Nɛra Kura 4
4
Lewi dea bii baa ɛ Kohat tena toma
1Korowii ŋɔ Mosis ne Arɔn be ŋɔ, 2“Kure Lewi dea bii baa ɛ Kohat naanar ne ba lolanar. 3Kure baala baa di bene fifraatoro ka tel bene fifraanue, baa dɛ ba wona ɛ n Dea Cheremibɔr la toma.
4Kohat naanar la tomaa kɛŋɔ, báa nyiŋi kwaa aa do ɡoroŋ tenten ta, n Dea Cheremibɔr bela. 5Dɛ Israel tena la ŋɔ bá ir kaa bofale aa, Arɔn ne o bibaalaa chɛ kɛ bá jo dɛ́ ka laa pateesan waa saɡɛ Korowii Ne Nɛwɛnyina Fɔo Daka la sie, kpɔ dɛ́ kpɔ tɔ o ta. 6Ásɛ dɛ kpɔ mpo nae tɔne la bɔle pateesan la ta. Dɛ́ berɛ kpɔ yal waa ɛ burum tenten bɔle o ta, ásɛ mɔɔ dɛ́ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni la ta.
7Bá paɡri yaburum bɛl bɔle teebur Korowii paanoo aa dɛ dawɛ o ta la ta, dɛ́ pa tafolabɔtɔre ne loɡa ne lerwe baa dɛ do sen a bini, dɛ́ kpɔ ɛ saraha dawɛ bela. Paanoo la baa yon kpɔ dawɛ o ta la chɛ kɛ ó ta dawɛ bela. 8Bá kpɔ yaswɛm bɔle ɡɛ laala la ta, dɛ́ berɛ kpɔ mpo nae tɔne bɔle a ta ja, ásɛ mɔɔ dɛ́ kpɔ daa baa kpɔa dɛɛ che teebur la suuɡi o nɔnloɡa aa lɔ o loŋkoni la ta.
9Bá kpɔ yaburum bɛl bɔle kandea daa la ne o kandere la ta, ne kwaa baa kpɔa dɛɛ kwaa o ŋwɛɛra la, ne o loɡbakorɔre ne loŋa baa kpɔ noo dɛɛ do a bini, dɛ́ kpɔ dɛɛ do kandere la ta. 10Ásɛ ba kpɔ mpo nae tɔne dɛ fɔrɔwe kandea la ne o kwaa bwa, dɛ́ kpɔ dawɛ kon baa kpɔa dɛɛ chea la ta.
11Bá kpɔ yaburum bɛl paɡri bɔle suuɡaswɛm kon baa dɛ ɛ saraha o ta la, dɛ́ kpɔ mpo nae tɔne bɔle, ásɛ mɔɔ dɛ́ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni la ta.#Kaa 30:1-10
12Bá kpɔ yaburum bɛl fɔrɔwe koŋkwaa bwa baa kpɔa dɛɛ ɛ toma Boɡoroŋ bela la, dɛ́ berɛ kpɔ mpo nae tɔne bɔle a ta, dɛ́ kpɔ dawɛ kon baa kpɔa dɛɛ chea la ta.
13Bá laa tɔɔ aa lɔ saraha kon baa kpɔ ayaawa ɛo la pa, dɛ́ kpɔ yakɔl bɔle o ta. 14Ásɛ dɛ pa koŋkwaa bwa baa kpɔa dɛɛ ɛ toma saraha kon la ta. Anee kwaa baa kpɔa dɛɛ buh nii, ne bune baa kpɔ toh ola, ne soofire, ne loɡa baa do chal kɛɛ nee a bini dɛ ɛ dɛɛ merɛ, dɛ́ kpɔa chɔŋɛ o ta, ásɛ dɛ kpɔ mpo nae tɔne la bɔle a ta. Ásɛ dɛ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni ta la.
15Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.
16Arɔn bibaa Eliasaa dɛɛ ba wɛɛ nyiŋi noo baa kpɔ dɛɛ choŋi kandere, ne daawiile a sɔɔh aa soma,#Kaa 30:34-38 ne tɔpere bɛlbwa mea saraha, ne noo#Lew 8:10 baa kpɔa dɛɛ do nɛn sɔfore ta. Onee chɛ kɛ wɛɛ nyiŋi n Tɛnte Dea la ne o laala ne o koŋkwaa bwa ɡe ta.”
