Aesaya Korowii Keamere Tɔne
Korowii Keamere Tɔne
Le Aesaya Tɔn ta ka jaɡɛ Korowii Ne Nɛwɛnyina Fɔobene Tɔn nɔ jaɡa la, tɔne la dɛ bol waa Korowii keamere ɡalɡa aa bola wa. A ɡɛ keamere nɔɔ teŋa nɔ, Aesaya ne Jeremia, ne Ɛsekeɛl ne Daneɛl, ne Hosia ne Joel, ne Emɔs ne Obadia, ne Jona ne Maeka, ne Neehum ne Habakuk, ne Sefania ne Haɡae, ne Sekaria dɛ Malakae. Korowii bol waa keamere la be ŋɔ bá bol o waa la baɡle nɛra. Ba bini bane kaa bol o waa la Israel tena be, asɛ bane ɡe ka bola Juda tena be. Ane ta, dɛ waa aa dɛ ba chiɡa kerekeree baa bol, dɛkalkɛ dɛ ɡɛɛ Korowii kpɔ tɛɛ ba. Kɛ waa aa hiah laanee kɛŋɔ ba dɛ bol o waa la, a ɛ amanesoma kɛɛ dɛ amanechɔɡaa yoo.
Aesaya Tɔn
Tɔn nɔ bini waa baɡla
Aesaya baa bol Korowii waa Juda tena be. O kah ba ŋɔ bá charɛ ba liire le ba wechɔɡa ta, ásɛ Korowii bɛ ba deŋne tɛr. Nyiŋi nyuune 1—39. O berɔ bol ɡɛ saŋ baa lawɛ nɛra la laa ta kaa Babelɔn harɛ ta wa, dɛ berɛ baɡ ba nyoa kɛŋɔ hwɛɡa ta lole kerekere. Nyiŋi nyuune 40—66. Korowii aa ba waa soh, wɛɛ tɛɛ ba koofalee ó di kora saŋ bɛlbwa dɛɛ la. Nɛn Korowii aa baɡɛ nyoa ŋɔ wɛɛ bao ba lɛ yaa la. Onee Mɛsaya. Waa ɡalɡa taa baa ba cheɡa, dɛ́ baɡle ɡɛ Mɛsaya la aa dɛ ba ba ɛ Korowii bonɔɔ dɛ́ na wahala, ásɛ dɛ koh o nɛra wechɔɡa waa sewɛ lɛɛ ba. Nyiŋi nyuune 52:11—53:12. Waa aa lɔ nyu 61:1-2 ɛ Yeesu Kristo wobol ɡɛ saŋ waa dɛ pa o toma mun. Nyobaɡa ane ɡe lole kɛŋɔ Korowii ɛɛ berɔ ɡel wobɛlbwa ɛ anfala. Nyiŋi nyu 65:17-25.
Currently Selected:
Aesaya Korowii Keamere Tɔne: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.