ਰਸੂਲਾਂ ਦੇ ਕੰਮ 17
17
ਪੌਲੁਸ ਥਸਲੁਨੀਕੇ ਵਿੱਚ
1ਉਹ ਅਮਫ਼ਿਪੁਲਿਸ ਅਤੇ ਅਪੱਲੋਨਿਯਾ ਦੀ ਯਾਤਰਾ ਕਰਦੇ ਹੋਏ ਥਸਲੁਨੀਕਾ ਵਿੱਚ ਪਹੁੰਚੇ । ਉੱਥੇ ਯਹੂਦੀ ਲੋਕਾਂ ਦਾ ਇੱਕ ਪ੍ਰਾਰਥਨਾ ਘਰ ਸੀ । 2ਪੌਲੁਸ ਆਪਣੀ ਰੀਤ ਅਨੁਸਾਰ ਉਹਨਾਂ ਦੇ ਪ੍ਰਾਰਥਨਾ ਘਰ ਵਿੱਚ ਗਿਆ । ਉੱਥੇ ਤਿੰਨ ਹਫ਼ਤਿਆਂ#17:2 ਮੂਲ ਭਾਸ਼ਾ ਵਿੱਚ ਇੱਥੇ ‘ਸਬਤ’ ਹੈ । ਤੱਕ ਉਹਨਾਂ ਦੇ ਨਾਲ ਪਵਿੱਤਰ-ਗ੍ਰੰਥ ਵਿੱਚੋਂ ਤਰਕ-ਵਿਤਰਕ ਕਰਦਾ ਰਿਹਾ । 3ਉਸ ਨੇ ਅਰਥ ਖੋਲ੍ਹ ਕੇ ਸਬੂਤ ਦਿੱਤੇ ਕਿ ਮਸੀਹ ਦਾ ਦੁੱਖ ਭੋਗਣਾ ਅਤੇ ਮੁਰਦਿਆਂ ਵਿੱਚੋਂ ਜੀਅ ਉੱਠਣਾ ਜ਼ਰੂਰੀ ਸੀ । ਉਸ ਨੇ ਕਿਹਾ, “ਇਹ ਯਿਸੂ ਹੀ ਹਨ, ਜਿਹਨਾਂ ਦੇ ਬਾਰੇ ਮੈਂ ਪ੍ਰਚਾਰ ਕਰ ਰਿਹਾ ਹਾਂ, ਉਹ ਹੀ ਮਸੀਹ ਹਨ ।” 4ਉਹਨਾਂ ਵਿੱਚੋਂ ਕੁਝ ਯਹੂਦੀਆਂ ਨੇ ਮੰਨ ਲਿਆ ਅਤੇ ਉਹ ਪੌਲੁਸ ਅਤੇ ਸੀਲਾਸ ਦੇ ਵੱਲ ਹੋ ਗਏ । ਇਸੇ ਤਰ੍ਹਾਂ ਬਹੁਤ ਸਾਰੇ ਯੂਨਾਨੀ ਸ਼ਰਧਾਲੂਆਂ ਅਤੇ ਬਹੁਤ ਸਾਰੀਆਂ ਮੰਨੀਆਂ ਪ੍ਰਮੰਨੀਆਂ ਔਰਤਾਂ ਨੇ ਵੀ ਕੀਤਾ ।
5ਇਸ ਤੇ ਯਹੂਦੀ ਈਰਖਾ ਨਾਲ ਭਰ ਗਏ ਅਤੇ ਕੁਝ ਬਜ਼ਾਰੀ ਗੁੰਡਿਆਂ ਨੂੰ ਨਾਲ ਲੈ ਕੇ ਅਤੇ ਭੀੜ ਇਕੱਠੀ ਕਰ ਕੇ ਸ਼ਹਿਰ ਵਿੱਚ ਦੰਗਾ ਕਰਨ ਲੱਗੇ । ਉਹਨਾਂ ਨੇ ਯਾਸੋਨ ਦੇ ਘਰ ਉੱਤੇ ਹਮਲਾ ਕਰ ਦਿੱਤਾ ਅਤੇ ਪੌਲੁਸ ਅਤੇ ਸੀਲਾਸ ਨੂੰ ਸ਼ਹਿਰ ਦੀ ਸਭਾ ਦੇ ਸਾਹਮਣੇ ਲਿਆਉਣ ਦੀ ਕੋਸ਼ਿਸ਼ ਕਰਨ ਲੱਗੇ । 6ਪਰ ਜਦੋਂ ਉਹ ਉਹਨਾਂ ਨੂੰ ਨਾ ਲੱਭੇ ਤਾਂ ਯਾਸੋਨ ਅਤੇ ਕੁਝ ਦੂਜੇ ਭਰਾਵਾਂ ਨੂੰ ਸ਼ਹਿਰ ਦੇ ਅਧਿਕਾਰੀਆਂ ਕੋਲ ਖਿੱਚ ਲਿਆਏ ਅਤੇ ਉੱਥੇ ਹੰਗਾਮਾ ਹੋ ਗਿਆ ਅਤੇ ਉਹ ਪੁਕਾਰ ਕੇ ਕਹਿਣ ਲੱਗੇ “ਇਹ ਲੋਕ ਜਿਹਨਾਂ ਨੇ ਸੰਸਾਰ ਨੂੰ ਉਲਟ ਪੁਲਟ ਕਰ ਦਿੱਤਾ ਹੈ, ਹੁਣ ਇੱਥੇ ਵੀ ਆ ਪਹੁੰਚੇ ਹਨ 7ਅਤੇ ਯਾਸੋਨ ਨੇ ਉਹਨਾਂ ਨੂੰ ਆਪਣੇ ਘਰ ਰੱਖਿਆ ਹੋਇਆ ਹੈ । ਇਹ ਸਾਰੇ ਸਮਰਾਟ ਦਾ ਵਿਰੋਧ ਕਰਦੇ ਹਨ ਅਤੇ ਕਹਿੰਦੇ ਹਨ ਕਿ ਇੱਕ ਦੂਜਾ ਰਾਜਾ ਹੈ, ਜਿਸ ਦਾ ਨਾਮ ਯਿਸੂ ਹੈ ।” 8ਇਹਨਾਂ ਸ਼ਬਦਾਂ ਨੂੰ ਸੁਣ ਕੇ ਭੀੜ ਅਤੇ ਸ਼ਹਿਰ ਦੇ ਅਧਿਕਾਰੀ ਘਬਰਾ ਗਏ । 9ਤਦ ਅਧਿਕਾਰੀਆਂ ਨੇ ਯਾਸੋਨ ਅਤੇ ਬਾਕੀ ਦੇ ਆਦਮੀਆਂ ਕੋਲੋਂ ਜ਼ਮਾਨਤ-ਨਾਮਾ ਲੈ ਕੇ ਉਹਨਾਂ ਨੂੰ ਛੱਡ ਦਿੱਤਾ ।
