ਰਸੂਲਾਂ ਦੇ ਕੰਮ 18
18
ਪੌਲੁਸ ਕੁਰਿੰਥੁਸ ਵਿੱਚ
1ਇਸ ਦੇ ਬਾਅਦ ਪੌਲੁਸ ਐਥਨਜ਼ ਤੋਂ ਵਿਦਾ ਹੋ ਕੇ ਕੁਰਿੰਥੁਸ ਵਿੱਚ ਆਇਆ । 2ਉੱਥੇ ਉਹ ਇੱਕ ਅਕੂਲਾ ਨਾਂ ਦੇ ਯਹੂਦੀ ਨੂੰ ਮਿਲਿਆ ਜਿਸ ਦਾ ਜਨਮ ਸਥਾਨ ਪੁੰਤੁਸ ਸੀ । ਉਹ ਆਪਣੀ ਪਤਨੀ ਪ੍ਰਿਸਕਿੱਲਾ ਦੇ ਨਾਲ ਕੁਝ ਸਮਾਂ ਪਹਿਲਾਂ ਹੀ ਇਤਾਲਿਯਾ#18:2 ਆਧੁਨਿਕ ਨਾਮ ਇਟਲੀ ਤੋਂ ਆਇਆ ਸੀ, ਕਿਉਂਕਿ ਸਮਰਾਟ ਕਲੌਦਿਯੁਸ ਨੇ ਸਾਰੇ ਯਹੂਦੀਆਂ ਨੂੰ ਰੋਮ ਵਿੱਚੋਂ ਨਿੱਕਲ ਜਾਣ ਦਾ ਹੁਕਮ ਦਿੱਤਾ ਸੀ । ਪੌਲੁਸ ਉਹਨਾਂ ਕੋਲ ਆਇਆ 3ਕਿਉਂਕਿ ਉਹਨਾਂ ਦਾ ਕਿੱਤਾ ਉਸ ਨਾਲ ਮਿਲਦਾ ਸੀ । ਉਹ ਉਹਨਾਂ ਦੇ ਨਾਲ ਰਿਹਾ ਅਤੇ ਕੰਮ ਕਰਨ ਲੱਗਾ । ਉਹ ਤੰਬੂ ਬਣਾਉਣ ਦਾ ਕੰਮ ਕਰਦੇ ਸਨ । 4ਉਹ ਹਰ ਸਬਤ ਵਾਲੇ ਦਿਨ ਪ੍ਰਾਰਥਨਾ ਘਰ ਵਿੱਚ ਯਹੂਦੀਆਂ ਅਤੇ ਯੂਨਾਨੀਆਂ ਨਾਲ ਤਰਕ-ਵਿਤਰਕ ਕਰਦਾ ਅਤੇ ਉਹਨਾਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕਰਦਾ ਸੀ ।
5ਫਿਰ ਜਦੋਂ ਸੀਲਾਸ ਅਤੇ ਤਿਮੋਥਿਉਸ ਮਕਦੂਨਿਯਾ ਤੋਂ ਆ ਗਏ ਤਾਂ ਪੌਲੁਸ ਆਪਣਾ ਸਾਰਾ ਸਮਾਂ ਵਚਨ ਦੇ ਪ੍ਰਚਾਰ ਵਿੱਚ ਲਗਾਉਣ ਲੱਗਾ ਅਤੇ ਯਹੂਦੀਆਂ ਦੇ ਸਾਹਮਣੇ ਗਵਾਹੀ ਦੇਣ ਲੱਗਾ ਕਿ ਯਿਸੂ ਹੀ ‘ਮਸੀਹ’ ਹਨ । 6ਪਰ ਜਦੋਂ ਉਹ ਲੋਕ ਉਸ ਦਾ ਵਿਰੋਧ ਕਰਨ ਲੱਗੇ ਅਤੇ ਨਿੰਦਾ ਕਰਨ ਲੱਗੇ ਤਾਂ ਉਸ ਨੇ ਆਪਣੇ ਕੱਪੜੇ ਝਾੜੇ ਅਤੇ ਕਿਹਾ, “ਹੁਣ ਜੇਕਰ ਤੁਸੀਂ ਨਾਸ਼ ਹੋਵੋ ਤਾਂ ਇਸ ਦਾ ਦੋਸ਼ ਤੁਹਾਡੇ ਆਪਣੇ ਸਿਰ ! ਮੈਂ ਆਪਣਾ ਕਰਤੱਵ ਪੂਰਾ ਕੀਤਾ ਹੈ । ਮੈਂ ਹੁਣ ਪਰਾਈਆਂ ਕੌਮਾਂ ਕੋਲ ਜਾਵਾਂਗਾ ।” 