Maeka 4
4
Korowii Kora dii harɛ nɔ ta bwa deŋnesɔɔhna ne
1Tɔpera ane dɛ ba, ásɛ Korowii Bwejen Dea
aa chɔŋɛ o ta la do jaŋne
ɡwaa bwejena bwa.
Wɛɛ kpeɡuu ɡwaa
deŋɡarere bwa,
ásɛ nɛra warɛ le harɛre ta
dɛɛ ba o ta.#Aes 2:2-4
2Harɛre nɛra ɡalɡa ɛɛ bao
dɛ́ ba ŋɔ,
“Hé ba ya kaa Korowii
Bwejen la ta,
Korowii Israel tena
aa dɛ tomɔ la Dea.
Wɛɛ chaɡle yaa o ŋwɛnɛree,
ásɛ ya won dɛɛ kpɔ a ta.”
Korowii Mmara ɛɛ
le Saayɔn Bwejen taa,
ásɛ o kpɔ bol waa
o nɛra be Jerusalam.
3Wɛɛ bol harɛre nɛra waa
dɛ́ pa bole,
dɛ́ kwaa harɛre nɛra
baa kpeɡa baah.
Baa beɡre ba kerii a ɛ para,
dɛ́ beɡre ba lampeare
ɡe ɡoori.
Harɛre nɛra aa dɔŋaa yo,
a ba ɛ kɛŋɔ baa hweli laa
waa kpa.
4Bɛlbwa ɛɛ so
deŋnesɔɔhna taa,
asɛ daa kooni ne fiɡ daa
kooni baro cheme,
nomɛlbwa aa wola won
ba aah ba kpa.
Koranar Bwa Kooroo bola.
5Harɛre nɛra ɛɛ dɛɛ tomɛ
ba voɡaree,
kɛ ya te, Korowii
yaa dɛ tomɔ waa taa
yaa ba teŋa saŋ bɛlbwa
dɛɛ la.
Korowii liire waa dɔa
6Korowii ŋɔ, “Tɔpere bɛl dɛ ba,
ásɛ n boa nɛra maa tɛr
ba deŋne nyoa,
nɛra maa ɡela ba laɡ ba
laa ta
kaa bojaŋ harɛfala ta la.
7Mɛɛ ɡeloo boobie ka, dɛ́ le
nɛra baa doŋ ba le
harɛfale ta ba la,
berɛ warɛ kohona
dɛ́ do kpeɡri.
Men Korowii ɛɛ di kora ba nɛɛ
le awola,
ne saŋ bɛlbwa dɛɛ la
Saayɔn Bwejen
waa lɔ Jerusalam.”
8Kɛ hen Saayɔn Bwejen
haa lɔ Jerusalam,
belaa Korowii do kɛ peteɡre
dɛɛ nyiŋi o nɛra nɛ,
hɛɛ berɔɔ ba ɛ bwɛjen nyu
tenten,
ɡɛ he fa aa doa wubwa la.
9Bɔkwa waa bala hɛɛ dooɡe
lɔŋɔre nɔɔ?
He ta kooro dɔe kpa kɛɛ?
Nɛn waa bol waa
dɛɛ ja heyaa sewɔ,
a kpɔ weweele ta he nɛɛ
hɛɛ pɛmɛ kɛŋɔ haah loltea
aa lɔɔ waa?
10Jerusalam tena, hé ɡbaɡre
dɛ́ɛ pɛmɛ kohona,
kɛŋɔ haah loltea aa lɔɔ.
A chɛ kɛ he le bwɛjen nɔ ta,
dɛ́ ka so kpɔɡ bini.
A chɛ kɛ he dɔma lawɛ heya
kaa bojaŋ harɛ Babelɔn,
ásɛ mɔɔ Korowii ba lɛ
heyaa le ba nɔn ta.
11Taraken, harɛre nɛra pɛ nyoa
dɛ́ ba yo heya. Ba ŋɔ,
“A chɛ kɛ Jerusalam paɡre
dɛ́ berɛ dimɡbia,
ásɛ ya sie lɛ a wa.”
12Kɛ baa Korowii liire jemɛ,
baa jemɛ kɛŋɔ o boa ba nyoa
dɛ́ tɛr ba deŋne,
kɛŋɔ ba yon boa mea nyoa
dɛɛ ba a lɔe la.
13Korowii ŋɔ,
“Jerusalam tena,
hé ir ka yo he dɔma,
mɛɛ ɡeloo he do kpeɡri
kɛŋɔ nabal waa dɔ bune
nyeɡlare, o nafikokore ɡe
do kɛŋɔ ayaawa ken.
Hɛɛ yo harɛre ɡalɡa nɛraa,
dɛ́ pɔ ba nɛ,
ásɛ dɛ kpɔ kondɔɔh
baa yo nɛra dɛ lɛa la,
ba tɛ men Korowii maa ɛ
harɛ nɔ bwa dɔɔ la.”
