Yelsom 3
3
1Maa chɔ n kalaŋ ta jwaana bwa la,
n lii n sɛnodɛɛɡe wa.
N nyin o bɔr, kɛ n ta on
nae.
2Mɛɛ iruu dɛ́ ɡaaɡe bwɛjen la
bini,
o fɔɡbaahna ne bela nɛra
aa dɛ so.
Mɛɛ ka ɡaaɡoo nyin nɛn
n bambile aa lawa.
N ɡaaɡɔ n ta on nae.
3Nɛra baa dɛ daah bwɛɛ la
ɡaaɡɔ dɛ ba puu mɛ,
asɛ n bɔɔ ba ŋɔ,
“He na nɛn n bambile
aa lawɔ mɛɛ nyinu kohona
la aa?”
4Maa dena ɡar ba
n den na n sɛnodɛɛɡe la.
N bamu ŋɔ maa ɡel ó kaa,
ka tel kɛŋɔ maa ba o ne
n nya dem,
bela baa lol mɛ.
5Jerusalam haahna,
n dɛ ŋɔ he be ŋɔ,
hé ŋwɛɛ komɛlbwa sɔn ta
baɡ mɛ kɛŋɔ,
haa n ne n sɛnodɛɛɡe
baahnee chɔɡ.
Yel toorote
Hanfale la
6Bɔkwaa le pua hɛŋle ɡbo
harɛ ta,
dɛ le chuu dɛɛ kaa
nyundua a sɔɔh do som,
kɛŋɔ daawiile ne korobo
bonadiire aa dɛ yoɡa nɔɔ?
7Hé na, Kooro Solomɔn kon
baa kpɔa dɛɛ cheo laanee.
Banyoola fifraanumɛl teŋɛ
o nɛ,
ba ɛ Israel harɛ nomonjena
ɡbaɡba.
8Ba bwa kpoŋe tokobie,
dɛ bwa dɔ yoi wejema
kɛrɛdɛ.
Bɛlbwa tokobii sɛɡle o baŋ
bɛl,
dɛɛ kpa wobɛlbwa aa ba
jwaana.
9Kooro Solomɔnee ɡela ba
kwaa
ɡɛ kon la ba kpɔ dɛɛ cheo.
Dadɛɛɡa aa le Lɛbanɔn nee
o kwaaro.
10O daa aa paaɡa la,
suuɡapoŋee ba kpɔ ɛ a
bwara,
dɛ kpɔ suuɡaswɛm ɛ o mun
la ɡe.
Ba kpɔ yakɔl bɔle o kara ta,
Jerusalam haahna kpɔ
kondɛɛɡa
ɛ o bini ne o habɔɔ bwa.
11Jerusalam haahna, hé le ba,
dɛ́ ba na Kooro Solomɔn
kooɡbɛrɛ o nya aa kpɔa
piu,
awola o sie aa lɛa kohona
wɛɛ ɛ o hanfalwaa la.
Currently Selected:
Yelsom 3: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