17Korowii berɔ ŋɔ Mosis ne Arɔn be ŋɔ, 18“Hé nyiŋi kɛrɛdɛ, ásɛ Kohat dea tena mun bɛ he le Lewi dea tena la bini. 19Waa aa chɛ kɛŋɔ hé ɛ ásɛ ba dɔ ba nyu dɛ bɛ serewe laanee kɛŋɔ, ba bɛ kwaa aa do ɡoroŋ kohona la bɛne. Arɔn ne o bibaalaa chɛ kɛ bá tɔ sie, ásɛ dɛ chaɡle bɛlbwa o toma ne o bone waa che. 20Kohat naanar ta chɛ kɛŋɔ bá jo, dɛ́ nyiŋi kwaa aa do ɡoroŋ la, á ba ɛ kɛ baa kpɔ sie keŋkeŋnaa nyiŋi dɛ́ ba serewe.”
Lewi dea bii baa ɛ Gɛsɔn dea tena
21Korowii berɔ ŋɔ Mosis be ja ŋɔ, 22“Kure Gɛsɔn dea tena ɡe, dɛ́ jemɛ ba nyoa. 23Kure ba bini baala baa di bene fifraatoro, dɛ́ ka jaɡɛ fifraanue la bwa baa dɛ ba wona ɛ toma n Dea Cheremibɔr bela.
24Gɛsɔn dea tena toma baa dɛɛ ɛa ne bone baa dɛɛ che laanee nɔ. 25A chɛ kɛ báa che n Tɛnte Dea waa ɛ n Dea Cheremibɔr la pateesanre, ne kwaa baa kpɔa bɔle o bini, ne mpo nae tɔne baa kpɔa bɔle o baŋ, ne pateesan waa tɔ n Dea Cheremibɔr doonyoa la, 26ne dembaah pateesanre aa bar n Tɛnte Dea la ne kon baa dɛ ɛ saraha o ta, ne pateesan waa tɔ dembaah doonyoa bela, ne a ŋwɛɛra ne koŋkwaa bwa baa dɛ ɛ ane toma bela. Gɛ bwa aa chɛ kɛ bá kpɔ kwaa nɔ bwa ɛ toma lɔ Gɛsɔn dea tena nɔn ta. 27Gel Arɔn ne o bibaala baɡle Gɛsɔn dea tena toma bɛlbwa baa ɛ, ɡɛ baa dɛɛ che bone ne ba toma bɛlbwa ta. Mosis, kpɔ ba bone baa dɛ ba cheɡa we-ɛɛla bɛlbwa do ba nɔn ta baa nyiŋi a ta. 28Toma Gɛsɔn dea tena aa dɛ ba baa ɛ n Dea Cheremibɔr laanee la. Sɔfo Arɔn bibaa Itamaa chɛ kɛ wɛɛ nyiŋi ba nɛɛ ba toma bwa ta.”
Lewi dea bii baa ɛ Merari dea tena
29Korowii berɔ ŋɔ Mosis be ŋɔ, “Kure Merari dea tena dɛ́ jemɛ ba nyoa. 30Kure ba bini baala baa di bene fifraatoro, dɛ́ ka tel bene fifraanue baa dɛ́ ba wona ɛ toma n Dea Cheremibɔr bela. 31Ba toma baa ɛ belaa kɛŋɔ, bá che daa baa kpɔa baŋre n Dea Cheremibɔr la, o dachiɡri ne loɡa aa lɔ a mune dɛ a doli bwa, 32ne dembaah dachiɡri ne a loɡa aa lɔ a mune, ne kwaa baa kpɔa baŋre tɛnte la ne ŋwɛɛra ne koŋkwaa bwa ne komɛlbwa aa chɛ kɛ bá kpɔ ɛ toma. Yerɛ baa bɛlbwa, dɛ́ kpɔ o bone waa dɛ ba cheɡa do o nɔn ta. 33Toma Merari dea tena aa dɛ ba báa ɛ n Dea Cheremibɔr laanee la. Sɔfo Arɔn bibaa Itamaa chɛ kɛ wɛ́ɛ nyiŋi ba nɛ báa ɛ toma.”
