ਰਸੂਲਾਂ ਦੇ ਕੰਮ 14
14
ਪੌਲੁਸ ਅਤੇ ਬਰਨਬਾਸ ਇਕੋਨਿਯੁਮ ਵਿੱਚ
1ਇਸੇ ਤਰ੍ਹਾਂ ਇਕੋਨਿਯੁਮ ਵਿੱਚ ਵੀ ਹੋਇਆ । ਪੌਲੁਸ ਅਤੇ ਬਰਨਬਾਸ ਯਹੂਦੀਆਂ ਦੇ ਪ੍ਰਾਰਥਨਾ ਘਰ ਵਿੱਚ ਗਏ ਅਤੇ ਅਜਿਹੇ ਪ੍ਰਭਾਵਸ਼ਾਲੀ ਢੰਗ ਨਾਲ ਪ੍ਰਚਾਰ ਕੀਤਾ ਕਿ ਇੱਕ ਵੱਡੀ ਗਿਣਤੀ ਵਿੱਚ ਯਹੂਦੀਆਂ ਅਤੇ ਯੂਨਾਨੀਆਂ ਨੇ ਵਿਸ਼ਵਾਸ ਕੀਤਾ । 2ਪਰ ਜਿਹਨਾਂ ਯਹੂਦੀਆਂ ਨੇ ਵਿਸ਼ਵਾਸ ਨਹੀਂ ਕੀਤਾ ਸੀ, ਉਹਨਾਂ ਨੇ ਪਰਾਈਆਂ ਕੌਮਾਂ ਨੂੰ ਭੜਕਾਇਆ ਅਤੇ ਚੇਲਿਆਂ ਦੇ ਵਿਰੁੱਧ ਕਰ ਦਿੱਤਾ । 3ਪਰ ਉਹ ਬਹੁਤ ਦਿਨਾਂ ਤੱਕ ਉੱਥੇ ਰਹੇ ਅਤੇ ਨਿਡਰ ਹੋ ਕੇ ਪ੍ਰਭੂ ਦਾ ਪ੍ਰਚਾਰ ਕਰਦੇ ਰਹੇ । ਪ੍ਰਭੂ ਨੇ ਵੀ ਉਹਨਾਂ ਦੁਆਰਾ ਚਮਤਕਾਰ ਅਤੇ ਚਿੰਨ੍ਹ ਦਿਖਾ ਕੇ ਆਪਣੇ ਕਿਰਪਾ ਵਾਲੇ ਵਚਨ ਨੂੰ ਸੱਚਾ ਸਿੱਧ ਕੀਤਾ । 4ਇਸ ਕਾਰਨ ਸ਼ਹਿਰ ਦੇ ਲੋਕਾਂ ਵਿੱਚ ਫੁੱਟ ਪੈ ਗਈ, ਕੁਝ ਯਹੂਦੀਆਂ ਵੱਲ ਹੋ ਗਏ ਅਤੇ ਕੁਝ ਰਸੂਲਾਂ ਵੱਲ ।
5ਫਿਰ ਜਦੋਂ ਪਰਾਈਆਂ ਕੌਮਾਂ ਅਤੇ ਯਹੂਦੀਆਂ ਨੇ ਆਪਣੇ ਆਗੂਆਂ ਨਾਲ ਮਿਲ ਕੇ ਉਹਨਾਂ ਦੇ ਨਾਲ ਬੁਰਾ ਸਲੂਕ ਅਤੇ ਪਥਰਾਓ ਕਰਨ ਦੀ ਕੋਸ਼ਿਸ਼ ਕੀਤੀ 6ਤਦ ਉਹ ਇਹ ਸਭ ਜਾਣ ਕੇ ਲੁਕਾਉਨਿਯਾ ਦੇ ਸ਼ਹਿਰਾਂ ਲੁਸਤ੍ਰਾ ਦਰਬੇ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ਵੱਲ ਚਲੇ ਗਏ ਅਤੇ 7ਉੱਥੇ ਸ਼ੁਭ ਸਮਾਚਾਰ ਸੁਣਾਉਂਦੇ ਰਹੇ ।
ਪੌਲੁਸ ਲੁਸਤ੍ਰਾ ਅਤੇ ਦਰਬੇ ਵਿੱਚ