ਪੌਲੁਸ ਬਰਿਯਾ ਵਿੱਚ
10ਭਰਾਵਾਂ ਨੇ ਰਾਤੋਂ ਰਾਤ ਪੌਲੁਸ ਅਤੇ ਸੀਲਾਸ ਨੂੰ ਬਰਿਯਾ ਨੂੰ ਭੇਜ ਦਿੱਤਾ । ਉਹ ਉੱਥੇ ਪਹੁੰਚ ਕੇ ਯਹੂਦੀਆਂ ਦੇ ਪ੍ਰਾਰਥਨਾ ਘਰ ਵਿੱਚ ਗਏ । 11ਇੱਥੋਂ ਦੇ ਲੋਕ ਥਸਲੁਨੀਕਾ ਦੇ ਲੋਕਾਂ ਨਾਲੋਂ ਜ਼ਿਆਦਾ ਖੁੱਲ੍ਹੇ ਦਿਲਾਂ ਵਾਲੇ ਸਨ । ਉਹਨਾਂ ਨੇ ਵਚਨ ਨੂੰ ਬੜੇ ਉਤਸ਼ਾਹ ਨਾਲ ਸਵੀਕਾਰ ਕੀਤਾ ਅਤੇ ਉਹ ਹਰ ਦਿਨ ਪਵਿੱਤਰ-ਗ੍ਰੰਥਾਂ ਵਿੱਚੋਂ ਲੱਭਦੇ ਰਹੇ ਕਿ ਇਹ ਗੱਲਾਂ ਇਸੇ ਤਰ੍ਹਾਂ ਹਨ ਜਾਂ ਨਹੀਂ । 12ਇਹਨਾਂ ਵਿੱਚੋਂ ਬਹੁਤ ਸਾਰੇ ਲੋਕਾਂ ਨੇ, ਇੱਜ਼ਤਦਾਰ ਯੂਨਾਨੀ ਔਰਤਾਂ ਅਤੇ ਆਦਮੀਆਂ ਦੀ ਵੱਡੀ ਗਿਣਤੀ ਨੇ, ਵਿਸ਼ਵਾਸ ਕੀਤਾ । 13ਪਰ ਜਦੋਂ ਥਸਲੁਨੀਕਾ ਦੇ ਯਹੂਦੀਆਂ ਨੂੰ ਪਤਾ ਲੱਗਾ ਕਿ ਬਰਿਯਾ ਵਿੱਚ ਪੌਲੁਸ ਪਰਮੇਸ਼ਰ ਦਾ ਵਚਨ ਸੁਣਾ ਰਿਹਾ ਹੈ ਤਾਂ ਉਹ ਉੱਥੇ ਆ ਕੇ ਦੰਗਾ ਕਰਨ ਲੱਗੇ ਅਤੇ ਲੋਕਾਂ ਨੂੰ ਭੜਕਾਉਣ ਲੱਗੇ । 14ਤਦ ਭਰਾਵਾਂ ਨੇ ਪੌਲੁਸ ਨੂੰ ਉਸੇ ਸਮੇਂ ਵਿਦਾ ਕਰ ਦਿੱਤਾ ਕਿ ਉਹ ਸਮੁੰਦਰ ਦੇ ਕੰਢੇ ਉੱਤੇ ਚਲਾ ਜਾਵੇ ਪਰ ਸੀਲਾਸ ਅਤੇ ਤਿਮੋਥਿਉਸ ਉੱਥੇ ਹੀ ਰਹੇ । 15ਉਹ ਲੋਕ ਜਿਹੜੇ ਪੌਲੁਸ ਦੇ ਨਾਲ ਗਏ ਸਨ, ਐਥਨਜ਼#17:15 ਅਥੇਨੇ ਤੱਕ ਆਏ । ਫਿਰ ਉਹ ਸੀਲਾਸ ਅਤੇ ਤਿਮੋਥਿਉਸ ਦੇ ਲਈ ਇਹ ਸੁਨੇਹਾ ਲੈ ਕੇ ਕਿ ਉਹ ਜਿੰਨੀ ਛੇਤੀ ਹੋ ਸਕੇ ਪੌਲੁਸ ਕੋਲ ਆ ਜਾਣ, ਉਹ ਵਾਪਸ ਬਰਿਯਾ ਵਿੱਚ ਆ ਗਏ ।
ਪੌਲੁਸ ਐਥਨਜ਼ ਵਿੱਚ
16ਜਦੋਂ ਪੌਲੁਸ ਐਥਨਜ਼ ਵਿੱਚ ਸੀਲਾਸ ਅਤੇ ਤਿਮੋਥਿਉਸ ਦੀ ਉਡੀਕ ਕਰ ਰਿਹਾ ਸੀ ਤਾਂ ਸ਼ਹਿਰ ਨੂੰ ਮੂਰਤੀਆਂ ਨਾਲ ਭਰਿਆ ਦੇਖ ਕੇ ਉਸ ਦਾ ਆਤਮਾ ਬਹੁਤ ਦੁਖੀ ਹੋਇਆ । 17ਇਸ ਲਈ ਉਹ ਹਰ ਦਿਨ ਪ੍ਰਾਰਥਨਾ ਘਰ ਵਿੱਚ ਯਹੂਦੀਆਂ ਅਤੇ ਪਰਮੇਸ਼ਰ ਵਿੱਚ ਵਿਸ਼ਵਾਸ ਰੱਖਣ ਵਾਲੇ ਲੋਕਾਂ ਨਾਲ ਅਤੇ ਚੌਂਕ ਵਿੱਚ ਉਹਨਾਂ ਲੋਕਾਂ ਨਾਲ ਜਿਹੜੇ ਉੱਥੇ ਅਕਸਰ ਆ ਜਾਂਦੇ ਸਨ ਤਰਕ-ਵਿਤਰਕ ਕਰਦਾ ਸੀ । 18ਕੁਝ ਅਪਿਕੂਰੀ#17:18 ਅਪਿਕੂਰੀ : ਯੂਨਾਨ ਦੇ ਕੁਝ ਅਜਿਹੇ ਦਾਰਸ਼ਨਿਕ, ਜਿਹੜੇ ਜੀਵਨ ਇੰਦ੍ਰੀ ਨੂੰ ਸੁਖ ਭੋਗਣ ਦਾ ਉਚੇਚਾ ਸਾਧਨ ਤੇ ਸਮਾਂ ਮੰਨਦੇ ਸਨ । ਅਤੇ ਸਤੋਇਕੀ#17:18 ਸਤੋਇਕੀ : ਇਹ ਉਹ ਲੋਕ ਸਨ ਜਿਹੜੇ ਯੂਨਾਨੀ ਦਾਰਸ਼ਨਿਕ ‘ਜ਼ੇਨੋ’ (ਜਿਸ ਦੀ ਮੌਤ 265 ਈਸਾ ਪੂਰਵ ਵਿੱਚ ਹੋਈ ਸੀ ) ਦੀਆਂ ਸਿੱਖਿਆਵਾਂ ਨੂੰ ਮੰਨਦੇ ਸਨ । ਉਸ ਦੀ ਸਭ ਤੋਂ ਵੱਡੀ ਸਿੱਖਿਆ ਸੀ ਕਿ ਸੱਚੇ ਜੀਵਨ ਦਾ ਅਨੰਦ ਸਭ ਤਰ੍ਹਾਂ ਦੀਆਂ ਵਾਸ਼ਨਾਵਾਂ ਅਤੇ ਪੀੜ੍ਹਾਂ ਤੋਂ ਛੁਟਕਾਰਾ ਮਿਲਣ ਤੇ ਹੀ ਮਿਲ ਸਕਦਾ ਹੈ । ਦਾਰਸ਼ਨਿਕਾਂ ਨੇ ਵੀ ਪੌਲੁਸ ਨਾਲ ਵਿਵਾਦ ਕੀਤਾ । ਕੁਝ ਕਹਿਣ ਲੱਗੇ, “ਇਹ ਬਕਵਾਸੀ ਕੀ ਕਹਿਣਾ ਚਾਹੁੰਦਾ ਹੈ ?” ਕੁਝ ਹੋਰਾਂ ਨੇ ਕਿਹਾ, “ਇਹ ਵਿਦੇਸ਼ੀ ਦੇਵਤਿਆਂ ਦਾ ਪ੍ਰਚਾਰਕ ਲੱਗਦਾ ਹੈ ।” ਉਹਨਾਂ ਨੇ ਇਹ ਇਸ ਲਈ ਕਿਹਾ ਕਿਉਂਕਿ ਪੌਲੁਸ ਯਿਸੂ ਅਤੇ ਪੁਨਰ-ਉਥਾਨ ਦੇ ਬਾਰੇ ਪ੍ਰਚਾਰ ਕਰ ਰਿਹਾ ਸੀ । 19ਇਸ ਲਈ ਉਹ ਪੌਲੁਸ ਨੂੰ ਅਰਿਯੁਪਗੁਸ#17:19 ਅਰਿਯੁਪਗੁਸ ਪਹਾੜ ਉੱਤੇ ਇਕੱਠੀ ਹੋਣ ਵਾਲੀ ਐਥਨਜ਼ ਸ਼ਹਿਰ ਦੀ ਸਭਾ ਦੀ ਸਭਾ ਦੇ ਸਾਹਮਣੇ ਲੈ ਗਏ ਅਤੇ ਪੁੱਛਣ ਲੱਗੇ, “ਕੀ ਅਸੀਂ ਜਾਣ ਸਕਦੇ ਹਾਂ ਕਿ ਤੁਸੀਂ ਇਹ ਕਿਹੜੀ ਨਵੀਂ ਸਿੱਖਿਆ ਦੇ ਰਹੇ ਹੋ ? 20ਤੁਸੀਂ ਕੁਝ ਅਜਿਹੀਆਂ ਗੱਲਾਂ ਕਹਿੰਦੇ ਹੋ ਜਿਹੜੀਆਂ ਸਾਨੂੰ ਅਨੋਖੀਆਂ ਲੱਗਦੀਆਂ ਹਨ । ਅਸੀਂ ਉਹਨਾਂ ਦਾ ਅਰਥ ਜਾਨਣਾ ਚਾਹੁੰਦੇ ਹਾਂ ।” 21(ਕਿਉਂਕਿ ਐਥਨਜ਼ ਨਿਵਾਸੀ ਅਤੇ ਪਰਦੇਸੀ ਜਿਹੜੇ ਉੱਥੇ ਰਹਿੰਦੇ ਸਨ, ਨਵੀਆਂ ਨਵੀਆਂ ਗੱਲਾਂ ਦੱਸਣ ਅਤੇ ਸੁਣਨ ਤੋਂ ਸਿਵਾਏ ਹੋਰ ਕਿਸੇ ਕੰਮ ਵਿੱਚ ਆਪਣਾ ਸਮਾਂ ਨਹੀਂ ਬਿਤਾਉਂਦੇ ਸਨ ।)
22ਫਿਰ ਪੌਲੁਸ ਅਰਿਯੁਪਗੁਸ ਦੀ ਸਭਾ ਵਿੱਚ ਖੜ੍ਹਾ ਹੋ ਕੇ ਕਹਿਣ ਲੱਗਾ, “ਐਥਨਜ਼ ਦੇ ਰਹਿਣ ਵਾਲਿਓ ! ਮੈਂ ਦੇਖਦਾ ਹਾਂ ਕਿ ਤੁਸੀਂ ਹਰ ਤਰ੍ਹਾਂ ਨਾਲ ਧਾਰਮਿਕ ਹੋ । 23ਜਦੋਂ ਮੈਂ ਇੱਧਰ ਉੱਧਰ ਘੁੰਮਦਾ ਹੋਇਆ ਤੁਹਾਡੀ ਪੂਜਾ ਦੀਆਂ ਮੂਰਤਾਂ ਨੂੰ ਦੇਖ ਰਿਹਾ ਸੀ ਤਾਂ ਮੈਂ ਇੱਕ ਅਜਿਹੀ ਵੇਦੀ ਦੇਖੀ ਜਿਸ ਉੱਤੇ ਇਹ ਉਕਰਿਆ ਹੋਇਆ ਸੀ, ‘ਅਣਜਾਣੇ ਦੇਵਤਾ ਦੇ ਲਈ’ । ਜਿਸ ਨੂੰ ਤੁਸੀਂ ਅਣਜਾਣੇ ਹੀ ਪੂਜਦੇ ਹੋ, ਮੈਂ ਤੁਹਾਨੂੰ ਉਸੇ ਦਾ ਸੰਦੇਸ਼ ਦਿੰਦਾ ਹਾਂ । 24#1 ਰਾਜਾ 8:27, ਯਸਾ 42:5, ਰਸੂਲਾਂ 7:48ਪਰਮੇਸ਼ਰ, ਜਿਹਨਾਂ ਨੇ ਇਸ ਸੰਸਾਰ ਨੂੰ ਅਤੇ ਜੋ ਕੁਝ ਇਸ ਵਿੱਚ ਹੈ, ਨੂੰ ਰਚਿਆ ਹੈ, ਉਹ ਹੱਥਾਂ ਦੇ ਬਣਾਏ ਹੋਏ ਮੰਦਰਾਂ ਵਿੱਚ ਨਹੀਂ ਰਹਿੰਦੇ । ਉਹ ਤਾਂ ਅਕਾਸ਼ ਅਤੇ ਧਰਤੀ ਦੇ ਮਾਲਕ ਹਨ । 