Lewi dea tena kura
34Mosis ne Arɔn dɛ Israel tena nomonome kure Kohat dea tena ne ba lolanar. 35Baa kure ba baala baa di bene fifraatoro ka tel bene fifraanue, baa dɛ ba wona ɛ n Dea Cheremibɔr la toma la, 36dɛ ba lɔ kaɡboŋa banɛ lafraanuanɛ fifraanue. 37Gɛɛ Kohat dea tena baa dɛ ba wona ɛ n Dea Cheremibɔr toma la nyoa do. Mosis ne Arɔn kur ba ɡɛ maa do Mosis la.
38Ba kure Gɛsɔn dea tena ne ba lolanar ɡe. 39Baa kure ba baala baa di bene fifraatoro ka tel fifraanue dɛ́ won ɛ n Dea Cheremibɔr toma bwa la, 40ba lɔ kaɡboŋa banɛ lafraanumɛl fifraatoro. 41Gɛɛ Gɛsɔn dea tena baa dɛ ba wona ɛ n Dea Cheremibɔr toma la waa do. Mosis ne Arɔn kur ba ɡɛ maa do ba la.
42Ba kure Merari dea bii ne ba lolanar. 43Baa kure baala baa di bene fifraatoro ka tel bene fifraanue dɛ́ won ɛ n Dea Cheremibɔr toma la, 44dɛ ba lɔ kaɡboŋa batoro lafraanɛ. 45Gɛɛ Merari dea tena baa kur ba la nyoa do. Mosis ne Arɔn kur ba ɡɛ maa do Mosis la.
46Gɛɛ aa do Mosis ne Arɔn dɛ Israel nomonome kure Lewi dea tena ne ba lolanar bwa. 47Baala baa di bene fifraatoro dɛ kaa bene fifraanue, dɛ́ won ɛ n Dea Cheremibɔr bela toma, dɛ́ won che o laala dɛɛ kaa bofale la bwa, 48ba lɔ nɛra kaɡboŋa banuatoro lafraanue fifraanuatoro. 49Ba baɡle nomɛlbwa o toma ne bone waa dɛɛ che, ɡɛ tenten maa cheɡɛ Mosis nɛɛ dɛ do ba la.
Gɛɛ aa do ba kure ba bwa ɡɛ maa do Mosis la.
Currently Selected:
Nɛra Kura 4: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Nɛra Kura 4
4
Lewi dea bii baa ɛ Kohat tena toma
1Korowii ŋɔ Mosis ne Arɔn be ŋɔ, 2“Kure Lewi dea bii baa ɛ Kohat naanar ne ba lolanar. 3Kure baala baa di bene fifraatoro ka tel bene fifraanue, baa dɛ ba wona ɛ n Dea Cheremibɔr la toma.
4Kohat naanar la tomaa kɛŋɔ, báa nyiŋi kwaa aa do ɡoroŋ tenten ta, n Dea Cheremibɔr bela. 5Dɛ Israel tena la ŋɔ bá ir kaa bofale aa, Arɔn ne o bibaalaa chɛ kɛ bá jo dɛ́ ka laa pateesan waa saɡɛ Korowii Ne Nɛwɛnyina Fɔo Daka la sie, kpɔ dɛ́ kpɔ tɔ o ta. 6Ásɛ dɛ kpɔ mpo nae tɔne la bɔle pateesan la ta. Dɛ́ berɛ kpɔ yal waa ɛ burum tenten bɔle o ta, ásɛ mɔɔ dɛ́ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni la ta.
7Bá paɡri yaburum bɛl bɔle teebur Korowii paanoo aa dɛ dawɛ o ta la ta, dɛ́ pa tafolabɔtɔre ne loɡa ne lerwe baa dɛ do sen a bini, dɛ́ kpɔ ɛ saraha dawɛ bela. Paanoo la baa yon kpɔ dawɛ o ta la chɛ kɛ ó ta dawɛ bela. 8Bá kpɔ yaswɛm bɔle ɡɛ laala la ta, dɛ́ berɛ kpɔ mpo nae tɔne bɔle a ta ja, ásɛ mɔɔ dɛ́ kpɔ daa baa kpɔa dɛɛ che teebur la suuɡi o nɔnloɡa aa lɔ o loŋkoni la ta.
