Maeka 6
6
Korowii ne Israel tena dɔe wa
1Israel tena, hé no waa
Korowii aa dɛ bol.
“Hé ir, dɛ́ kpɔ he waa
ka bil bwejena
ne deŋɡarere sie.
2Bwejena ne kwaa bwa
haa le saŋ la bwa do le
dɛ lawɛ harɛ kpoŋe ɡe,
hé no.
Korowii ne o nɛra
Israel tena dɔɔ,
wɛɛ ba ba waa bola
dɛ́ pa bole.
3N nɛra Israel tena,
bɔkwa waa n ɛ heya ɔ?
N ɛ heyaa waane
dɛ jo he nɛɛ kɛɛ?#Jer 2:5
Hé chaŋ mɛ.
4He fa ɛ yoma Ijipt harɛ ta,
asɛ n lawɛ heyaa le bela.
N tomɛ Mosis ne Arɔn
dɛ Miriam,
bá ba tɔ he sie.#Kaa 15:20
5N nɛra, hé lii wechɔɡa Moab
Kooro Balak fa aa vɔrɔwa,
asɛ Beɔ bibaa Balam
chaŋo la wa.#Kur 22—24
Hé berɛ lii ŋwɛnɛ haa vala le
Sitim dɛ ba Gelɡal,
dɛ́ na ŋwɛnɛre maa cheɡɛ
a ta lɛ heya.”#Jos 3—4
6Bɔkwaa mɛɛ ba kpɔe
ba Korowii waa dɛ di
kora nyundua sie
ba tomɔ wɔ?
Ń kpɔ nabiiri aa di benanyoa
ba fuah ɛ saraha
o sie naa?#1Sa 15:22
7Ń kpɔ pebala kaɡboŋa ne
ɔleve noo aa wara dɛɛ palɛ
kɛŋɔ moo ba tɛ Korowii aa?
O sie ɛɛ lɛ n nɛɛ yaa?
Kɛɛ ń lawɛ n biloɡle,
ba bɔ n wechɔɡa
maa ɛa kem ɔ?#2Ko 3:27
8Akai, waa aa weraa
Korowii chaɡle yaa,
wáa waa dɛ nyin
dɛ́ le ya be laanee kɛŋɔ,
ya di kasinteŋ
dɛɛ sune dɔŋa nɛ,
dɛ́ pwɛr ya te tɛo.#Mma 10:12; Sek 7:9-10
Israel tena bolchɔɡe dii ne deŋnetɛra wa
9A ɛ wejemwa kɛŋɔ
hɛɛ ɔmɛ Korowii.
O dɛ yerɛ nɛra baa lɔ
bwɛjen Jerusalam ŋɔ,
“Hé no, he nɛra haa baa
cheme bwɛjen la bini!
10Mɛɛ won soh he nyubinikpeɡ
tena kondɔɔh haa cheɡa
ka su deene,
ne kwaa haa kpɔa
maɡɛ kwaa
dɛɛ faah nɛra
n haah la wa aa?
11Mɛɛ won kpɔ nɛra baa maɡɛ
kwaa dɛɛ faah nɛra bwara
kɛ ba aa?
12He nɛra haa dɔ suuɡa
dɛɛ ɛɡre nyaara,
nyosonteŋna ɡe ɡboo
he bwa.
13Anomanta, n pa mun
dɛ́ chɔɡ heya,
he wechɔɡa haa ɛa la wa.
14Hɛɛ di kwaa kɛ haa vaɡɛ,
a do kɛ he ta komɛlbwa dii.
Hɛɛ dɛɛ cheɡ kwaa,
kɛ aa le he nɔn taa,
dɛkalkɛ men Korowii
ɛɛ ɡeloo ba chea
laa ta kaa.
15Hɛɛ du koo kwaa kɛ haa
komɛlbwaa na komɛ,
hɛɛ harame ɔleveree
dɛ dɔ a no,
kɛ haa dɔ ɛ wobɛlbwa,
dɛ harame ɡrepo nɔna
ɛ sen, haa dɔ nyɔ.
16He teŋɛ Kooro Omri
mmarare, ne o bibaa
Kooro Ahab dem tena
wedoŋa baa ɛa ta,
ba we-ɛɛla la taa hɛɛ teŋɛ.
Anomanta, mɛɛ chɔɡ heyaa,
ásɛ harɛre nɛra
mamɛ heya.”#1Ko 16:30
Currently Selected:
Maeka 6: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Maeka 6
6
Korowii ne Israel tena dɔe wa
1Israel tena, hé no waa
Korowii aa dɛ bol.