7ਪੌਲੁਸ ਉੱਥੋਂ ਚੱਲ ਕੇ ਪਰਮੇਸ਼ਰ ਦੇ ਇੱਕ ਭਗਤ ਦੇ ਘਰ ਗਿਆ ਜਿਸ ਦਾ ਨਾਂ ਤੀਤੁਸ ਯੂਸਤੁਸ ਸੀ । ਉਸ ਦਾ ਘਰ ਪ੍ਰਾਰਥਨਾ ਘਰ ਦੇ ਕੋਲ ਸੀ । 8ਪ੍ਰਾਰਥਨਾ ਘਰ ਦੇ ਅਧਿਕਾਰੀ ਕਰਿਸਪੁਸ ਨੇ ਆਪਣੇ ਸਾਰੇ ਪਰਿਵਾਰ ਸਮੇਤ ਪ੍ਰਭੂ ਵਿੱਚ ਵਿਸ਼ਵਾਸ ਕੀਤਾ ਅਤੇ ਬਹੁਤ ਸਾਰੇ ਕੁਰਿੰਥ ਦੇ ਰਹਿਣ ਵਾਲਿਆਂ ਨੇ ਸੁਣਿਆ ਅਤੇ ਵਿਸ਼ਵਾਸ ਕਰ ਕੇ ਬਪਤਿਸਮਾ ਲਿਆ ।
9ਫਿਰ ਪ੍ਰਭੂ ਨੇ ਇੱਕ ਰਾਤ ਪੌਲੁਸ ਨੂੰ ਦਰਸ਼ਨ ਦੇ ਕੇ ਕਿਹਾ, “ਨਾ ਡਰ, ਪ੍ਰਚਾਰ ਕਰਦਾ ਜਾ ਅਤੇ ਚੁੱਪ ਨਾ ਰਹਿ 10ਕਿਉਂਕਿ ਮੈਂ ਤੇਰੇ ਨਾਲ ਹਾਂ । ਕੋਈ ਆਦਮੀ ਤੇਰੇ ਉੱਤੇ ਹਮਲਾ ਕਰ ਕੇ ਤੇਰਾ ਨੁਕਸਾਨ ਨਹੀਂ ਕਰ ਸਕੇਗਾ ਕਿਉਂਕਿ ਇਸ ਸ਼ਹਿਰ ਵਿੱਚ ਮੇਰੇ ਬਹੁਤ ਸਾਰੇ ਭਗਤ ਹਨ ।” 11ਪੌਲੁਸ ਡੇਢ ਸਾਲ ਤੱਕ ਉੱਥੇ ਰਿਹਾ ਅਤੇ ਪਰਮੇਸ਼ਰ ਦਾ ਵਚਨ ਸੁਣਾਉਂਦਾ ਰਿਹਾ ।
12ਜਦੋਂ ਗੱਲੀਓ ਅਖਾਯਾ ਦੇ ਇਲਾਕੇ ਦਾ ਰਾਜਪਾਲ ਸੀ, ਉਸ ਸਮੇਂ ਯਹੂਦੀਆਂ ਨੇ ਏਕਾ ਕਰ ਕੇ ਪੌਲੁਸ ਉੱਤੇ ਹਮਲਾ ਕੀਤਾ ਅਤੇ ਉਸ ਨੂੰ ਫੜ ਕੇ ਅਦਾਲਤ ਵਿੱਚ ਲੈ ਗਏ । 13ਉਹ ਕਹਿਣ ਲੱਗੇ, “ਇਹ ਲੋਕਾਂ ਨੂੰ ਪਰਮੇਸ਼ਰ ਦੀ ਭਗਤੀ ਦਾ ਅਜਿਹਾ ਢੰਗ ਸਿਖਾਉਂਦਾ ਹੈ ਜਿਹੜਾ ਵਿਵਸਥਾ ਦੇ ਵਿਰੁੱਧ ਹੈ ।” 14ਪੌਲੁਸ ਅਜੇ ਬੋਲਣ ਹੀ ਲੱਗਾ ਸੀ ਕਿ ਗੱਲੀਓ ਨੇ ਯਹੂਦੀਆਂ ਨੂੰ ਕਿਹਾ, “ਯਹੂਦੀ ਲੋਕੋ, ਜੇਕਰ ਇਹ ਕੋਈ ਗੰਭੀਰ ਅਪਰਾਧ ਜਾਂ ਸ਼ਰਾਰਤ ਦੀ ਗੱਲ ਹੁੰਦੀ ਤਾਂ ਇਹ ਠੀਕ ਸੀ ਕਿ ਮੈਂ ਤੁਹਾਡੀ ਸੁਣਦਾ । 15ਪਰ ਜੇਕਰ ਇਹ ਝਗੜਾ ਸ਼ਬਦਾਂ, ਨਾਂਵਾਂ ਅਤੇ ਤੁਹਾਡੀ ਵਿਵਸਥਾ ਦੇ ਬਾਰੇ ਹੈ ਤਾਂ ਤੁਸੀਂ ਜਾਣੋ ! ਮੈਂ ਇਸ ਦਾ ਨਿਆਂ ਨਹੀਂ ਕਰਨਾ ਚਾਹੁੰਦਾ ।” 