibeyne, yis yiwnteknewa mpiksewne wew akak gihiyekemni. Usuh ka humewnema yikivarama, usuh he yayavetninen adahan yis tiviknene akak batekka.
Currently Selected:
2 Korintyus 1: pluPB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Korintyus 1
1
Nah Pol awahkis kabayka yimin
1Nah Pol awahkis kabayka yimin. Kibeyne, Uhokri kaniyven akak gibetki adahan nah humaw Cristo Jesus giwatni. Nah gikak ukebyi Timotyu usuh awahkis kabayka yimin yis Uhokri gihiyegavu korintyuyenevwi payak gikakkis madikte gihiyegavu ku pariye ayge avit Gresiyamnaw.
2Wigwiy Uhokri gikak Ukivarawiy Jesus Cristo gabaykis yikaknek. Igkis karisewehse yiyakninek.
Wigwiy iki wawaygiwiy abetnewa mbeyne
2Ko 4.7; Kol 1.11; 2Tes 2.16
3Kibeyne gidahan Uhokri. Ig Ukivarawiy Jesus Cristo gig. Ig hawata ig Wigwiywata. Ig ka gamnihrasima ukakwiy. Ignewa iki wawaygiwiy.
4Ig iki wawaygiwiy abetnewa ka aynsima mbeyne kahadbe wixwiyme hawata ikene gawaygikis hiyeg ku pariye abetnenevwi mbeyne. Wixwiy iki gawaygikis akakwata ini ku pariye wixwiy amava giwntak Uhokri.
5 Nukebyuvwi, usuh kuri hiyepne mbeyne ka aynsima hawata ke Cristobe. Heneme abetnewa ini mbeyne ig Cristo ikene wawaygi ka aynsima awaku ku samah usuh pahavwiwa gikak.
6Usuh amava ini mbeyne kahadbe yisme uti kabayka. Umawkan yis isahptaw ariw yitaraksan adahan yis danuhne git Uhokri. Umawkan yis uti yawaygi giwntak. Ini ku samah ig Uhokri iki wawaygi wotuh, in keh usuh hawata hiya asamanak adahan ikene yawaygi. Kahadbe yis hawata kamaxwenene abetnewa mbeyne avim ini ku aysaw in danuh yit hawata ku samah in kuwis danuh wotuh.
7Usuh iveg givitit Uhokri ku ig iki yawayginek. Ku yis hiyap mbeyne hawata ke usuhbe, nikwe yis ikaka yawayginek hawata ke usuhbe.
Uhokri wiwhpewiy abetitak miyaka
8Nukebyuvwi kibeynevwi, usuh ikene yinetni kahadbe yis hiyakni ku samah usuh mpiyase ka aynsima mbeyne aynte Ásiyamnaw. Usuh kayehpin mpiynevevye. Usuh kabahte yumahwa udatni nitivut akiw. Wotuhnek usuh me miyarapmet.
9Usuh ahegbetew avititakwa uyakni adahan miyaka. Heneme kibeyne, in danuhe wotuh adahanikwa ukannuten adahan usuh ka kamaxwa uvititnenwa, amawka ku usuh kamaxwa givititnenwa Uhokri, ku pariye hiya akannikasak hiyeg ariwntak miyaka.
10Henewa, ig wiwhe usuh abetitak ini mbeyevyenen miyaka. Hene umawkan ig keh avanenekwa ukakwiynek. Hawata ignewa usuh kuwis ikinene ukamaxwan givitit adahan avanenekwa ig amnihnekwa usuh ariw mbeyne.
Usuh muwaka ka aynsima hiyeg piriyepkaw udahan
11Hene umawkan yis piriyepkewnene udahan. Usuh muwaka ka aynsima hiyeg piriyepkaw udahan. Mmanawa ku ka aynsima hiyeg piriyepkewne udahan, ayge kaytwaka giwnkisnek, Uhokri amnih usuhnek, nikwe ka aynsima hiyeg kabayhignek adahan gabay ukakuh.
Nah ka kinisyi
12 Yaytak hiyeg ayge awna ku usuh he kinisekevutnenen. Bawa ka inyewatma, nukebyuvwi. Usuh hiyakni ku uyakni barewvit ariw taraksaki yikak. Usuh ka yikinsetnima. Ine usuh kawnata wew akakma gihiyekemnikis hiyeg amadgayavu ininma. Heneme usuh wewne akakwa Uhokri gihiyekemni ku pariye kane gabayisima. Usuh kehne kabayka gidahankis hiyeg ku pariye kane Uhokriyanvuma, heneme usuh kehte kabayka yidahan yis Jesus gihiyegavu.
