Nɛra Kura 6
6
Mmarare aa lole tɛ Nasiri tena
1Korowii ŋɔ Mosis be ŋɔ 2ó bol Israel tena be ŋɔ, “Dɛ haah kɛɛ baa dɛ nyin kɛ o baɡɛ nyoa dɛ́ kpɔ o te tɛ men Korowii kɛŋɔ Nasiri te aa,#Sit 13:4-5 3amɔ te, o bɛ ɡrepo daa nɔna baa kpɔa dɛɛ ɛ sen ne seŋkpeɡa bɛlbwa nyɔ. O bɛ sennyɛɡa baa kpɔ ɡrepo nɔna kɛɛ seŋkpeɡa bɛlbwa ɛa la nyɔ. O bɛ ɡrepo nɔnlwɛɛ kɛɛ daa nɔna aa hola di, dɛ bɛ a nee ɡe nyɔ. 4Le saŋ la waa ɛ Nasiri te la, komɛlbwa baa chaara le ɡrepo daa ta la, o nɔn oo, o bi oo, o pɛɡ oo, ó bɛ di.
5Le saŋ waa kpɔ o te tɛ men Korowii kɛŋɔ Nasiri te la, o bɛ o nyu ne o tampona fonɛ bwa. A chɛ kɛ ó do ɡoroŋ ka tel kɛŋɔ saŋ waa kpɔ o te tɛ mɛ la aa baa ɡale. A chɛ kɛ ó ɡel o nyu moɡɛ ba dawɛ o vaama ta. 6O bɛ nɛn waa sewa jwɛɛh la saŋ waa kpɔ o te tɛ mɛ la bwa. 7Hale dɛ o nya kɛɛ mɛɛ yoo, o dɔɔ kɛɛ nime bibaa kɛɛ nimambiee sewa a ɡɛ saŋ aa, o bɛ o jwɛɛh la dɛ́ kah doŋa. Dɛkalkɛŋɔ o nyumpona laanee dɛɛ baɡle kɛŋɔ o pere o te dɛ kpɔ o te tɛ men Korowii. 8Le saŋ waa pere o te dɛ kpɔ o te tɛ mɛ la bwa la, o do ɡoroŋ tɛ men Korowii.
9Dɛ Nasiri te siwi pa nomɛl nɛɛ o sewaa o kah doŋa, ó so ka tel tɔpera anuanɛ mɔɔ dɛ́ fonɛ o nyu ne o tampona, ate dɛ doŋa waa kaah laanee o sɔ ta la. 10Ásɛ tɔpenuatoro wee la, ó lawɛ borɔnomare anɛ kɛɛ kulukukure bii anɛ ba tɛ sɔfo, n Dea Cheremibɔr doonyoa bela. 11Sɔfo la chɛ kɛ ó kpɔ jumbie la bɛl ɛ wechɔɡa kpɔe dɛ kɛ saraha, dɛ́ kpɔ nɛɛte la ɡe ɛ saraha baa dɛ fuah, dɛ́ kpɔ soŋe naate wechɔɡa tɛo n be, dɛkalkɛŋɔ a ɛ wechɔɡa dawɛ o nɛɛ kɛŋɔ o siwi aa pa o nɛɛ o sewɛ la. Ó laa doŋa bwa kpɔ o nyu ta awola tenten dɛ́ do ɡoroŋ tɛ mɛ. 12A chɛ kɛ ó berɛ kwaa kpɔ o te tɛ men Korowii kɛŋɔ Nasiri te, kɛ ó kpɔ pebale waa di benanyoa ba ɛ bolchɔɡe dii saraha tɛ mɛ. Tɔpera la o fa aa baɡɛ nyoa la ta jae kpa, dɛkalkɛ a taa o kah doŋa la.
13Saŋ nɛn aa kpɔ o te tɛ mɛ kɛ Nasiri te la baa ɡaraa, a chɛ kɛ bá kpɔɔ ba n Dea Cheremibɔr la doonyoa bela, 14ásɛ o kpɔ saraha kwaa ba tɛ mɛ. Anee pebal waa di benanyoa waa wola kirihiah bɛlbwa dii ba ɛ saraha baa dɛ fuah, ne pelor waa di benanyoa waa wola kirihiah bɛlbwa dii ba ɛ wechɔɡa kpɔe dɛ kɛ saraha, dɛ pebal waa wola kirihiah bɛlbwa dii ba ɛ deŋnesɔɔhna saraha. 15Ó kpɔ mea sarahare ne sen sarahare ne paanoo wɛɡrɛ del iisi aa wola toole a ta, dɛ́ kpɔ men baa nama a kper kɛrɛdɛ dɛ́ do noo a ta, ne biskeeti baa kpɔ noo koo a ta dɛ́ kpɔ ba.
16Sɔfo la kpɔa ba men Korowii sie ba ɛ wechɔɡa kpɔe dɛ kɛ saraha ne saraha baa dɛ fuah tɛ mɛ. 17Ó kpɔ paanoo wɛɡrɛ del iisi aa wola toole a ta la tɛ mɛ, dɛ́ kpo pebal la ɛ deŋnesɔɔhna saraha tɛ mɛ, dɛ́ kpɔ mea saraha la ne sen saraha la ja.
18A chɛ kɛ a ɡɛ Nasiri te la ba n Dea Cheremibɔr la doonyoa, dɛ́ ba fonɛ o nyumpona waa kpɔ o te tɛ men Korowii dɛ ŋɔ waa an fonɛ la, ásɛ dɛ kpɔ nyumpona la do deŋnesɔɔhna saraha nii la ta.
19Nasiri te la aa fonɛ o nyumpona tonɛ la, sɔfo la kpɔ pebal vam baa daalo ne paanoo ane soo siwi baa dɛ do noo a ta, ne biskeeti baa wola iisi a bɛlbwa ta doe beŋkpoŋa le wɛɡrɛ la bini do o nɔn ta. 20Ásɛ sɔfo la berɛ laa lɛ, dɛ́ ɡɔɔra nyundua, dɛ́ viiɡa men Korowii sie, a ɛ saraha aa do ɡoroŋ dɛ ɛ sɔfo la kwa, ane pee la bambile baa ɡɔɔro nyundua, ne o hwii baa kpɔa ba ɛ saraha la. A ɡɛ waa nɔ habɔɔ la, Nasiri te la dɔ ŋwɛnɛ kɛ ó nyɔ sen.
21A ɡɛ waa nɔɔ chɔ le tɛ Nasiri te waa kpɔ o te tɛ men Korowii mɔɔ dɛ́ won le ɡɛ waa baɡɛ nyoa la ta, dɛ́ berɛ won kpɔ kwaa waa dɛ ba wona bwa ja a ta. A chɛ kɛ ó teŋɛ o nyobaɡa la bwa ta ɡɛ Nasiri tena mmarare aa dɛ baɡle la.”
Sɔfore andɛɛɡa sweera dɛ́ tɛ nɛra
22Korowii berɔ ŋɔ Mosis be ŋɔ, 23ó bol Arɔn ne o bibaala be kɛŋɔ kenii chɛ kɛ bá swee andɛɛɡa tɛ Israel tena,
24“Kórowii kwaa he kwa,
dɛ́ kpɔ nɔn tɔ he nɛ.
25Ó nyiŋi he nɛɛ,
dɛ́ na he sum.#Yel 67:1
26Ó ɛ heyaa kɛrɛdɛ,
dɛ́ tɛ heyaa deŋnesɔɔhna.”
27Korowii ŋɔ, “Gɛɛ Arɔn ne o bibaala ɛɛ ba sweera tɛ Israel tena, ásɛ n ɡel ba na som.”