16ਫਿਰ ਉਸ ਨੇ ਉਹਨਾਂ ਸਾਰਿਆਂ ਨੂੰ ਅਦਾਲਤ ਵਿੱਚੋਂ ਬਾਹਰ ਕੱਢ ਦਿੱਤਾ । 17ਤਦ ਉਹਨਾਂ ਸਾਰਿਆਂ ਨੇ ਪ੍ਰਾਰਥਨਾ ਘਰ ਦੇ ਅਧਿਕਾਰੀ ਸੋਸਥਨੇਸ ਨੂੰ ਫੜ ਕੇ ਅਦਾਲਤ ਦੇ ਸਾਹਮਣੇ ਹੀ ਬਹੁਤ ਕੁੱਟਿਆ ਪਰ ਗੱਲੀਓ ਨੇ ਇਸ ਵੱਲ ਕੋਈ ਧਿਆਨ ਨਾ ਦਿੱਤਾ ।
ਅੰਤਾਕਿਯਾ ਵਾਪਸ ਆਉਣਾ
18 #
ਗਿਣ 6:18
ਇਸ ਦੇ ਬਾਅਦ ਪੌਲੁਸ ਉੱਥੇ ਬਹੁਤ ਦਿਨਾਂ ਤੱਕ ਰਿਹਾ । ਫਿਰ ਭਰਾਵਾਂ ਤੋਂ ਵਿਦਾ ਲੈ ਕੇ ਸਮੁੰਦਰੀ ਜਹਾਜ਼ ਦੁਆਰਾ ਪ੍ਰਿਸਕਿੱਲਾ ਅਤੇ ਅਕੂਲਾ ਦੇ ਨਾਲ ਸੀਰੀਯਾ ਵੱਲ ਚੱਲ ਪਿਆ । ਉਸ ਨੇ ਕੰਖਰਿਯਾ ਵਿੱਚ ਆਪਣਾ ਸਿਰ ਮੁਨਵਾ ਲਿਆ ਕਿਉਂਕਿ ਉਸ ਨੇ ਸੁੱਖਣਾ ਸੁੱਖੀ ਹੋਈ ਸੀ । 19ਅਫ਼ਸੁਸ ਪਹੁੰਚ ਕੇ ਪੌਲੁਸ ਨੇ ਉਹਨਾਂ ਨੂੰ ਉੱਥੇ ਛੱਡ ਦਿੱਤਾ ਅਤੇ ਆਪ ਪ੍ਰਾਰਥਨਾ ਘਰ ਵਿੱਚ ਜਾ ਕੇ ਯਹੂਦੀਆਂ ਨਾਲ ਤਰਕ-ਵਿਤਰਕ ਕਰਨ ਲੱਗਾ । 20ਜਦੋਂ ਉਹਨਾਂ ਨੇ ਉਸ ਨੂੰ ਕੁਝ ਹੋਰ ਦਿਨ ਰਹਿਣ ਲਈ ਕਿਹਾ ਤਾਂ ਉਸ ਨੇ ਸਵੀਕਾਰ ਨਾ ਕੀਤਾ 21ਅਤੇ ਇਹ ਕਹਿ ਕੇ ਵਿਦਾ ਲਈ, “ਜੇਕਰ ਪਰਮੇਸ਼ਰ ਨੇ ਚਾਹਿਆ ਤਾਂ ਮੈਂ ਫਿਰ ਤੁਹਾਡੇ ਕੋਲ ਆਵਾਂਗਾ ।” ਫਿਰ ਉਸ ਨੇ ਅਫ਼ਸੁਸ ਤੋਂ ਸਮੁੰਦਰੀ ਜਹਾਜ਼ ਦੁਆਰਾ ਯਾਤਰਾ ਸ਼ੁਰੂ ਕੀਤੀ । 22ਜਦੋਂ ਉਹ ਕੈਸਰਿਯਾ ਪਹੁੰਚਿਆ ਤਾਂ ਉੱਥੋਂ ਫਿਰ ਯਰੂਸ਼ਲਮ ਨੂੰ ਗਿਆ ਅਤੇ ਕਲੀਸੀਯਾ ਨੂੰ ਨਮਸਕਾਰ ਕੀਤਾ ਅਤੇ ਫਿਰ ਅੰਤਾਕਿਯਾ ਨੂੰ ਚਲਾ ਗਿਆ । 23ਉੱਥੇ ਕੁਝ ਦਿਨ ਰਹਿ ਕੇ ਉਹ ਵਿਦਾ ਹੋਇਆ ਅਤੇ ਸ਼ਹਿਰ ਸ਼ਹਿਰ ਫਿਰ ਕੇ ਗਲਾਤੀਯਾ ਅਤੇ ਫ਼ਰੂਗਿਯਾ ਦੇ ਇਲਾਕੇ ਦਾ ਦੌਰਾ ਕਰਦਾ ਹੋਇਆ ਸਾਰੇ ਚੇਲਿਆਂ ਨੂੰ ਵਿਸ਼ਵਾਸ ਵਿੱਚ ਪੱਕਾ ਕਰਦਾ ਰਿਹਾ ।
