Yela 86
86
Chae wesoŋa
Kooro Devid yel
1N Naa Korowii,
no n wesoŋa dɛ́ chaŋ mɛ,
n ɛ nyaa dɛ ɛ nɛŋɡwɛɡre.
2N kpɔ n te tɛɛ nomanta,
kpɔ nɔn tɔ n nɛ.
Henee Korowii maa dɛ
tomɛ, anomanta,
lɛ men maa ɛ he bonɔɔ
dɛɛ hwɛɡɛ he nɛɛ nɔ.
3N Naa Korowii, na n sum
dɛkalkɛ saŋ bɛlbwaa
n wi dɛɛ noe.#2Sa 12:16
4Tɛ men maa ɛ he bonɔɔ silɛɛ,
dɛkalkɛ he siee n kpɔ
n wesoŋa dɛɛ bil.
5N Naa Korowii, he waa wer
tɛ yaa,
kpɔ ya wechɔɡa dɛɛ kɛ yaa,
he kpɔ he nyina aa wola
jaɡa dɔe,
dɛɛ nyin nɛra baa wia
dɛɛ yerɛ bwa.
6N Naa Korowii, no n wesoŋa,
no n suna wii, dɛ́ cha mɛ.
7N wio dɛɛ noe n wenaale
tɔpere,
dɛkalkɛ henee dɛ́ chaŋ mɛ.
8N Naa Korowii,
voɡa nɛra aa dɛ tomɛ
ta kpeɡri dɔe kɛ hen,
nomɛlbwa ta he we-ɛɛla
dɔŋa ɛɛ bwa.
9Harɛre nɛra haa ta ba bwa
ɛɛ ba he siee, dɛ́ ba ɡuŋi,
dɛ́ kpɔ jirima tɛ he sɔn haa
dɔa.#Wep 15:4
10He kpeɡri dɛɛ ɛ nyokpowa,
he ɡboo ɛ Korowii.
11N Naa Korowii,
chaɡ mɛ he ŋwɛnɛ,
ásɛ n tomɛ kasinteŋ ne.
Gel n kpɔ bambibeŋkpoŋ
tomɛ, dɛɛ ɔmɛ he sɔn.
12Korowii maa dɛ tomɛ,
mɛɛ kpɛɛre n bambile bwa
nee,
dɛ́ kpɔ jirima tɛ he sɔn
saŋ bɛlbwa dɛɛ la.
13He nyina aa wola
jaɡa dɔe la kan tɛ mɛ!
He lɛɛ mɛ le seo nyoa.
14N Naa Korowii,
nyubinikpeɡ tena ne
mbarafo tena dɛ yoo mɛ.
Ba pɛ nyoa dɛɛ nyin mɛ
dɛ́ kpo,
baa hen komɛl yerɛ.
15Kɛ hen Korowii te,
he dɔ tedoma tɛ nɛra,
dɛɛ nyin ba.
He baah aa di warawara,
he waa dɔ kasinteŋ, hɛɛ
nyin nɛn.
16Berɛ sie n be, dɛ́ na n sum.
Tɛ men maa ɛ he bonɔɔ
bokpeɡa.
Lɛɛ mɛ, dɛkalkɛ n tomɛ
n bambile bwa ne.
17Gel n na waane,
á baɡle kɛŋɔ he waa wer
tɛ mɛ,
ásɛ n dɔma na sihiih kpo
ba,
dɛkalkɛ henee cha mɛ
dɛ larawe n bwara.
Currently Selected:
Yela 86: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 86
86
Chae wesoŋa
Kooro Devid yel
1N Naa Korowii,
no n wesoŋa dɛ́ chaŋ mɛ,
n ɛ nyaa dɛ ɛ nɛŋɡwɛɡre.
2N kpɔ n te tɛɛ nomanta,
kpɔ nɔn tɔ n nɛ.
Henee Korowii maa dɛ
tomɛ, anomanta,
lɛ men maa ɛ he bonɔɔ
dɛɛ hwɛɡɛ he nɛɛ nɔ.
3N Naa Korowii, na n sum
dɛkalkɛ saŋ bɛlbwaa
n wi dɛɛ noe.#2Sa 12:16
4Tɛ men maa ɛ he bonɔɔ silɛɛ,
dɛkalkɛ he siee n kpɔ
n wesoŋa dɛɛ bil.
5N Naa Korowii, he waa wer
tɛ yaa,
kpɔ ya wechɔɡa dɛɛ kɛ yaa,
he kpɔ he nyina aa wola
jaɡa dɔe,
dɛɛ nyin nɛra baa wia
dɛɛ yerɛ bwa.
6N Naa Korowii, no n wesoŋa,
no n suna wii, dɛ́ cha mɛ.
7N wio dɛɛ noe n wenaale
tɔpere,
dɛkalkɛ henee dɛ́ chaŋ mɛ.
8N Naa Korowii,
voɡa nɛra aa dɛ tomɛ
ta kpeɡri dɔe kɛ hen,
nomɛlbwa ta he we-ɛɛla
dɔŋa ɛɛ bwa.
9Harɛre nɛra haa ta ba bwa
ɛɛ ba he siee, dɛ́ ba ɡuŋi,
dɛ́ kpɔ jirima tɛ he sɔn haa
dɔa.#Wep 15:4
10He kpeɡri dɛɛ ɛ nyokpowa,
he ɡboo ɛ Korowii.
11N Naa Korowii,
chaɡ mɛ he ŋwɛnɛ,
ásɛ n tomɛ kasinteŋ ne.
Gel n kpɔ bambibeŋkpoŋ
tomɛ, dɛɛ ɔmɛ he sɔn.
12Korowii maa dɛ tomɛ,
mɛɛ kpɛɛre n bambile bwa
nee,
dɛ́ kpɔ jirima tɛ he sɔn
saŋ bɛlbwa dɛɛ la.
13He nyina aa wola
jaɡa dɔe la kan tɛ mɛ!
He lɛɛ mɛ le seo nyoa.
14N Naa Korowii,
nyubinikpeɡ tena ne
mbarafo tena dɛ yoo mɛ.
Ba pɛ nyoa dɛɛ nyin mɛ
dɛ́ kpo,
baa hen komɛl yerɛ.
15Kɛ hen Korowii te,
he dɔ tedoma tɛ nɛra,
dɛɛ nyin ba.
He baah aa di warawara,
he waa dɔ kasinteŋ, hɛɛ
nyin nɛn.
16Berɛ sie n be, dɛ́ na n sum.
Tɛ men maa ɛ he bonɔɔ
bokpeɡa.
Lɛɛ mɛ, dɛkalkɛ n tomɛ
n bambile bwa ne.
17Gel n na waane,
á baɡle kɛŋɔ he waa wer
tɛ mɛ,
ásɛ n dɔma na sihiih kpo
ba,
dɛkalkɛ henee cha mɛ
dɛ larawe n bwara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.