Maeka 5
5
Korowii baɡɛ kooro bɛl nyoa dɛ le Bɛtlɛham
1Jerusalam tena, hé boa he laa tena nyoa,
laa tena chɔɔ bar bwɛjen
la dɛ́ ba yo yaa.
Baa kpɔ daa lɔ
Israel kooro kaŋe
sihiih kpoo o jirima tonɛ.
2Korowii ŋɔ, “Juda harɛ
bwɛjeɡa Bɛtlɛham,
Juda harɛ bwɛɛre bini
bwɛsala laa hen,
dɛkalkɛŋɔ he taa kooro
ɛɛ ba lee,
dɛ́ nyiŋi n nɛra
Israel tena nɛ.”#Mat 2:6; Jɔn 7:42
3Anomanta, Korowii ɛɛ vɛh
o nɛra Israel tenaa
tɛ ba dɔma,
ka tel kɛŋɔ haah la
loltea aa lɔɔ aa lolɛ o bie.
Israel tena baa lɔ bojaŋ
harɛfale ta
ɛɛ berɔ ba ja
ba bala Israel tena nɛ.
4O balaa, wɛɛ nyiŋi o nɛra nɛɛ
kɛ peteɡre, Korowii kpeɡri
ne o sɔn waa kana ne,
ásɛ o nɛra bwara sɔɔh ba.#Jɔn 10:11
Harɛ nɔ ta nɛra bwa ɛɛ na
kan Korowii aa doa ɡɛ saŋ.
5Onee dɛ́ ba tɛɛ
ba deŋnesɔɔhna.
Lɛɛ ne deŋnetɛra wa
Dɛ Asiiria tena baa yo
ya harɛ,
dɛ won jo ya dekpeɡa
yaa sɔh a bini ta naa,
yaa le nomonome baa wara
kohonaa bá ka yoo ba.#2Ko 18:13
6Nomonome la ɛɛ ka yo
Asiiria tena baa ɛ Nimrod
harɛ#5:6 Nimrod harɛ nɔ sɔn bɛl ɡee Asiiria harɛ. Nimrod ɛ banyoo waa vɔrɔwe Asiiria koobwɛɛ Niniwe. ta tena laalee,
dɛ́ pɔ ba nɛ.
Baa lɛ yaa le Asiiria laa tena
nɔn taa
awola baa ba che ya nɛɛ
dɛ́ valɛ kaa ya harɛ
jwɛhre ta la.
7Israel tena baa ɛ Jekɔb
naanar baa ka la ɛɛ doo
kɛŋɔ mɛn aa le Korowii be,
dɛ koo harɛre nɛra bini,
kɛŋɔ bwaala aa wir
kpɔɡa ta,
aa wola nɛn siwi ta nyiŋi
mɔɔ la.
8Banɔ la baa kaa dɛ peɡre
ka do harɛre ta la,
ɛɛ doo kɛŋɔ nyujente
aa lɔ kpɔɡ bini,
dɛɛ kpaah ola kɛɛ peera
dɛ́ pee a ola, baa wola
lɛɛ dɔ.
9Gɛɛ he Israel tena ɛɛ ba yoi,
dɛ́ pɔ he dɔma nɛ,
ásɛ dɛ chɔɡ ba kwaraa.
10Asɛ Korowii ŋɔ, “Awola tɔpere la,
mɛɛ chɔɡ jaɡre haa dɛ la
ane laa,
ne kwaa aa do kɛŋɔ
torɔɡore
ba vɔwɛ dɛɛ pɛla bwa.
11Mɛɛ chɔɡ he harɛ bwɛjenaa,
dɛ́ kuuɡi he dekpeɡa ɡe bwa.
12Mɛɛ chɔɡ he voɡra ne
sɔm we-ɛɛla bwaa,
ásɛ haa won dɛɛ voɡɛ kpa.
13Mɛɛ berɔɔ chɔɡ voɡa
haa sɛah, ne bwea
haa paaɡa dɛɛ duura bwaa,
ásɛ haa kwaa he ɡbabir
aa kwaara laanee
tomɛ kpa.
14Mɛɛ fuɡri voɡhaah
Asera dajaŋaa le he bini,
dɛ́ paɡre he bwɛjena.
15Mɛɛ kpɔ n bandia kohonaa
ba ta harɛre nɛra baa wola
n waa ta teŋɛ la nɛɛ
dɛ́ chɔɡ ba.”
