Yelsom 7
7
Sɛno baa la
1Koobie, toldɛɛɡe,
na ɡɛ he nakpale
ne naŋɡawa aa wera.
He nakpale dɔ pɛla kɛŋɔ,
bwedɛɛɡa a yoɡ aa kpeɡa.
A do kɛŋɔ nɛra baa dɔ
kwaa sɛɛh wejema aa ɛa.
2He ul do ɡuleɡule kɛŋɔ numol,
sen ne konsɔɔhsoma suu
dɛɛ ta saŋ bɛlbwa.
He tea do ɡuleɡule kɛŋɔ mea
baa vɔwa,
asɛ kpɔɡa fee aa wera
baro cheme.
3He ela wer kohona,
a do kɛ kweɡla bii anɛ.
4He baŋa jaŋne dɛ siɡri
kɛŋɔ dejaŋ
baa kpɔ bala nyen ɛo ken.
He sibie dɛ nyɛɡle kɛŋɔ
bwɛjen Hɛsbɔn taama
aa lɔ Bat Rabbim doonyoa.
He mee toɡrɔ kɛŋɔ Lɛbanɔn
dejaŋ
o sie aa chaɡɛ bwɛjen
Damaskɔs.
5He sɔn ɡɔɔrɔ kɛŋɔ
Kaamɛl Bwejen.
He nyumpona jaŋne dɛ bir
dɛɛ nyɛɡle,
hale kooro kwaraa pɛla dɛ
lawɛ.
6Na ɡɛ haa wera tolo he waa
ɛɛ lɛ sie,
he nyina waa dɛ lawɛ
n bambile kohona.
7He jaŋne kɛŋɔ kpor da,
he ela do kɛŋɔ daa nɔna
sao.
8Asɛ n ŋɔ, “Mɛɛ teeh daa
laanee
dɛ́ ka lawɛ o bie.”
N dɛ nyin kɛ he ela do kɛŋɔ
ɡrepo daa nɔna n be,
he hweera sɔɔh som kɛŋɔ
apolre a sɔɔh aa soma,
9asɛ he nyoa som kɛŋɔ sensoma tenten.
Hanfale la
Gel sensoma la palɛ bɔeeh,
ka kpɔ n sɛnodɛɛɡe nyotɔn
ne o nyena ta bwa.
10N sɛnodɛɛɡee dɔɔ mɛ,
n ɡbo nɛɛ o pɛla do.
11N sɛnodɛɛɡe, ba yá kaa bwɛɛ
dahare,
ya kaa ka chɔ bwɛjeɡre la
ta jwaana.
12Gel ya fel ir kaa daa kooni ta,
dɛ́ ka na kɛ a pa mun
dɛɛ fe,
kɛɛ a fee pili sie,
kɛɛ a nɔna aa do ɡuleɡule
dɛ be,
ásɛ n baɡle n nyina maa
dɔa tɛɛ bela.
13Kwaa fee#7:13 Kwaa fee nɔ, a dɛ cha haah ne baa chɔe ta, dɛɛ cha haah lol ɡe ta. Ba dɛ yera manderekere. sɔɔh lɛ bɔr bwa,
asɛ silɛɛ kwaa bwa soo siwi,
ambena ne anfala bar yaa
cheme,
asɛ he waa do n bambile
bini,
mɛɛ nyin he ɡbo wa.
Currently Selected:
Yelsom 7: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