25ਨਾ ਹੀ ਉਹਨਾਂ ਨੂੰ ਕਿਸੇ ਚੀਜ਼ ਦੀ ਥੁੜ੍ਹ ਹੈ ਕਿ ਮਨੁੱਖ ਦੇ ਹੱਥੋਂ ਸੇਵਾ ਲੈਣ ਕਿਉਂਕਿ ਉਹ ਤਾਂ ਆਪ ਸਾਰਿਆਂ ਨੂੰ ਜੀਵਨ, ਸਾਹ ਅਤੇ ਸਾਰੀਆਂ ਚੀਜ਼ਾਂ ਦਿੰਦੇ ਹਨ । 26ਉਹਨਾਂ ਨੇ ਇੱਕ ਹੀ ਮਨੁੱਖ ਤੋਂ ਸਾਰੀਆਂ ਕੌਮਾਂ ਨੂੰ ਰਚਿਆ ਹੈ ਕਿ ਉਹ ਸਾਰੀ ਧਰਤੀ ਉੱਤੇ ਵੱਸਣ । ਫਿਰ ਉਹਨਾਂ ਨੇ ਹੀ ਉਹਨਾਂ ਦੇ ਜੀਵਨ ਕਾਲ ਅਤੇ ਰਹਿਣ ਦੀਆਂ ਥਾਂਵਾਂ ਨਿਸ਼ਚਿਤ ਕੀਤੀਆਂ ਹਨ 27ਕਿ ਉਹ ਪਰਮੇਸ਼ਰ ਨੂੰ ਖੋਜਣ ਅਤੇ ਖੋਜਦੇ ਹੋਏ ਸ਼ਾਇਦ ਉਹਨਾਂ ਨੂੰ ਲੱਭ ਲੈਣ । ਭਾਵੇਂ ਉਹ ਸਾਡੇ ਤੋਂ ਦੂਰ ਨਹੀਂ ਹਨ । 28ਕਿਉਂਕਿ ਉਹਨਾਂ ਵਿੱਚ ਅਸੀਂ ਜਿਊਂਦੇ ਰਹਿੰਦੇ, ਚੱਲਦੇ ਫਿਰਦੇ ਅਤੇ ਮੌਜੂਦ ਹਾਂ । ਤੁਹਾਡੇ ਹੀ ਕੁਝ ਕਵੀਆਂ ਨੇ ਕਿਹਾ ਹੈ,
‘ਸੱਚਮੁੱਚ ਅਸੀਂ ਉਹਨਾਂ ਦਾ ਵੰਸ ਹਾਂ ।’
29“ਫਿਰ ਜੇਕਰ ਅਸੀਂ ਉਹਨਾਂ ਦਾ ਵੰਸ ਹਾਂ ਤਾਂ ਸਾਨੂੰ ਇਹ ਨਹੀਂ ਸੋਚਣਾ ਚਾਹੀਦਾ ਕਿ ਪਰਮੇਸ਼ਰ ਸੋਨੇ, ਚਾਂਦੀ, ਪੱਥਰ, ਕਲਾ ਦੁਆਰਾ ਉਕਰੀ ਮੂਰਤੀ ਜਾਂ ਮਨੁੱਖ ਦੀ ਸੋਚ ਦੀ ਕਾਰੀਗਰੀ ਹਨ । 30ਪਰਮੇਸ਼ਰ ਨੇ ਅਗਿਆਨਤਾ ਦੇ ਯੁੱਗਾਂ ਉੱਤੇ ਧਿਆਨ ਨਹੀਂ ਦਿੱਤਾ ਪਰ ਹੁਣ ਉਹਨਾਂ ਦਾ ਹੁਕਮ ਹੈ ਕਿ ਸਾਰੇ ਮਨੁੱਖ ਹਰ ਥਾਂ ਉੱਤੇ ਆਪਣੇ ਬੁਰੇ ਕੰਮਾਂ ਤੋਂ ਤੋਬਾ ਕਰਨ । 31ਕਿਉਂਕਿ ਉਹਨਾਂ ਨੇ ਇੱਕ ਦਿਨ ਨਿਸ਼ਚਿਤ ਕੀਤਾ ਹੈ, ਜਦੋਂ ਉਹ ਪਹਿਲਾਂ ਹੀ ਨਿਯੁਕਤ ਕੀਤੇ ਮਨੁੱਖ ਦੁਆਰਾ ਸੰਸਾਰ ਦਾ ਸੱਚਾਈ ਨਾਲ ਨਿਆਂ ਕਰਨਗੇ । ਉਹਨਾਂ ਨੇ ਉਸ ਆਦਮੀ ਨੂੰ ਮੁਰਦਿਆਂ ਵਿੱਚੋਂ ਜਿਊਂਦਾ ਕਰ ਕੇ ਸਾਰਿਆਂ ਨੂੰ ਇਸ ਗੱਲ ਦਾ ਸਬੂਤ ਦੇ ਦਿੱਤਾ ਹੈ ।”
32ਜਦੋਂ ਉਹਨਾਂ ਨੇ ਮੁਰਦਿਆਂ ਦੇ ਜੀਅ ਉੱਠਣ ਬਾਰੇ ਸੁਣਿਆ ਤਾਂ ਉਹਨਾਂ ਵਿੱਚੋਂ ਕੁਝ ਮਖ਼ੌਲ ਕਰਨ ਲੱਗੇ ਪਰ ਕੁਝ ਹੋਰਨਾਂ ਨੇ ਕਿਹਾ, “ਅਸੀਂ ਇਸ ਬਾਰੇ ਤੁਹਾਡੇ ਕੋਲੋਂ ਦੁਬਾਰਾ ਸੁਣਾਂਗੇ ।” 33ਤਦ ਪੌਲੁਸ ਸਭਾ ਵਿੱਚੋਂ ਚਲਾ ਗਿਆ । 34ਪਰ ਕੁਝ ਲੋਕਾਂ ਨੇ ਪੌਲੁਸ ਦਾ ਸਾਥ ਦਿੱਤਾ ਅਤੇ ਵਿਸ਼ਵਾਸ ਕੀਤਾ । ਉਹਨਾਂ ਵਿੱਚ ਦਿਯਾਨੁਸਿਯੁਸ ਜਿਹੜਾ ਅਰਿਯੁਪਗੁਸ ਦਾ ਮੈਂਬਰ ਸੀ, ਦਾਮਰਿਸ ਨਾਂ ਦੀ ਇੱਕ ਔਰਤ ਅਤੇ ਕਈ ਹੋਰ ਲੋਕ ਸਨ ।
Currently Selected:
ਰਸੂਲਾਂ ਦੇ ਕੰਮ 17: CL-NA
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India