Currently Selected:
Nɛra Kura 6: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Nɛra Kura 6
6
Mmarare aa lole tɛ Nasiri tena
1Korowii ŋɔ Mosis be ŋɔ 2ó bol Israel tena be ŋɔ, “Dɛ haah kɛɛ baa dɛ nyin kɛ o baɡɛ nyoa dɛ́ kpɔ o te tɛ men Korowii kɛŋɔ Nasiri te aa,#Sit 13:4-5 3amɔ te, o bɛ ɡrepo daa nɔna baa kpɔa dɛɛ ɛ sen ne seŋkpeɡa bɛlbwa nyɔ. O bɛ sennyɛɡa baa kpɔ ɡrepo nɔna kɛɛ seŋkpeɡa bɛlbwa ɛa la nyɔ. O bɛ ɡrepo nɔnlwɛɛ kɛɛ daa nɔna aa hola di, dɛ bɛ a nee ɡe nyɔ. 4Le saŋ la waa ɛ Nasiri te la, komɛlbwa baa chaara le ɡrepo daa ta la, o nɔn oo, o bi oo, o pɛɡ oo, ó bɛ di.
5Le saŋ waa kpɔ o te tɛ men Korowii kɛŋɔ Nasiri te la, o bɛ o nyu ne o tampona fonɛ bwa. A chɛ kɛ ó do ɡoroŋ ka tel kɛŋɔ saŋ waa kpɔ o te tɛ mɛ la aa baa ɡale. A chɛ kɛ ó ɡel o nyu moɡɛ ba dawɛ o vaama ta. 6O bɛ nɛn waa sewa jwɛɛh la saŋ waa kpɔ o te tɛ mɛ la bwa. 7Hale dɛ o nya kɛɛ mɛɛ yoo, o dɔɔ kɛɛ nime bibaa kɛɛ nimambiee sewa a ɡɛ saŋ aa, o bɛ o jwɛɛh la dɛ́ kah doŋa. Dɛkalkɛŋɔ o nyumpona laanee dɛɛ baɡle kɛŋɔ o pere o te dɛ kpɔ o te tɛ men Korowii. 8Le saŋ waa pere o te dɛ kpɔ o te tɛ mɛ la bwa la, o do ɡoroŋ tɛ men Korowii.
9Dɛ Nasiri te siwi pa nomɛl nɛɛ o sewaa o kah doŋa, ó so ka tel tɔpera anuanɛ mɔɔ dɛ́ fonɛ o nyu ne o tampona, ate dɛ doŋa waa kaah laanee o sɔ ta la. 10Ásɛ tɔpenuatoro wee la, ó lawɛ borɔnomare anɛ kɛɛ kulukukure bii anɛ ba tɛ sɔfo, n Dea Cheremibɔr doonyoa bela. 11Sɔfo la chɛ kɛ ó kpɔ jumbie la bɛl ɛ wechɔɡa kpɔe dɛ kɛ saraha, dɛ́ kpɔ nɛɛte la ɡe ɛ saraha baa dɛ fuah, dɛ́ kpɔ soŋe naate wechɔɡa tɛo n be, dɛkalkɛŋɔ a ɛ wechɔɡa dawɛ o nɛɛ kɛŋɔ o siwi aa pa o nɛɛ o sewɛ la. Ó laa doŋa bwa kpɔ o nyu ta awola tenten dɛ́ do ɡoroŋ tɛ mɛ. 12A chɛ kɛ ó berɛ kwaa kpɔ o te tɛ men Korowii kɛŋɔ Nasiri te, kɛ ó kpɔ pebale waa di benanyoa ba ɛ bolchɔɡe dii saraha tɛ mɛ. Tɔpera la o fa aa baɡɛ nyoa la ta jae kpa, dɛkalkɛ a taa o kah doŋa la.
