Wiile 3
3
Deŋnetɛra ne liire chara dɛ hwɛɡa dɔe wa
1Menee nɛn maa na wenaale kohona dɛ le
Korowii bandia ta.
2O doŋ mɛ le o sie mɛɛ valɛ
biro bini, ɡwaa kɛ
n fe aa lɔ bɔchaah ta,
3kasinteŋ, o teŋɔ dɛɛ lɔɔ mɛ
waa wola ɡel tɔpebir bwa,
o ta n nɛɛ sune.
4O ɡelɔ n ɡwaŋɛ,
n ta bwadabii dɔe kpa,
dɛ kuuɡi n hoɡa.
5O ɡelɔ suna dii ne
wahala nae bar mɛ cheme,
kɛŋɔ baa laɡ mɛ
do dea ken.
6O ɡelɔ n do biro ta
kɛŋɔ nɛra
baa serewa biɡri la ken.
7O vɔɡ mɛ jɔɡrɔre ne,
n do kɛŋɔ nɛn baa lawɔ
do dea,
n ta hwɛɡa bɛlbwa dɔe
dɛ́ won lɛ n te.
8Hale n kpɔ takpeɡ yerɛ
dɛ soŋe Korowii ŋɔ
ó cha mɛ kwaraa naa,
waa n be no.
9O kpɔ bwea tɔ mɛ bɔr,
a ɡel n ŋwɛnɛre ɡole.
10O sɔh kpɔɡ bini kɛŋɔ sisire,
kɛɛ nyujente
dɛɛ nyin mɛ dɛ́ lawɛ.
11O tuɡ mɛ le ŋwɛnɛ ta,
dɛ peeɡe n ola,
dɛ ɡel mɛ n ɡbo chɔ.
12O laa o to kpɔ,
dɛ kpɔ o hɛma pa n nɛ,
dɛɛ ta.
13O ta o hɛma la
a jooɡe n bwadabii bini.
14A cheɡɛ a ta n nɛra kpɔ
mɛ berɛ akwekwe nɛn,
tɔpebir bwaa n mama ber
ba yela baa ɡo.
15Waa aa do kpeli ɡboo o kpɔ
tɛ mɛ. A ɛɛ mɛ kondikwaa
ne nee mɛɛ nyɔ.
16O ɡelɔ n chole
bwea kuuɡi n nyena,
n chɔ bomboɡ ta.
17N ta deŋnesɔɔhna bɛlbwa dɔe,
dɛ soh ɡɛ silɛɛ kwara
aa doa.
18N hwɛɡa bwa tonɛ
Korowii nɛ,
n jemɔ kɛ aa biɡri n sewɛ.
19N lii n wenaale ne ɡaaɡa maa
dɛ ɡaaɡe aa,
a do kɛŋɔ maa di
tɛɡkpela ken.
20N dɛ lii a waa kɛrɛdɛ,
asɛ n wee chwa le n bini.
21Kɛ webeŋkpoŋ bɛlee
n yon lii,
ásɛ dɛ berɛ dɔ hwɛɡa.
22Korowii nyina kohona
aa wola tonɛ bwa,
ne o tedoma nomanta,
ya ta soɡe le,
waa yaa ɡel bwa.#Mal 3:6-7
23Chɔɔ bɛlbwaa aa beɡre anfala.
N Naa Korowii,
he ɡbo waa dɔ kasinteŋ.
24Korowiirii n komɛlbwa,
n hwɛɡa bwa lɔ o nɛ.
25Korowii wer tɛ nɛra
baa dɛ hwɛɡɛ o nɛ,
dɛɛ nyinu bambile bwa ne,
26anomanta, a wer kɛŋɔ
nɛn lawɛ bambile dɛɛ kpa
lɛɛ waa ba lɛ nɛra la.
27A chɛ kɛ nɛn hweli
ɡɛ bambile nɔ lawa
le o bonɔɔne kɛɛ toli saŋ.
28Gɛ nɛn la ɡbo so jeih
dɛ́ kpɔ liire,
dɛkalkɛ Korowiirii
ɡela a ba o nɛ.
29Naate kpɔ nyoa teɡɛ harɛ,
á baɡle kɛ o sɛh chɔɡre,
hwɛɡa ane ken ta lole.
30Ó sɛh chɛɡa ne sihiih,
dɛ lɔɔra bɛlbwa.
31Korowii dɛ sune nɛra nɛ,
waa won den vɛɛh
ba ka tonɛ.#Yel 103:9
32A lole kɛŋɔ wɛɛ
ba suna dii nee,
kɛ wɛɛ berɔ dɔ tedoma,
o nyina aa wola jaɡa
dɔe kan kohona.
33O sie aa lɛ kɛŋɔ
ó kpɔ wenaale
kɛɛ suna dii ba ta nɛn nɛ.
34Nɛra tiɡri nɛra baa laɡ ba
do dea do harɛ,
35dɛ tɔ ba waa baa dɔa
kɛ ba ɛ ŋwɛnɛ
Nemenɛ Korowii sie,
36dɛ ba berɛ nɛn waa sie
kɔɔto aa,
amɔ Korowii aa a ɡɛ
waa nɔ bwaa na naa?
37Umee dɛ́ bol waa
aa won chiɡ,
dɛ Korowii laa sɛah
kɛ a chiɡo?
38Nemenɛ Korowii nyoa laa
wechɔɡa ne wedɛɛɡa bwa
do aa?
39Ɛrɛɛ nɛn ta soɡe le
dɛ dɔ deŋnetɛra o wechɔɡa
wa aa, wɛɛ naɡre waɔ?
40Hé ɡel ya nyiŋi ya we-ɛɛla
bini na, dɛ́ charɛ ya liire,
dɛ́ berɛ ba Korowii be.
41Hé ɡel ya pili ya bambili
dɛ́ ir nɔɔra soŋe Korowii
waa dɛ di kora nyundua ŋɔ,
42“N Naa Korowii, ya ɛ
wechɔɡa dɛ ɛɛ deŋnekpeɡ,
he ta ya wechɔɡa kpɔe
kɛ yaa.
43He bandia kohona ɡelɔ he ti
yaa, dɛ kpoo yaa
haa wola ya nɛɛ sune.
44He kpɔ bandia bɔle he te
kɛŋɔ bam, ásɛ ya wesoŋa
bɛ won tel he be.
45He ɡelɔ ya do kɛŋɔ
puldoa haahra
harɛre nɛra be.
46Asɛ ya dɔma bwa pili nyoo
bol waa dɛɛ yaɡɛ yaa.
47Ya na ɔmewaa kohona,
ba harɛ yaa nafuɡere,
ba lawɛ yaa dɛ kpoo yaa.
48Siniire dɛ yɔɔ mɛ kɛŋɔ
nenapale, kpoora baa kpoo
n nɛra la wa.
49N siniire ɛɛ yɔɔ mɛɛ
aa wola tonɛ bwa,
50ka tel kɛŋɔ Korowii ɡbaɡba
aa le nyundua dɛ na.
51N nyiŋi
waa aa pu haahna bwa
baa lɔ bwɛjen Jerusalam
la aa, dɛ n bambile chɔɡɔ.
52N dɔma hah mɛ pɛɛpɛɛ
dɛɛ kpaah mɛ
kɛŋɔ jumbie ken.
53Ba lawɛ n ne n siwi ta
kɔlɔŋ bini,
dɛ foɡ mɛ bwea,
dɛ́ fee kpo mɛ.#Jer 38:6
54Ate, nee ba bɔle n nɛ,
asɛ n lii ŋɔ n sewɔ tonɛ.
55N Naa Korowii,
n wio noe le kɔlɔŋ la bini
ŋɔ hé cha mɛ.
56He no n waa maa kpɔa bil
he sie.
Bɛ deŋna tɔɔɡe, no n wii,
dɛ́ ba cha mɛ.
57He no n wesoŋa la,
dɛ ŋɔ n be ŋɔ n bɛ ɔmɛ.
58N Naa Korowii, he baa che
n habɔɔ dɛ lɛɛ mɛ.
59N Naa Korowii,
he ɡbabir na wechɔɡa
baa kpɔa ɛɛ mɛ.
Ba bol n waa tɛ mɛ.
60He ɡbabir na ɡɛ n dɔma
aa hah mɛ,
ne ɡɛ baa dɛ vɔrɔwe
n vɔrɔwa.
61N Naa Korowii,
he no chɛɡa
baa dɛ chɛɡ mɛ,
dɛ jemɛ n vɔrɔwa
baa dɛ vɔrɔwe bwa ɡe.
62Tɔpebir bwaa baa bol n wa,
dɛɛ vɔrɔwe n vɔrɔwa.
63Ba kpɔ n waa berɛ yela
dɛɛ ɡo chɔɔ ne jwaana bwa.
64N Naa Korowii,
tɛr ba deŋne ɡɛ aa chɛa,
ba waa baa ɛa la wa.
65Bɛ ɡel ba dɔ hwɛɡa bɛlbwa,
ásɛ he nyotaahna do ba nɛ.
66Kpɔ bandia ti ba, dɛ́ chɔɡ ba
le harɛ nɔ ta kwaraa!”
Currently Selected:
Wiile 3: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