ਰਸੂਲਾਂ ਦੇ ਕੰਮ 17
17
ਪੌਲੁਸ ਥਸਲੁਨੀਕੇ ਵਿੱਚ
1ਉਹ ਅਮਫ਼ਿਪੁਲਿਸ ਅਤੇ ਅਪੱਲੋਨਿਯਾ ਦੀ ਯਾਤਰਾ ਕਰਦੇ ਹੋਏ ਥਸਲੁਨੀਕਾ ਵਿੱਚ ਪਹੁੰਚੇ । ਉੱਥੇ ਯਹੂਦੀ ਲੋਕਾਂ ਦਾ ਇੱਕ ਪ੍ਰਾਰਥਨਾ ਘਰ ਸੀ । 2ਪੌਲੁਸ ਆਪਣੀ ਰੀਤ ਅਨੁਸਾਰ ਉਹਨਾਂ ਦੇ ਪ੍ਰਾਰਥਨਾ ਘਰ ਵਿੱਚ ਗਿਆ । ਉੱਥੇ ਤਿੰਨ ਹਫ਼ਤਿਆਂ#17:2 ਮੂਲ ਭਾਸ਼ਾ ਵਿੱਚ ਇੱਥੇ ‘ਸਬਤ’ ਹੈ । ਤੱਕ ਉਹਨਾਂ ਦੇ ਨਾਲ ਪਵਿੱਤਰ-ਗ੍ਰੰਥ ਵਿੱਚੋਂ ਤਰਕ-ਵਿਤਰਕ ਕਰਦਾ ਰਿਹਾ । 3ਉਸ ਨੇ ਅਰਥ ਖੋਲ੍ਹ ਕੇ ਸਬੂਤ ਦਿੱਤੇ ਕਿ ਮਸੀਹ ਦਾ ਦੁੱਖ ਭੋਗਣਾ ਅਤੇ ਮੁਰਦਿਆਂ ਵਿੱਚੋਂ ਜੀਅ ਉੱਠਣਾ ਜ਼ਰੂਰੀ ਸੀ । ਉਸ ਨੇ ਕਿਹਾ, “ਇਹ ਯਿਸੂ ਹੀ ਹਨ, ਜਿਹਨਾਂ ਦੇ ਬਾਰੇ ਮੈਂ ਪ੍ਰਚਾਰ ਕਰ ਰਿਹਾ ਹਾਂ, ਉਹ ਹੀ ਮਸੀਹ ਹਨ ।” 4ਉਹਨਾਂ ਵਿੱਚੋਂ ਕੁਝ ਯਹੂਦੀਆਂ ਨੇ ਮੰਨ ਲਿਆ ਅਤੇ ਉਹ ਪੌਲੁਸ ਅਤੇ ਸੀਲਾਸ ਦੇ ਵੱਲ ਹੋ ਗਏ । ਇਸੇ ਤਰ੍ਹਾਂ ਬਹੁਤ ਸਾਰੇ ਯੂਨਾਨੀ ਸ਼ਰਧਾਲੂਆਂ ਅਤੇ ਬਹੁਤ ਸਾਰੀਆਂ ਮੰਨੀਆਂ ਪ੍ਰਮੰਨੀਆਂ ਔਰਤਾਂ ਨੇ ਵੀ ਕੀਤਾ ।
5ਇਸ ਤੇ ਯਹੂਦੀ ਈਰਖਾ ਨਾਲ ਭਰ ਗਏ ਅਤੇ ਕੁਝ ਬਜ਼ਾਰੀ ਗੁੰਡਿਆਂ ਨੂੰ ਨਾਲ ਲੈ ਕੇ ਅਤੇ ਭੀੜ ਇਕੱਠੀ ਕਰ ਕੇ ਸ਼ਹਿਰ ਵਿੱਚ ਦੰਗਾ ਕਰਨ ਲੱਗੇ । ਉਹਨਾਂ ਨੇ ਯਾਸੋਨ ਦੇ ਘਰ ਉੱਤੇ ਹਮਲਾ ਕਰ ਦਿੱਤਾ ਅਤੇ ਪੌਲੁਸ ਅਤੇ ਸੀਲਾਸ ਨੂੰ ਸ਼ਹਿਰ ਦੀ ਸਭਾ ਦੇ ਸਾਹਮਣੇ ਲਿਆਉਣ ਦੀ ਕੋਸ਼ਿਸ਼ ਕਰਨ ਲੱਗੇ । 6ਪਰ ਜਦੋਂ ਉਹ ਉਹਨਾਂ ਨੂੰ ਨਾ ਲੱਭੇ ਤਾਂ ਯਾਸੋਨ ਅਤੇ ਕੁਝ ਦੂਜੇ ਭਰਾਵਾਂ ਨੂੰ ਸ਼ਹਿਰ ਦੇ ਅਧਿਕਾਰੀਆਂ ਕੋਲ ਖਿੱਚ ਲਿਆਏ ਅਤੇ ਉੱਥੇ ਹੰਗਾਮਾ ਹੋ ਗਿਆ ਅਤੇ ਉਹ ਪੁਕਾਰ ਕੇ ਕਹਿਣ ਲੱਗੇ “ਇਹ ਲੋਕ ਜਿਹਨਾਂ ਨੇ ਸੰਸਾਰ ਨੂੰ ਉਲਟ ਪੁਲਟ ਕਰ ਦਿੱਤਾ ਹੈ, ਹੁਣ ਇੱਥੇ ਵੀ ਆ ਪਹੁੰਚੇ ਹਨ 7ਅਤੇ ਯਾਸੋਨ ਨੇ ਉਹਨਾਂ ਨੂੰ ਆਪਣੇ ਘਰ ਰੱਖਿਆ ਹੋਇਆ ਹੈ । ਇਹ ਸਾਰੇ ਸਮਰਾਟ ਦਾ ਵਿਰੋਧ ਕਰਦੇ ਹਨ ਅਤੇ ਕਹਿੰਦੇ ਹਨ ਕਿ ਇੱਕ ਦੂਜਾ ਰਾਜਾ ਹੈ, ਜਿਸ ਦਾ ਨਾਮ ਯਿਸੂ ਹੈ ।” 8ਇਹਨਾਂ ਸ਼ਬਦਾਂ ਨੂੰ ਸੁਣ ਕੇ ਭੀੜ ਅਤੇ ਸ਼ਹਿਰ ਦੇ ਅਧਿਕਾਰੀ ਘਬਰਾ ਗਏ । 9ਤਦ ਅਧਿਕਾਰੀਆਂ ਨੇ ਯਾਸੋਨ ਅਤੇ ਬਾਕੀ ਦੇ ਆਦਮੀਆਂ ਕੋਲੋਂ ਜ਼ਮਾਨਤ-ਨਾਮਾ ਲੈ ਕੇ ਉਹਨਾਂ ਨੂੰ ਛੱਡ ਦਿੱਤਾ ।