13Saŋ nɛn aa kpɔ o te tɛ mɛ kɛ Nasiri te la baa ɡaraa, a chɛ kɛ bá kpɔɔ ba n Dea Cheremibɔr la doonyoa bela, 14ásɛ o kpɔ saraha kwaa ba tɛ mɛ. Anee pebal waa di benanyoa waa wola kirihiah bɛlbwa dii ba ɛ saraha baa dɛ fuah, ne pelor waa di benanyoa waa wola kirihiah bɛlbwa dii ba ɛ wechɔɡa kpɔe dɛ kɛ saraha, dɛ pebal waa wola kirihiah bɛlbwa dii ba ɛ deŋnesɔɔhna saraha. 15Ó kpɔ mea sarahare ne sen sarahare ne paanoo wɛɡrɛ del iisi aa wola toole a ta, dɛ́ kpɔ men baa nama a kper kɛrɛdɛ dɛ́ do noo a ta, ne biskeeti baa kpɔ noo koo a ta dɛ́ kpɔ ba.
16Sɔfo la kpɔa ba men Korowii sie ba ɛ wechɔɡa kpɔe dɛ kɛ saraha ne saraha baa dɛ fuah tɛ mɛ. 17Ó kpɔ paanoo wɛɡrɛ del iisi aa wola toole a ta la tɛ mɛ, dɛ́ kpo pebal la ɛ deŋnesɔɔhna saraha tɛ mɛ, dɛ́ kpɔ mea saraha la ne sen saraha la ja.
18A chɛ kɛ a ɡɛ Nasiri te la ba n Dea Cheremibɔr la doonyoa, dɛ́ ba fonɛ o nyumpona waa kpɔ o te tɛ men Korowii dɛ ŋɔ waa an fonɛ la, ásɛ dɛ kpɔ nyumpona la do deŋnesɔɔhna saraha nii la ta.
19Nasiri te la aa fonɛ o nyumpona tonɛ la, sɔfo la kpɔ pebal vam baa daalo ne paanoo ane soo siwi baa dɛ do noo a ta, ne biskeeti baa wola iisi a bɛlbwa ta doe beŋkpoŋa le wɛɡrɛ la bini do o nɔn ta. 20Ásɛ sɔfo la berɛ laa lɛ, dɛ́ ɡɔɔra nyundua, dɛ́ viiɡa men Korowii sie, a ɛ saraha aa do ɡoroŋ dɛ ɛ sɔfo la kwa, ane pee la bambile baa ɡɔɔro nyundua, ne o hwii baa kpɔa ba ɛ saraha la. A ɡɛ waa nɔ habɔɔ la, Nasiri te la dɔ ŋwɛnɛ kɛ ó nyɔ sen.
21A ɡɛ waa nɔɔ chɔ le tɛ Nasiri te waa kpɔ o te tɛ men Korowii mɔɔ dɛ́ won le ɡɛ waa baɡɛ nyoa la ta, dɛ́ berɛ won kpɔ kwaa waa dɛ ba wona bwa ja a ta. A chɛ kɛ ó teŋɛ o nyobaɡa la bwa ta ɡɛ Nasiri tena mmarare aa dɛ baɡle la.”
Sɔfore andɛɛɡa sweera dɛ́ tɛ nɛra
22Korowii berɔ ŋɔ Mosis be ŋɔ, 23ó bol Arɔn ne o bibaala be kɛŋɔ kenii chɛ kɛ bá swee andɛɛɡa tɛ Israel tena,
24“Kórowii kwaa he kwa,
dɛ́ kpɔ nɔn tɔ he nɛ.
25Ó nyiŋi he nɛɛ,
dɛ́ na he sum.#Yel 67:1
26Ó ɛ heyaa kɛrɛdɛ,
dɛ́ tɛ heyaa deŋnesɔɔhna.”
27Korowii ŋɔ, “Gɛɛ Arɔn ne o bibaala ɛɛ ba sweera tɛ Israel tena, ásɛ n ɡel ba na som.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.