2 ਕੁਰਿੰਥੁਸ ਭੂਮਿਕਾ
ਭੂਮਿਕਾ
ਪੌਲੁਸ ਨੇ ਇਹ ਪੱਤਰ ਉਸ ਸਮੇਂ ਲਿਖਿਆ ਜਦੋਂ ਕੁਰਿੰਥੁਸ ਦੇ ਲੋਕਾਂ ਅਤੇ ਪੌਲੁਸ ਦੇ ਆਪਸੀ ਸੰਬੰਧ ਠੀਕ ਨਹੀਂ ਸਨ । ਕੁਰਿੰਥੁਸ ਦੀ ਕਲੀਸੀਯਾ ਦੇ ਕੁਝ ਲੋਕਾਂ ਨੇ ਪੌਲੁਸ ਦੇ ਵਿਰੁੱਧ ਬਹੁਤ ਵੱਡੇ ਦੋਸ਼ ਲਾਏ ਸਨ ਪਰ ਪੌਲੁਸ ਦੇ ਦਿਲ ਵਿੱਚ ਉਹਨਾਂ ਨਾਲ ਮੇਲ ਕਰਨ ਦੀ ਬਹੁਤ ਇੱਛਾ ਸੀ ਅਤੇ ਜਦੋਂ ਉਸ ਦਾ ਉਹਨਾਂ ਨਾਲ ਮੇਲ ਹੋ ਗਿਆ ਤਾਂ ਉਹ ਬਹੁਤ ਖ਼ੁਸ਼ ਹੋਇਆ ।
ਪੱਤਰ ਦੇ ਪਹਿਲੇ ਹਿੱਸੇ ਵਿੱਚ ਪੌਲੁਸ ਕੁਰਿੰਥੁਸ ਦੀ ਕਲੀਸੀਯਾ ਦੇ ਨਾਲ ਆਪਣੇ ਸੰਬੰਧਾਂ ਬਾਰੇ ਲਿਖਦਾ ਹੈ ਅਤੇ ਉਹ ਕੁਰਿੰਥੁਸ ਨਿਵਾਸੀਆਂ ਨੂੰ ਦੱਸਦਾ ਹੈ ਕਿ ਉਸ ਨੇ ਕਿਉਂ ਆਪਣੇ ਨਾਲ ਹੋਏ ਅਪਮਾਨ ਅਤੇ ਵਿਰੋਧ ਦਾ ਸਖ਼ਤੀ ਨਾਲ ਉੱਤਰ ਦਿੱਤਾ ਹੈ ਅਤੇ ਉਹ ਹੁਣ ਖ਼ੁਸ਼ ਹੈ ਕਿ ਉਸ ਦੇ ਇਸ ਤਰ੍ਹਾਂ ਕਰਨ ਨਾਲ ਲੋਕਾਂ ਦੇ ਦਿਲ ਵਿੱਚ ਪਛਤਾਵੇ ਅਤੇ ਮੇਲ ਦੀ ਭਾਵਨਾ ਪੈਦਾ ਹੋਈ ਹੈ । ਫਿਰ ਉਸ ਨੇ ਕਲੀਸੀਯਾ ਦੇ ਅੱਗੇ ਬੇਨਤੀ ਕੀਤੀ ਹੈ ਕਿ ਉਹ ਦਿਲ ਖੋਲ੍ਹ ਕੇ ਯਹੂਦਿਯਾ ਦੇ ਲੋੜਵੰਦ ਮਸੀਹੀ ਲੋਕਾਂ ਦੀ ਮਦਦ ਲਈ ਦਾਨ ਦੇਣ । ਆਖ਼ਰੀ ਅਧਿਆਇਆਂ ਵਿੱਚ ਪੌਲੁਸ ਆਪਣੇ ਰਸੂਲ ਹੋਣ ਦੇ ਦਾਅਵੇ ਨੂੰ ਸੱਚਾ ਸਿੱਧ ਕਰਦਾ ਹੈ ਕਿਉਂਕਿ ਕੁਰਿੰਥੁਸ ਵਿੱਚ ਕੁਝ ਲੋਕ ਸਨ ਜਿਹੜੇ ਆਪਣੇ ਆਪ ਨੂੰ ਸੱਚੇ ਰਸੂਲ ਦੱਸ ਕੇ ਪੌਲੁਸ ਨੂੰ ਝੂਠਾ ਕਹਿੰਦੇ ਸਨ ।
ਵਿਸ਼ਾ-ਵਸਤੂ ਦੀ ਰੂਪ-ਰੇਖਾ
ਭੂਮਿਕਾ 1:1-11
ਪੌਲੁਸ ਅਤੇ ਕੁਰਿੰਥੁਸ ਦੀ ਕਲੀਸੀਯਾ 1:12—7:16
ਯਹੂਦਿਯਾ ਦੇ ਮਸੀਹੀਆਂ ਲਈ ਦਾਨ 8:1—9:15
ਪੌਲੁਸ ਦੇ ਆਪਣੇ ਰਸੂਲ ਹੋਣ ਬਾਰੇ ਸਬੂਤ 10:1—13:10
ਸਾਰ 13:11-13
Currently Selected:
2 ਕੁਰਿੰਥੁਸ ਭੂਮਿਕਾ: CL-NA
Highlight
Share
Copy
Want to have your highlights saved across all your devices? Sign up or sign in
Punjabi Common Language (North American Version):
Text © 2021 Canadian Bible Society and Bible Society of India