ਪੌਲੁਸ ਬਰਿਯਾ ਵਿੱਚ
10ਭਰਾਵਾਂ ਨੇ ਰਾਤੋਂ ਰਾਤ ਪੌਲੁਸ ਅਤੇ ਸੀਲਾਸ ਨੂੰ ਬਰਿਯਾ ਨੂੰ ਭੇਜ ਦਿੱਤਾ । ਉਹ ਉੱਥੇ ਪਹੁੰਚ ਕੇ ਯਹੂਦੀਆਂ ਦੇ ਪ੍ਰਾਰਥਨਾ ਘਰ ਵਿੱਚ ਗਏ । 11ਇੱਥੋਂ ਦੇ ਲੋਕ ਥਸਲੁਨੀਕਾ ਦੇ ਲੋਕਾਂ ਨਾਲੋਂ ਜ਼ਿਆਦਾ ਖੁੱਲ੍ਹੇ ਦਿਲਾਂ ਵਾਲੇ ਸਨ । ਉਹਨਾਂ ਨੇ ਵਚਨ ਨੂੰ ਬੜੇ ਉਤਸ਼ਾਹ ਨਾਲ ਸਵੀਕਾਰ ਕੀਤਾ ਅਤੇ ਉਹ ਹਰ ਦਿਨ ਪਵਿੱਤਰ-ਗ੍ਰੰਥਾਂ ਵਿੱਚੋਂ ਲੱਭਦੇ ਰਹੇ ਕਿ ਇਹ ਗੱਲਾਂ ਇਸੇ ਤਰ੍ਹਾਂ ਹਨ ਜਾਂ ਨਹੀਂ । 12ਇਹਨਾਂ ਵਿੱਚੋਂ ਬਹੁਤ ਸਾਰੇ ਲੋਕਾਂ ਨੇ, ਇੱਜ਼ਤਦਾਰ ਯੂਨਾਨੀ ਔਰਤਾਂ ਅਤੇ ਆਦਮੀਆਂ ਦੀ ਵੱਡੀ ਗਿਣਤੀ ਨੇ, ਵਿਸ਼ਵਾਸ ਕੀਤਾ । 13ਪਰ ਜਦੋਂ ਥਸਲੁਨੀਕਾ ਦੇ ਯਹੂਦੀਆਂ ਨੂੰ ਪਤਾ ਲੱਗਾ ਕਿ ਬਰਿਯਾ ਵਿੱਚ ਪੌਲੁਸ ਪਰਮੇਸ਼ਰ ਦਾ ਵਚਨ ਸੁਣਾ ਰਿਹਾ ਹੈ ਤਾਂ ਉਹ ਉੱਥੇ ਆ ਕੇ ਦੰਗਾ ਕਰਨ ਲੱਗੇ ਅਤੇ ਲੋਕਾਂ ਨੂੰ ਭੜਕਾਉਣ ਲੱਗੇ । 14ਤਦ ਭਰਾਵਾਂ ਨੇ ਪੌਲੁਸ ਨੂੰ ਉਸੇ ਸਮੇਂ ਵਿਦਾ ਕਰ ਦਿੱਤਾ ਕਿ ਉਹ ਸਮੁੰਦਰ ਦੇ ਕੰਢੇ ਉੱਤੇ ਚਲਾ ਜਾਵੇ ਪਰ ਸੀਲਾਸ ਅਤੇ ਤਿਮੋਥਿਉਸ ਉੱਥੇ ਹੀ ਰਹੇ । 15ਉਹ ਲੋਕ ਜਿਹੜੇ ਪੌਲੁਸ ਦੇ ਨਾਲ ਗਏ ਸਨ, ਐਥਨਜ਼#17:15 ਅਥੇਨੇ ਤੱਕ ਆਏ । ਫਿਰ ਉਹ ਸੀਲਾਸ ਅਤੇ ਤਿਮੋਥਿਉਸ ਦੇ ਲਈ ਇਹ ਸੁਨੇਹਾ ਲੈ ਕੇ ਕਿ ਉਹ ਜਿੰਨੀ ਛੇਤੀ ਹੋ ਸਕੇ ਪੌਲੁਸ ਕੋਲ ਆ ਜਾਣ, ਉਹ ਵਾਪਸ ਬਰਿਯਾ ਵਿੱਚ ਆ ਗਏ ।
ਪੌਲੁਸ ਐਥਨਜ਼ ਵਿੱਚ
16ਜਦੋਂ ਪੌਲੁਸ ਐਥਨਜ਼ ਵਿੱਚ ਸੀਲਾਸ ਅਤੇ ਤਿਮੋਥਿਉਸ ਦੀ ਉਡੀਕ ਕਰ ਰਿਹਾ ਸੀ ਤਾਂ ਸ਼ਹਿਰ ਨੂੰ ਮੂਰਤੀਆਂ ਨਾਲ ਭਰਿਆ ਦੇਖ ਕੇ ਉਸ ਦਾ ਆਤਮਾ ਬਹੁਤ ਦੁਖੀ ਹੋਇਆ । 17ਇਸ ਲਈ ਉਹ ਹਰ ਦਿਨ ਪ੍ਰਾਰਥਨਾ ਘਰ ਵਿੱਚ ਯਹੂਦੀਆਂ ਅਤੇ ਪਰਮੇਸ਼ਰ ਵਿੱਚ ਵਿਸ਼ਵਾਸ ਰੱਖਣ ਵਾਲੇ ਲੋਕਾਂ ਨਾਲ ਅਤੇ ਚੌਂਕ ਵਿੱਚ ਉਹਨਾਂ ਲੋਕਾਂ ਨਾਲ ਜਿਹੜੇ ਉੱਥੇ ਅਕਸਰ ਆ ਜਾਂਦੇ ਸਨ ਤਰਕ-ਵਿਤਰਕ ਕਰਦਾ ਸੀ । 