8ਲੁਸਤ੍ਰਾ ਵਿੱਚ ਇੱਕ ਅਪਾਹਜ ਆਦਮੀ ਬੈਠਾ ਹੋਇਆ ਸੀ । ਉਹ ਜਨਮ ਤੋਂ ਹੀ ਲੰਗੜਾ ਸੀ ਅਤੇ ਕਦੀ ਤੁਰਿਆ ਨਹੀਂ ਸੀ । 9ਉਹ ਪੌਲੁਸ ਦੇ ਵਚਨ ਸੁਣ ਰਿਹਾ ਸੀ । ਪੌਲੁਸ ਨੇ ਉਸ ਵੱਲ ਨੀਝ ਲਾ ਕੇ ਦੇਖਿਆ ਅਤੇ ਇਹ ਜਾਣ ਕੇ ਕਿ ਉਸ ਵਿੱਚ ਚੰਗਾ ਹੋਣ ਦੇ ਯੋਗ ਵਿਸ਼ਵਾਸ ਹੈ, 10ਉਸ ਨੂੰ ਉੱਚੀ ਆਵਾਜ਼ ਨਾਲ ਕਿਹਾ, “ਆਪਣੇ ਪੈਰਾਂ ਉੱਤੇ ਸਿੱਧਾ ਖੜ੍ਹਾ ਹੋ ਜਾ !” ਉਹ ਉੱਛਲ ਪਿਆ ਅਤੇ ਤੁਰਨ ਲੱਗ ਪਿਆ । 11ਪੌਲੁਸ ਦਾ ਇਹ ਕੰਮ ਦੇਖ ਕੇ ਭੀੜ ਲੁਕਾਉਨਿਯਾ ਭਾਸ਼ਾ ਵਿੱਚ ਉੱਚੀ ਆਵਾਜ਼ ਨਾਲ ਕਹਿਣ ਲੱਗੀ, “ਦੇਵਤਾ ਲੋਕ ਮਨੁੱਖ ਦਾ ਰੂਪ ਧਾਰ ਕੇ ਸਾਡੇ ਵਿੱਚ ਆ ਗਏ ਹਨ !” 12ਉਹਨਾਂ ਨੇ ਬਰਨਬਾਸ ਨੂੰ ਜ਼ਯੂਸ#14:12 ਜ਼ਯੂਸ ਸਾਰੇ ਯੂਨਾਨੀ ਦੇਵਤਿਆਂ ਦਾ ਪ੍ਰਧਾਨ ਦੇਵਤਾ ਹੈ । ਦੇਵਤਾ ਅਤੇ ਪੌਲੁਸ ਨੂੰ ਹਿਰਮੇਸ#14:12 ਹਿਰਮੇਸ ਯੂਨਾਨੀਆਂ ਦਾ ਮਨੁੱਖਾਂ ਅਤੇ ਦੇਵਤਿਆਂ ਵਿੱਚ ਸੰਦੇਸ਼ ਲਿਆਉਣ ਵਾਲਾ ਇੱਕ ਦੇਵਤਾ ਹੈ । ਦੇਵਤਾ ਕਿਹਾ ਕਿਉਂਕਿ ਪੌਲੁਸ ਪ੍ਰਮੁੱਖ ਬੋਲਣ ਵਾਲਾ ਸੀ । 13ਜ਼ਯੂਸ ਦੇਵਤਾ ਦਾ ਪੁਜਾਰੀ ਵੀ ਜਿਸ ਦਾ ਮੰਦਰ ਸ਼ਹਿਰ ਦੇ ਸਾਹਮਣੇ ਸੀ, ਭੀੜ ਦੇ ਨਾਲ ਮਿਲ ਕੇ ਬਲਦ ਅਤੇ ਫੁੱਲਾਂ ਦੇ ਹਾਰ ਫਾਟਕ ਉੱਤੇ ਲੈ ਕੇ ਆਇਆ ਕਿਉਂਕਿ ਉਹ ਬਲੀ ਚੜ੍ਹਾਉਣਾ ਚਾਹੁੰਦੇ ਸਨ । 14ਪਰ ਜਦੋਂ ਰਸੂਲ ਬਰਨਬਾਸ ਅਤੇ ਪੌਲੁਸ ਨੇ ਇਹ ਸੁਣਿਆ ਤਾਂ ਉਹਨਾਂ ਨੇ ਆਪਣੇ ਕੱਪੜੇ ਪਾੜੇ ਅਤੇ ਭੀੜ ਵੱਲ ਦੌੜੇ ਅਤੇ ਉੱਚੀ ਆਵਾਜ਼ ਨਾਲ ਪੁਕਾਰ ਕੇ ਕਹਿਣ ਲੱਗੇ, 15#ਕੂਚ 20:11, ਭਜਨ 146:6“ਤੁਸੀਂ ਲੋਕ ਇਹ ਕੀ ਕਰ ਰਹੇ ਹੋ ? ਅਸੀਂ ਵੀ ਤੁਹਾਡੇ ਵਰਗੇ ਦੁੱਖ ਸੁੱਖ ਭੋਗਣ ਵਾਲੇ ਮਨੁੱਖ ਹਾਂ । ਅਸੀਂ ਤੁਹਾਨੂੰ ਸ਼ੁਭ ਸਮਾਚਾਰ ਦਿੰਦੇ ਹਾਂ ਕਿ ਇਹਨਾਂ ਵਿਅਰਥ ਚੀਜ਼ਾਂ#14:15 ਭਾਵ ਮੂਰਤੀਆਂ । ਤੋਂ ਮੂੰਹ ਮੋੜੋ ਅਤੇ ਜਿਊਂਦੇ ਪਰਮੇਸ਼ਰ ਵਿੱਚ ਵਿਸ਼ਵਾਸ ਕਰੋ ਜਿਹੜੇ ਅਕਾਸ਼, ਧਰਤੀ, ਸਮੁੰਦਰ ਅਤੇ ਜੋ ਕੁਝ ਉਸ ਵਿੱਚ ਹੈ, ਸਭ ਨੂੰ ਬਣਾਉਣ ਵਾਲੇ ਹਨ । 16ਉਹਨਾਂ ਨੇ ਪੁਰਾਣੇ ਸਮੇਂ ਵਿੱਚ ਸਾਰੀਆਂ ਕੌਮਾਂ ਨੂੰ ਆਪਣੇ ਰਾਹ ਉੱਤੇ ਚੱਲਣ ਦਿੱਤਾ । 17ਪਰ ਉਹ ਆਪਣੀ ਹੋਂਦ ਬਾਰੇ ਸਬੂਤ ਦਿੰਦੇ ਰਹੇ । ਉਹ ਤੁਹਾਨੂੰ ਅਕਾਸ਼ ਤੋਂ ਮੀਂਹ ਅਤੇ ਫਲਦਾਰ ਰੁੱਤਾਂ ਦਿੰਦੇ ਹਨ, ਉਹ ਤੁਹਾਨੂੰ ਭੋਜਨ ਨਾਲ ਰਜਾਉਂਦੇ ਅਤੇ ਤੁਹਾਡੇ ਮਨਾਂ ਵਿੱਚ ਖ਼ੁਸ਼ੀ ਦਿੰਦੇ ਹਨ ।” 18ਇਹ ਕਹਿਣ ਦੇ ਬਾਅਦ ਵੀ ਉਹਨਾਂ ਨੇ ਬੜੀ ਮੁਸ਼ਕਲ ਨਾਲ ਭੀੜ ਨੂੰ ਬਲੀ ਚੜ੍ਹਾਉਣ ਤੋਂ ਰੋਕਿਆ ।
19ਤਦ ਕੁਝ ਯਹੂਦੀ ਅੰਤਾਕਿਯਾ ਅਤੇ ਇਕੋਨਿਯੁਮ ਤੋਂ ਆਏ । ਉਹਨਾਂ ਨੇ ਲੋਕਾਂ ਨੂੰ ਆਪਣੇ ਵੱਲ ਕਰ ਕੇ ਪੌਲੁਸ ਨੂੰ ਪਥਰਾਓ ਕੀਤਾ ਅਤੇ ਉਸ ਨੂੰ ਮਰਿਆ ਹੋਇਆ ਸਮਝ ਕੇ ਸ਼ਹਿਰ ਤੋਂ ਬਾਹਰ ਖਿੱਚ ਕੇ ਲੈ ਗਏ । 20ਪਰ ਜਦੋਂ ਚੇਲੇ ਉਸ ਦੇ ਚਾਰੇ ਪਾਸੇ ਇਕੱਠੇ ਹੋ ਗਏ ਤਦ ਪੌਲੁਸ ਉੱਠ ਕੇ ਖੜ੍ਹਾ ਹੋ ਗਿਆ ਅਤੇ ਵਾਪਸ ਸ਼ਹਿਰ ਵਿੱਚ ਚਲਾ ਗਿਆ । ਫਿਰ ਦੂਜੇ ਦਿਨ ਉਹ ਬਰਨਬਾਸ ਦੇ ਨਾਲ ਦਰਬੇ ਨੂੰ ਚਲਾ ਗਿਆ ।
ਪੌਲੁਸ ਦਾ ਅੰਤਾਕਿਯਾ ਨੂੰ ਮੁੜਨਾ