ਅਪੁੱਲੋਸ ਅਫ਼ਸੁਸ ਅਤੇ ਕੁਰਿੰਥੁਸ ਵਿੱਚ
24ਅਪੁੱਲੋਸ ਨਾਂ ਦਾ ਯਹੂਦੀ ਜਿਸ ਦਾ ਜਨਮ ਸਥਾਨ ਸਿਕੰਦਰੀਯਾ ਸੀ, ਅਫ਼ਸੁਸ ਵਿੱਚ ਆਇਆ । ਉਹ ਇੱਕ ਚੰਗਾ ਬੋਲਣ ਵਾਲਾ ਅਤੇ ਪਵਿੱਤਰ-ਗ੍ਰੰਥ ਦਾ ਮਾਹਰ ਸੀ । 25ਉਸ ਨੇ ‘ਪ੍ਰਭੂ ਦੇ ਰਾਹ’ ਦੀ ਸਿੱਖਿਆ ਲਈ ਸੀ । ਉਹ ਯਿਸੂ ਦੇ ਬਾਰੇ ਬਹੁਤ ਉਤਸ਼ਾਹ ਦੇ ਨਾਲ ਠੀਕ ਠੀਕ ਸੁਣਾਉਂਦਾ ਅਤੇ ਸਿਖਾਉਂਦਾ ਸੀ ਭਾਵੇਂ ਉਹ ਕੇਵਲ ਯੂਹੰਨਾ ਦੇ ਬਪਤਿਸਮਾ ਤੋਂ ਹੀ ਜਾਣੂ ਸੀ । 26ਉਹ ਪ੍ਰਾਰਥਨਾ ਘਰ ਵਿੱਚ ਨਿਡਰ ਹੋ ਕੇ ਬੋਲਣ ਲੱਗਾ । ਜਦੋਂ ਪ੍ਰਿਸਕਿੱਲਾ ਅਤੇ ਅਕੂਲਾ ਨੇ ਉਸ ਨੂੰ ਸੁਣਿਆ ਤਾਂ ਉਹ ਉਸ ਨੂੰ ਆਪਣੇ ਨਾਲ ਲੈ ਗਏ ਅਤੇ ਉਸ ਨੂੰ ਹੋਰ ਚੰਗੀ ਤਰ੍ਹਾਂ ‘ਪਰਮੇਸ਼ਰ ਦੇ ਰਾਹ’ ਬਾਰੇ ਦੱਸਿਆ । 27ਅਪੁੱਲੋਸ ਦੀ ਇੱਛਾ ਸੀ ਕਿ ਉਹ ਸਮੁੰਦਰ ਦੇ ਪਾਰ ਅਖਾਯਾ ਨੂੰ ਜਾਵੇ । ਭਰਾਵਾਂ ਨੇ ਇਸ ਬਾਰੇ ਉਸ ਨੂੰ ਉਤਸ਼ਾਹ ਦਿੱਤਾ ਅਤੇ ਚੇਲਿਆਂ ਨੂੰ ਲਿਖਿਆ ਕਿ ਉਸ ਦਾ ਸੁਆਗਤ ਕਰਨ । ਉੱਥੇ ਪਹੁੰਚ ਕੇ ਉਸ ਨੇ ਉਹਨਾਂ ਲੋਕਾਂ ਦੀ ਬੜੀ ਮਦਦ ਕੀਤੀ ਜਿਹੜੇ ਕਿਰਪਾ ਦੁਆਰਾ ਵਿਸ਼ਵਾਸੀ ਬਣ ਚੁੱਕੇ ਸਨ । 28ਉਸ ਨੇ ਯਹੂਦੀਆਂ ਦਾ ਸਾਰਿਆਂ ਦੇ ਸਾਹਮਣੇ ਬਹੁਤ ਜ਼ੋਰ ਨਾਲ ਖੰਡਨ ਕਰਦੇ ਹੋਏ ਪਵਿੱਤਰ-ਗ੍ਰੰਥ ਵਿੱਚੋਂ ਸਿੱਧ ਕੀਤਾ ਕਿ ਯਿਸੂ ਹੀ ‘ਮਸੀਹ’ ਹਨ ।
Currently Selected:
ਰਸੂਲਾਂ ਦੇ ਕੰਮ 18: CL-NA
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India
