Nɛra Kura 5
5
Nɛra doŋa aa lɔ ba nɛɛ wa
1Korowii ŋɔ Mosis be ŋɔ, 2“Do Israel tena la kɛŋɔ, nomɛlbwa waa dɔ bwadabii weebuula, ne nomɛlbwa nee ane aa dɛ fuɡo, ne nomɛlbwa waa leɡe ol-lale kɛɛ chɔɔ la, o kah doŋa. Bá le o ne ba baah ta. 3Haahna ne baala bwa baa do ɡɛ la, bá le ba ne dahara, ásɛ ba bɛ doŋa ba kpɔ kah bela haa soɡa n do he baah ta la.” 4Israel tena la ɛ ɡɛ dɛ́ le ɡɛ nɛra la le ba baah ta baa so dahara, ɡɛ tenten maa bol Mosis be la.
Wechɔɡa kem bɔe
5Korowii berɔ ŋɔ Mosis be ŋɔ, 6“Ŋɔ Israel tena be ŋɔ, Dɛ haah kɛɛ baa ɛ o dɔŋ bɛl wechɔɡa ŋwɛnɛ bɛlbwa ta naa, dɛ o jo men Korowii nɛ. Naate di bolchɔɡe. 7A chɛ kɛ ó bol wechɔɡa waa ɛa la, dɛ́ bɔ kwaa baa lɛo la bwa, dɛ́ berɛ bɔne anɔ la waa bɔa la bini bele anue, dɛ́ kpɔ bɔrbeŋkpoŋ ja a ta tɛo. 8Dɛ naate waa ɛo wechɔɡa la sewaa, a chɛ kɛ ó bɔ tɛ o lole tenten. Dɛ o ta ɡɛ nɛn dɔe yaa, a ɛ men Korowii kwa. Ó bɔ tɛ sɔfo la dɛ́ kpɔ pebal ja, ásɛ sɔfo la kpɔ soŋe naate wechɔɡa n be ń kpɔ kɛo. 9Kwaa nɔ bwa Israel tena aa kpɔa baa tɛ men Korowii la ɛ sɔfo kwa.” 10Baa bɛlbwa kwaa waa kpɔ ba tɛ sɔfo ɛ sɔfo la kwa.
Haah waa le o jaa habɔɔ
11Korowii ŋɔ Mosis be ja ŋɔ 12ó bol Israel tena be ŋɔ, “Dɛ bɛl haah le o habɔɔ, 13dɛ ka chɔ banfale dɛ o jaa la ta jemɛ, doŋa waa kaah la ɡe ta baŋ leɛ nɛn di danseɛ, kɛɛ dɛ lawɛ o nɔn a ta, 14dɛ o jaa la baa dɔ a liire kɛŋɔ haah la kah doŋa dɛɛ meeraa, hale dɛ o ta doŋa kaeh yoo, 15a chɛ kɛ báa la kpɔ o haah la la sɔfo be, dɛ́ che haah la naa ta, dɛ́ nyin men aa kpera kuruwa beŋkpoŋ, dɛ bɛ noo kɛɛ daawiile a sɔɔh aa soma baa dɛ fuah a ta do, dɛkalkɛŋɔ a ɛ mea saraha dɛ tɛ meera. A ɛ saraha aa dɛ baɡle kɛ nɛn di bolchɔɡe kɛɛ o ta bolchɔɡe dii.
16Sɔfo la chɛ kɛŋɔ, ó kpɔ haah la ba che men Korowii sie, 17ásɛ dɛ ɛ vii bini nee aa do ɡoroŋ la, dɛ́ ɛ n Tɛnte Dea bela harɛ teera, dɛ́ kpɔ do nee la ta, ásɛ a do kpeli. 18Sɔfo la aa kpɔ haah la ka che men Korowii sie la, ó laa kon kpɔ o nyu ta, ásɛ dɛ kpɔ meera mea saraha la do o nɔn ta. Anee dɛ baɡle kɛ haah la di bolchɔɡe kɛɛ o ta bolchɔɡe dii. Sɔfo la ɛɛ kpɔ nee aa do kpeli o ɛa do kon ta dɛ do teera a ta aa ba nyotaahna ne laanee kpoŋe. 19Ásɛ sɔfo la ɡel haah la ŋwɛɛ ntam dɛ́ ŋɔ o be ŋɔ, ‘Dɛ he ta he jaa habɔɔ leɛ dɛ ka chɔ banfale dɛ kah doŋa aa, nyotaahna aa lɔ nee aa do kpeli nɔ ta bɛ won ɛɛ wobɛlbwa. 20Dɛ he ta lɔ he jaa dea dɛ le o habɔɔ ka chɔ banfale dɛ kah doŋa aa, 21Kórowii ɡel he hwie serewe, dɛ́ do jeɡre he tea su, dɛ́ ɡel he nɛra taahne dɛ́ vɛɛh. 22Kórowii ɡel nee nɔ aa dɛ ba nyotaahna ne nɔ jo he bwara, dɛ́ ɡel he hwie serewe, dɛ́ do jeɡre, he tea su.’
