Máciya 1
1
Símaama Yéesu Krista
1Ehe heekiicee ha kiti símaama Yéesu Krista ati miin ma miti amansa ya Dawid ati miin ma miti Abraham.
2Abraham apuke Isaak.
Isaak naapuk Jakob.
Jakob naapuk Juda niŋ ñúnuwoo niŋ pakatuwoo.
3Juda naapuk Peles niŋ Serah, íññaa ateyii ayem Tamal.
Peles naapuk Hesilon.
Hesilon naapuk Lam.
4Lam naapuk Aminatap.
Aminatap naapuk Naason.
Naason naapuk Salumon.
5Salumon naapuk Powas, íññaa ateyoo ayem Lahap.
Powas naapuk Yopet, íññaa ateyoo ayem Rut.
Yopet naapuk Yesaay.
6Yesaay naapuk amansa ya Dawid.
Dawid naapuk Solomon, íññaa ateyoo ayeniye hínum Uliya aaloo.
7Solomon naapuk Lopowam.
Lopowam naapuk Apiya.
Apiya naapuk Asa.#1:7 Caacawoo lompo Asaf
8Asa naapuk Yosafat.
Yosafat naapuk Yeholam.
Yeholam naapuk#1:8 Niŋ ekina tom: Yeholam náayemi maama ati Usiya Usiya.
9Usiya naapuk Yotam.
Yotam naapuk Ahas.
Ahas naapuk Hesekiya.
10Hesekiya naapuk Manase.
Manase naapuk Amon#1:10 Caacawoo lompo Amos.
Amon naapuk Yosiya.
11Yosiya naapuk#1:11 Niŋ ekina tom: Yosiya náayemi maama ati Yekoniya Yekoniya#1:11 Caacawoo lompo Yehoyakin niŋ pakatuwoo, tempo pakati Babilon nkacoope pakati Israyel ti sempe kapikin ti mah ma miti Babilon.
12Ta pakati Israyel nkacoopee ta Babilon, tempo Yekoniya naapuke Salatiyel.
Salatiyel naapuk#1:12 Niŋ ekina tom: Salatiyel náayemi maama ati Solopapel Solopapel.
13Solopapel naapuk Apiyut.
Apiyut naapuk Eliyakim.
Eliyakim naapuk Asol.
14Asol naapuk Satok.
Satok naapuk Akim.
Akim naapuk Eliyut.
15Eliyut naapuk Eleyasal.
Eleyasal naapuk Matan.
Matan naapuk Jakob.
16Jakob naapuk Josef.
Josef asaye Mari, íññaa ya ati Yéesu aŋa nkayonkal a Eenucee ya ati Pútuun pa.
17Ooto, písik ti Abraham fo ti Dawid sikaay siyema ŋaasuwan niŋ sipaakiil sitaakiye; niŋ písik ti Dawid fo ta pakati Israyel nkacoopee ta Babilon, sikaay siyema ŋaasuwan niŋ sipaakiil sitaakiye; niŋ písik lompo ti oom caanak fo ta Eenucee ya naapukee ta, sikaay siyema ŋaasuwan niŋ sipaakiil sitaakiye.
Hipukuyee ha hiti Yéesu
18Ehe fa hipukuyee ha hiti Yéesu Krista nihitaakiye fa. Iññáa ateyoo ayem Mari aŋa áyiin a aŋa nkasok a Josef naaŋaame ya ekop. Pale le niŋ áfaameyiyoo aal inhemool Mari asayaa munow ti sempe sa siti Kunuu ka keenape ka. 19Fiye, Josef eeŋaamoo ya ekop an eecoonoole#1:19 Niŋ ekina tom: an eenape apan álafiitoo kaasuuwan hátikin pakan paka, ekina ewune náalafiyoo kakatan pakan paka péemiit. 20Pale, ta naayeniye ta káamiilool eehuu, maleekoo eti Ateeteyo néefulii teyoo ti éyawut, neesokoo: “Josef eesoke Dawid maamaa, timpi fe esa Mari, kaatuko ti sempe sa siti Kunuu ka keenape ka naasaye munow. 21Afaapuk ciñii cikampaani aakati luwoo caacaw ca Yéesu#1:21 Ekina eyem: Ateeteyo nafakanfakan kaatuko akina afaafakan pakanoo ti umuuyen wa uteyii.”
22Fiyuu intaakiye ancuk eeha Ateeteyo naasoke ha púlooŋ pínapii ti ayaamakoola ya hitaakiyaa, asok:
23 “Sincan, ámaacul éemiit áyiin afaasa munow, naapuk cikampaani;
efikaluwoo caacaw ca Emanuwel,” #
Esayi 7:14
ekina eyem “Pútuun pa umpa niŋ unaa.”
24Fiye, ta Josef náayiyoonii ta náahin eeha maleekoo ya eti Ateeteyo neesokoo ha: naasa Mari. 25Pale ámiitoo aal fo ta naapuke ta cikampaani ca. Naaluwoo caacaw ca Yéesu.
Kuloonaay © Wycliffe Bible Translators, Inc. 2026.