Yelsom 5
5
Sɛno baa la
1N sɛnodɛɛɡe ne n hanfale,
n ba bodɛɛɡe maa du daa.
N boa n konsɔɔhsoma ne
korobo bwa nyoa.
N di n tohvaahna ne n
tohno,
dɛ nyɔ n sen ne na-elne.
Daamanar la
N daamanar,
hé di kondikwa dɛ nyɔ sen.
Hé nyɔ ɡɛ bɛlbwa ɡɛ haa
won.
Yel naarɛte
Hanfale la
2Maa chɔa kwaraa la,
dɛ n ta dɛ kpɔ liire.
N noɔ kɛŋɔ n sɛno aa lɔ
ɡbera dɛ ŋɔ,
“N hanfale ne n sɛnodɛɛɡe,
he wer kɛŋɔ borɔnoma,
he ta kirihiah bɛlbwa dii,
yaa mɛ ɡbera.
Mɛn pwe n nyu bwa,
kɔɔla ta jwaana,
n nyumpona pwe.”
3N laa n batakaare foo,
a chɛ kɛ ń berɛ kpɔ do ja aa?
N sarame n nakpale,
ń berɛ kpɔ valɛ harɛpɛɛ aa?
4N sɛno ha nɔn lawɛ ɡbera,
asɛ n bambile ɛɛ lɔ o wa.
5N iro ŋɔ n yao ɡbera,
n nonie ne n nɔɔra bwa
maa korobo,
ɡɛ saŋ maa lawɛ ɡbera la
koŋkare kon la.
6N ya ɡbera ŋɔ n sɛno fee
ba jo kɛ o kaalɔ,
n ta on nae.
N bambile chɔɡ kaala waa
kaala wa,
asɛ n nyin o bɔr
n ta on nae,
n yerɔ ɡe o ta chaŋɛ.
7Nɛra baa dɛ daah bwɛjen la
ɡaaɡɔ
dɛ ba chem mɛ o bini.
Ba lɔɔ mɛ, dɛ do mɛ bol,
dɛ lɛ n yal kaa.
8Jerusalam haahna,
hé baɡ mɛ nyoa,
dɛ he na n sɛnodɛɛɡe la aa,
hé ŋɔ o be ŋɔ o nyina kohona
ɡelɔ n bambile chɔɡ,
mɛɛ nyin o bɔr.
Daamanar la
9Haah waa wera haahna bwa
bini,
he sɛnodɛɛɡe la korɛ
sɛnanar bwa bini kɛɛ?
Bɔkwaa ɡela o te ɡbosoroo
waa korɛ,
asɛ he ŋɔ ya baɡɛ nyoa ɔ?
Hanfale la
10N sɛnodɛɛɡe la wer bonɔɔ
kɛrɛdɛ,
o bwara ɡe do kpeɡri,
o dɔŋ toole baala kaɡboŋa
fi bini.
11O siebɔr wer dɛɛ nyɛɡle
kɛŋɔ suuɡaswɛm tenten,
o nyumpona ɡuɡro dɛ do
wer,
dɛ bir kɛŋɔ ɡaahɡaah ken.
12O sibie wer kɛŋɔ borɔnomare
aa toa kohona
kɛŋɔ na-elne,
dɛ do nenabɔɔne nyoo.#5:12 A ɡɛ waa nɔ mun ta chɔe kɛrɛdɛ Hibru tena wobol ta.
13O faɡra wer kɛŋɔ bodɛɛɡe
baa du daa konsɔɔhsoma
su o bwa.
O nyotɔn do kɛŋɔ kpɔɡa fee
aa wera,
korobo noo pweoh.
14O nɔɔra wer kɛŋɔ suuɡaswɛm
bune,
baa kpɔ bwedɛɛɡa a yoɡ
aa kpeɡa cheɡ a ta.
O bwadabii wer kɛŋɔ
bala nyen baa loɡao la,
dɛ kpɔ bwedɛɛɡa ane a yoɡ
aa kpeɡa cheɡ a ta.
15O nakpale wer dɛ do kpeɡri
kɛŋɔ pilare
baa kpɔ bwedɛɛɡa aa toa ɛa,
asɛ a chɔŋɛ suuɡaswɛm
loɡa ta.
O mar wer dɛ dɔ jirima
kɛŋɔ Lɛbanɔn peleme
dajaŋa.
16O nyoa som ne moe,
o wobɛlbwa wer tɛ mɛ.
Jerusalam haahna,
ɡɛ n sɛnodɛɛɡe aa doa
mɛɛ nyinu kohona laanee
la.
Currently Selected:
Yelsom 5: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
