Yelsom 2
2
Hanfale la
1N do kɛŋɔ kpɔɡa fee
aa lɔ Sarɔn harɛ waa chɔa
kaa ta,
dɛ do kɛŋɔ kpɔɡa fee
aa lɔ nenabɔɔ bini.
Sɛno baa la
2Gɛ kpɔɡ fee aa wera
dɛ do sɔɔhne baah la,
ɡɛɛ haah maa dɛ nyinu
do toli bini.
Hanfale la
3Gɛ apol daa aa lɔ kɔr bini,
dɛɛ nɔnɛ nɔndɛɛɡa la,
ɡɛɛ baa maa dɛ nyinu
do wer bonɔɔna bini.
N sie lɛo kɛ ń so o chunchule
lɔɡa,
o nɔna som n nyoa bini.
4O laɡ mɛ ba bela waa di
kondikonjena dɛɛ lɛ o sie,
dɛ baɡle o nyina waa dɔa
tɛ mɛ.
5Tɛ mɛ bokpeɡa ne bosɔɔhna,
he daa nɔna aa hola
ne apolre dɛ do som,
dɛkalkɛ he nyina waa ɡboo
lɔ n liire bini.
6N kpɔ nyu dawɛ o nɔŋɡal ta,
o nɔndiɡ ɡbaa mɛ pɛl o te.
7Jerusalam haahna,
n dɛ ŋɔ he be ŋɔ,
hé ŋwɛɛ komɛlbwa sɔn ta
baɡ mɛ kɛŋɔ,
haa n ne n sɛnodɛɛɡe
baahnee chɔɡ.
He bɛ ya nyina chɔɡ,
ka tel kɛŋɔ ya nyina aa
tona.
Yel nɛɛte
Hanfale la
8N dɛ no n sɛno taa.
O tuo le bwejena dor
warane,
dɛ chwa kpɔ deŋɡarere dor
dɛɛ ba n be.
9N sɛnodɛɛɡe ɡbaŋre kɛŋɔ
chwae kɛɛ kweɡlibale,
onee ka cheɡa pɛl danjwɛɛ
dɛɛ nyiŋi tokorore ta la.
10Baa maa dɛ nyinu ŋɔ n be ŋɔ,
“Ir che, n sɛno,
n sɛnodɛɛɡe, ásɛ n ne
he kaa.
11Nyiŋi na, waa saŋ baa kaa,
bwaala ɡe toole.
12Kpɔɡa dɛ fe harɛ ta
bobɛlbwa,
yela ɡoe saŋ telo name,
asɛ bilore ɛɛ si harɛ ta bobɛlbwa.
13Fiɡ daa nɔna pa mun dɛɛ ɛ
bie,
daa fee sɔɔh tɔ bobɛlbwa.
Ir che n sɛno, ir ba
n sɛnodɛɛɡe, ásɛ n ne he
kaa.”
Sɛno baa la
14He do kɛ bilo
waa kaa sɔh bwebɔɔ bini.
N dɛ nyin he wer haa doa la
dɛ na,
ɡel ń no he taa waa soma la.
15Lawɛ kalampoŋare #2:15 Nyiŋi kalampoŋare la. A cheɡɔ tɛ baala baa dɛ nyin baa la sɛno waa dɛ nyinu kohona.
aa do jeɡre la mɔɔ á chɔɡ
ya daa kooni aa dɛ ba fee
la.
Hanfale la
16Menee dɔ n sɛnodɛɛɡe,
asɛ o ɡee dɔɔ mɛ.
O ɡbo peeraa dɛɛ di kpɔɡa
aa dɛ fe la bini.
17Laa berɛ ba, n sɛnodɛɛɡe,
ka tel kɛ bɔr aa chaahna
biro bɛlbwa aa wola toole
kpa,
dɛɛ chwa kɛŋɔ chwae kɛɛ
kweɡlibale,
waa lɔ Bɛtɛr Bwejena dor.
Currently Selected:
Yelsom 2: mzw
Highlight
Share
Compare
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