Aa do ɡɛ nɔ, a chɛ kɛ haah la ŋɔ, ‘N sɛh ɡɛ. Kórowii ɡel á ɛ ɡɛ!’
23Sɔfo la chɛ kɛ ó chwerɛ nyotaahna waa la dawɛ kon ta, dɛ́ yaɡla do nee aa do kpeli la ta, 24dɛ́ ɡel haah la nyɔ nekpela la aa dɛ ba nyotaahna ne o nɛɛ bala la, ásɛ a jooɡo dɛ́ ɡel o bwara nyɛɡo kɛrɛdɛ. 25Ásɛ sɔfo la laa meera mea saraha la lɛ haah la nɔn ta, dɛ́ ɡɔɔra nyundua men Korowii sie, dɛ́ kpɔ kaa kon baa dɛ ɛ saraha o ta la ta, 26dɛ́ ɛ mea la nɔndel, dɛ́ fuah bela tɛ men Korowii, name dɛ́ ɡel haah la nyɔ nee la. 27Dɛ a balɔ kɛŋɔ o le o jaa habɔɔ kpela dɛ ka chɔ banfale dɛ kah doŋa dɛ nyɔ nee la aa, aa jooɡoo, dɛ́ ɡel o bwara nyɛɡo kɛrɛdɛ o tea su, o hwie serewe dɛ́ do jeɡre, ásɛ o nɛra na kɛŋɔ nyotaahna lawɔ. 28Dɛ haah la ta doŋa kaeh o tea too te naa, baa tao tɔɔ, o ta bolchɔɡee dii kpa, dɛ́ won dɛɛ lolɛ.
29Dɛ haah le o jaa habɔɔ dɛ ka chɔ banfale dɛ kah doŋa aa, a ɡɛ waa nɔɔ ɛ meera Mmara, 30kɛɛ dɛ baa dɔ liire kɛŋɔ o haah le o habɔɔ dɛ ka chɔ banfale dɛɛ meeraa, sɔ́fo la ɡel ó ba che men Korowii sie, dɛ́ teŋɛ waa bwa Mmara la aa baɡla la ta. 31Baa la te aa bolchɔɡee di a ɡɛ waa nɔ ta, dɛ haah la di bolchɔɡe aa, o ɡboo dɛ́ dɔ deŋnetɛra o wechɔɡa la wa.”
Currently Selected:
Nɛra Kura 5: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Nɛra Kura 5
5
Nɛra doŋa aa lɔ ba nɛɛ wa
1Korowii ŋɔ Mosis be ŋɔ, 2“Do Israel tena la kɛŋɔ, nomɛlbwa waa dɔ bwadabii weebuula, ne nomɛlbwa nee ane aa dɛ fuɡo, ne nomɛlbwa waa leɡe ol-lale kɛɛ chɔɔ la, o kah doŋa. Bá le o ne ba baah ta. 3Haahna ne baala bwa baa do ɡɛ la, bá le ba ne dahara, ásɛ ba bɛ doŋa ba kpɔ kah bela haa soɡa n do he baah ta la.” 4Israel tena la ɛ ɡɛ dɛ́ le ɡɛ nɛra la le ba baah ta baa so dahara, ɡɛ tenten maa bol Mosis be la.
Wechɔɡa kem bɔe
5Korowii berɔ ŋɔ Mosis be ŋɔ, 6“Ŋɔ Israel tena be ŋɔ, Dɛ haah kɛɛ baa ɛ o dɔŋ bɛl wechɔɡa ŋwɛnɛ bɛlbwa ta naa, dɛ o jo men Korowii nɛ. Naate di bolchɔɡe. 7A chɛ kɛ ó bol wechɔɡa waa ɛa la, dɛ́ bɔ kwaa baa lɛo la bwa, dɛ́ berɛ bɔne anɔ la waa bɔa la bini bele anue, dɛ́ kpɔ bɔrbeŋkpoŋ ja a ta tɛo. 8Dɛ naate waa ɛo wechɔɡa la sewaa, a chɛ kɛ ó bɔ tɛ o lole tenten. Dɛ o ta ɡɛ nɛn dɔe yaa, a ɛ men Korowii kwa. Ó bɔ tɛ sɔfo la dɛ́ kpɔ pebal ja, ásɛ sɔfo la kpɔ soŋe naate wechɔɡa n be ń kpɔ kɛo. 9Kwaa nɔ bwa Israel tena aa kpɔa baa tɛ men Korowii la ɛ sɔfo kwa.” 10Baa bɛlbwa kwaa waa kpɔ ba tɛ sɔfo ɛ sɔfo la kwa.
