Yela 68
68
Harɛ bɛl dɔma nɛɛ pɔe
Kooro Devid yel
1N Naa Korowii, ir nyu ne
ásɛ dɛ lɔ he dɔma peɡre,
he dɔma ɛɛ chwao le he
sie.
2Gɛ peu yon ta
dɛ́ kpɔ ninchuu kaa la,
ɡɛɛ he kpɔ ba kaa ta.
Gɛ ba yon kpɔ nii
dɛɛ mwɛɛ tohkel la,
ɡel nɛnchɔɡa sewɛ he sie
ɡɛ.
3Kɛ nɛra ba wa aa toɡra
sie lɛo, baa hɛɡre hen
Korowii sie,
ba sie lɛo baa moo.
4Hé ɡo yela kpɛɛ Korowii sɔn,
hé kwaa ŋwɛnɛ tɛo,
o le baama bini dɛɛ ba.
O sɔne Korowii,
hɛɛ hɛɡre o sie.
5O ɛ bilalbii mɛɛ,
dɛɛ che luhaahna habɔɔ.
Onee Korowii waa soɡe
o Dea waa do ɡoroŋ bini.#Mma 10:18
6Korowiirii tɛ nɛra
baa nya nɛra bɔr,
ba yon so,
dɛ le nɛra baa do ba dea,
dɛ ɡel ba sie lɛ
baa di ba nyu.
Bambikpeɡ tena te,
harɛ waa chɔɡa taa
baa ba soɡa.#Weɛ 12:7-10
7N Naa Korowii,
haa tɔ he nɛra sie,
dɛ valɛ kpɔ pua hɛŋle ɡbo
harɛ ta la,
8harɛ jiɡro asɛ bwaala nɛ he
sie.
Henee Sinai Bwejen Dɔɔ,
Korowii Israel tena aa dɛ
tomɛ.
9N Naa Korowii,
he ɡelɔ bwaala nɛ kohona,
dɛ sɔɔh harɛ haa kpɔa baɡɛ
yaa nyoa la ta.
10He ɡelɔ he nɛra so o ta,
asɛ he tesom kohona
nomanta,
he kpɔ tɛ nyaara.
11Korowii bol wa,
ásɛ haahna warɛ kohona
dɛ́ kaa bola ŋɔ,
12“Koranar ne ba laa tena
chwao le dɛɛ kaa!”
Haahna baa ka dem la
kpɔ laala baa kpɔa laa ta
la bɔne dɔŋa.
13Nɛra baa kaa dɛ do bela
dɛɛ daah peera la,
dɔ suuɡapoŋa baa kpɔa
dawɛ kwehre kena ta.
Suuɡaswɛm dawɛ
a kena nyoo dɛɛ nyɛɡle.
14Korowii Waa Ɛ Kpeɡri Bwa
Dɔɔ aa lɔ
koranar peɡre harɛ la ta la,
a do kɛŋɔ dombwea aa lee
Salmɔn Bwejen ta ken.
15Bwejena aa lɔ Basan harɛ
jaŋne kaa nyundua kɛrɛdɛ,
bwea paaɡe a dor
kɛŋɔ deŋɡarere ken.
16Ɛrɛɛ he bwejena
haa lɔ Basan,
ɛɛ nyiŋi Korowii bwe waa
do ɡoroŋ,
kɛŋɔ nɛn aa dɛ we o dɔŋ
bwara dɛɛ nyiŋu nɔɔ?
Korowii ɛɛ so bela saŋ
bɛlbwaa dɛɛ la!
17Korowii dɔ kwaa aa do kɛ
torɔɡore,
baa wola won kura,
dɛ le Sinai Bwejen ta,
dɛɛ ba o Dea la ta.
18O teehnɔ kaa nyundua,
dɛ lawɛ nɛra
waa laɡ ba laa ta kaa,
asɛ deŋnekpeɡ tena kpɔ
koŋkɛɛla baa tɛo dɛ ŋɔ,
Korowii ɛɛ ba so belaa.
19Ya kpɛɛ Korowii yaa dɛ tomɔ,
onee ya Lɛɛ la.
Tɔpere bwaa wɛɛ nyiŋi ya
nɛ,
ya waa bwa dawɛ o nɛ.#Aes 46:4
20Korowii yaa dɛ tomɔ
ɛ Korowii waa dɛ lɛ yaa,
Nemenɛ Korowii won
yaa lɛɛ dɛ́ le seo nyoa.
21Kasinteŋ, Korowii
ɛɛ paɡre o dɔma nyuunee,
banɔ la ba taa lɔ
wechɔɡa ɛɛ ta la.
22Korowii ŋɔ,
“Mɛɛ le he dɔma
ne Basan harɛɛ ba,
mɛɛ le ba ne mpo vile
binii,
23ásɛ he valɛ kpɔ ba chal ta,
he nyootena ɡe kpɛla
ɡɛ aa dɛ nyin.”
24N Naa Korowii,
nɛra bwa nae
he valɛ baa kaa,
Korowii maa dɛ tomɔ
o ɛ n kooro la baa jo
o Dea bini.#1We 13:8
25Yelɡoola tɔ sie,
nɛra baa dɛ lɔ yela teŋɛ,
asɛ bitoli baa dɛ yiiɡi
loŋa do ba baah ta.
26Hé kpɛɛ Korowii bela
o nɛra aa wara dɛ cheme.
Israel tena bwa, hé cheme
dɛ́ kpɛɛro.
27Bɛnjamen dea nɛra
baa wola kanɛ la tɔ sie,
Juda dea nomonome teŋɛ,
ásɛ Sebulon ne Naftale
deene nomonome ɡe teŋɛ.
28Ya Naa Korowii,
chaɡle he kpeɡri,
kpeɡri he fa aa chaɡle
ya nɛɛ la.
29He Dea waa lɔ Jerusalam
nomanta, koranar ɛɛ
kpɔ koŋkɛɛlaa ba tɛɛ.
30Tɛr Ijipt nɛra baa do kɛŋɔ
kpɔɡ bini ola,
aa chɔ nee nyoa la deŋne.
Tɛr harɛre nɛra baa do kɛŋɔ
nabala, dɛ koo nabii
bini la deŋne, ka tel saŋ
baa ba ɡuŋi harɛ, dɛ́ kpɔ
ba suuɡapoŋa ba tɛɛ.
Lɔ harɛre nɛra ba sie aa dɛ lɛ
laa yoi ta la bwa peɡre.
31Nomonome ɛɛ che
Ijipt tena naa taa ba,
ásɛ Itiopia tena ɡe kpɔ
ba te ba do Korowii lɔɡa.
32Harɛre nɛra,
hé ɡo yela kpɛɛ Korowii,
hé ɡo yela kpɛɛro,
33onee soɡe nyundujaɡla,
dɛ do le saŋ la bwa.
Hé cheɡ deŋne no kɔɡra
waa dɛ kɔɡre kohona.
34Hé bol o kpeɡri waa dɔa wa,
o nyanyini bɔle Israel tena
nɛ,
o kpeɡri do nyundua ɡe.
35Korowii le o Dea dɛɛ ba naa,
ɔmee kohona dɛ chole
nɛra nɛ.
Onee Israel tena ɛɛ tomɛ,
wɛɛ tɛɛ ba kpeɡri.
Hé kpɛɛro!
Currently Selected:
Yela 68: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
