Yelsom 4
4
Sɛno baa la
1N sɛnodɛɛɡe,
na ɡɛ haa wera!
He wer kohona to!
He kpɔ yal bɔle he nyu,
asɛ he siwinyiŋi do kɛŋɔ
borɔnoma sibie.
He nyumpona biro kɛŋɔ
bombiŋere
aa tua le Gelead Bwejen
doa dɛɛ ba.
2He nyena too kɛŋɔ peera
baa fonɛ a pona a le dɛɛ
ba.
Bɛlbwa ne o dɔŋ pɛo valɛ dɛɛ ba,
beŋkpoŋ ɡba ta o te pere.
3He nyotɔne swɛɛrɔ kɛŋɔ
ŋwɛnswɛm,
a ne wobol do wer kohona.
He faɡra dɛ nyɛɡle yal bini.
4He baŋa jaŋne dɛ siɡri,
dɛ do wer,
kɛŋɔ Kooro Devid dejaŋ
ken.
He baŋa kwaa saɡre teŋɛ
dɔŋa nɛɛ
kɛŋɔ, kwaa baa kpɔa dɛɛ tɔ
ɡbemɡbe laa ta anjeɡre
kaɡboŋ.
5He ela wer kohona,
a do kɛ kweɡli bii anɛ,
aa dɛ di kpɔɡa fee bini ken.
6Mɛɛ ka so deŋɡare
daawiile a sɔɔh aa soma,
ne korobo aa lɔ o taa,
ka tel chɔɔbɔr ɡɛ saŋ
biro aa wola toole kpa.
7N sɛnodɛɛɡe,
he wer kohona to,
kirihiah bɛlbwa toole he nɛ.
8N hanfale,
le Lɛbanɔn bwea dor
dɛ́ ba n be,
le Lɛbanɔn bela ba n be.
Le Amana Bwejen doa tu ba,
Senir ne Hɛmɔn Bwejena
dor,
bela nyujentena ne nonietena
aa lole.
9N hanfale ne n sɛnodɛɛɡe,
he ɡelɔ n bambile lawɛ
kohona,
he nyiŋ mɛ kerabeŋkpoŋ
he waa lɛ n liire,
he baŋa kon beŋkpoŋ haa
doa la wa.
10N hanfale ne n sɛnodɛɛɡe,
na ɡɛ n sie aa lɛ he nyina
haa dɛ nyin mɛ ta!
He nyina dɔ pɛla kohona
dɛ ɡwaa sen,
asɛ he konsɔɔhsoma sɔɔh
ɡwaa daawiile baa dɛ fuah
sɔɔh.
11N sɛnodɛɛɡe,
he nyoa nee som
kɛ tohnoo ken,
wobosoma lɔ he nyoa,
he yale sɔɔh som kɛŋɔ
Lɛbanɔn yale.
12N hanfale ne n sɛnodɛɛɡe,
he do kɛ bodɛɛɡe baa du
daa,#4:12 Hibru tena wobol ta la, ba liiree kɛŋɔ, bodɛɛɡe baa du daa la cheɡɔ tɛ haah la.
ne nee nomɛlbwa aa wola
won nyɔ ba tɔ a nyoo.
13Kwaa aa lɔ bela kpeɡo
dɛ do wer.
A do kɛŋɔ daa bɛl baa dɛ
yerɔ pɔmeɡranet
dɛɛ nɔnɛ nɔndɛɛɡa.
Kwaa aa sɔɔh aa soma
ne alele ta bela nyae,
14ne safrɔn, ne kalamus
ne sinamɔn, ne korobo,#4:14 Safrɔn ne kalamus ne sinamɔn ne korobo, a bwa ɛ konsɔɔhsoma baa kpɔa dɛɛ do kondikwaa ta, dɛɛ fɔɡla ɡe.
dɛ konsɔɔhsoma aa wera
bwa soo siwi.
15He do kɛŋɔ nenapale nyu
bodɛɛɡe baa du daa,
kɛŋɔ bule waa dɛ palɛ
wɔrɔbe nɛ,
dɛ le Lɛbanɔn bwejena dor
dɛɛ ba.
Hanfale la
16Weekaŋle nyundua peu ir,
ásɛ weekaŋle harɛbɔr peu
ɡe ta.
Ta kpɔ bodɛɛɡe maa du daa la,
ásɛ daa la sɔɔh yɛɛ kaa
bojaŋ.
Gel n sɛnodɛɛɡe ba jo daa la
baah,
dɛ́ di a nɔna aa soma la.
Currently Selected:
Yelsom 4: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