21ਪੌਲੁਸ ਅਤੇ ਬਰਨਬਾਸ ਨੇ ਦਰਬੇ ਵਿੱਚ ਸ਼ੁਭ ਸਮਾਚਾਰ ਸੁਣਾਇਆ ਅਤੇ ਬਹੁਤ ਸਾਰੇ ਚੇਲੇ ਬਣਾ ਕੇ ਉਹ ਲੁਸਤ੍ਰਾ, ਇਕੋਨਿਯੁਮ ਅਤੇ ਅੰਤਾਕਿਯਾ ਨੂੰ ਵਾਪਸ ਆ ਗਏ । 22ਉਹ ਚੇਲਿਆਂ ਦੇ ਮਨਾਂ ਨੂੰ ਮਜ਼ਬੂਤ ਕਰਦੇ ਅਤੇ ਉਹਨਾਂ ਨੂੰ ਵਿਸ਼ਵਾਸ ਵਿੱਚ ਪੱਕੇ ਰਹਿਣ ਲਈ ਉਤਸ਼ਾਹ ਦਿੰਦੇ ਸਨ । ਉਹ ਕਹਿੰਦੇ ਸਨ, “ਸਾਡੇ ਲਈ ਜ਼ਰੂਰੀ ਹੈ ਕਿ ਅਸੀਂ ਬਹੁਤ ਸਾਰੇ ਦੁੱਖ ਸਹਿ ਕੇ ਪਰਮੇਸ਼ਰ ਦੇ ਰਾਜ ਵਿੱਚ ਦਾਖ਼ਲ ਹੋਈਏ ।” 23ਉਹਨਾਂ ਨੇ ਹਰ ਕਲੀਸੀਯਾ ਦੇ ਲਈ ਪ੍ਰਾਰਥਨਾ ਅਤੇ ਵਰਤ ਰੱਖ ਕੇ ਬਜ਼ੁਰਗ ਆਗੂ ਨਿਯੁਕਤ ਕੀਤੇ ਅਤੇ ਉਹਨਾਂ ਨੂੰ ਪ੍ਰਭੂ ਦੇ ਸਾਹਮਣੇ ਜਿਹਨਾਂ ਵਿੱਚ ਉਹ ਵਿਸ਼ਵਾਸ ਰੱਖਦੇ ਸਨ ਅਰਪਿਤ ਕੀਤਾ ।
24ਫਿਰ ਉਹ ਪਿਸਿਦੀਯਾ ਹੁੰਦੇ ਹੋਏ ਪਮਫ਼ੁਲਿਯਾ ਵਿੱਚ ਆਏ 25ਅਤੇ ਪਰਗਾ ਵਿੱਚ ਸ਼ੁਭ ਸਮਾਚਾਰ ਸੁਣਾ ਕੇ ਅੱਤਲਿਯਾ ਵਿੱਚ ਜਾ ਪਹੁੰਚੇ । 26ਉੱਥੋਂ ਉਹ ਸਮੁੰਦਰੀ ਜਹਾਜ਼ ਦੁਆਰਾ ਅੰਤਾਕਿਯਾ ਪਹੁੰਚੇ ਜਿੱਥੋਂ ਉਹ ਉਸ ਕੰਮ ਦੇ ਲਈ ਪਰਮੇਸ਼ਰ ਦੀ ਕਿਰਪਾ ਵਿੱਚ ਸੌਂਪੇ ਗਏ ਸਨ, ਜਿਸ ਨੂੰ ਹੁਣ ਉਹਨਾਂ ਨੇ ਪੂਰਾ ਕੀਤਾ ਸੀ ।
27ਅੰਤਾਕਿਯਾ ਵਿੱਚ ਪਹੁੰਚ ਕੇ ਉਹਨਾਂ ਨੇ ਕਲੀਸੀਯਾ ਨੂੰ ਇਕੱਠਾ ਕੀਤਾ ਅਤੇ ਦੱਸਿਆ ਕਿ ਪਰਮੇਸ਼ਰ ਨੇ ਉਹਨਾਂ ਨਾਲ ਕਿਸ ਤਰ੍ਹਾਂ ਪਰਾਈਆਂ ਕੌਮਾਂ ਦੇ ਲਈ ਵਿਸ਼ਵਾਸ ਦਾ ਦਰਵਾਜ਼ਾ ਖੋਲ੍ਹ ਦਿੱਤਾ ਹੈ । 28ਉੱਥੇ ਉਹ ਚੇਲਿਆਂ ਨਾਲ ਬਹੁਤ ਦਿਨਾਂ ਤੱਕ ਰਹੇ ।
Currently Selected:
ਰਸੂਲਾਂ ਦੇ ਕੰਮ 14: CL-NA
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India