Haah waa le o jaa habɔɔ
11Korowii ŋɔ Mosis be ja ŋɔ 12ó bol Israel tena be ŋɔ, “Dɛ bɛl haah le o habɔɔ, 13dɛ ka chɔ banfale dɛ o jaa la ta jemɛ, doŋa waa kaah la ɡe ta baŋ leɛ nɛn di danseɛ, kɛɛ dɛ lawɛ o nɔn a ta, 14dɛ o jaa la baa dɔ a liire kɛŋɔ haah la kah doŋa dɛɛ meeraa, hale dɛ o ta doŋa kaeh yoo, 15a chɛ kɛ báa la kpɔ o haah la la sɔfo be, dɛ́ che haah la naa ta, dɛ́ nyin men aa kpera kuruwa beŋkpoŋ, dɛ bɛ noo kɛɛ daawiile a sɔɔh aa soma baa dɛ fuah a ta do, dɛkalkɛŋɔ a ɛ mea saraha dɛ tɛ meera. A ɛ saraha aa dɛ baɡle kɛ nɛn di bolchɔɡe kɛɛ o ta bolchɔɡe dii.
16Sɔfo la chɛ kɛŋɔ, ó kpɔ haah la ba che men Korowii sie, 17ásɛ dɛ ɛ vii bini nee aa do ɡoroŋ la, dɛ́ ɛ n Tɛnte Dea bela harɛ teera, dɛ́ kpɔ do nee la ta, ásɛ a do kpeli. 18Sɔfo la aa kpɔ haah la ka che men Korowii sie la, ó laa kon kpɔ o nyu ta, ásɛ dɛ kpɔ meera mea saraha la do o nɔn ta. Anee dɛ baɡle kɛ haah la di bolchɔɡe kɛɛ o ta bolchɔɡe dii. Sɔfo la ɛɛ kpɔ nee aa do kpeli o ɛa do kon ta dɛ do teera a ta aa ba nyotaahna ne laanee kpoŋe. 19Ásɛ sɔfo la ɡel haah la ŋwɛɛ ntam dɛ́ ŋɔ o be ŋɔ, ‘Dɛ he ta he jaa habɔɔ leɛ dɛ ka chɔ banfale dɛ kah doŋa aa, nyotaahna aa lɔ nee aa do kpeli nɔ ta bɛ won ɛɛ wobɛlbwa. 20Dɛ he ta lɔ he jaa dea dɛ le o habɔɔ ka chɔ banfale dɛ kah doŋa aa, 21Kórowii ɡel he hwie serewe, dɛ́ do jeɡre he tea su, dɛ́ ɡel he nɛra taahne dɛ́ vɛɛh. 22Kórowii ɡel nee nɔ aa dɛ ba nyotaahna ne nɔ jo he bwara, dɛ́ ɡel he hwie serewe, dɛ́ do jeɡre, he tea su.’
Aa do ɡɛ nɔ, a chɛ kɛ haah la ŋɔ, ‘N sɛh ɡɛ. Kórowii ɡel á ɛ ɡɛ!’
23Sɔfo la chɛ kɛ ó chwerɛ nyotaahna waa la dawɛ kon ta, dɛ́ yaɡla do nee aa do kpeli la ta, 24dɛ́ ɡel haah la nyɔ nekpela la aa dɛ ba nyotaahna ne o nɛɛ bala la, ásɛ a jooɡo dɛ́ ɡel o bwara nyɛɡo kɛrɛdɛ. 25Ásɛ sɔfo la laa meera mea saraha la lɛ haah la nɔn ta, dɛ́ ɡɔɔra nyundua men Korowii sie, dɛ́ kpɔ kaa kon baa dɛ ɛ saraha o ta la ta, 26dɛ́ ɛ mea la nɔndel, dɛ́ fuah bela tɛ men Korowii, name dɛ́ ɡel haah la nyɔ nee la. 27Dɛ a balɔ kɛŋɔ o le o jaa habɔɔ kpela dɛ ka chɔ banfale dɛ kah doŋa dɛ nyɔ nee la aa, aa jooɡoo, dɛ́ ɡel o bwara nyɛɡo kɛrɛdɛ o tea su, o hwie serewe dɛ́ do jeɡre, ásɛ o nɛra na kɛŋɔ nyotaahna lawɔ. 28Dɛ haah la ta doŋa kaeh o tea too te naa, baa tao tɔɔ, o ta bolchɔɡee dii kpa, dɛ́ won dɛɛ lolɛ.
29Dɛ haah le o jaa habɔɔ dɛ ka chɔ banfale dɛ kah doŋa aa, a ɡɛ waa nɔɔ ɛ meera Mmara, 30kɛɛ dɛ baa dɔ liire kɛŋɔ o haah le o habɔɔ dɛ ka chɔ banfale dɛɛ meeraa, sɔ́fo la ɡel ó ba che men Korowii sie, dɛ́ teŋɛ waa bwa Mmara la aa baɡla la ta. 31Baa la te aa bolchɔɡee di a ɡɛ waa nɔ ta, dɛ haah la di bolchɔɡe aa, o ɡboo dɛ́ dɔ deŋnetɛra o wechɔɡa la wa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.