ਰਸੂਲਾਂ ਦੇ ਕੰਮ 18
18
ਪੌਲੁਸ ਕੁਰਿੰਥੁਸ ਵਿੱਚ
1ਇਸ ਦੇ ਬਾਅਦ ਪੌਲੁਸ ਐਥਨਜ਼ ਤੋਂ ਵਿਦਾ ਹੋ ਕੇ ਕੁਰਿੰਥੁਸ ਵਿੱਚ ਆਇਆ । 2ਉੱਥੇ ਉਹ ਇੱਕ ਅਕੂਲਾ ਨਾਂ ਦੇ ਯਹੂਦੀ ਨੂੰ ਮਿਲਿਆ ਜਿਸ ਦਾ ਜਨਮ ਸਥਾਨ ਪੁੰਤੁਸ ਸੀ । ਉਹ ਆਪਣੀ ਪਤਨੀ ਪ੍ਰਿਸਕਿੱਲਾ ਦੇ ਨਾਲ ਕੁਝ ਸਮਾਂ ਪਹਿਲਾਂ ਹੀ ਇਤਾਲਿਯਾ#18:2 ਆਧੁਨਿਕ ਨਾਮ ਇਟਲੀ ਤੋਂ ਆਇਆ ਸੀ, ਕਿਉਂਕਿ ਸਮਰਾਟ ਕਲੌਦਿਯੁਸ ਨੇ ਸਾਰੇ ਯਹੂਦੀਆਂ ਨੂੰ ਰੋਮ ਵਿੱਚੋਂ ਨਿੱਕਲ ਜਾਣ ਦਾ ਹੁਕਮ ਦਿੱਤਾ ਸੀ । ਪੌਲੁਸ ਉਹਨਾਂ ਕੋਲ ਆਇਆ 3ਕਿਉਂਕਿ ਉਹਨਾਂ ਦਾ ਕਿੱਤਾ ਉਸ ਨਾਲ ਮਿਲਦਾ ਸੀ । ਉਹ ਉਹਨਾਂ ਦੇ ਨਾਲ ਰਿਹਾ ਅਤੇ ਕੰਮ ਕਰਨ ਲੱਗਾ । ਉਹ ਤੰਬੂ ਬਣਾਉਣ ਦਾ ਕੰਮ ਕਰਦੇ ਸਨ । 4ਉਹ ਹਰ ਸਬਤ ਵਾਲੇ ਦਿਨ ਪ੍ਰਾਰਥਨਾ ਘਰ ਵਿੱਚ ਯਹੂਦੀਆਂ ਅਤੇ ਯੂਨਾਨੀਆਂ ਨਾਲ ਤਰਕ-ਵਿਤਰਕ ਕਰਦਾ ਅਤੇ ਉਹਨਾਂ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕਰਦਾ ਸੀ ।
5ਫਿਰ ਜਦੋਂ ਸੀਲਾਸ ਅਤੇ ਤਿਮੋਥਿਉਸ ਮਕਦੂਨਿਯਾ ਤੋਂ ਆ ਗਏ ਤਾਂ ਪੌਲੁਸ ਆਪਣਾ ਸਾਰਾ ਸਮਾਂ ਵਚਨ ਦੇ ਪ੍ਰਚਾਰ ਵਿੱਚ ਲਗਾਉਣ ਲੱਗਾ ਅਤੇ ਯਹੂਦੀਆਂ ਦੇ ਸਾਹਮਣੇ ਗਵਾਹੀ ਦੇਣ ਲੱਗਾ ਕਿ ਯਿਸੂ ਹੀ ‘ਮਸੀਹ’ ਹਨ । 6ਪਰ ਜਦੋਂ ਉਹ ਲੋਕ ਉਸ ਦਾ ਵਿਰੋਧ ਕਰਨ ਲੱਗੇ ਅਤੇ ਨਿੰਦਾ ਕਰਨ ਲੱਗੇ ਤਾਂ ਉਸ ਨੇ ਆਪਣੇ ਕੱਪੜੇ ਝਾੜੇ ਅਤੇ ਕਿਹਾ, “ਹੁਣ ਜੇਕਰ ਤੁਸੀਂ ਨਾਸ਼ ਹੋਵੋ ਤਾਂ ਇਸ ਦਾ ਦੋਸ਼ ਤੁਹਾਡੇ ਆਪਣੇ ਸਿਰ ! ਮੈਂ ਆਪਣਾ ਕਰਤੱਵ ਪੂਰਾ ਕੀਤਾ ਹੈ । ਮੈਂ ਹੁਣ ਪਰਾਈਆਂ ਕੌਮਾਂ ਕੋਲ ਜਾਵਾਂਗਾ ।” 