9Bá kpɔ yaburum bɛl bɔle kandea daa la ne o kandere la ta, ne kwaa baa kpɔa dɛɛ kwaa o ŋwɛɛra la, ne o loɡbakorɔre ne loŋa baa kpɔ noo dɛɛ do a bini, dɛ́ kpɔ dɛɛ do kandere la ta. 10Ásɛ ba kpɔ mpo nae tɔne dɛ fɔrɔwe kandea la ne o kwaa bwa, dɛ́ kpɔ dawɛ kon baa kpɔa dɛɛ chea la ta.
11Bá kpɔ yaburum bɛl paɡri bɔle suuɡaswɛm kon baa dɛ ɛ saraha o ta la, dɛ́ kpɔ mpo nae tɔne bɔle, ásɛ mɔɔ dɛ́ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni la ta.#Kaa 30:1-10
12Bá kpɔ yaburum bɛl fɔrɔwe koŋkwaa bwa baa kpɔa dɛɛ ɛ toma Boɡoroŋ bela la, dɛ́ berɛ kpɔ mpo nae tɔne bɔle a ta, dɛ́ kpɔ dawɛ kon baa kpɔa dɛɛ chea la ta.
13Bá laa tɔɔ aa lɔ saraha kon baa kpɔ ayaawa ɛo la pa, dɛ́ kpɔ yakɔl bɔle o ta. 14Ásɛ dɛ pa koŋkwaa bwa baa kpɔa dɛɛ ɛ toma saraha kon la ta. Anee kwaa baa kpɔa dɛɛ buh nii, ne bune baa kpɔ toh ola, ne soofire, ne loɡa baa do chal kɛɛ nee a bini dɛ ɛ dɛɛ merɛ, dɛ́ kpɔa chɔŋɛ o ta, ásɛ dɛ kpɔ mpo nae tɔne la bɔle a ta. Ásɛ dɛ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni ta la.
15Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.
16Arɔn bibaa Eliasaa dɛɛ ba wɛɛ nyiŋi noo baa kpɔ dɛɛ choŋi kandere, ne daawiile a sɔɔh aa soma,#Kaa 30:34-38 ne tɔpere bɛlbwa mea saraha, ne noo#Lew 8:10 baa kpɔa dɛɛ do nɛn sɔfore ta. Onee chɛ kɛ wɛɛ nyiŋi n Tɛnte Dea la ne o laala ne o koŋkwaa bwa ɡe ta.”
17Korowii berɔ ŋɔ Mosis ne Arɔn be ŋɔ, 18“Hé nyiŋi kɛrɛdɛ, ásɛ Kohat dea tena mun bɛ he le Lewi dea tena la bini. 19Waa aa chɛ kɛŋɔ hé ɛ ásɛ ba dɔ ba nyu dɛ bɛ serewe laanee kɛŋɔ, ba bɛ kwaa aa do ɡoroŋ kohona la bɛne. Arɔn ne o bibaalaa chɛ kɛ bá tɔ sie, ásɛ dɛ chaɡle bɛlbwa o toma ne o bone waa che. 20Kohat naanar ta chɛ kɛŋɔ bá jo, dɛ́ nyiŋi kwaa aa do ɡoroŋ la, á ba ɛ kɛ baa kpɔ sie keŋkeŋnaa nyiŋi dɛ́ ba serewe.”
Lewi dea bii baa ɛ Gɛsɔn dea tena
21Korowii berɔ ŋɔ Mosis be ja ŋɔ, 22“Kure Gɛsɔn dea tena ɡe, dɛ́ jemɛ ba nyoa. 23Kure ba bini baala baa di bene fifraatoro, dɛ́ ka jaɡɛ fifraanue la bwa baa dɛ ba wona ɛ toma n Dea Cheremibɔr bela.
24Gɛsɔn dea tena toma baa dɛɛ ɛa ne bone baa dɛɛ che laanee nɔ. 25A chɛ kɛ báa che n Tɛnte Dea waa ɛ n Dea Cheremibɔr la pateesanre, ne kwaa baa kpɔa bɔle o bini, ne mpo nae tɔne baa kpɔa bɔle o baŋ, ne pateesan waa tɔ n Dea Cheremibɔr doonyoa la, 26ne dembaah pateesanre aa bar n Tɛnte Dea la ne kon baa dɛ ɛ saraha o ta, ne pateesan waa tɔ dembaah doonyoa bela, ne a ŋwɛɛra ne koŋkwaa bwa baa dɛ ɛ ane toma bela. Gɛ bwa aa chɛ kɛ bá kpɔ kwaa nɔ bwa ɛ toma lɔ Gɛsɔn dea tena nɔn ta. 27Gel Arɔn ne o bibaala baɡle Gɛsɔn dea tena toma bɛlbwa baa ɛ, ɡɛ baa dɛɛ che bone ne ba toma bɛlbwa ta. Mosis, kpɔ ba bone baa dɛ ba cheɡa we-ɛɛla bɛlbwa do ba nɔn ta baa nyiŋi a ta. 28Toma Gɛsɔn dea tena aa dɛ ba baa ɛ n Dea Cheremibɔr laanee la. Sɔfo Arɔn bibaa Itamaa chɛ kɛ wɛɛ nyiŋi ba nɛɛ ba toma bwa ta.”