Currently Selected:
Maeka 4: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Maeka 4
4
Korowii Kora dii harɛ nɔ ta bwa deŋnesɔɔhna ne
1Tɔpera ane dɛ ba, ásɛ Korowii Bwejen Dea
aa chɔŋɛ o ta la do jaŋne
ɡwaa bwejena bwa.
Wɛɛ kpeɡuu ɡwaa
deŋɡarere bwa,
ásɛ nɛra warɛ le harɛre ta
dɛɛ ba o ta.#Aes 2:2-4
2Harɛre nɛra ɡalɡa ɛɛ bao
dɛ́ ba ŋɔ,
“Hé ba ya kaa Korowii
Bwejen la ta,
Korowii Israel tena
aa dɛ tomɔ la Dea.
Wɛɛ chaɡle yaa o ŋwɛnɛree,
ásɛ ya won dɛɛ kpɔ a ta.”
Korowii Mmara ɛɛ
le Saayɔn Bwejen taa,
ásɛ o kpɔ bol waa
o nɛra be Jerusalam.
3Wɛɛ bol harɛre nɛra waa
dɛ́ pa bole,
dɛ́ kwaa harɛre nɛra
baa kpeɡa baah.
Baa beɡre ba kerii a ɛ para,
dɛ́ beɡre ba lampeare
ɡe ɡoori.
Harɛre nɛra aa dɔŋaa yo,
a ba ɛ kɛŋɔ baa hweli laa
waa kpa.
4Bɛlbwa ɛɛ so
deŋnesɔɔhna taa,
asɛ daa kooni ne fiɡ daa
kooni baro cheme,
nomɛlbwa aa wola won
ba aah ba kpa.
Koranar Bwa Kooroo bola.
5Harɛre nɛra ɛɛ dɛɛ tomɛ
ba voɡaree,
kɛ ya te, Korowii
yaa dɛ tomɔ waa taa
yaa ba teŋa saŋ bɛlbwa
dɛɛ la.
Korowii liire waa dɔa
6Korowii ŋɔ, “Tɔpere bɛl dɛ ba,
ásɛ n boa nɛra maa tɛr
ba deŋne nyoa,
nɛra maa ɡela ba laɡ ba
laa ta
kaa bojaŋ harɛfala ta la.
7Mɛɛ ɡeloo boobie ka, dɛ́ le
nɛra baa doŋ ba le
harɛfale ta ba la,
berɛ warɛ kohona
dɛ́ do kpeɡri.
Men Korowii ɛɛ di kora ba nɛɛ
le awola,
ne saŋ bɛlbwa dɛɛ la
Saayɔn Bwejen
waa lɔ Jerusalam.”
8Kɛ hen Saayɔn Bwejen
haa lɔ Jerusalam,
belaa Korowii do kɛ peteɡre
dɛɛ nyiŋi o nɛra nɛ,
hɛɛ berɔɔ ba ɛ bwɛjen nyu
tenten,
ɡɛ he fa aa doa wubwa la.
9Bɔkwa waa bala hɛɛ dooɡe
lɔŋɔre nɔɔ?
He ta kooro dɔe kpa kɛɛ?
Nɛn waa bol waa
dɛɛ ja heyaa sewɔ,
a kpɔ weweele ta he nɛɛ
hɛɛ pɛmɛ kɛŋɔ haah loltea
aa lɔɔ waa?
10Jerusalam tena, hé ɡbaɡre
dɛ́ɛ pɛmɛ kohona,
kɛŋɔ haah loltea aa lɔɔ.
A chɛ kɛ he le bwɛjen nɔ ta,
dɛ́ ka so kpɔɡ bini.
A chɛ kɛ he dɔma lawɛ heya
kaa bojaŋ harɛ Babelɔn,
ásɛ mɔɔ Korowii ba lɛ
heyaa le ba nɔn ta.
11Taraken, harɛre nɛra pɛ nyoa
dɛ́ ba yo heya. Ba ŋɔ,
“A chɛ kɛ Jerusalam paɡre
dɛ́ berɛ dimɡbia,
ásɛ ya sie lɛ a wa.”
12Kɛ baa Korowii liire jemɛ,
baa jemɛ kɛŋɔ o boa ba nyoa
dɛ́ tɛr ba deŋne,
kɛŋɔ ba yon boa mea nyoa
dɛɛ ba a lɔe la.
13Korowii ŋɔ,
“Jerusalam tena,
hé ir ka yo he dɔma,
mɛɛ ɡeloo he do kpeɡri
kɛŋɔ nabal waa dɔ bune
nyeɡlare, o nafikokore ɡe
do kɛŋɔ ayaawa ken.
Hɛɛ yo harɛre ɡalɡa nɛraa,
dɛ́ pɔ ba nɛ,
ásɛ dɛ kpɔ kondɔɔh
baa yo nɛra dɛ lɛa la,
ba tɛ men Korowii maa ɛ
harɛ nɔ bwa dɔɔ la.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.