Currently Selected:
Maeka 5: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Maeka 5
5
Korowii baɡɛ kooro bɛl nyoa dɛ le Bɛtlɛham
1Jerusalam tena, hé boa he laa tena nyoa,
laa tena chɔɔ bar bwɛjen
la dɛ́ ba yo yaa.
Baa kpɔ daa lɔ
Israel kooro kaŋe
sihiih kpoo o jirima tonɛ.
2Korowii ŋɔ, “Juda harɛ
bwɛjeɡa Bɛtlɛham,
Juda harɛ bwɛɛre bini
bwɛsala laa hen,
dɛkalkɛŋɔ he taa kooro
ɛɛ ba lee,
dɛ́ nyiŋi n nɛra
Israel tena nɛ.”#Mat 2:6; Jɔn 7:42
3Anomanta, Korowii ɛɛ vɛh
o nɛra Israel tenaa
tɛ ba dɔma,
ka tel kɛŋɔ haah la
loltea aa lɔɔ aa lolɛ o bie.
Israel tena baa lɔ bojaŋ
harɛfale ta
ɛɛ berɔ ba ja
ba bala Israel tena nɛ.
4O balaa, wɛɛ nyiŋi o nɛra nɛɛ
kɛ peteɡre, Korowii kpeɡri
ne o sɔn waa kana ne,
ásɛ o nɛra bwara sɔɔh ba.#Jɔn 10:11
Harɛ nɔ ta nɛra bwa ɛɛ na
kan Korowii aa doa ɡɛ saŋ.
5Onee dɛ́ ba tɛɛ
ba deŋnesɔɔhna.
Lɛɛ ne deŋnetɛra wa
Dɛ Asiiria tena baa yo
ya harɛ,
dɛ won jo ya dekpeɡa
yaa sɔh a bini ta naa,
yaa le nomonome baa wara
kohonaa bá ka yoo ba.#2Ko 18:13
6Nomonome la ɛɛ ka yo
Asiiria tena baa ɛ Nimrod
harɛ#5:6 Nimrod harɛ nɔ sɔn bɛl ɡee Asiiria harɛ. Nimrod ɛ banyoo waa vɔrɔwe Asiiria koobwɛɛ Niniwe. ta tena laalee,
dɛ́ pɔ ba nɛ.
Baa lɛ yaa le Asiiria laa tena
nɔn taa
awola baa ba che ya nɛɛ
dɛ́ valɛ kaa ya harɛ
jwɛhre ta la.
7Israel tena baa ɛ Jekɔb
naanar baa ka la ɛɛ doo
kɛŋɔ mɛn aa le Korowii be,
dɛ koo harɛre nɛra bini,
kɛŋɔ bwaala aa wir
kpɔɡa ta,
aa wola nɛn siwi ta nyiŋi
mɔɔ la.
8Banɔ la baa kaa dɛ peɡre
ka do harɛre ta la,
ɛɛ doo kɛŋɔ nyujente
aa lɔ kpɔɡ bini,
dɛɛ kpaah ola kɛɛ peera
dɛ́ pee a ola, baa wola
lɛɛ dɔ.
9Gɛɛ he Israel tena ɛɛ ba yoi,
dɛ́ pɔ he dɔma nɛ,
ásɛ dɛ chɔɡ ba kwaraa.
10Asɛ Korowii ŋɔ, “Awola tɔpere la,
mɛɛ chɔɡ jaɡre haa dɛ la
ane laa,
ne kwaa aa do kɛŋɔ
torɔɡore
ba vɔwɛ dɛɛ pɛla bwa.
11Mɛɛ chɔɡ he harɛ bwɛjenaa,
dɛ́ kuuɡi he dekpeɡa ɡe bwa.
12Mɛɛ chɔɡ he voɡra ne
sɔm we-ɛɛla bwaa,
ásɛ haa won dɛɛ voɡɛ kpa.
13Mɛɛ berɔɔ chɔɡ voɡa
haa sɛah, ne bwea
haa paaɡa dɛɛ duura bwaa,
ásɛ haa kwaa he ɡbabir
aa kwaara laanee
tomɛ kpa.
14Mɛɛ fuɡri voɡhaah
Asera dajaŋaa le he bini,
dɛ́ paɡre he bwɛjena.
15Mɛɛ kpɔ n bandia kohonaa
ba ta harɛre nɛra baa wola
n waa ta teŋɛ la nɛɛ
dɛ́ chɔɡ ba.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.