13Amadga madikte ukagtan ku pariye wawahkisni yimin usuh ka tamak pahatnema wasaymaka ku pariye ik adahan kinisweyma. Numawkan yis madikte kamaxwenekuye nuvitit 14hawata ku samah yaytak kibite kuwis kamaxwene nuvitit. Kahadbe avim ini hawkri ku aysaw ig Ukivarawiy Jesus danuhnek atan wixwiy madikte batekyekuye. Yisme batek awaku ku samah usuh yikannuhten. Usuhme batek awaku ku samah yis ukannuhnivwi.
Nah ka awna iwit waditnevyenenma
15Nah hiyapni hene, amakohnokwa nah ivegmine nuhiyekemni adahan nah atak danuhpene atere yit akiw. Nah nuvewkankama nah ahegbet adahan nah danuhpene yit pimavut adahan wixwiy kehne kabayka pawtak pimavut. Nuvewkankama abetnewa numaviyenpen avitit Masedôniyamnaw nah danuhpakam atere yit. 16Ayteke nudiyhemnikam akiw nah mpiyakam awvre yimuniw akiw, yisme ayavankam adahan nah diyuhpiye akak kabayka atan avitit Judeyamnaw akiw.
17Henewa nahegbetawni yikak, heneme ayteke inetit danuhe nutuh ku pariye keh nah uniyehe nuhiyekemni. Nikwe nah ka danuh atere ku samah nakkan yit. Yaytak ayge hiyapni hene, igkis awna numinuh ku ini ku samah nuhiyekemni uniyehwe ini areketni huwewe ku samah nah he yikinsetninen. Igkis ikanuh ku nah awna he waditnevyenen ke hiyegbe amadgayavu ininbe. Igkis awna ku nuwnuh he kiniskanen. Igkis awna ku nuwnuh “ihi” in ka dep uniyehwa adahan “kawa”.
18Bawa ka inyewatma, nukebyuvwi. Ku samah ig Uhokri ka awna iwit waditnevyenenma, nah kawnata awna iwit waditnevyenenma. Ku nah awna “ihi” git pahavwi, inakni nuwnuh ka uniyehwa adahan “kawa”.
Jesus ka awna iwit waditnevyenenma
19Nah gikak kiyavwiye Sílas, gikak kiyavwiye Timotyu, usuh kuwis ekke Jesus Cristo gihiyekemni yit. Igyewa Uhokri gikamkayh. Gihiyekemni hawata ke gigbe gihiyekemni. Ig kawnata awna iwit waditnevyenenma. Ku giwn “ihi”, inakni giwn ka uniyehwa adahan “kawa”. In inyewa “ihi” adahan avanenekwa.
20Ku wixwiy kamaxwa givitit Kiyavwiye Jesus, nikwe madikte ini kabayka ku pariye ig Uhokri ikakse wotwiy in inyewa kahayaknek. Mmanawa ig Kiyavwiye Jesus kuwis awna: “Ihi, in danuhnek.” Nikwe ig keh in inyewa danuhnek. Inneki keh wixwiy awna: “Ameh. Henewa in danuhnek.” Ku aysaw wixwiy iha inakni giwn hene, amun ini wixwiy kibeyhene Uhokri.
Uhokri Gitip ay uvitwiy areketni ku wixwiy Uhokri gidahan
Ro 8.14; Ef 1.13
21 Ig Uhokri kis adahan ig kabayhaka. Ignewa keh usuh pahavwiwa gikak Cristo payak yikak. Ignewa iki wawaygiwiy adahan wixwiy kamaxwenene givitit, adahan wixwiy tiviknene gikak. Ignewa kawihkiswiy akak Gitip.
22Ku samah ig Gitip ay uvitwiy, in humaw areketni huwewe wotwiy ku wixwiy Uhokri gidahan. Hawata akiw ig Gitip humaw areketni wotwiy adahan aysawnemenek wixwiy darihnek madikte ini kabayka ku pariye Uhokri ikakse wotwiy. Kibeyne, ku samah ig ay uvitwiy, amun ini wixwiy kuwis darih abusku ku pariye gikaksan wotwiy.
Nah ka danuhpa yit awaku nah ka himehwekere yikak
1Ko 4.21; 2Ko 10.1
23 Kuri nukebyuvwi, nah akkamnihte yit ku samah nuhiyekemni uniyehwe. Nah kanum Uhokri nawneve. Ignewa hiyak madikte ku pariye ay avit nuyakni. Nah kote atekerete atere kuri akak inin awaku nah ka himehwekere yikak.
24Nah awna inakni hene ku nah ka himehwekere yikak, nah ka awnenema ke wotbe usuh humewne yikivarabe adahan usuh kabukhewne yit. Kawa. Yis ka muwaka pahavwinema hiyeg adahan mpiksaptihyi wew akak Uhokri gihiyekemni. Kibeyne, yis yiwnteknewa mpiksewne wew akak gihiyekemni. Usuh ka humewnema yikivarama, usuh he yayavetninen adahan yis tiviknene akak batekka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.