7ਪੌਲੁਸ ਉੱਥੋਂ ਚੱਲ ਕੇ ਪਰਮੇਸ਼ਰ ਦੇ ਇੱਕ ਭਗਤ ਦੇ ਘਰ ਗਿਆ ਜਿਸ ਦਾ ਨਾਂ ਤੀਤੁਸ ਯੂਸਤੁਸ ਸੀ । ਉਸ ਦਾ ਘਰ ਪ੍ਰਾਰਥਨਾ ਘਰ ਦੇ ਕੋਲ ਸੀ । 8ਪ੍ਰਾਰਥਨਾ ਘਰ ਦੇ ਅਧਿਕਾਰੀ ਕਰਿਸਪੁਸ ਨੇ ਆਪਣੇ ਸਾਰੇ ਪਰਿਵਾਰ ਸਮੇਤ ਪ੍ਰਭੂ ਵਿੱਚ ਵਿਸ਼ਵਾਸ ਕੀਤਾ ਅਤੇ ਬਹੁਤ ਸਾਰੇ ਕੁਰਿੰਥ ਦੇ ਰਹਿਣ ਵਾਲਿਆਂ ਨੇ ਸੁਣਿਆ ਅਤੇ ਵਿਸ਼ਵਾਸ ਕਰ ਕੇ ਬਪਤਿਸਮਾ ਲਿਆ ।
9ਫਿਰ ਪ੍ਰਭੂ ਨੇ ਇੱਕ ਰਾਤ ਪੌਲੁਸ ਨੂੰ ਦਰਸ਼ਨ ਦੇ ਕੇ ਕਿਹਾ, “ਨਾ ਡਰ, ਪ੍ਰਚਾਰ ਕਰਦਾ ਜਾ ਅਤੇ ਚੁੱਪ ਨਾ ਰਹਿ 10ਕਿਉਂਕਿ ਮੈਂ ਤੇਰੇ ਨਾਲ ਹਾਂ । ਕੋਈ ਆਦਮੀ ਤੇਰੇ ਉੱਤੇ ਹਮਲਾ ਕਰ ਕੇ ਤੇਰਾ ਨੁਕਸਾਨ ਨਹੀਂ ਕਰ ਸਕੇਗਾ ਕਿਉਂਕਿ ਇਸ ਸ਼ਹਿਰ ਵਿੱਚ ਮੇਰੇ ਬਹੁਤ ਸਾਰੇ ਭਗਤ ਹਨ ।” 11ਪੌਲੁਸ ਡੇਢ ਸਾਲ ਤੱਕ ਉੱਥੇ ਰਿਹਾ ਅਤੇ ਪਰਮੇਸ਼ਰ ਦਾ ਵਚਨ ਸੁਣਾਉਂਦਾ ਰਿਹਾ ।
12ਜਦੋਂ ਗੱਲੀਓ ਅਖਾਯਾ ਦੇ ਇਲਾਕੇ ਦਾ ਰਾਜਪਾਲ ਸੀ, ਉਸ ਸਮੇਂ ਯਹੂਦੀਆਂ ਨੇ ਏਕਾ ਕਰ ਕੇ ਪੌਲੁਸ ਉੱਤੇ ਹਮਲਾ ਕੀਤਾ ਅਤੇ ਉਸ ਨੂੰ ਫੜ ਕੇ ਅਦਾਲਤ ਵਿੱਚ ਲੈ ਗਏ । 13ਉਹ ਕਹਿਣ ਲੱਗੇ, “ਇਹ ਲੋਕਾਂ ਨੂੰ ਪਰਮੇਸ਼ਰ ਦੀ ਭਗਤੀ ਦਾ ਅਜਿਹਾ ਢੰਗ ਸਿਖਾਉਂਦਾ ਹੈ ਜਿਹੜਾ ਵਿਵਸਥਾ ਦੇ ਵਿਰੁੱਧ ਹੈ ।” 14ਪੌਲੁਸ ਅਜੇ ਬੋਲਣ ਹੀ ਲੱਗਾ ਸੀ ਕਿ ਗੱਲੀਓ ਨੇ ਯਹੂਦੀਆਂ ਨੂੰ ਕਿਹਾ, “ਯਹੂਦੀ ਲੋਕੋ, ਜੇਕਰ ਇਹ ਕੋਈ ਗੰਭੀਰ ਅਪਰਾਧ ਜਾਂ ਸ਼ਰਾਰਤ ਦੀ ਗੱਲ ਹੁੰਦੀ ਤਾਂ ਇਹ ਠੀਕ ਸੀ ਕਿ ਮੈਂ ਤੁਹਾਡੀ ਸੁਣਦਾ । 