18ਕੁਝ ਅਪਿਕੂਰੀ#17:18 ਅਪਿਕੂਰੀ : ਯੂਨਾਨ ਦੇ ਕੁਝ ਅਜਿਹੇ ਦਾਰਸ਼ਨਿਕ, ਜਿਹੜੇ ਜੀਵਨ ਇੰਦ੍ਰੀ ਨੂੰ ਸੁਖ ਭੋਗਣ ਦਾ ਉਚੇਚਾ ਸਾਧਨ ਤੇ ਸਮਾਂ ਮੰਨਦੇ ਸਨ । ਅਤੇ ਸਤੋਇਕੀ#17:18 ਸਤੋਇਕੀ : ਇਹ ਉਹ ਲੋਕ ਸਨ ਜਿਹੜੇ ਯੂਨਾਨੀ ਦਾਰਸ਼ਨਿਕ ‘ਜ਼ੇਨੋ’ (ਜਿਸ ਦੀ ਮੌਤ 265 ਈਸਾ ਪੂਰਵ ਵਿੱਚ ਹੋਈ ਸੀ ) ਦੀਆਂ ਸਿੱਖਿਆਵਾਂ ਨੂੰ ਮੰਨਦੇ ਸਨ । ਉਸ ਦੀ ਸਭ ਤੋਂ ਵੱਡੀ ਸਿੱਖਿਆ ਸੀ ਕਿ ਸੱਚੇ ਜੀਵਨ ਦਾ ਅਨੰਦ ਸਭ ਤਰ੍ਹਾਂ ਦੀਆਂ ਵਾਸ਼ਨਾਵਾਂ ਅਤੇ ਪੀੜ੍ਹਾਂ ਤੋਂ ਛੁਟਕਾਰਾ ਮਿਲਣ ਤੇ ਹੀ ਮਿਲ ਸਕਦਾ ਹੈ । ਦਾਰਸ਼ਨਿਕਾਂ ਨੇ ਵੀ ਪੌਲੁਸ ਨਾਲ ਵਿਵਾਦ ਕੀਤਾ । ਕੁਝ ਕਹਿਣ ਲੱਗੇ, “ਇਹ ਬਕਵਾਸੀ ਕੀ ਕਹਿਣਾ ਚਾਹੁੰਦਾ ਹੈ ?” ਕੁਝ ਹੋਰਾਂ ਨੇ ਕਿਹਾ, “ਇਹ ਵਿਦੇਸ਼ੀ ਦੇਵਤਿਆਂ ਦਾ ਪ੍ਰਚਾਰਕ ਲੱਗਦਾ ਹੈ ।” ਉਹਨਾਂ ਨੇ ਇਹ ਇਸ ਲਈ ਕਿਹਾ ਕਿਉਂਕਿ ਪੌਲੁਸ ਯਿਸੂ ਅਤੇ ਪੁਨਰ-ਉਥਾਨ ਦੇ ਬਾਰੇ ਪ੍ਰਚਾਰ ਕਰ ਰਿਹਾ ਸੀ । 19ਇਸ ਲਈ ਉਹ ਪੌਲੁਸ ਨੂੰ ਅਰਿਯੁਪਗੁਸ#17:19 ਅਰਿਯੁਪਗੁਸ ਪਹਾੜ ਉੱਤੇ ਇਕੱਠੀ ਹੋਣ ਵਾਲੀ ਐਥਨਜ਼ ਸ਼ਹਿਰ ਦੀ ਸਭਾ ਦੀ ਸਭਾ ਦੇ ਸਾਹਮਣੇ ਲੈ ਗਏ ਅਤੇ ਪੁੱਛਣ ਲੱਗੇ, “ਕੀ ਅਸੀਂ ਜਾਣ ਸਕਦੇ ਹਾਂ ਕਿ ਤੁਸੀਂ ਇਹ ਕਿਹੜੀ ਨਵੀਂ ਸਿੱਖਿਆ ਦੇ ਰਹੇ ਹੋ ? 20ਤੁਸੀਂ ਕੁਝ ਅਜਿਹੀਆਂ ਗੱਲਾਂ ਕਹਿੰਦੇ ਹੋ ਜਿਹੜੀਆਂ ਸਾਨੂੰ ਅਨੋਖੀਆਂ ਲੱਗਦੀਆਂ ਹਨ । ਅਸੀਂ ਉਹਨਾਂ ਦਾ ਅਰਥ ਜਾਨਣਾ ਚਾਹੁੰਦੇ ਹਾਂ ।” 21(ਕਿਉਂਕਿ ਐਥਨਜ਼ ਨਿਵਾਸੀ ਅਤੇ ਪਰਦੇਸੀ ਜਿਹੜੇ ਉੱਥੇ ਰਹਿੰਦੇ ਸਨ, ਨਵੀਆਂ ਨਵੀਆਂ ਗੱਲਾਂ ਦੱਸਣ ਅਤੇ ਸੁਣਨ ਤੋਂ ਸਿਵਾਏ ਹੋਰ ਕਿਸੇ ਕੰਮ ਵਿੱਚ ਆਪਣਾ ਸਮਾਂ ਨਹੀਂ ਬਿਤਾਉਂਦੇ ਸਨ ।)
22ਫਿਰ ਪੌਲੁਸ ਅਰਿਯੁਪਗੁਸ ਦੀ ਸਭਾ ਵਿੱਚ ਖੜ੍ਹਾ ਹੋ ਕੇ ਕਹਿਣ ਲੱਗਾ, “ਐਥਨਜ਼ ਦੇ ਰਹਿਣ ਵਾਲਿਓ ! ਮੈਂ ਦੇਖਦਾ ਹਾਂ ਕਿ ਤੁਸੀਂ ਹਰ ਤਰ੍ਹਾਂ ਨਾਲ ਧਾਰਮਿਕ ਹੋ । 23ਜਦੋਂ ਮੈਂ ਇੱਧਰ ਉੱਧਰ ਘੁੰਮਦਾ ਹੋਇਆ ਤੁਹਾਡੀ ਪੂਜਾ ਦੀਆਂ ਮੂਰਤਾਂ ਨੂੰ ਦੇਖ ਰਿਹਾ ਸੀ ਤਾਂ ਮੈਂ ਇੱਕ ਅਜਿਹੀ ਵੇਦੀ ਦੇਖੀ ਜਿਸ ਉੱਤੇ ਇਹ ਉਕਰਿਆ ਹੋਇਆ ਸੀ, ‘ਅਣਜਾਣੇ ਦੇਵਤਾ ਦੇ ਲਈ’ । ਜਿਸ ਨੂੰ ਤੁਸੀਂ ਅਣਜਾਣੇ ਹੀ ਪੂਜਦੇ ਹੋ, ਮੈਂ ਤੁਹਾਨੂੰ ਉਸੇ ਦਾ ਸੰਦੇਸ਼ ਦਿੰਦਾ ਹਾਂ । 24#1 ਰਾਜਾ 8:27, ਯਸਾ 42:5, ਰਸੂਲਾਂ 7:48ਪਰਮੇਸ਼ਰ, ਜਿਹਨਾਂ ਨੇ ਇਸ ਸੰਸਾਰ ਨੂੰ ਅਤੇ ਜੋ ਕੁਝ ਇਸ ਵਿੱਚ ਹੈ, ਨੂੰ ਰਚਿਆ ਹੈ, ਉਹ ਹੱਥਾਂ ਦੇ ਬਣਾਏ ਹੋਏ ਮੰਦਰਾਂ ਵਿੱਚ ਨਹੀਂ ਰਹਿੰਦੇ । ਉਹ ਤਾਂ ਅਕਾਸ਼ ਅਤੇ ਧਰਤੀ ਦੇ ਮਾਲਕ ਹਨ । 