ਰਸੂਲਾਂ ਦੇ ਕੰਮ 14
14
ਪੌਲੁਸ ਅਤੇ ਬਰਨਬਾਸ ਇਕੋਨਿਯੁਮ ਵਿੱਚ
1ਇਸੇ ਤਰ੍ਹਾਂ ਇਕੋਨਿਯੁਮ ਵਿੱਚ ਵੀ ਹੋਇਆ । ਪੌਲੁਸ ਅਤੇ ਬਰਨਬਾਸ ਯਹੂਦੀਆਂ ਦੇ ਪ੍ਰਾਰਥਨਾ ਘਰ ਵਿੱਚ ਗਏ ਅਤੇ ਅਜਿਹੇ ਪ੍ਰਭਾਵਸ਼ਾਲੀ ਢੰਗ ਨਾਲ ਪ੍ਰਚਾਰ ਕੀਤਾ ਕਿ ਇੱਕ ਵੱਡੀ ਗਿਣਤੀ ਵਿੱਚ ਯਹੂਦੀਆਂ ਅਤੇ ਯੂਨਾਨੀਆਂ ਨੇ ਵਿਸ਼ਵਾਸ ਕੀਤਾ । 2ਪਰ ਜਿਹਨਾਂ ਯਹੂਦੀਆਂ ਨੇ ਵਿਸ਼ਵਾਸ ਨਹੀਂ ਕੀਤਾ ਸੀ, ਉਹਨਾਂ ਨੇ ਪਰਾਈਆਂ ਕੌਮਾਂ ਨੂੰ ਭੜਕਾਇਆ ਅਤੇ ਚੇਲਿਆਂ ਦੇ ਵਿਰੁੱਧ ਕਰ ਦਿੱਤਾ । 3ਪਰ ਉਹ ਬਹੁਤ ਦਿਨਾਂ ਤੱਕ ਉੱਥੇ ਰਹੇ ਅਤੇ ਨਿਡਰ ਹੋ ਕੇ ਪ੍ਰਭੂ ਦਾ ਪ੍ਰਚਾਰ ਕਰਦੇ ਰਹੇ । ਪ੍ਰਭੂ ਨੇ ਵੀ ਉਹਨਾਂ ਦੁਆਰਾ ਚਮਤਕਾਰ ਅਤੇ ਚਿੰਨ੍ਹ ਦਿਖਾ ਕੇ ਆਪਣੇ ਕਿਰਪਾ ਵਾਲੇ ਵਚਨ ਨੂੰ ਸੱਚਾ ਸਿੱਧ ਕੀਤਾ । 4ਇਸ ਕਾਰਨ ਸ਼ਹਿਰ ਦੇ ਲੋਕਾਂ ਵਿੱਚ ਫੁੱਟ ਪੈ ਗਈ, ਕੁਝ ਯਹੂਦੀਆਂ ਵੱਲ ਹੋ ਗਏ ਅਤੇ ਕੁਝ ਰਸੂਲਾਂ ਵੱਲ ।
5ਫਿਰ ਜਦੋਂ ਪਰਾਈਆਂ ਕੌਮਾਂ ਅਤੇ ਯਹੂਦੀਆਂ ਨੇ ਆਪਣੇ ਆਗੂਆਂ ਨਾਲ ਮਿਲ ਕੇ ਉਹਨਾਂ ਦੇ ਨਾਲ ਬੁਰਾ ਸਲੂਕ ਅਤੇ ਪਥਰਾਓ ਕਰਨ ਦੀ ਕੋਸ਼ਿਸ਼ ਕੀਤੀ 6ਤਦ ਉਹ ਇਹ ਸਭ ਜਾਣ ਕੇ ਲੁਕਾਉਨਿਯਾ ਦੇ ਸ਼ਹਿਰਾਂ ਲੁਸਤ੍ਰਾ ਦਰਬੇ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ਵੱਲ ਚਲੇ ਗਏ ਅਤੇ 7ਉੱਥੇ ਸ਼ੁਭ ਸਮਾਚਾਰ ਸੁਣਾਉਂਦੇ ਰਹੇ ।
ਪੌਲੁਸ ਲੁਸਤ੍ਰਾ ਅਤੇ ਦਰਬੇ ਵਿੱਚ
