Yelsom 8
8
Hanfale la
1N dɛ nyin kɛ he fe aa ɛ n nimambie,
n ne he bwa aa ɔr n nya el.
Anee dɛ́ ɡel n ne he chemo aa,
n fe ɡbaare pɛl n te nɛra baah,
nomɛlbwa aa wola won pwaah mɛ.
2N fe ɛɛ tɔ he sie
dɛ́ ba he ne n nya dem,
onee baɡ mɛ wa.
N fe ɛɛ tɛɛ sen a sɔɔh aa somaa he nyɔ,
n daa fee nee ba harama ɛ sen.
3N kpɔ n nyu dawɛ o nɔŋɡal ta,
o nɔndiɡ ɡbaa mɛ pɛl o te.
4Jerusalam haahna, n dɛ ŋɔ he be ŋɔ,
hé ŋwɛɛ baɡ mɛ kɛŋɔ,
haa n ne n sɛnodɛɛɡe baahnee chɔɡ.
Yel numɛlte
Daamanar la
5Umee le pua hɛŋle ɡbo harɛ
ta dɛɛ ba
dɛ kpɔ o te dawɛ o sɛno
nɛɛ nɔɔ?
Hanfale la
N iro che daa waa dɛ nɔnɛ
lɔɡa,
dɛ lawɛ ir bela baa lolɛ la.
6Gel n ɡbo waa do he bambile
ta saŋ bɛlbwa kɛŋɔ
haa kpɔ baŋe do he nɔn ta,
dɛkalkɛ ɡɛ seo aa wola
jaɡa dɔe la,
ɡɛɛ n ne he dɔŋa nyina do.
Baa ne haah meera kpeɡri
kɛŋɔ seo,
a won nii lawa kɛŋɔ nijena
ken.
7Mpo neerare aa won dime
nyina nii,
mojena bwa ɡe aa won su
dɛ́ pala kaa.
Hale dɛ nomɛl ŋɔ wɛɛ kpɔ
o dea suuɡa bwaa yawɛ
nyina aa,
mamaa baa ba o mama.
Daamanar la
8Ya dɔ nimambie waa ɛ bitolo,
waa wola ela leɛ mɔɔ.
Dɛ baa balɔ ŋɔ o dɛ nyinu
waa,
bɔkwa waa yaa ba wona ɛ
tɛo wɔ?
9O fe do kɛ danjwɛɛ aa,
ya fe ɛɛ kpɔ suuɡapoŋee
ma dejaŋ chɔŋɛ o nɛ.
Dɛ o do kɛŋɔ doonyoa ɡbera
daa ɡe aa,
ya fe ɛɛ sɛh peleme daa
dɛ́ tɔ o nɛ.
Hanfale la
10Dɛ n fa do kɛŋɔ danjwɛɛ ken,
kɛ n ela kpeɡo
kɛŋɔ dejaŋa.
Anomanta, n sɛnodɛɛɡe jemɔ
kɛŋɔ n dɔ bansɔɔhna ne
deŋnesɔɔhna dɛɛ le o be.
11Dɛ Kooro Solomɔn dɔ
daa koo Baal Hamɔn,
dɛ kpɔ tɛ paara
ba lɛ dɛɛ parɛ o ta.
Dɛ bɛlbwa chɛ kɛ o kpɔ
suuɡapoŋa kaɡboŋ baa tɛo.
12N daa koo ɛ n ɡbo
kon n won kpɔ tɛ.
Kooro Solomɔn, he ken dɔ
suuɡapoŋa kaɡboŋ,
asɛ paara
baa dɛ nyiŋi koo la ta ɡe
dɔ suuɡapoŋa lafraanɛ.
Sɛno baa La
13N sɛnodɛɛɡe,
n bala bwa chemo dɛɛ kpa,
ɡel ń no he taa le bodɛɛɡe
haa du daa la.
Hanfale La
14N sɛnodɛɛɡe, ɛ warane
ba n be,
chwa ba warane kɛŋɔ
kweɡla
kɛɛ kweɡlibale waa le
bwejena
konsɔɔhsoma aa lɔ o ta
doa.
Currently Selected:
Yelsom 8: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