25ਨਾ ਹੀ ਉਹਨਾਂ ਨੂੰ ਕਿਸੇ ਚੀਜ਼ ਦੀ ਥੁੜ੍ਹ ਹੈ ਕਿ ਮਨੁੱਖ ਦੇ ਹੱਥੋਂ ਸੇਵਾ ਲੈਣ ਕਿਉਂਕਿ ਉਹ ਤਾਂ ਆਪ ਸਾਰਿਆਂ ਨੂੰ ਜੀਵਨ, ਸਾਹ ਅਤੇ ਸਾਰੀਆਂ ਚੀਜ਼ਾਂ ਦਿੰਦੇ ਹਨ । 26ਉਹਨਾਂ ਨੇ ਇੱਕ ਹੀ ਮਨੁੱਖ ਤੋਂ ਸਾਰੀਆਂ ਕੌਮਾਂ ਨੂੰ ਰਚਿਆ ਹੈ ਕਿ ਉਹ ਸਾਰੀ ਧਰਤੀ ਉੱਤੇ ਵੱਸਣ । ਫਿਰ ਉਹਨਾਂ ਨੇ ਹੀ ਉਹਨਾਂ ਦੇ ਜੀਵਨ ਕਾਲ ਅਤੇ ਰਹਿਣ ਦੀਆਂ ਥਾਂਵਾਂ ਨਿਸ਼ਚਿਤ ਕੀਤੀਆਂ ਹਨ 27ਕਿ ਉਹ ਪਰਮੇਸ਼ਰ ਨੂੰ ਖੋਜਣ ਅਤੇ ਖੋਜਦੇ ਹੋਏ ਸ਼ਾਇਦ ਉਹਨਾਂ ਨੂੰ ਲੱਭ ਲੈਣ । ਭਾਵੇਂ ਉਹ ਸਾਡੇ ਤੋਂ ਦੂਰ ਨਹੀਂ ਹਨ । 28ਕਿਉਂਕਿ ਉਹਨਾਂ ਵਿੱਚ ਅਸੀਂ ਜਿਊਂਦੇ ਰਹਿੰਦੇ, ਚੱਲਦੇ ਫਿਰਦੇ ਅਤੇ ਮੌਜੂਦ ਹਾਂ । ਤੁਹਾਡੇ ਹੀ ਕੁਝ ਕਵੀਆਂ ਨੇ ਕਿਹਾ ਹੈ,
‘ਸੱਚਮੁੱਚ ਅਸੀਂ ਉਹਨਾਂ ਦਾ ਵੰਸ ਹਾਂ ।’
29“ਫਿਰ ਜੇਕਰ ਅਸੀਂ ਉਹਨਾਂ ਦਾ ਵੰਸ ਹਾਂ ਤਾਂ ਸਾਨੂੰ ਇਹ ਨਹੀਂ ਸੋਚਣਾ ਚਾਹੀਦਾ ਕਿ ਪਰਮੇਸ਼ਰ ਸੋਨੇ, ਚਾਂਦੀ, ਪੱਥਰ, ਕਲਾ ਦੁਆਰਾ ਉਕਰੀ ਮੂਰਤੀ ਜਾਂ ਮਨੁੱਖ ਦੀ ਸੋਚ ਦੀ ਕਾਰੀਗਰੀ ਹਨ । 30ਪਰਮੇਸ਼ਰ ਨੇ ਅਗਿਆਨਤਾ ਦੇ ਯੁੱਗਾਂ ਉੱਤੇ ਧਿਆਨ ਨਹੀਂ ਦਿੱਤਾ ਪਰ ਹੁਣ ਉਹਨਾਂ ਦਾ ਹੁਕਮ ਹੈ ਕਿ ਸਾਰੇ ਮਨੁੱਖ ਹਰ ਥਾਂ ਉੱਤੇ ਆਪਣੇ ਬੁਰੇ ਕੰਮਾਂ ਤੋਂ ਤੋਬਾ ਕਰਨ । 31ਕਿਉਂਕਿ ਉਹਨਾਂ ਨੇ ਇੱਕ ਦਿਨ ਨਿਸ਼ਚਿਤ ਕੀਤਾ ਹੈ, ਜਦੋਂ ਉਹ ਪਹਿਲਾਂ ਹੀ ਨਿਯੁਕਤ ਕੀਤੇ ਮਨੁੱਖ ਦੁਆਰਾ ਸੰਸਾਰ ਦਾ ਸੱਚਾਈ ਨਾਲ ਨਿਆਂ ਕਰਨਗੇ । ਉਹਨਾਂ ਨੇ ਉਸ ਆਦਮੀ ਨੂੰ ਮੁਰਦਿਆਂ ਵਿੱਚੋਂ ਜਿਊਂਦਾ ਕਰ ਕੇ ਸਾਰਿਆਂ ਨੂੰ ਇਸ ਗੱਲ ਦਾ ਸਬੂਤ ਦੇ ਦਿੱਤਾ ਹੈ ।”
32ਜਦੋਂ ਉਹਨਾਂ ਨੇ ਮੁਰਦਿਆਂ ਦੇ ਜੀਅ ਉੱਠਣ ਬਾਰੇ ਸੁਣਿਆ ਤਾਂ ਉਹਨਾਂ ਵਿੱਚੋਂ ਕੁਝ ਮਖ਼ੌਲ ਕਰਨ ਲੱਗੇ ਪਰ ਕੁਝ ਹੋਰਨਾਂ ਨੇ ਕਿਹਾ, “ਅਸੀਂ ਇਸ ਬਾਰੇ ਤੁਹਾਡੇ ਕੋਲੋਂ ਦੁਬਾਰਾ ਸੁਣਾਂਗੇ ।” 33ਤਦ ਪੌਲੁਸ ਸਭਾ ਵਿੱਚੋਂ ਚਲਾ ਗਿਆ । 34ਪਰ ਕੁਝ ਲੋਕਾਂ ਨੇ ਪੌਲੁਸ ਦਾ ਸਾਥ ਦਿੱਤਾ ਅਤੇ ਵਿਸ਼ਵਾਸ ਕੀਤਾ । ਉਹਨਾਂ ਵਿੱਚ ਦਿਯਾਨੁਸਿਯੁਸ ਜਿਹੜਾ ਅਰਿਯੁਪਗੁਸ ਦਾ ਮੈਂਬਰ ਸੀ, ਦਾਮਰਿਸ ਨਾਂ ਦੀ ਇੱਕ ਔਰਤ ਅਤੇ ਕਈ ਹੋਰ ਲੋਕ ਸਨ ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India