8ਲੁਸਤ੍ਰਾ ਵਿੱਚ ਇੱਕ ਅਪਾਹਜ ਆਦਮੀ ਬੈਠਾ ਹੋਇਆ ਸੀ । ਉਹ ਜਨਮ ਤੋਂ ਹੀ ਲੰਗੜਾ ਸੀ ਅਤੇ ਕਦੀ ਤੁਰਿਆ ਨਹੀਂ ਸੀ । 9ਉਹ ਪੌਲੁਸ ਦੇ ਵਚਨ ਸੁਣ ਰਿਹਾ ਸੀ । ਪੌਲੁਸ ਨੇ ਉਸ ਵੱਲ ਨੀਝ ਲਾ ਕੇ ਦੇਖਿਆ ਅਤੇ ਇਹ ਜਾਣ ਕੇ ਕਿ ਉਸ ਵਿੱਚ ਚੰਗਾ ਹੋਣ ਦੇ ਯੋਗ ਵਿਸ਼ਵਾਸ ਹੈ, 10ਉਸ ਨੂੰ ਉੱਚੀ ਆਵਾਜ਼ ਨਾਲ ਕਿਹਾ, “ਆਪਣੇ ਪੈਰਾਂ ਉੱਤੇ ਸਿੱਧਾ ਖੜ੍ਹਾ ਹੋ ਜਾ !” ਉਹ ਉੱਛਲ ਪਿਆ ਅਤੇ ਤੁਰਨ ਲੱਗ ਪਿਆ । 11ਪੌਲੁਸ ਦਾ ਇਹ ਕੰਮ ਦੇਖ ਕੇ ਭੀੜ ਲੁਕਾਉਨਿਯਾ ਭਾਸ਼ਾ ਵਿੱਚ ਉੱਚੀ ਆਵਾਜ਼ ਨਾਲ ਕਹਿਣ ਲੱਗੀ, “ਦੇਵਤਾ ਲੋਕ ਮਨੁੱਖ ਦਾ ਰੂਪ ਧਾਰ ਕੇ ਸਾਡੇ ਵਿੱਚ ਆ ਗਏ ਹਨ !” 12ਉਹਨਾਂ ਨੇ ਬਰਨਬਾਸ ਨੂੰ ਜ਼ਯੂਸ#14:12 ਜ਼ਯੂਸ ਸਾਰੇ ਯੂਨਾਨੀ ਦੇਵਤਿਆਂ ਦਾ ਪ੍ਰਧਾਨ ਦੇਵਤਾ ਹੈ । ਦੇਵਤਾ ਅਤੇ ਪੌਲੁਸ ਨੂੰ ਹਿਰਮੇਸ#14:12 ਹਿਰਮੇਸ ਯੂਨਾਨੀਆਂ ਦਾ ਮਨੁੱਖਾਂ ਅਤੇ ਦੇਵਤਿਆਂ ਵਿੱਚ ਸੰਦੇਸ਼ ਲਿਆਉਣ ਵਾਲਾ ਇੱਕ ਦੇਵਤਾ ਹੈ । ਦੇਵਤਾ ਕਿਹਾ ਕਿਉਂਕਿ ਪੌਲੁਸ ਪ੍ਰਮੁੱਖ ਬੋਲਣ ਵਾਲਾ ਸੀ । 13ਜ਼ਯੂਸ ਦੇਵਤਾ ਦਾ ਪੁਜਾਰੀ ਵੀ ਜਿਸ ਦਾ ਮੰਦਰ ਸ਼ਹਿਰ ਦੇ ਸਾਹਮਣੇ ਸੀ, ਭੀੜ ਦੇ ਨਾਲ ਮਿਲ ਕੇ ਬਲਦ ਅਤੇ ਫੁੱਲਾਂ ਦੇ ਹਾਰ ਫਾਟਕ ਉੱਤੇ ਲੈ ਕੇ ਆਇਆ ਕਿਉਂਕਿ ਉਹ ਬਲੀ ਚੜ੍ਹਾਉਣਾ ਚਾਹੁੰਦੇ ਸਨ । 14ਪਰ ਜਦੋਂ ਰਸੂਲ ਬਰਨਬਾਸ ਅਤੇ ਪੌਲੁਸ ਨੇ ਇਹ ਸੁਣਿਆ ਤਾਂ ਉਹਨਾਂ ਨੇ ਆਪਣੇ ਕੱਪੜੇ ਪਾੜੇ ਅਤੇ ਭੀੜ ਵੱਲ ਦੌੜੇ ਅਤੇ ਉੱਚੀ ਆਵਾਜ਼ ਨਾਲ ਪੁਕਾਰ ਕੇ ਕਹਿਣ ਲੱਗੇ, 15#ਕੂਚ 20:11, ਭਜਨ 146:6“ਤੁਸੀਂ ਲੋਕ ਇਹ ਕੀ ਕਰ ਰਹੇ ਹੋ ? ਅਸੀਂ ਵੀ ਤੁਹਾਡੇ ਵਰਗੇ ਦੁੱਖ ਸੁੱਖ ਭੋਗਣ ਵਾਲੇ ਮਨੁੱਖ ਹਾਂ । ਅਸੀਂ ਤੁਹਾਨੂੰ ਸ਼ੁਭ ਸਮਾਚਾਰ ਦਿੰਦੇ ਹਾਂ ਕਿ ਇਹਨਾਂ ਵਿਅਰਥ ਚੀਜ਼ਾਂ#14:15 ਭਾਵ ਮੂਰਤੀਆਂ । ਤੋਂ ਮੂੰਹ ਮੋੜੋ ਅਤੇ ਜਿਊਂਦੇ ਪਰਮੇਸ਼ਰ ਵਿੱਚ ਵਿਸ਼ਵਾਸ ਕਰੋ ਜਿਹੜੇ ਅਕਾਸ਼, ਧਰਤੀ, ਸਮੁੰਦਰ ਅਤੇ ਜੋ ਕੁਝ ਉਸ ਵਿੱਚ ਹੈ, ਸਭ ਨੂੰ ਬਣਾਉਣ ਵਾਲੇ ਹਨ । 16ਉਹਨਾਂ ਨੇ ਪੁਰਾਣੇ ਸਮੇਂ ਵਿੱਚ ਸਾਰੀਆਂ ਕੌਮਾਂ ਨੂੰ ਆਪਣੇ ਰਾਹ ਉੱਤੇ ਚੱਲਣ ਦਿੱਤਾ । 17ਪਰ ਉਹ ਆਪਣੀ ਹੋਂਦ ਬਾਰੇ ਸਬੂਤ ਦਿੰਦੇ ਰਹੇ । ਉਹ ਤੁਹਾਨੂੰ ਅਕਾਸ਼ ਤੋਂ ਮੀਂਹ ਅਤੇ ਫਲਦਾਰ ਰੁੱਤਾਂ ਦਿੰਦੇ ਹਨ, ਉਹ ਤੁਹਾਨੂੰ ਭੋਜਨ ਨਾਲ ਰਜਾਉਂਦੇ ਅਤੇ ਤੁਹਾਡੇ ਮਨਾਂ ਵਿੱਚ ਖ਼ੁਸ਼ੀ ਦਿੰਦੇ ਹਨ ।” 18ਇਹ ਕਹਿਣ ਦੇ ਬਾਅਦ ਵੀ ਉਹਨਾਂ ਨੇ ਬੜੀ ਮੁਸ਼ਕਲ ਨਾਲ ਭੀੜ ਨੂੰ ਬਲੀ ਚੜ੍ਹਾਉਣ ਤੋਂ ਰੋਕਿਆ ।
19ਤਦ ਕੁਝ ਯਹੂਦੀ ਅੰਤਾਕਿਯਾ ਅਤੇ ਇਕੋਨਿਯੁਮ ਤੋਂ ਆਏ । ਉਹਨਾਂ ਨੇ ਲੋਕਾਂ ਨੂੰ ਆਪਣੇ ਵੱਲ ਕਰ ਕੇ ਪੌਲੁਸ ਨੂੰ ਪਥਰਾਓ ਕੀਤਾ ਅਤੇ ਉਸ ਨੂੰ ਮਰਿਆ ਹੋਇਆ ਸਮਝ ਕੇ ਸ਼ਹਿਰ ਤੋਂ ਬਾਹਰ ਖਿੱਚ ਕੇ ਲੈ ਗਏ । 20ਪਰ ਜਦੋਂ ਚੇਲੇ ਉਸ ਦੇ ਚਾਰੇ ਪਾਸੇ ਇਕੱਠੇ ਹੋ ਗਏ ਤਦ ਪੌਲੁਸ ਉੱਠ ਕੇ ਖੜ੍ਹਾ ਹੋ ਗਿਆ ਅਤੇ ਵਾਪਸ ਸ਼ਹਿਰ ਵਿੱਚ ਚਲਾ ਗਿਆ । ਫਿਰ ਦੂਜੇ ਦਿਨ ਉਹ ਬਰਨਬਾਸ ਦੇ ਨਾਲ ਦਰਬੇ ਨੂੰ ਚਲਾ ਗਿਆ ।
ਪੌਲੁਸ ਦਾ ਅੰਤਾਕਿਯਾ ਨੂੰ ਮੁੜਨਾ