“Hé ir, dɛ́ kpɔ he waa
ka bil bwejena
ne deŋɡarere sie.
2Bwejena ne kwaa bwa
haa le saŋ la bwa do le
dɛ lawɛ harɛ kpoŋe ɡe,
hé no.
Korowii ne o nɛra
Israel tena dɔɔ,
wɛɛ ba ba waa bola
dɛ́ pa bole.
3N nɛra Israel tena,
bɔkwa waa n ɛ heya ɔ?
N ɛ heyaa waane
dɛ jo he nɛɛ kɛɛ?#Jer 2:5
Hé chaŋ mɛ.
4He fa ɛ yoma Ijipt harɛ ta,
asɛ n lawɛ heyaa le bela.
N tomɛ Mosis ne Arɔn
dɛ Miriam,
bá ba tɔ he sie.#Kaa 15:20
5N nɛra, hé lii wechɔɡa Moab
Kooro Balak fa aa vɔrɔwa,
asɛ Beɔ bibaa Balam
chaŋo la wa.#Kur 22—24
Hé berɛ lii ŋwɛnɛ haa vala le
Sitim dɛ ba Gelɡal,
dɛ́ na ŋwɛnɛre maa cheɡɛ
a ta lɛ heya.”#Jos 3—4
6Bɔkwaa mɛɛ ba kpɔe
ba Korowii waa dɛ di
kora nyundua sie
ba tomɔ wɔ?
Ń kpɔ nabiiri aa di benanyoa
ba fuah ɛ saraha
o sie naa?#1Sa 15:22
7Ń kpɔ pebala kaɡboŋa ne
ɔleve noo aa wara dɛɛ palɛ
kɛŋɔ moo ba tɛ Korowii aa?
O sie ɛɛ lɛ n nɛɛ yaa?
Kɛɛ ń lawɛ n biloɡle,
ba bɔ n wechɔɡa
maa ɛa kem ɔ?#2Ko 3:27
8Akai, waa aa weraa
Korowii chaɡle yaa,
wáa waa dɛ nyin
dɛ́ le ya be laanee kɛŋɔ,
ya di kasinteŋ
dɛɛ sune dɔŋa nɛ,
dɛ́ pwɛr ya te tɛo.#Mma 10:12; Sek 7:9-10
Israel tena bolchɔɡe dii ne deŋnetɛra wa
9A ɛ wejemwa kɛŋɔ
hɛɛ ɔmɛ Korowii.
O dɛ yerɛ nɛra baa lɔ
bwɛjen Jerusalam ŋɔ,
“Hé no, he nɛra haa baa
cheme bwɛjen la bini!
10Mɛɛ won soh he nyubinikpeɡ
tena kondɔɔh haa cheɡa
ka su deene,
ne kwaa haa kpɔa
maɡɛ kwaa
dɛɛ faah nɛra
n haah la wa aa?
11Mɛɛ won kpɔ nɛra baa maɡɛ
kwaa dɛɛ faah nɛra bwara
kɛ ba aa?
12He nɛra haa dɔ suuɡa
dɛɛ ɛɡre nyaara,
nyosonteŋna ɡe ɡboo
he bwa.
13Anomanta, n pa mun
dɛ́ chɔɡ heya,
he wechɔɡa haa ɛa la wa.
14Hɛɛ di kwaa kɛ haa vaɡɛ,
a do kɛ he ta komɛlbwa dii.
Hɛɛ dɛɛ cheɡ kwaa,
kɛ aa le he nɔn taa,
dɛkalkɛ men Korowii
ɛɛ ɡeloo ba chea
laa ta kaa.
15Hɛɛ du koo kwaa kɛ haa
komɛlbwaa na komɛ,
hɛɛ harame ɔleveree
dɛ dɔ a no,
kɛ haa dɔ ɛ wobɛlbwa,
dɛ harame ɡrepo nɔna
ɛ sen, haa dɔ nyɔ.
16He teŋɛ Kooro Omri
mmarare, ne o bibaa
Kooro Ahab dem tena
wedoŋa baa ɛa ta,
ba we-ɛɛla la taa hɛɛ teŋɛ.
Anomanta, mɛɛ chɔɡ heyaa,
ásɛ harɛre nɛra
mamɛ heya.”#1Ko 16:30
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.