Yelsom 6
6
Daamanar la
1Haah waa wera kohona
haahna bwa bini,
leperaa he sɛnodɛɛɡe
kaalɔ?
Baɡle yaa bela waa kaala,
ásɛ ya chae hé nyin o bɔr.
Hanfale la
2N sɛnodɛɛɡe kaa bodɛɛɡe
waa du daa konsɔɔhsoma
aa su o bwa.
O sie dɛ lɛ a ta dɛ kaa nyin
ane,
dɛ kaa nyin kpɔɡa fee aa
wera.#6:2 Nyiŋi bodɛɛɡe la. O cheɡɔ tɛ baa sɛno la.
3Menee dɔ n sɛnodɛɛɡe,
asɛ o ɡee dɔɔ mɛ,
o ɡbo peeraa dɛɛ di kpɔɡa
fee aa wera baah ta.
Yel nuete
Sɛno baa la
4N sɛnodɛɛɡe, he wer tolo,
kɛŋɔ koobwɛjena Tirsa ne
Jerusalam.
He waa dɔ jirima kɛŋɔ
laa tena baa kpoŋe
fraŋkaare.
5Laa sie kpɔ n nɛ,
ásɛ ba bɛ men lawɛ.
He nyumpona biro kɛŋɔ
bombiŋere aa teŋɛ dɔŋa
nɛɛ
tu le Gelead deŋɡarere ta
dɛɛ ba.
6He nyena too kɛŋɔ peera
baa sɔa ne a le dɛɛ ba.
Bɛlbwa ne o dɔŋ pɛo valɛ dɛɛ
ba,
beŋkpoŋ ɡba ta o te pere.
7He faɡra dɛ nyɛɡle yal bini.
A do ɡuleɡule kɛŋɔ daa bɛl
baa dɛ yerɔ pɔmeɡranet
nɔna.
8Dɛ haŋkoranar fifraanumɛl,
ne sɛnanar fifraanuatoro,
dɛ toli baa wola baala jemɛ
mɔɔ,
baa wola nyoa dɔe kwara
baa che naa,
9n sɛnodɛɛɡee wera tolo
kohona kɛŋɔ borɔnoma.
O ɡboo mɛɛ nyin,
onee o nya bihambeŋkpoŋ
ɡbo waa dɛ nyinu kohona.
Bitoli nao waa, ba dɛ yerɔ
nɛn waa na som,
haŋkoranar ne sɛnanar dɛ
kpɛɛro.
Daamanar la
10Umee wera tolo
kɛŋɔ bɔr aa dɛ chaah nɔɔ?
O wer kɛŋɔ korobie,
dɛɛ chaah kɛŋɔ wee.
Sɛno baa la
11N la almɔn daa koo ta,
dɛ́ ka na kɛŋɔ mɛɛ na a fee,
kɛɛ dɛ́ na ɡrepo ne
pɔmeɡranet daa fee.
12N bwara yɔrɔ mɛɛ chel
kɛŋɔ nɛn waa kpɔ kooro
torɔɡo#6:12 Hibru tena wobol ta, ɡɛ waa nɔ mun ta chɔe kɛrɛdɛ.
dɛɛ la ka yo laa ken.
Daamanar la
13Sulam tolo, berɛ ba, berɛ ba.
Berɛ ba, ásɛ ya nyiŋi!
Sɛno baa la
Ɛrɛɛ hɛɛ nyin he nyiŋi Sulam
tolo,
waa dɛ sa Mahanaim sae
nɛra baah ta nɔɔ?
Currently Selected:
Yelsom 6: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