21ਪੌਲੁਸ ਅਤੇ ਬਰਨਬਾਸ ਨੇ ਦਰਬੇ ਵਿੱਚ ਸ਼ੁਭ ਸਮਾਚਾਰ ਸੁਣਾਇਆ ਅਤੇ ਬਹੁਤ ਸਾਰੇ ਚੇਲੇ ਬਣਾ ਕੇ ਉਹ ਲੁਸਤ੍ਰਾ, ਇਕੋਨਿਯੁਮ ਅਤੇ ਅੰਤਾਕਿਯਾ ਨੂੰ ਵਾਪਸ ਆ ਗਏ । 22ਉਹ ਚੇਲਿਆਂ ਦੇ ਮਨਾਂ ਨੂੰ ਮਜ਼ਬੂਤ ਕਰਦੇ ਅਤੇ ਉਹਨਾਂ ਨੂੰ ਵਿਸ਼ਵਾਸ ਵਿੱਚ ਪੱਕੇ ਰਹਿਣ ਲਈ ਉਤਸ਼ਾਹ ਦਿੰਦੇ ਸਨ । ਉਹ ਕਹਿੰਦੇ ਸਨ, “ਸਾਡੇ ਲਈ ਜ਼ਰੂਰੀ ਹੈ ਕਿ ਅਸੀਂ ਬਹੁਤ ਸਾਰੇ ਦੁੱਖ ਸਹਿ ਕੇ ਪਰਮੇਸ਼ਰ ਦੇ ਰਾਜ ਵਿੱਚ ਦਾਖ਼ਲ ਹੋਈਏ ।” 23ਉਹਨਾਂ ਨੇ ਹਰ ਕਲੀਸੀਯਾ ਦੇ ਲਈ ਪ੍ਰਾਰਥਨਾ ਅਤੇ ਵਰਤ ਰੱਖ ਕੇ ਬਜ਼ੁਰਗ ਆਗੂ ਨਿਯੁਕਤ ਕੀਤੇ ਅਤੇ ਉਹਨਾਂ ਨੂੰ ਪ੍ਰਭੂ ਦੇ ਸਾਹਮਣੇ ਜਿਹਨਾਂ ਵਿੱਚ ਉਹ ਵਿਸ਼ਵਾਸ ਰੱਖਦੇ ਸਨ ਅਰਪਿਤ ਕੀਤਾ ।
24ਫਿਰ ਉਹ ਪਿਸਿਦੀਯਾ ਹੁੰਦੇ ਹੋਏ ਪਮਫ਼ੁਲਿਯਾ ਵਿੱਚ ਆਏ 25ਅਤੇ ਪਰਗਾ ਵਿੱਚ ਸ਼ੁਭ ਸਮਾਚਾਰ ਸੁਣਾ ਕੇ ਅੱਤਲਿਯਾ ਵਿੱਚ ਜਾ ਪਹੁੰਚੇ । 26ਉੱਥੋਂ ਉਹ ਸਮੁੰਦਰੀ ਜਹਾਜ਼ ਦੁਆਰਾ ਅੰਤਾਕਿਯਾ ਪਹੁੰਚੇ ਜਿੱਥੋਂ ਉਹ ਉਸ ਕੰਮ ਦੇ ਲਈ ਪਰਮੇਸ਼ਰ ਦੀ ਕਿਰਪਾ ਵਿੱਚ ਸੌਂਪੇ ਗਏ ਸਨ, ਜਿਸ ਨੂੰ ਹੁਣ ਉਹਨਾਂ ਨੇ ਪੂਰਾ ਕੀਤਾ ਸੀ ।
27ਅੰਤਾਕਿਯਾ ਵਿੱਚ ਪਹੁੰਚ ਕੇ ਉਹਨਾਂ ਨੇ ਕਲੀਸੀਯਾ ਨੂੰ ਇਕੱਠਾ ਕੀਤਾ ਅਤੇ ਦੱਸਿਆ ਕਿ ਪਰਮੇਸ਼ਰ ਨੇ ਉਹਨਾਂ ਨਾਲ ਕਿਸ ਤਰ੍ਹਾਂ ਪਰਾਈਆਂ ਕੌਮਾਂ ਦੇ ਲਈ ਵਿਸ਼ਵਾਸ ਦਾ ਦਰਵਾਜ਼ਾ ਖੋਲ੍ਹ ਦਿੱਤਾ ਹੈ । 28ਉੱਥੇ ਉਹ ਚੇਲਿਆਂ ਨਾਲ ਬਹੁਤ ਦਿਨਾਂ ਤੱਕ ਰਹੇ ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India