15ਪਰ ਜੇਕਰ ਇਹ ਝਗੜਾ ਸ਼ਬਦਾਂ, ਨਾਂਵਾਂ ਅਤੇ ਤੁਹਾਡੀ ਵਿਵਸਥਾ ਦੇ ਬਾਰੇ ਹੈ ਤਾਂ ਤੁਸੀਂ ਜਾਣੋ ! ਮੈਂ ਇਸ ਦਾ ਨਿਆਂ ਨਹੀਂ ਕਰਨਾ ਚਾਹੁੰਦਾ ।” 16ਫਿਰ ਉਸ ਨੇ ਉਹਨਾਂ ਸਾਰਿਆਂ ਨੂੰ ਅਦਾਲਤ ਵਿੱਚੋਂ ਬਾਹਰ ਕੱਢ ਦਿੱਤਾ । 17ਤਦ ਉਹਨਾਂ ਸਾਰਿਆਂ ਨੇ ਪ੍ਰਾਰਥਨਾ ਘਰ ਦੇ ਅਧਿਕਾਰੀ ਸੋਸਥਨੇਸ ਨੂੰ ਫੜ ਕੇ ਅਦਾਲਤ ਦੇ ਸਾਹਮਣੇ ਹੀ ਬਹੁਤ ਕੁੱਟਿਆ ਪਰ ਗੱਲੀਓ ਨੇ ਇਸ ਵੱਲ ਕੋਈ ਧਿਆਨ ਨਾ ਦਿੱਤਾ ।
ਅੰਤਾਕਿਯਾ ਵਾਪਸ ਆਉਣਾ
18 #
ਗਿਣ 6:18
ਇਸ ਦੇ ਬਾਅਦ ਪੌਲੁਸ ਉੱਥੇ ਬਹੁਤ ਦਿਨਾਂ ਤੱਕ ਰਿਹਾ । ਫਿਰ ਭਰਾਵਾਂ ਤੋਂ ਵਿਦਾ ਲੈ ਕੇ ਸਮੁੰਦਰੀ ਜਹਾਜ਼ ਦੁਆਰਾ ਪ੍ਰਿਸਕਿੱਲਾ ਅਤੇ ਅਕੂਲਾ ਦੇ ਨਾਲ ਸੀਰੀਯਾ ਵੱਲ ਚੱਲ ਪਿਆ । ਉਸ ਨੇ ਕੰਖਰਿਯਾ ਵਿੱਚ ਆਪਣਾ ਸਿਰ ਮੁਨਵਾ ਲਿਆ ਕਿਉਂਕਿ ਉਸ ਨੇ ਸੁੱਖਣਾ ਸੁੱਖੀ ਹੋਈ ਸੀ । 19ਅਫ਼ਸੁਸ ਪਹੁੰਚ ਕੇ ਪੌਲੁਸ ਨੇ ਉਹਨਾਂ ਨੂੰ ਉੱਥੇ ਛੱਡ ਦਿੱਤਾ ਅਤੇ ਆਪ ਪ੍ਰਾਰਥਨਾ ਘਰ ਵਿੱਚ ਜਾ ਕੇ ਯਹੂਦੀਆਂ ਨਾਲ ਤਰਕ-ਵਿਤਰਕ ਕਰਨ ਲੱਗਾ । 20ਜਦੋਂ ਉਹਨਾਂ ਨੇ ਉਸ ਨੂੰ ਕੁਝ ਹੋਰ ਦਿਨ ਰਹਿਣ ਲਈ ਕਿਹਾ ਤਾਂ ਉਸ ਨੇ ਸਵੀਕਾਰ ਨਾ ਕੀਤਾ 21ਅਤੇ ਇਹ ਕਹਿ ਕੇ ਵਿਦਾ ਲਈ, “ਜੇਕਰ ਪਰਮੇਸ਼ਰ ਨੇ ਚਾਹਿਆ ਤਾਂ ਮੈਂ ਫਿਰ ਤੁਹਾਡੇ ਕੋਲ ਆਵਾਂਗਾ ।” ਫਿਰ ਉਸ ਨੇ ਅਫ਼ਸੁਸ ਤੋਂ ਸਮੁੰਦਰੀ ਜਹਾਜ਼ ਦੁਆਰਾ ਯਾਤਰਾ ਸ਼ੁਰੂ ਕੀਤੀ । 22ਜਦੋਂ ਉਹ ਕੈਸਰਿਯਾ ਪਹੁੰਚਿਆ ਤਾਂ ਉੱਥੋਂ ਫਿਰ ਯਰੂਸ਼ਲਮ ਨੂੰ ਗਿਆ ਅਤੇ ਕਲੀਸੀਯਾ ਨੂੰ ਨਮਸਕਾਰ ਕੀਤਾ ਅਤੇ ਫਿਰ ਅੰਤਾਕਿਯਾ ਨੂੰ ਚਲਾ ਗਿਆ । 23ਉੱਥੇ ਕੁਝ ਦਿਨ ਰਹਿ ਕੇ ਉਹ ਵਿਦਾ ਹੋਇਆ ਅਤੇ ਸ਼ਹਿਰ ਸ਼ਹਿਰ ਫਿਰ ਕੇ ਗਲਾਤੀਯਾ ਅਤੇ ਫ਼ਰੂਗਿਯਾ ਦੇ ਇਲਾਕੇ ਦਾ ਦੌਰਾ ਕਰਦਾ ਹੋਇਆ ਸਾਰੇ ਚੇਲਿਆਂ ਨੂੰ ਵਿਸ਼ਵਾਸ ਵਿੱਚ ਪੱਕਾ ਕਰਦਾ ਰਿਹਾ ।