Lewi dea bii baa ɛ Merari dea tena
29Korowii berɔ ŋɔ Mosis be ŋɔ, “Kure Merari dea tena dɛ́ jemɛ ba nyoa. 30Kure ba bini baala baa di bene fifraatoro, dɛ́ ka tel bene fifraanue baa dɛ́ ba wona ɛ toma n Dea Cheremibɔr bela. 31Ba toma baa ɛ belaa kɛŋɔ, bá che daa baa kpɔa baŋre n Dea Cheremibɔr la, o dachiɡri ne loɡa aa lɔ a mune dɛ a doli bwa, 32ne dembaah dachiɡri ne a loɡa aa lɔ a mune, ne kwaa baa kpɔa baŋre tɛnte la ne ŋwɛɛra ne koŋkwaa bwa ne komɛlbwa aa chɛ kɛ bá kpɔ ɛ toma. Yerɛ baa bɛlbwa, dɛ́ kpɔ o bone waa dɛ ba cheɡa do o nɔn ta. 33Toma Merari dea tena aa dɛ ba báa ɛ n Dea Cheremibɔr laanee la. Sɔfo Arɔn bibaa Itamaa chɛ kɛ wɛ́ɛ nyiŋi ba nɛ báa ɛ toma.”
Lewi dea tena kura
34Mosis ne Arɔn dɛ Israel tena nomonome kure Kohat dea tena ne ba lolanar. 35Baa kure ba baala baa di bene fifraatoro ka tel bene fifraanue, baa dɛ ba wona ɛ n Dea Cheremibɔr la toma la, 36dɛ ba lɔ kaɡboŋa banɛ lafraanuanɛ fifraanue. 37Gɛɛ Kohat dea tena baa dɛ ba wona ɛ n Dea Cheremibɔr toma la nyoa do. Mosis ne Arɔn kur ba ɡɛ maa do Mosis la.
38Ba kure Gɛsɔn dea tena ne ba lolanar ɡe. 39Baa kure ba baala baa di bene fifraatoro ka tel fifraanue dɛ́ won ɛ n Dea Cheremibɔr toma bwa la, 40ba lɔ kaɡboŋa banɛ lafraanumɛl fifraatoro. 41Gɛɛ Gɛsɔn dea tena baa dɛ ba wona ɛ n Dea Cheremibɔr toma la waa do. Mosis ne Arɔn kur ba ɡɛ maa do ba la.
42Ba kure Merari dea bii ne ba lolanar. 43Baa kure baala baa di bene fifraatoro ka tel bene fifraanue dɛ́ won ɛ n Dea Cheremibɔr toma la, 44dɛ ba lɔ kaɡboŋa batoro lafraanɛ. 45Gɛɛ Merari dea tena baa kur ba la nyoa do. Mosis ne Arɔn kur ba ɡɛ maa do Mosis la.
46Gɛɛ aa do Mosis ne Arɔn dɛ Israel nomonome kure Lewi dea tena ne ba lolanar bwa. 47Baala baa di bene fifraatoro dɛ kaa bene fifraanue, dɛ́ won ɛ n Dea Cheremibɔr bela toma, dɛ́ won che o laala dɛɛ kaa bofale la bwa, 48ba lɔ nɛra kaɡboŋa banuatoro lafraanue fifraanuatoro. 49Ba baɡle nomɛlbwa o toma ne bone waa dɛɛ che, ɡɛ tenten maa cheɡɛ Mosis nɛɛ dɛ do ba la.
Gɛɛ aa do ba kure ba bwa ɡɛ maa do Mosis la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.