ਅਪੁੱਲੋਸ ਅਫ਼ਸੁਸ ਅਤੇ ਕੁਰਿੰਥੁਸ ਵਿੱਚ
24ਅਪੁੱਲੋਸ ਨਾਂ ਦਾ ਯਹੂਦੀ ਜਿਸ ਦਾ ਜਨਮ ਸਥਾਨ ਸਿਕੰਦਰੀਯਾ ਸੀ, ਅਫ਼ਸੁਸ ਵਿੱਚ ਆਇਆ । ਉਹ ਇੱਕ ਚੰਗਾ ਬੋਲਣ ਵਾਲਾ ਅਤੇ ਪਵਿੱਤਰ-ਗ੍ਰੰਥ ਦਾ ਮਾਹਰ ਸੀ । 25ਉਸ ਨੇ ‘ਪ੍ਰਭੂ ਦੇ ਰਾਹ’ ਦੀ ਸਿੱਖਿਆ ਲਈ ਸੀ । ਉਹ ਯਿਸੂ ਦੇ ਬਾਰੇ ਬਹੁਤ ਉਤਸ਼ਾਹ ਦੇ ਨਾਲ ਠੀਕ ਠੀਕ ਸੁਣਾਉਂਦਾ ਅਤੇ ਸਿਖਾਉਂਦਾ ਸੀ ਭਾਵੇਂ ਉਹ ਕੇਵਲ ਯੂਹੰਨਾ ਦੇ ਬਪਤਿਸਮਾ ਤੋਂ ਹੀ ਜਾਣੂ ਸੀ । 26ਉਹ ਪ੍ਰਾਰਥਨਾ ਘਰ ਵਿੱਚ ਨਿਡਰ ਹੋ ਕੇ ਬੋਲਣ ਲੱਗਾ । ਜਦੋਂ ਪ੍ਰਿਸਕਿੱਲਾ ਅਤੇ ਅਕੂਲਾ ਨੇ ਉਸ ਨੂੰ ਸੁਣਿਆ ਤਾਂ ਉਹ ਉਸ ਨੂੰ ਆਪਣੇ ਨਾਲ ਲੈ ਗਏ ਅਤੇ ਉਸ ਨੂੰ ਹੋਰ ਚੰਗੀ ਤਰ੍ਹਾਂ ‘ਪਰਮੇਸ਼ਰ ਦੇ ਰਾਹ’ ਬਾਰੇ ਦੱਸਿਆ । 27ਅਪੁੱਲੋਸ ਦੀ ਇੱਛਾ ਸੀ ਕਿ ਉਹ ਸਮੁੰਦਰ ਦੇ ਪਾਰ ਅਖਾਯਾ ਨੂੰ ਜਾਵੇ । ਭਰਾਵਾਂ ਨੇ ਇਸ ਬਾਰੇ ਉਸ ਨੂੰ ਉਤਸ਼ਾਹ ਦਿੱਤਾ ਅਤੇ ਚੇਲਿਆਂ ਨੂੰ ਲਿਖਿਆ ਕਿ ਉਸ ਦਾ ਸੁਆਗਤ ਕਰਨ । ਉੱਥੇ ਪਹੁੰਚ ਕੇ ਉਸ ਨੇ ਉਹਨਾਂ ਲੋਕਾਂ ਦੀ ਬੜੀ ਮਦਦ ਕੀਤੀ ਜਿਹੜੇ ਕਿਰਪਾ ਦੁਆਰਾ ਵਿਸ਼ਵਾਸੀ ਬਣ ਚੁੱਕੇ ਸਨ । 28ਉਸ ਨੇ ਯਹੂਦੀਆਂ ਦਾ ਸਾਰਿਆਂ ਦੇ ਸਾਹਮਣੇ ਬਹੁਤ ਜ਼ੋਰ ਨਾਲ ਖੰਡਨ ਕਰਦੇ ਹੋਏ ਪਵਿੱਤਰ-ਗ੍ਰੰਥ ਵਿੱਚੋਂ ਸਿੱਧ ਕੀਤਾ ਕਿ ਯਿਸੂ ਹੀ ‘ਮਸੀਹ’ ਹਨ ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India